თბილისი. „საქართველოს ჟურნალისტური ეთიკის ქარტიამ“ USAID-ის პროგრამა ACCESS-ისგან გრანტი მიიღო. „ქარტია აზერბაიჯანულ, სომხურ, აფხაზურ და რუსულ ენებზე მოამზადებს ახალ კორონავირუსთან დაკავშირებულ მნიშვნელოვან ინფორმაციას, რომელსაც სოციალური მედიისა და ადგილობრივი მედია ორგანიზაციების დახმარებით, ეთნიკური უმცირესობებით დასახლებულ რეგიონებში გაავრცელებს. USAID, პროგრამა ACCESS-ის საშუალებით, გრანტებს გასცემს ადგილობრივ ორგანიზაციებზე, რომლებიც ხელს უწყობენ COVID-19-ის გავრცელების შემცირებას, რისკ ჯგუფების ინფორმირებას და მათ დაცვას“. სრულად... წყარო: ორგანიზაციის გვერდი სოციალურ ქსელში

თბილისი. COVID 19-ის შესახებ რეგიონის მოსახლეობის უკეთ ინფორმირების მიზნით, ღია საზოგადოების ფონდი იწყებს მასშტაბურ პროექტს საქართველოში მაუწყებელ 14 რეგიონულ ტელეარხთან და ჟურნალისტიკის რესურსცენტრი-თან ერთად. „15 აპრილიდან თითოეული არხზე ეთერში გაუშვებს ყოველდღიურ სპეცგადაცემას, რომელიც ადგილობრივ მოსახლეობას მიაწვდის ინფორმაციას პანდემიის შესახებ და მოწვეულ სტუმრებთან ერთად გაანალიზებს მიმდინარე ამბებს COVID 19-ის ჭრილში. ეს კარგი შესაძლებლობაა კიდევ ერთხელ დავარწმუნოთ რეგიონის მოსახლეობა სოციალური დისტანცირების აუცილებლობაში. გარდა ამისა, ეს გადაცემები მოქალაქეებს მისცემს შესაძლებლობას დასვან მათთვის საინტერესო და საჭირბოროტო კითხვები და მიიღონ პასუხები არა მხოლოდ დედაქალაქიდან, არამედ ადგილობრივი მთავრობის წარმომადგენლებისგან, ექიმებისა და ჯანდაცვის სპეციალისტებისგან, მასწავლებლებისა თუ სამართალდამცავებისგან“, ნათქვამია ფონდის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. მედიაჩეკერის ინფორმაციის თანახმად, საქართველოს ჟურნალისტური ეთიკის ქარტია, COVID-19-ის გაშუქებასთან დაკავშირებით, მედიისთვის სახელმძღვანელო წესებს ამზადებს - „ეთიკა, უსაფრთხოება და ფსიქიკური ჯანმრთელობა კორონავირუსული პანდემიის გაშუქებისას“. „ამ დროისთვის ქარტიას უკვე შემუშავებული აქვს დისტანციური მუშაობის ორგანიზების სახემძღვანელო წესები, კორონავირუსული პანდემიის პარალელურად მედიისთვის გაჩენილ სხვა გამოწვევებზე კი თემატურად დახარისხებულ რეკომენდაციებს ქარტია ეტაპობრივად გამოაქვეყნებს. ქარტიის განცხადებით, კორონავირუსთან დაკავშირებული საკითხების გაშუქებისას, მედიას განსაკუთრებული როლი აკისრია და აუცილებელია ეთიკური ჟურნალისტიკის პრინციპების: სიზუსტე, სამართლიანობა, მიუკერძოებლობა და ა.შ. დაცვა. ამავდროულად, მედიას მართებს განსაკუთრებული სიფრთხილე ტერმინოლოგიის გამოყენებისას“. სრულად... წყარო: www.mediachecker.ge

თბილისი. ევროკავშირი საქართველოში ავრცელებს კოვიდ-19-ის პანდემიისას გავრცელებული დეზინფორმაციების შესახებ ბლოგპოსტს. „COVID-19-ის პანდემიის გავრცელება გლობალური გამოწვევაა, რომელიც საზოგადოებრივი ცხოვრების დონეზე ითხოვს ყურადღებას: თითოეულ ჩვენთაგანს გვაკისრია პასუხისმგებლობა, რომ არ გავრცელოთ ვირუსი და ვიზრუნოთ ერთმანეთზე. მუნიციპალიტეტები, რეგიონები თუ სახელმწიფოები – ყველა ვალდებულია, უზრუნველყოს სამედიცინო მომსახურება, იზრუნოს მათზე, ვინც ყველაზე სუსტი და დაუცველია და დაიცვას საზოგადოებრივი წესრიგი. სამეცნიერო წრეებს და მკვლევართა ფართო საზოგადოებას, კერძო სექტორს, ევროკავშირს, გაეროს და სხვა რეგიონულ თუ საერთაშორისო სტრუქტურას თავისი პასუხისმგებლობა და ფუნქციები აქვს. დაბოლოს, გლობალური რეაგირების ეფექტურობა ნდობასა და თანამშრომლობაზეა დამოკიდებული. კრემლის დეზინფორმაციის გამავრცელებელი მანქანა ცდილობს ძირი გამოუთხაროს ამ სასიცოცხლოდ მნიშვნელოვან სოლიდარობას სწორედ მაშინ, როდესაც დეზინფორმაციას რეალურად შეუძლია მომაკვდინებელი როლი შეასრულოს“. სრულად... წყარო: eeas.europa.eu

თბილისი. სამართლიანი არჩევნებისა და დემოკრატიის საერთაშორისო საზოგადოება (ISFED) აქვეყნებს ბლოგპოსტს: რუსული საინფორმაციო ოპერაცია საქართველოში - „სპუტნიკის“კოორდინირებული ქსელი FACEBOOK-ზე. „ISFED-მა „ფეისბუქის“ ქართულ სივრცეში რუსული მედიასაშუალება „სპუტნიკის“ მასალების კოორდინირებულად გავრცელების საეჭვო სქემა აღმოაჩინა. „ფეისბუქის“ ღია წყაროებზე დაკვირვების შედეგად, ორგანიზაცია მივიდა დასკვნამდე, რომ „ფეისბუქის“ ყალბი პირადი ანგარიშები და გარკვეული თემატური „ფეისბუქ“ გვერდები „სპუტნიკის“ ვებ-გვერდზე განთავსებული მასალების გასავრცელებლად არაავთენტურ კოორდინირებულ სქემას ქმნიან“. სრულად... წყარო: isfed.ge

თბილისი. სამოქალაქო პლატფორმა „არა ფობიას!” ეხმაურება ტელეკომპანია „მთავარი არხის” ჟურნალისტ გიორგი გაბუნიას მიერ 5 აპრილს, საავტორო გადაცემა „პოსტ ფაქტუმში” გაკეთებულ ქსენოფობიურ განცხადებას. კერძოდ, კორონავირუსის გავრცელებაში გენეტიკური ფაქტორის კვლევის შესახებ მომზადებულ სიუჟეტზე კომენტირებისას გადაცემის წამყვანმა არმენოფობიური შინაარსის შეფასება გააკეთა. „არა ფობიას! წევრ ორგანიზაციებს მიგვაჩნია, რომ კორონავირუსის პანდემიის პროცესში, ქსენოფობიური განწობების გაღვივების ფონზე, მედიამ მაღალი პასუხისმგებლობა უნდა გამოიჩინის, არ გახდეს ქსენოფობიური განცხადებების წყარო და ნებით თუ უნებლიეთ ხელი შეუწყოს ქსენოფობიური განწყობების გაღვივებას“. სრულად... წყარო: isfed.ge

თბილისი. ადამიანის უფლებების სწავლებისა და მონიტორინგის ცენტრი (EMC) კიდევ ერთხელ მოუწოდებს საქართველოს საზოგადოებრივ მაუწყებელს, უზრუნველყოს ტელეეთრით საქართველოს არაქართულენოვანი მოსახლეობის რეგულარული ინფორმირება COVID-19 პანდემიასთან და მის პრევენციასთან დაკავშირებით. „პირველი არხის გუნდი მნიშვნელოვან შრომას უკვე წევს იმისთვის, რომ ინფორმაცია სხვადასხვა ენაზე იყოს ხელმისაწვდომი, თუმცა ის ვებ პლატფორმის ფორმატს თითქმის ვერ სცდება. დამაფიქრებელია, რომ იმ პირობებში, როდესაც ტელევიზია მარნეულისა და ბოლნისის სოფლებში ხშირად ინფორმაციის ძირითადი წყაროა, მთავარი ყურადღება მიპყრობილი უნდა იყოს სწორედ იმ მედიუმებზე, რომლებიც არადომინანტური ჯგუფების ყველაზე სწრაფ და მასშტაბურ ინფორმირებულობას უზრუნველყოფს“, ნათქვამია ორგანიზაციის ვებგვერდზე. სრულად... წყარო: emc.org.ge

თბილისი. ადამიანის უფლებების სწავლებისა და მონიტორინგის ცენტრმა (EMC) 25 და 27 მარტს, საზოგადოებრივი მაუწყებლის აჭარის ტელევიზიისა და რადიოს ახალი ამბების სამსახურის ყოფილი უფროსის, შორენა ღლონტისა და უფროსის ყოფილი მოადგილის, მაია მერკვილაძის ინტერესების დაცვის მიზნით, ბათუმის საქალაქო სასამართლოს მიმართა. „მივიჩნევთ, რომ როგორც მაია მერკვილაძის, ისე შორენა ღლონტის მიმართ მიღებული გადაწყვეტილებები კანონმდებლობის უხეში დარღვევითაა მიღებული და სარედაქციო დამოუკიდებლობაზე პასუხისმგებელი პირების სამსახურებრივი უფლებამოსილებების შეზღუდვას ისახავდა მიზნად“, ნათქვამია ორგანიზაციის ვებგვერდზე. სრულად... წყარო: emc.org.ge

თბილისი. კოალიცია „მედიის ადვოკატირებისათვის“ წევრი ორგანიზაციები მოუწოდებენ საქართველოს მთავრობას ყოველგვარი ჯარიმისა და დამატებითი დარიცხვების გარეშე შეაჩეროს მედიისათვის დადგენილი გადასახადების გადახდის ვადა 2020 წლის ივლისამდე მაინც. „დღევანდელი მონაცემებით, პანდემიიდან გამოწვეული ფინანსური კრიზისის გამო რამოდენიმე ეროვნულ და რეგიონულ მედიასაშუალებას (ტელევიზია, რადიო ან ონლაინ გამოცემებს) ანგარიშებზე ინკასო ადევს. უმრავლესობა კი დგას მსგავსი რისკის წინაშე. არსებული მდგომარეობიდან გამომდინარე, კიდევ ერთხელ მოვუწოდებთ საქართველოს მთავრობას მიიღოს დროებითი ზომები და დაუყოვნებლივ დააწესოს შეღავათები მედიისათვის“, ნათქვამია ერთობლივ განცხადებაში. სრულად... წყარო: gyla.ge

თბილისი. ადამიანის უფლებების სწავლებისა და მონიტორინგის ცენტრი (EMC) მოუწოდებს შრომის მინისტრს არ დააკმაყოფილოს აჭარის საზოგადოებრივი მაუწყებლის დირექტორის უსაფუძვლო მოთხოვნა მედიაციის შეწყვეტის თაობაზე. „მივიჩნევთ, რომ მაუწყებლის დირექტორის მოთხოვნა მედიაციის შეწყვეტის თაობაზე უსაფუძვლოა და შრომის კანონმდებლობისათვის თავის არიდების მცდელობას წარმოადგენს“, ნათქვამია ორგანიზაციის ვებგვერდზე. სრულად... წყარო: emc.org.ge

თბილისი. ადამიანის უფლებების სწავლებისა და მონიტორინგის ცენტრი (EMC) ეხმიანება აჭარის საზოგადოებრივ მაუწყებელში ბოლო დღეებში განვითარებულ მოვლენებს. „ცხადია, რომ ახალი მენეჯმენტის მიერ ბოლო 2 თვეში მიღებული გადაწყვეტილებების ჯაჭვი, კრიტიკული ჟურნალისტების და თანამშრომლების დევნის, მაუწყებლის სარედაქციო დამოუკიდებლობაში ჩარევის და კონტროლის მოპოვების აშკარა ნიშნებს შეიცავს და აჭარის უმაღლესი საბჭოსა და პარლამენტის მხრიდან დაუყოვნებელ რეაგირებას საჭიროებს. ახალი მენეჯმენტის მიერ მიღებული გადაწყვეტილებები აჩვენებს არა მხოლოდ კონკრეტული ჟურნალისტებისა და მაუწყებლის თანამშრომლების შრომით უფლებების უხეშ დარღვევას, არამედ მათი გამოხატვის თავისუფლებისა და მაუწყებლის დამოუკიდებლობის ხელყოფის მკაფიო და აშკარა ნიშნებს“, ნათქვამია ორგანიზაციის განცხადებაში. სრულად... წყარო: emc.org.ge

თბილისი. საქართველოს საზოგადოებრივი ორგანიზაციების ნაწილი მოუწოდებს სახელმწიფოს და მედიებს, საინფორმაციო პოლიტიკაში უმცირესობების ენები გაითვალისწინონ. „ხელმომწერი ორგანიზაციები მივმართავთ საქართველოს მთავრობას, საზოგადოებრივ მაუწყებელს, კერძო ტელევიზიებს ხელი შეუწყონ COVID-19 ვირუსთან და მის პრევენციასთან დაკავშირებული ინფორმაციის გავრცელებას სომხურ და აზერბაიჯანულ ენებზე და მიიღონ პოზიტიური ზომები სიძულვილის ენის და დისკრიმინაციული შინაარსის მქონე ინფორმაციის, მიდგომების გავრცელების პრევენციისთვის“, ნათქვამია ერთობლივ განცხადებაში. სრულად... წყარო: emc.org.ge

თბილისი. საქართველოს ჟურნალისტური ეთიკის ქარტია მოუწოდებს ჟურნალისტებს დაიცვან სიფრთხილე ეთნიკურ უმცირესობებთან დაკავშირებული მასალების მომზადებისას.  „ქარტია მოუწოდებს ჟურნალისტებს, დაიცვან დაწესებული შეზღუდვა და დაემორჩილონ კონკრეტულ ტერიტორიაზე გადაადგილების აკრძალვას, რადგან საფრთხე ექმნება როგორც წესის დამრღვევს, ასევე მის გარშემო მყოფ პირებს. ასევე, იმ ჟურნალისტებს, რომლებსაც აქვთ ადგილზე მუშაობის უფლება, ქარტია მოუწოდებს მაქსიმალურად დაიცვან უსაფრთხოების ზომები. მედია მენეჯერებს კი მიმართავს, მაქსიმალურად დაიცვან და უზრუნველყონ უსაფრთხების წესები მათი თანამშრომლებისთვის სამუშაო ადგილებზე“, ნათქვამია ორგანიზაციის ვებგვერდზე. სრულად... წყარო: www.qartia.ge

თბილისი. „საერთაშორისო გამჭვირვალობა - საქართველო” ეხმიანება ტელეკომპანია „პირველისა“ და „მთავარი არხის” ანგარიშებისთვის ინკასოს დადების საკითხს, რაც კორონავირუსის პანდემიის გამო შექმნილი მძიმე ეკონომიკური კრიზისის პირობებში, მნიშვნელოვნად შეაფერხებს ქვეყანაში ორი დამოუკიდებელი ტელევიზიის ფუნქციონირებას.  „ვფიქრობთ, აუცილებელია, საქართველოს მთავრობამ შემოიღოს მედიისთვის გარკვეული შეღავათები, მათ შორის, საგადასახადო დავალიანების გადავადების კუთხით. მოვუწოდებთ ხელისუფლებას, გაითვალისწინოს დამოუკიდებელი მედიის შეუფასებელი როლი და ფუნქცია, რომელიც ამ დროს მას აკისრია და მიიღოს შესაბამისი გონივრული ზომები, რათა ტელეკომპანიებს დაუბრკოლებლად მუშაობის შესაძლებლობა მიეცეთ“, ნათქვამია ორგანიზაციის ვებგვერდზე. სრულად... წყარო: transparency.ge

თბილისი. საზოგადოებრივი ორგანიზაციები აჭარის მაუწყებელში მიმდინარე საგანგაშო პროცესებზე საერთაშორისო ორგანიზაციებს კოლექტიურად მიმართავენ. „2019 წლის გაზაფხულიდან მაუწყებელში განვითარებული მოვლენების დინამიკა და კონტექსტი, მათ შორის, ნათია კაპანაძის უსაფუძვლო იმპიჩმენტი, გიორგი კოხრეიძის არჩევის პრობლემური წესი და პროცედურა, მანამდე მმართველი პოლიტიკური პარტიის თავმჯდომარის ბიძინა ივანიშვილის კრიტიკული განცხადებები აჭარის საზოგადოებრივ მაუწყებელზე, აჩვენებს, რომ ხელისუფლება მაუწყებელზე კონტროლის მოპოვებას ცდილობს და მისი მიზანია მისი კრიტიკულობის და დამოუკიდებლობის შესუსტება“, ნათვქამია ორგანიზაციის ვებგვერდზე. სრულად... წყარო: emc.org.ge

საქართველოს ჟურნალისტური ეთიკის ქარტიის საბჭოს სამდივნომ დასაშვებად სცნო ახალგაზრდა იურისტთა ასოციაციის (საია) და ლევან ქათამაძის განცხადებები ტელეკომპანია „იმედის” წინააღმდეგ. „განმცხადებლები მიიჩნევენ, რომ მაუწყებელმა 2020 წლის 11 თებერვალს გადაცემა ,,არენა“-ში ამერიკელი კონგრესმენების კრიტიკულ წერილებთან და ყალბ ინფორმაციასთან დაკავშირებით მომზადებულ სიუჟეტში დაარღვია ქარტიის შემდეგი პრინციპები.: პირველი (სიზუსტე), მესამე (დადასტურებული წყარო), მეოთხე (კეთილსინდისიერება და სამართლიანობა), მეხუთე (შესწორება), მეათე (პირადი ცხოვრების პატივისცემა) და მეთერთმეტე (ფაქტის განზრახ დამახინჯება). სადავო მასალას ქარტიის საბჭო ღია სხდომაზე განიხილავს და გადაწყვეტს ადგილი ჰქონდა თუ არა ქარტიის პრინციპების დარღვევას“, ნათქვამია ქარტიის ვებგვერდზე. სრულად... წყარო: www.qartia.ge

თბილისი. ადამიანის უფლებების სწავლებისა და მონიტორინგის ცენტრი (EMC) თეონა ბაკურიძის სამსახურიდან გათავისუფლების გადაწყვეტილებას ეხმიანება. ორგანიზაცია მიიჩნევს, რომ მაუწყებლის დირექტორის, გიორგი კოხრეიძის მიერ მიღებული ბრძანება უკანონო და დაუსაბუთებელია და ის ახალი მენეჯმენტის მიერ მაუწყებლის დამოუკიდებლობის ხელყოფის წინასწარ ორგანიზებული და ორკესტრირებული პროცესის კიდევ ერთი მძიმე გამოვლინებაა. სრულად... წყარო: emc.org.ge

საზოგადოებრივი ორგანიზაციები აჭარის საზოგადოებრივი მაუწყებლის ჟურნალისტების მხარდამჭერ კამპანიას „საზოგადოება მაუწყებლის გადასარჩენად“ იწყებენ. „ვაპროტესტებთ საზოგადოებრივი მაუწყებლის აჭარის ტელევიზიასა და რადიოში მიმდინარე პროცესებს, რომელიც საზოგადოების, სამოქალაქო სექტორისა და საერთაშორისო ორგანიზაციების მხარდაჭერის გარეშე, შესაძლოა, დასრულდეს აჭარის საზოგადოებრივი მაუწყებლის სარედაქციო დამოუკიდებლობის დაკარგვით. კამპანიის ფარგლებში აქციის გამართვა დაგეგმილი იყო პარასკევს, 13 მარტს, 19 საათზე მაუწყებლის შენობასთან, თუმცა ქვეყანაში შექმნილი მდგომარეობიდან გამიმდინარე, რომელიც უკავშირდება COVID-19-ის გავრცელების რისკს, ჩვენი მაღალი საზოგადოებრივი პასუხისმგებლობიდან გამომდინარე გადაწყდა, რომ სოლიდარობის აქცია გაიმართოს ონლაინ, ინტერნეტის საშუალებით, პარასკევს, 13 მარტს, 19 საათზე“, ნათქვამია განცხადებაში. სრულად... წყარო: ორგანიზაციის გვერდი სოციალურ ქსელში

თბილისი. ადამიანის უფლებების სწავლებისა და მონიტორინგის ცენტრმა (EMC) აჭარის საზოგადოებრივი მაუწყებლის ახალი მენეჯმენტის მიერ მიღებული პრობლემური შრომითი და პოლიტიკური გადაწყვეტილებების დეტალური სამართლებრივი შეფასება წარმოადგინა. ამასთან, ორგანიზაციის მიერ გავრცელებული ინფორმაციის მიხედვით, EMC მაუწყებლიდან გათავისუფლებული თანამშრომლების ინტერესებს სასამართლოში დაიცავს.  „EMC აჭარის საზოგადოებრივი მაუწყებლის საინფორმაციო სამსახურის ყოფილი უფროსის, შორენა ღლონტის, უფროსის მოადგილის, მაია მეკრვილაძისა და საინფორმაციო გამოშვების წამყვანის, თეონა ბაკურიძის საქმეებზე სასამართლოს უახლოეს დღეებში მიმართავს. ჩვენი მთავარი მთხოვნა თანამშრომლების მიმართ დისციპლინური პასუხისმგებლობის დაწყების, სხვა პოზიციაზე გადაყვანისა და სამსახურიდან გათავისუფლების გადაწყვეტილებების ბათილად ცნობა და თანამშრომლების დარღვეული შრომითი უფლებების აღდგენაა“, - ვკითხულობთ ინფორმაციაში, - „EMC სოლიდარობას უცხადებს აჭარის მაუწყებლის ჟურნალისტებს და დასაქმებულებს და გამოთქვამს მზადყოფნას სამართლებრივი და პოლიტიკური ადვოკატირების გზებით შემდგომშიც დაეხმაროს მაუწყებლის დასაქმებულებს შრომითი უფლებებისთვის, გამოხატვის თავისუფლებისთვის და სარედაქციო დამოუკიდებლობისთვის ბრძოლაში“.  სრულად...  წყარო: https://emc.org.ge

თბილისი. საზოგადოებრივი მაუწყებლის აჭარის ტელევიზიისა და რადიოს ირგვლივ განვითარებული მოვლენებთან დაკავშირებით, აღმოსავლეთ პარტნიორობის სამოქალაქო საზოგადოების ფორუმის საქართველოს ეროვნული პლატფორმა განცხადებას ავრცელებს.  „აღმაშფოთებელია ფაქტი, რომ არხის ახალი მენეჯმენტი სრულ იგნორირებას უკეთებს არა მხოლოდ ისეთი ავტორიტეტული ორგანიზაციების განცხადებებს, როგორიცაა რეპორტიორები საზღვრებს გარეშე, არამედ სახალხო დამცველის მოწოდებებს, ადგილობრივი სამოქალაქო ორგანიზაციებისა და საკუთარი თანამშრომელების პროტესტს. არხის სარედაქციო საქმიანობისგან ხდება იმ ადამიანების ეტაპობრივი ჩამოცილება, ვინც, მონაწილეობდა საზოგადოებრივ მაუწყებელში ჟურნალისტური პროდუქტის შექმნაში, რაც არაერთი საერთაშორისო თუ ადგილობრივი ავტორიტეტული ორგანიზაციის მიერ შეფასდა როგორც მიუკერძოებელი და ობიექტური“, - ვკითხულობთ განცხადებაში.  სრულად…  წყარო: ორგანიზაციის გვერდი სოციალურ ქსელში

თბილისი. კოალიცია “მედია ადვოკატირებისათვის” სახალხო დამცველს აჭარის მაუწყებლის შესახებ სპეციალური ანგარიშის მომზადების თხოვნით მიმართავს. „ჩვენ, კოალიცია “მედია ადვოკატირებისათვის” წევრი ორგანიზაციები შეშფოთებულები ვართ სსიპ “საზოგადოებრივი მაუწყებლის აჭარის ტელევიზიასა და რადიოში” მიმდინარე პროცესებით. მიგვაჩნია, რომ ობიექტური და დამოუკიდებელი არხის სარედაქციო პოლიტიკის ცვლილების მცდელობის საფრთხე აშკარაა, შექმნილი ვითარება კი საგანგაშო ხასიათს ატარებს“, - ნათქვამია მიმართვაში, - „მოგმართავთ თხოვნით, კვლავაც განსაკუთრებული ყურადღება დაუთმოთ საზოგადოებრივი მაუწყებლის სტანდარტის შენარჩუნებას და მოამზადოთ სპეციალური ანგარიში სსიპ “საზოგადოებრივი მაუწყებლის აჭარის ტელევიზიისა და რადიოს” შესახებ“. სრულად…  წყარო: https://www.qartia.ge

თბილისი. ჟურნალისტური ეთიკის ქარტია მიიჩნევს, რომ აჭარის ტელევიზიაში მიმდინარე პროცესები უკიდურესად შემაშფოთებელია და მენეჯმენტის მიერ მიღებული საკადრო გადაწყვეტილებები მიმართულია არხის სარედაქციო პოლიტიკის შეცვლისკენ. „მიგვაჩნია, რომ ეს პროცესები არ უნდა დარჩეს საერთაშორისო ორგანიზაციების ყურადღების მიღმა. საქართველოს ჟურნალისტური ეთიკის ქარტია მოუწოდებს მათ, დაინტერესდნენ საზოგადოებრივი მაუწყებლის აჭარის ტელევიზია და რადიოში მიმდინარე პროცესებით. ქარტია ასევე მოუწოდებს აჭარის ტელევიზიის მენეჯმენტს განმარტონ განხორციელებული ცვლილებების საჭიროებები და დაასაბუთონ მიღებული გადაწყვეტილებები“, - ვკითხულობთ ქარტიის მიერ გავრცელებულ განცხადებაში. სრულად...  წყარო: https://www.qartia.ge