შიდა ქართლი. „კეთილდღეობის და განვითარების ცენტრთან“ არსებული გორის სამოქალაქო აქტივიზმის ცენტრის მოხალისეებმა გიორგი თინიკაშვილმა და მზიკო საათაშვილმა „მედია წიგნიერებისა და კრიტიკული აზროვნების“ კამპანიის ფარგლებში, სოფელ აძვში საინფორმაციო კამპანია ჩაატარეს, სადაც შეხვდნენ სკოლის მოსწავლეებს, მასწავლებლებს და მშობლებს. სრულად... წყარო: ორგანიზაციის გვერდი სოციალურ ქსელში

თბილისი. მედია ადვოკატირებისთვის აჭარის ტელევიზიის დირექტორის შერჩევის პროცესს ეხმიანება. „კოალიცია მედიის ადვოკატირებისთვის მიიჩნევს, რომ აჭარის საზოგადოებრივი მაუწყებლის გარშემო ბოლო პერიოდში განვითარებული მოვლენები, მათ შორის აჭარის უმაღლესი საბჭოს მიერ მრჩეველთა საბჭოს წევრების შერჩევა და შემდგომში განვითარებული მოვლენები ტოვებს ვარაუდის საფუძველს, რომ ეს პროცესი მართულია ხელისუფლების მიერ“, ნათქვამია ორგანიზაციის ვებგვერდზე. სრულად... წყარო: gyla.ge

თბილისი. 19 ნოემბერს, სამართლიანი არჩევნებისა და დემოკრატიის საერთაშორისო საზოგადოებამ (ISFED) 2018 წლის საპრეზიდენტო არჩევნების პერიოდში სოციალური მედიის მონიტორინგის მორიგი ანგარიში წარმოადგინა. „შესწალილი გვერდები ღიად უპირისპირდებიან ლიბერალური დემოკრატიის კულტურულ მახასიათებლებს, ლიბერალიზმს და მათ, ვინც ლიბერალურ ღირებულებებს იზიარებს. პროპაგანდისტული გვერდები ლიბერალიზმს მართლმადიდებლური, ეროვნული და ტრადიციული ფასეულობებისთვის საფრთხედ წარმოაჩენენ. პოსტების ნაწილი მულტიკულტურალიზმის საწინააღმდეგო ხასიათის იყო. ამ გვერდებზე ვრცელდებოდა ანტიფემინისტური, სექსისტური და მიზოგინიური გზავნილები. ერთ-ერთი მთავარი გზავნილი აბორტის საწინააღმდეგო პროპაგანდა იყო. ამასთანავე, აქტიურად მიმდინარეობდა კამპანია ჯორჯ სოროსისა და არასამთავრობო ორგანიზაციების წინააღმდეგ“, ნათქვამია ბლოგპოსტში. სრულად... წყარო: isfed.ge

თბილისი. ხელისუფლების წევრების მხრიდან მედიის წარმომადგენლებზე გახშირებული თავდასხმების გამო, საქართველოს ჟურნალისტური ეთიკის ქარტიის საბჭო შეშფოთებას გამოთქვამს.  „ხელისუფლების მხრიდან ამა თუ იმ მედიასაშუალების მიმართ ასეთი დამოკიდებულება ჩვენთვის იმის ნიშანია, რომ ხელისუფლების სურვილია შეცვალოს, დააშინოს, თუნდაც დააფიქროს ჟურნალისტები დაუბრკოლებლად გაავრცელონ თუ არა კრიტიკული ფაქტები და დასვან მწვავე კითხვები ხელისუფლების ნებისმიერი შტოს მიმართ“, - ვკითხულობთ ქარტიის საბჭოს განცხადებაში, - „მოვუწოდებთ საერთაშორისო საზოგადოებას, საქართველოში პოლიტიკური პროცესების გააქტიურებასთან ერთად, გააძლიერონ მათი ყურადღება ხელისუფლების მხრიდან ჟურნალისტებზე თავდასხმის, მათი დისკრიმინაციის მცდელობის ფაქტებზე, ყველა მსგავს შემთხვევას მისცენ სათანადო შეფასება და რეაგირება“.  სრულად...  წყარო: https://www.qartia.ge

თბილისი. მედიის განვითარების ფონდში „ათასწლეულის სკოლის“ მოსწავლეებისათვის ჩატარდა სემინარი, რომელზეც ფონდის მკვლევარებმა ყალბი ინფორმაციის გავრცელების არხებზე, პროპაგანდაზე და ინტერნეტ-ტროლებზე ისაუბრეს.  სემინარების ციკლი “გაზომე სიმართლე!” ტარდება პროექტის “ახალგაზრდების მედიაწიგნიერების ლაბორატორია პასუხისმგებლიანი მედია მოხმარებისთვის” ფარგლებში, რომელსაც მხარს საქართველოში აშშ-ს საელჩო უჭერს.  სრულად...  წყარო: https://www.facebook.com/MediaDevelopmentFoundation

პრატფორმა European.ge აქვეყნებს ირაკლი ჭედიას ბლოგპოსტს: ლიბერალური ტოტალიტარიზმი – რატომ ცდილობენ ჩვენს გამარტოსულებას? „საზოგადოებისა და ინდივიდების ატომიზირებისთვის დღეს საკმარისია, მათ უბიძგოთ კონფორმიზმისკენ, გადამეტებული მომხმარებლობისაკენ და ამავდროულად განუწყვეტლივ აწარმოოთ მათი ინდოქტრინაცია პროპაგანდის ყველა იმ თანამედროვე საშუალებით, რომლებიც ფრიდრიხ გებელსს არც კი დასიზმრებია. პარალელურად, გავლენის ქვეშ მყოფი მედია და ფსევდოინტელექტუალთა ჯარი განუწყვეტლივ ცდილობს არამეინსტრიმული და არაპოლიტკორექტული ხედვების, ასევე არასასურველი პიროვნებების მარგინალიზაციას; დასცინის და ამცირებს მათ. არასასურველი შეხედულებების მქონე ადამიანებს ფიზიკურად აღარ ხვრეტენ და არც ასახლებენ, თუმცა ხდება მათი იზოლირება სოციუმიდან გარიყვის გზით. ტოტალიტარული რეჟიმებისთვის დამახასიათებელი ფიზიკური განადგურება ჩანაცვლდა არანაკლებ ეფექტური ვირტუალური განადგურებით“, ნათქვამია ბლოგპოსტში. სრულად... წყარო: european.ge

საქართველო. სამოქალაქო კამპანიის, „ეს ქვეყანა შენია“, ფარგლებში, სამოქალაქო საზოგადოების ინსტიტუტი ატარებს კონკურსს „ჟურნალისტები სოციალური ცვლილებებისთვის“.  კონკურსის მიზანია საქართველოს ყველა რეგიონში გამოვლინოს ჟურნალისტები, რომლებიც, თავიანთ საქმიანობაში, ეყრდნობიან სამოქალაქო საზოგადოების ძირითად ფასეულობებს (ადამიანის უფლებები, სოციალური სამართლიანობა, ადამიანის ღირსების პატივისცემა, სიტყვის თავისუფლება, დემოკრატია, თანასწორობა, კანონის უზენაესობა), იცავენ ჟურნალისტური ეთიკისა და პროფესიონალიზმის მაღალ სტანდარტებს; 2019 წლის განმავლობაში, რეგულარულად და კომპეტენტურად აშუქებდნენ საზოგადოებრივი ორგანიზაციების საქმიანობას, სამოქალაქო საზოგადოების წინაშე არსებულ გამოწვევებსა და განვითარების შესაძლებლობებს.  საზოგადოებრივი ორგანიზაციებს, საქართველოს ყველა რეგიონში, აქვთ შესაძლებლობა, მათი რეგიონისა და ცენტრალური მედიის თითო გამორჩეული წარმომადგენელი დაასახელონ (თბილისში არსებული საზოგადოებრივი ორგანიზაციები მხოლოდ ცენტრალური მედიის ჟურნალისტის შერჩევაში მონაწილეობენ). შესაბამისი კითხვარები შემდეგ ბმულებზეა განთავსებული:  თბილისის ორგანიზაციებისთვის რეგიონული ორგანიზაციებისთვის გამარჯვებულად გამოცხადდებიან ჟურნალისტები, რომლებიც, თავიანთ რეგიონებში, ყველაზე მეტ ხმას დააგროვებენ; ასევე - ცენტრალური მედიის ის ჟურნალისტი, რომელიც, საერთო მონაცემების მიხედვით, ყველაზე ხშირად დასახელდება. თითო ორგანიზაციას თითო ხმა აქვს, ხმის მიცემის ვადა კი, 15 ნოემბერს იწურება.  სამოქალაქო კამპანია „ეს ქვეყანა შენია“ მიმდინარებს „სამოქალაქო საზოგადოების განვითარების ინიციატივის“ ფარგლებში, რომელიც ხორციელდება კონრად ადენაუერის ფონდის (KAS) მიერ სამოქალაქო საზოგადოების ინსტიტუტთან (CSI), კონსულტაციის და ტრენინგის ცენტრთან (CTC), საქართველოს სტრატეგიული კვლევებისა და განვითარების ცენტრთან (CSRDG) და განათლების განვითარების და დასაქმების ცენტრთან (EDEC) თანამშრომლობით. პროექტს აფინანსებს ევროკავშირი და კონრად ადენაუერის ფონდი.

თბილისი. მედიის განვითარების ფონდის ინფორმაციით, 5 ნოემბერს საერთაშორისო ორგანიზაცია Freedom House-მა 2019 წელს მსოფლიოში ინტერნეტის თავისუფლების მდგომარეობის შესახებ ყოველწლიური ანგარიში გამოაქვეყნა. დოკუმენტში სხვა ქვეყნებთან ერთად საქართველოცაა შეფასებული. „ანგარიშის თანახმად, მედიის განვითარების ფონდმა (MDF) საანგარიშო პერიოდის განმავლობაში გამოავლინა სოციალური მედიის ათეულობით ყალბი ანგარიში, რომელიც სახელისუფლებო გზავნილებს ავრცელებდა, ახდენდა ოპოზიცური პარტიების, არასამთავრობო ორგანიზაციების, ჟურნალისტების, ბიზნესის წარმომადგენლებისა და ხელისუფლებისადმი კრიტიკულად განწყობილი სხვა პირების დისკრედიტაციას“, ნათქვამია ორგანიზაციის ვებ-გვერდზე.  სრულად... წყარო: www.mdfgeorgia.ge

თბილისი. საფარმა ჟურნალისტური ეთიკის ქარტიაში საჩივარი შეიტანა „კვირა+”-ის, PIA-სა და “ალიას” წინააღმდეგ. ორგანიზაცია მედიასაშუალებებს მათი ბენეფიციარის, თამთა თოდაძის წინააღმდეგ აგორებული მასშტაბური მადისკრედიტირებელი კამპანიის ხელისშეწყობაში ადანაშაულებს. სრულად... წყარო: sapari.ge

თბილისი. „საერთაშორისო გამჭვირვალობა - საქართველო” და კავკასიის უნივერსიტეტი მედია სკოლის სტუდენტებისთვის ატარებს კონკურსს „როგორ დავწეროთ საგამოძიებო ნაშრომი“. „კონკურსის მიზანია სტუდენტებმა მიიღონ ცოდნა საგამოძიებო ჟურნალისტიკაში, გაიუმჯობესონ მონაცემთა ბაზებთან მუშაობის უნარები და პრაქტიკაში შეძლონ მიღებული ცოდნის გამოყენება. საკონკურსო ნამუშევრების შექმნამდე, მომავალ ჟურნალისტებს ორგანიზაციის ანალიტიკოსებმა: ბესო ნამჩავაძემ, ერეკლე ურუშაძემ, ლევან ნატროშვილმა და ზვიად ქორიძემ სალექციო ფორმატში დეტალური ინფორმაცია მიაწოდეს ჟურნალისტური გამოძიებების სხვადასხვა მიმართულებებზე: პარტიების დაფინანსება, შესყიდვები, ღია მონაცემების გამოყენება, როგორ იწერება საგამოძიებო ნაშრომი“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. საქართველოს ჟურნალისტური ეთიკის ქარტიის საბჭოს გადაწყვეტილებით, ქარტიის აღმასრულებელი დირექტორი გიორგი მგელაძე გახდა.  ამ დრომდე, გიორგი მგელაძე სტუდია "მონიტორის" გამომძიებელ ჟურნალისტად მუშაობდა, მიღებული აქვს არაერთი პრიზი საუკეთესო საგამოძიებო ფილმისთვის. ის, ასევე, ხელმძღვანელობდა ჟურნალისტური ეთიკის ქარტიის მედიამონიტორთა ჯგუფს, იყო ქარტიის საბჭოს წევრი და საბჭოს თავმჯდომარე. ქარტიის საბჭო მან 2019 წლის 22 ოქტომბერს დატოვა.  სრულად...  წყარო: https://www.qartia.ge

თბილისი. ახალქალაქის ახალგაზრდულ ცენტრში გაიმართა ტრენინგი თემაზე „პროპაგანდა და მედია წიგნიერება“. ღონისძიება დაიგეგმა ტოლერანტობის სამოქალაქო ცნობიერებისა და ინტეგრაციის, მხარდაჭერის პროგრამა PITA-ს ფარგლებში, რომელსაც ახორციელებს საქართველოს გაეროს ასოციაცია, აშშ-ს საერთაშორისო განვითარების სააგენტოს (USAID) ფინანსური მხარდაჭერით. სრულად... წყარო: ორგანიზაციის გვერდი სოციალურ ქსელში

თბილისი. „საერთაშორისო გამჭვირვალობა - საქართველო“ აქვეყნებს ბლოგპოსტს: რა ხდება ტელევიზიაში. „მრჩეველთა საბჭოს კანდიდატების შერჩევისა და წარდგენის პროცესი ისევე, როგორც ბოლო პერიოდში ტელევიზიის გარშემო მიმდინარე მოვლენები, დაპირისპირების ფონზე მიმდინარეობს და კიდევ ერთხელ აძლიერებს ეჭვს, რომ ხელისუფლება მაუწყებლის სარედაქციო პოლიტიკაზე ზეგავლენის მოპოვებას ცდილობს“, ნათქვამია ბლოგ პოსტსში. სრულად... წყარო: www.transparency.ge

თბილისი. კოალიცია ,,მედიის ადვოკატირებისთვის” მიიჩნევს, რომ საქართველოს კომუნიკაციების ეროვნული კომისიის თავმჯდომარე, კახა ბექაური კანონით მინიჭებულ უფლებამოსილებას გასცდა.  „საჯაროდ გავრცელდა საქართველოს კომუნიკაციების ეროვნული კომისიის თავმჯდომარის მიერ საზოგადოებრივი მაუწყებლის გენერალური დირექტორის, ვასილ მაღლაფერიძისადმი მიწერილი წერილი”, - ვკითხულობთ კოალიციის განცხადებაში, - „2019 წლის 08 ოქტომბრით დათარიღებულ წერილში, რომელსაც ხელს კომისიის თავმჯდომარე, კახა ბეექაური აწერს, შეფასებულია ,,ჟურნალისტიკის რესურს ცენტრის” მიერ მომზადებული ფილმი “რეკლამის ეფექტი საზოგადოებრივ მაუწყებელზე”. ამ წერილის თანახმად, მასალა შეიცავს ბევრ მცდარ ინფორმაციას. სატელეკომუნიკაციო ბაზრის მარეგულირებელი ორგანოს თავმჯდომარის მიერ ფილმის შინაარსის ამგვარი ანალიზი, კოალიციის ,,მედიის ადვოკატირებისთვის” შეფასებით, ეწინააღმდეგება საქართველოს კანონდებლობას და არის მედიის შინაარსში შეჭრა. აღნიშნული წერილი შეიცავს მნიშნელოვან რისკებს და წარმოადგენს გამოხატვის თავისუფლების შეზღუდვას. მიგვაჩნია, რომ კომისიის თავმჯდომარე არ უნდა აჭარბებდეს საკუთარ უფლებამოსილებას და უნდა მოქმედებდეს მხოლოდ კანონმდებლობის შესაბამისად მინიჭებული მანდატის ფარგლებში“.  სრულად...  წყარო: www.qartia.ge

თბილისი. ჟურნალისტური ეთიკის ქარტიის საბჭო ტვ 25-ის საინფორმაციო სამსახურის უფროსის, სულხან მესხიძისა და ჟურნალისტის, ეკა ბარამიძის მიმართ მუქარას ეხმაურება. „საქმე ეხება ღურტის საბავშვო ბაღის ყოფილ გამგეს, მედეა მამულაძის მიერ განხორცილებულ მუქარას, რომელიც სამსახურიდან TV 25-ის მიერ გავრცელებული მასალის შემდეგ გაათავისუფლეს. ჟურნალისტების ცნობით, მათ მუქარის შეტყობინებები მიიღეს მედეა მუმლაძისგან. 4 სექტემბერს ცნობილი გახდა, რომ შინაგან საქმეთა სამინისტრომ გამოძიება დაიწყო. მიუხედავად ამისა, საზოგადოებისთვის უცნობია რა ეტაპზეა გამოძიება“, - ვკითხულობთ ქარტიის საბჭოს განცხადებაში, - „მნიშვნელოვანია, რომ ჟურნალისტებს არ ჰქონდეთ იმის შიში, რომ პროფესიული საქმიანობისას მათი უფლებების შეილახვის ფაქტები სათანადოდ არ იქნება გამოძიებული, დამნაშავე დაუსჯელი დარჩება და ჟურნალისტებზე ფიზიკური ანგარიშსწორების საფრთხე იარსებებს. დაუსრულებელი გამოძიების და საქმის არასათანადოდ შესწავლის შემთხვევაში ჩამოყალიბდება თვითცენზურა - ჟურნალისტები უარს იტყვიან პრობლემების გაშუქებაზე“. სრულად...  წყარო: https://www.qartia.ge

სამცხე-ჯავახეთი. საქართველოს სახალხო დამცველი, მოადგილესთან ერტად, ახალქალაქისა და ნინოწმინდის სამოქალაქო სექტორისა და მედიის წარმომადგენლებს შეხვდა.  შეხვედრაზე ისაუბრეს რეგიონში ეთნიკური უმცირესობების გამოწვევებზე, ძირითადი ყურადღება გაამახვილეს ქართული ენის სწავლების საკითხებზე, განიხილეს ე.წ. 4+1 პროგრამის ხარვეზები. პრობლემად დასახელდა ასევე ზოგადი განათლების დაბლი ხარისხი.  სრულად...  წყარო: http://ombudsman.ge

თბილისი. საქართველოს ჟურნალისტური ეთიკის ქარტიის სამდივნომ დასაშვებად სცნო ადვოკატ მარიამ კუბლაშვილის განცხადება პრაიმტაიმის მიერ გამოქვეყნებულ ორ მასალასთან დაკავშირებით. „„პრაიმტაიმმა“ გამოაქვეყნა მასალა სათაურით“ „მაგას დავამთავრებ და დავასამარებ“ - მარიამ კუბლაშვილი თამთა თოდაძეზე“. სტატიაში მარიამ კუბლაშვილი სწორედ მისი დაცვის ქვეშ მყოფის შესახებ საუბრობს. მოგვიანებით გამოცემამ გამოაქვეყნა მარიამ კუბლაშვილთან ჩაწერილი ინტერვიუს აუდიო ვერსია სათაურით „მარიამ კუბლაშვილის კომენტარის აუდიო ვერსია - „მაგას დავამთავრებ და დავასამარებ“ მარიამ კუბლაშვილი ქარტიისთვის გაგზავნილ განცხადებაში „პრაიმტაიმს“ სიზუსტის და შესწორების პრინციპის დარღვევაში ადანაშაულებს. მას მიაჩნია, რომ გამოცემამ შეცდომაში შემყვანი ინფორმაცია გამოაქვეყნა და შემდეგ სათანადოდ არ შეასწორა და ორივე მასალას სადავოდ ხდის“, ნათქვამია ორგანიზაციის ვებგვერდზე. სრულად... წყარო: www.qartia.ge

თბილისი. სიძულვილით მოტივირებული დანაშაულები და სიძულვილის ენა - ინფორმაციის თავისუფლების განვითარების ინსტიტუტმა (IDFI) ჟურნალისტებისა და პროკურორებისთვის მორიგი ტრენინგი ჩაატარა. სრულად... წყარო: idfi.ge

ქვემო ქართლი. 11 ოქტომბერს, ნატოსა და ევროკავშირის შესახებ საინფორმაციო ცენტრის ქვემო ქართლის ბიუროს ორგანიზებით, მარნეულის დემოკრატიული ჩართულობის ცენტრში ადგილობრივი მედიის, არასამთავრობო ორგანიზაციებისა და ახალგაზრდული ჯგუფების წარმომადგენლებისათვის ტრენინგ-სემინარი გაიმართა. „სემინარს უძღვებოდა მოწვეული ექსპერტი, თავდაცვის ინსტიტუციური აღმშენებლობის სკოლის დირექტორი თეა ნიკოლაშვილი, რომელმაც ისაუბრა ანტი-დასავლურ პროპაგანდაზე და მედიაწიგნიერების როლზე. ყურადღება გამახვილდა, ასევე საქართველოსა და ნატოს შორის არსებული თანამშრომლობის მექანიზმებზე, პერსპექტივებზე და გამოწვევებზე“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. ადამიანის უფლებათა ცენტრი პროკურატურისგან მოითხოვს, დაზარალებულად სცნოს 38 ჟურნალისტი, რომელიც 20 ივნისს თბილისში, რუსთაველის გამზირზე მიმდინარე პროცესებს აშუქებდა.  „ადამიანის უფლებათა ცენტრი მოუწოდებს საქართველოს გენერალურ პროკურატურას: სისხლის სამართლის საქმეებზე გამოძიება წარიმართოს სისხლის სამართლის კოდექსის 154-ე მუხლით, რაც გულისხმობს ჟურნალისტური საქმიანობისათვის ხელის შეშლას; ჩაატაროს სრულყოფილი და ობიექტური გამოძიება და დანაშაულის ჩამდენ პირებს დააკისროს სისხლისსამართლებრივი პასუხისმგებლობა; სისხლის სამართლის საპროცესო კოდექსის 56-ე მუხლის საფუძველზე 20 ივნისს დაზარალებულ მოქალაქეებს დროულად მიანიჭოს დაზარალებულის სტატუსი“, - აღნიშნულია ცენტრის მიერ გავცელებულ განცხადებაში.  სრულად...  წყარო: http://www.humanrights.ge

თბილისი. საზოგადოება და ბანკები ეკონომიკური მედია სკოლის მეთორმეტე ნაკადის მიღებას იწყებს.  „ტრენინგებს საქართველოს ეროვნული ბანკის პრეზიდენტის მრჩეველი - გიორგი ბაქრაძე ჩაატარებს. ეკონომიკურ მედია სკოლას მოწვეული სტუმრებიც ეყოლება. ეკონომიკური მედია სკოლის მიზანია ჟურნალისტების ფინანსური განათლების ამაღლება. სასწავლო კურსი, რომელიც 2 თვის განმავლობაში გაგრძელდება, უფასოა და მისი დასრულების შემდეგ, წარმატებულ კურსდამთავრებულებს სერტიფიკატები გადაეცემათ“, ნათქვამია ორგანიზაციის ვებგვერდზე.  სრულად...  წყარო: sab.ge

თბილისი. 11 ოქტომბერს, პარასკევს, 1 საათზე, ფრონტლაინ საქართველოში (ლადო ასათიანის 62), ღია საზოგადოების ფონდის მხარდაჭერით, საქართველოს ფსიქოტრავმის საზოგადოება, „ღია“ მოძრაობა ფსიქიკური ჯანმრთელობისათვის და დართ ცენტრი ჟურნალისტებთან ჩაატარებენ შეხვედრას - „ტრავმის ფაქტორი“. დარტ ცენტრი რესურს ცენტრია ტრავმის, ძალადობის, კონფლიქტისა და ტრაგიკული მოვლენების თემაზე მომუშავე ჟურნალისტებისათვის და ტრავმული ისტორიების გაშუქების დიდი გამოცდილება აქვს. სრულად...  წყარო: https://osgf.ge