თბილისი. აშშ–ის საელჩო საქართველოს შეახსენებთ, რომ დღეს დაიწყო AEIF საგრანტო კონკურსისათვის აპლიკაციების მიღება. კონკურსში მონაწილეობა აშშ–ის გაცვლითი პროგრამების ნებისმიერ მონაწილეს შეუძლია, მონაწილეებს (სულ მცირე 5 წევრიანი ჯგუფი) საზოგადოებრივი პროექტისთვის 25 000 ათასი დოლარის მოპოვება შეუძლია. პროგრამის შესახებ სრული ინფორმაცია... წყარო: აშშ–ის საელჩოს ვებგვერდი

თბილისი. შსს მიერ მომზადებულ სისხლის სამართლის კოდექსში შესატან საკანონმდებლო ცვლილებებზე, „ლიბერალმა" დისკუსია მოაწყო. მასში მონაწილეობას იღებდნენ საქართველოს პარლამენტის წევრი თამარ კორძაია და საქართველოს დემოკრატიული ინიციატივის გამგეობის წევრი გიორგი მშვენიერაძე. „ლიბერალის" ვებგვერდზე განთავსდა დისკუსიის ვიდეო ჩანაწერი. დისკუსიების ციკლი დაფინანსებული აშშ–ის საელჩოს მიერ. დისკუსია... წყარო: liberali.ge

კახეთი. ინფორმაციის თავისუფლების განვითარების ინსტიტუტმა (IDFI), 30 იანვარს, თელავის სახელმწიფო უნივერსიტეტში, პროექტ საქართველო 2020-ის ფარგლებში გამართა გასვლითი ლექცია. ლექცია პროექტის „სტრატეგიული გეგმა საქართველო 2020 – სამოქალაქო საზოგადოების ჩართულობის გაძლიერება" ფარგლებში წაიკითხეს პროექტის კოორდინატორმა დავით მაისურაძემ და ბრემენის (გერმანია) უნივერსიტეტის ლექტორმა, უცხოური ინვესტიციების ექსპერტმა სებასტიან ტიდემანმა. შეკრებილ 50-მდე სტუდენტსა და პროფესორ-ლექტორებს დავით მაისურაძე მომხმარებელთა უფლებების დაცვასა და კონკურენციის პოლიტიკაზე ესაუბრა. ტიდემანმა ყურადღება გაამახვილა საქართველო 2020 და პირდაპირ უცხოურ ინვესტიციებზე. ინფორმაციის თავისუფლების განვითარების ინსტიტუტი (IDFI) ბრემენის უნივერსიტეტთან ერთად გერმანიის საგარეო საქმეთა სამინისტროს დაფინანსებით ახორციელებს პროექტს: „სტრატეგიული გეგმა საქართველო 2020 - სამოქალაქო საზოგადოების ჩართულობის გაძლიერება". პროექტი მიზნად ისახავს სამოქალაქო საზოგადოების ჯგუფების მაქსიმალურად ფართო სპექტრის დაინტერესების გამოწვევასა და მათი ცოდნის გაღრმავებას, საქართველოს მთავრობის მიერ დადგენილებით დამტკიცებული სოციალურ-ეკონომიკური განვითარების სტრატეგია "საქართველო - 2020"-თან დაკავშირებით, რათა ისინი მომავალში უფრო აქტიურად ჩაერთონ საჯარო განხილვების პროცესში. წყარო: idfi.ge

თბილისი. ევრაზიის თანამშრომლობის ფონდი განცხადებას ავრცელებს. „ბოლო პერიოდში ადგილობრივი არასამთავრობო და საერთაშორისო ორგანიზაციების მისამართით გახშირდა ისეთი განცხადებები და ქმედებები, რაც ახდენს არასამთავრობო სექტორის დისკრედიტაციას. ამ არასახარბიელო ტენდენციის საპასუხოდ, ევრაზიის თანამშრომლობის ფონდს სურს, კიდევ ერთხელ მიაპყროს საზოგადოების ყურადღება მისი და მისი პარტნიორების მუშაობის პროცესსა და შედეგებზე. ... ღრმად გვწამს, რომ ევრაზიის თანამშრომლობის ფონდისა და სამოქალაქო სექტორის სხვა წარმომადგენლების ძალისხმევის შედეგია საქართველოში დემოკრატიის, კანონის უზენაესობის და სამოქალაქო ჩართულობის განუხრელი ზრდა და ევროინტეგრაციის პროცესის წარმატება, რაც დადასტურებულია სხვადასხვა ავტორიტეტული კვლევით. ... ფონდს მიაჩნია, რომ საზოგადოების წინაშე გამჭვირვალობის პრინციპი სავალდებულოა როგორც სამთავრობო, ასევე სამოქალაქო სექტორისათვის. სწორედ ამიტომ, ფონდის პროგრამული და ფინანსური ანგარიშები ქვეყნდება ფონდის ვებგვერდზე. ...", ნათქვამია ფონდის ვებგვერდზე სოციალურ ქსელში. სრულად... წყარო: ევრაზიის თანამშრომლობის ფონდის ვებგვერდი სოციალურ ქსელში

თბილისი. საქართველოს სახალხო დამცველმა საქართველოს პარლამენტს წინადადებით მიმართა „სისხლის სამართლის კოდექსში ცვლილებების შეტანის შესახებ" საქართველოს კანონის პროექტთან დაკავშირებით. სრულად... წყარო: ombudsman.ge

თბილისი. არასამთავრობო ორგანიზაციები ერთობლივ განცხადებას ავრცელებენ და შეშფოთებას გამოთქვამენ „არასამთავრობო ორგანიზაციების წინააღმდეგ განხორციელებული ზეწოლის გამო. ბოლო დროს განსაკუთრებით გააქტიურდა თავდასხმები არასამთავრობო ორგანიზაციების იმ ნაწილის მიმართ, რომლებიც საკუთარი საქმიანობით ემსახურებიან დემოკრატიული ღირებულებების დაცვას, თავისუფლებისა და თანასწორობის იდეის მხარდაჭერას და ევროპული ტიპის სახელმწიფო მართვის სისტემების შექმნას. ...მივიჩნევთ, რომ ბიძინა ივანიშვილის განცხადება არის არა ერთი მოქალაქის, არამედ სახელმწიფოს არაფორმალური მმართველის პოზიცია. მმართველი პოლიტიკური ძალის წარმომადგენელების დაუსაბუთებელი რიტორიკა ხელისუფლების დეკლარირებული ღირებულებებიდან გადახვევაა. ეს განცხადებები საზოგადოებრივი ორგანიზაციების წინააღმდეგ მიზანმიმართულად წარმოებული კამპანიის შთაბეჭდილებას ტოვებს. მსგავსი დამოკიდებულება არა მხოლოდ ვნებს დემოკრატიულ ღირებულებებსა და იდეებს, რომლებსაც სამოქალაქო საზოგადოების წევრი არასამთავრობო ორგანიზაციები ემსახურებიან, არამედ აღნიშული ღირებულებების მოწინააღმდეგე ჯგუფებსაც აძლიერებს. აღნიშნული ტენდენცია უკიდურესად შემაშფოთებელია და სახელმწიფოს დემოკრატიულ განვითარებას უშლის ხელს", ნათქვამია განცხადებაში. ხელმომწერი ორგანიზაციები მოუწოდებენ ხელისუფლების წევრებსა და სხვა პოლიტიკოსებს „თავი შეიკავონ არასამთავრობო ორგანიზაციების ზეწოლისა და მათ წინააღმდეგ მიმართული ქმედებებისგან". სრულად... წყარო: osgf.ge

თბილისი. 31 იანვარს, თბილისის საკრებულოს შენობასთან აქცია - „არა პანორამას" - გაიმართა. აქცია 18 ორგანიზაციის მიერ იყო ორგანიზებული, მათ შორის იყვნენ : „პარტიზანული მებაღეობა", „მწვანე მუშტი", „ თბილისის ჰამქარი". საკრებულოს შენობასთან შეკრებილმა ასობით ადამიანმა მსვლელობით სოლოლაკის ქედთან გადაინაცვლა, სადაც „თბილისი-პანორამას" ნაწილის განთავსებაა დაგეგმილი. აქციის დასასრულს კი იმ ადგილას, სადაც პროექტი უნდა აშენდეს, მონაწილეები SOS - ის ფორმაზე განლაგდნენ და ასე გამოხატეს პროტესტი. წყარო: netgazeti.ge 

იმერეთი. საიას ქუთაისის ფილიალში გაიმართა სამოქალაქო საზოგადოების და მასმედიის წარმომადგენლების ყოველთვიური საინფორმაციო შეხვედრა, რომელშიც მონაწილეობდა არასამთავრობო ორგანიზაციების და მასმედიის 30 წარმომადგენელი. შეხვედრაში მონაწილეობდნენ ევროკავშირის სადამკვირვებლო მისიის ზუგდიდის ოფისის წარმომადგენლებიც. შეხვედრის მონაწილეებმა ისაუბრეს იანვრის თვეში განხორციელებულ აქტივობებზე და თებერვლის თვის სამოქმედო გეგმებზე. წყარო: საიას ქუთაისის ფილიალის ვებგვერდი სოციალურ ქსელში

თბილისი. ფონდ „ღია საზოგადოება – საქართველოს" ვებგვერდზე განთავსდა განცხადება: „ყოფილი პრემიერმინისტრის განცხადება არ შეესაბამება დემოკრატიული მმართველობის პრაქტიკას". მასში ნათქვამია, რომ „ბოლო დროს განსაკუთრებით გახშირდა თავდასხმები არასამთავრობო ორგანიზაციებისა და მათი საქმიანობის მიმართ. მმართველი პოლიტიკური ძალის წარმომადგენლების რიტორიკა საზოგადოებრივი ჯგუფების მიმართ უფრო და უფრო შეურაცხმყოფელი ხდება და სამოქალაქო საზოგადოების წინააღმდეგ წარმოებული კამპანიის შთაბეჭდილებას ტოვებს. გადამდგარი პრემიერმინისტრის, ბიძინა ივანიშვილის განცხადება, რომლის მიხედვით მზადდება კვლევა ჩვენი პარტნიორი ორგანიზაციების- ახალგაზრდა იურისტთა ასოციაციის, საერთაშორისო გამჭვირვალობა-საქართველოს და სამართლიანი არჩევნებისა და დემოკრატიის საერთაშორისო საზოგადოების მოქმედ და ყოფილ ხელმძღვანელთა საქმიანობის შესახებ, ფაქტობრივად აანონსებს მაკომპრომატირებელი ინფორმაციის გავრცელებას. ხაზგასმით გვინდა, აღვნიშნოთ, რომ ხელისუფლების წარმომადგენელთა დამოკიდებულება არ შეესაბამება მმართველობის დემოკრატიულ პრაქტიკას. ..." სრულად... წყარო: osgf.ge

თბილისი. არასამთავრობო ორგანიზაციები „პანორამა თბილისის" პროექტის შესახებ პეტიციას ავრცელებენ. პეტიცია ღიაა და ნებისმიერ დაინტერესებულ პირს შეუძლია შეუერთდეს. „...ჩვენ ღიად ვაცხადებთ, რომ ყველა შესაბამისმა სახელმწიფო, თუ ადგილობრივი ხელისუფლების ინსტიტუციამ მხედველობაში უნდა მიიღოს „პანორამა თბილისის" პროექტისადმი არსებული უაღრესად მაღალი საზოგადოებრივი ინტერესი და უზრუნველყოს პროექტთან დაკავშირებული ყველა ეტაპის საჯაროობა. ყველა დაინტერესებულ პირს საშუალება უნდა მიეცეს დაარწმუნოს შესაბამისი გადაწყვეტილების მიმღები პირები, რომ „პანორამა თბილისის" პროექტის ქალაქის ისტორიულ ნაწილში განხორციელება დაუშვებელია და არ ემსახურება ისტორიული ქალაქის ინტერესებს...", ნათქვამია პეტიციაში. სრულად... წყარო: ორგანიზაცია „ტფილისის ჰამქარის" ვებგვერდი სოციალურ ქსელში

თბილისი. „საქართველოს ახალგაზრდა კონსტიტუციონალისტთა ასოციაცია” მთავრობის მიერ „სახელმწიფო ახალგაზრდული პოლიტიკის განვითარების სამოქმედო გეგმის" დამტკიცების საკითხს ეხმიანება. ორგანიზაცია მნიშვნელოვანი პრობლემებიდან გამოყოფს განათლების არსებულ სისტემას და შეზღუდული შესაძლებლობების და სპეციალური საჭიროებების მქონე პირთა საზოგადოებაში ადაპტაციასა და მათთვის შესაბამისი ინფრასტრუქტურული პირობების შექმნას. სრულად... წყარო: ორგანიზაციის გვერდი სოციალურ ქსელში

იანვარში ზესტაფონისა და ოზურგეთის მუნიციპალიტეტებში არასამთავრობო ორგანიზაციები _ „სასოფლო დარბაზები" დაფუძნდა. დარბაზების მიზანია სოფლად მცხოვრები მოსახლეობის ჩართულობის გაზრდა გადაწყვეტილების მიღების პროცესში და მათი სამოქალაქო ცნობიერების ამაღლება, ხელშეწყობა მათი ინტერესების დაცვის, სოციალურ-ეკონომიკური მდგომარეობის გაუმჯობესებისა და სასოფლო ტერიტორიების მდგრადი განვითარებისათვის. აღნიშნული მისიის განსახორციელებლად სსდ მჭიდროდ ითანამშრომლებს საჯარო, კერძო და სამოქალაქო სექტორებთან, როგორც ადგილობრივ ასევე ცენტრალურ და საერთაშორისო დონეზე.

აჭარა. 28 იანვარს, ბათუმის დემოკრატიული ჩართულობის ცენტრში, აღმოსავლეთ-დასავლეთის მართვის ინსტიტუტმა არასამთავრობო სექტორს ის საგრანტო განაცხადები გააცნო, რომლებზეც კონკურსები მიმდინარე წელს უნდა გამოცხადდეს. ორ მცირებიუჯეტიან და ერთ მაღალბიუჯეტიან გრანტს, ორგანიზაცია ახალი „სამოქალაქო საზოგადოების განვითარებისა და მოქალაქეების ჩართულობის" (ACCESS) პროექტის ფარგლებში განახორციელებს. დამფინანსებლის მთავარი მოთხოვნა - პროექტში საზოგადოების ჩართულობაა. ერთ–ერთი საგრანტო კონკურსი უკვე გამოცხადდა და განცხადებები ერთი თვის განმავლობაში მიიღება. საგრანტო განაცხადი...

აჭარა. 28 იანვარს, ბათუმში, ბონი–გოროდოკის ტერიტორიული ერთეულის ადამისტრაციაში, საზოგადოებრივი დარბაზის 2015 წლის პირველი შეხვედრა გაიმართა. შეხვედრის მიზანი დარბაზის თავმჯდომარის გაცნობა და მისი მოადგილეების არჩევა იყო. ასევე დარბაზის წევრები შეთანხმდნენ ყოველთვიური შეხვედრის თარიღზე. მერის რწმუნებულთან და ბონი–გოროდოკის მაჟორიტართან ერთად პრობლემებსა და მისი მოგვარებისთვის საჭირო რესურსების მოძიების შესახებ ისაუბრეს. აღნიშნული დარბაზი თავისი საქმიანობით ხელს უწყობს ქალაქის მმართველობის პროცესში მოქალაქეთა ჩართულობის გაძლიერებას. საზოგადოებრივი დარბაზების ფუნქციონირებას უკვე მესამე წელია, კოორდინირებას უწევს სამოქალაქო საზოგადოების ინსტიტუტი.

თბილისი. სახალხო დამცველმა საქართველოს პარლამენტს წინადადებით მიმართა „პატიმრობის კოდექსში ცვლილებების შეტანის შესახებ" საქართველოს კანონის პროექტთან დაკავშირებით. სახალხო დამცველი მიესალმება სასჯელაღსრულების სისტემაში დაგეგმილ ინსტიტუციურ რეფორმას, თუმცა მიაჩნია, რომ „წარმოდგენილი კანონის პროექტის რიგი დებულებები საჭიროებს სრულყოფას და ადამიანის უფლებათა ევროპულ სტანდარტებთან დაახლოებას. სახალხო დამცველი გამოყოფს რამდენიმე მნიშვნელოვან შესწორებას, რომელთა კანონში ასახვა ადამიანის უფლებათა დაცვის მაღალი სტანდარტების დამკვიდრებისთვის მნიშვნელოვანია", ნათქვამია ომბუდსმენის ვებგვერდზე. სრულად... წყარო: ombudsman.ge

თბილისი. ორგანიზაცია „ახალგაზრდა ადვოკატები" საქართველოს პარლამენტს „სასოფლო-სამეურნეო დანიშნულების მიწის საკუთრების შესახებ" საქართველოს კანონში წარდგენილ ცვლილებებთან დაკავშირებით, სარეკომენდაციო წინადადებით მიმართავს. კერძოდ, „უცხო ქვეყნის მოქალაქის ან მოქალაქეობის არმქონე პირთა მიმართ, მიწის გასხვისების პროცედურებთან დაკავშირებით, საერთაშორისო პრაქტიკის გათვალისწინებას და გაცილებით მკაცრი რეგულაციების შემოღებას სთავაზობს", ნათქვამია ორგანიზაციის ვებგვერდზე. სრულად... წყარო: barristers.ge

თბილისი. 27 იანვარს, საქართველოს სახალხო დამცველისა და საერთაშორისო ფონდ „ლეას" ორგანიზებით, ჰოლოკოსტის მსხვერპლთა ხსოვნის დღისადმი მიძღვნილი ღონისძიება გაიმართა. ღონისძიებას ესწრებოდნენ დიპლომატიური კორპუსის, სახელმწიფო უწყებების, საერთაშორისო და არასამთავრობო ორგანიზაციების და სახალხო დამცველთან არსებული რელიგიათა და ეროვნულ უმცირესობათა საბჭოების წევრები. სრულად... წყარო: tolerantoba.ge

თბილისი. საქართველოს განვითარების სოციალურ–ეკონომიკური სტრატეგიის ფარგლებში, 27 იანვარს გაიმართა ონლაინ დისკუსია, რომელშიც საზღვარგარეთ მცხოვრები და მოღვაწე ქართველი მკვლევარები. კერძოდ, კაპიტალის ბაზრების ექსპერტი, ბრემენის უნივერსიტეტის დოქტორანტი და ლექტორი ერეკლე პირველი, პოლიტიკის მეცნიერების დოქტორანტი ცენტრალური ევროპის უნივერსიტეტიდან ლელა რეხვიაშვილი და სტოკჰოლმის უნივერსიტეტის ეკონომიკის სკოლის მაგისტრანტი სოფო ტაბატაძე. მათ ისაუბრეს საქართველოს განვითარების სოციალურ–ეკონომიკურ სტრატეგიაზე. დისკუსიები იმართება ინფორმაციის თავისუფლების განვითარების ინსტიტუტის პროექტის ფარგლებში, რომლის მხარდამჭერია ბრემენის უნივერსიტეტი და გერმანიის საგარეო საქმეთა სამინისტრო. დისკუსიის ვიდეოჩანაწერი... წყარო: ინსტიტუტის ვებგვერდი სოციალურ ქსელში

აჭარა. 27 იანვარი ჰოლოკოსტის მსხვერპლთა ხსოვნის დღისადმი მიძღვნილი ღონისძიება გაიმართა ბათუმის ახალგაზრდული ცენტრის წევრებისთვის. ახალგაზრდებმა თანატოლებს მიაწოდებს ინფორმაცია ჰოლოკოსტის, ანტისემიტიზმის და მეორე მსოფლიო ომის შესახებ. ასევე იხილეს მოკლემეტრაჟიანი ფილმი ანა ფრანკის შესახებ. ღონისძიება გაიმართა ეროვნული ინტეგრაციის გაძლიერების პროექტის ფარგლებში, რომელსაც საქართველოს გაეროს ასოციაცია, აშშ–ის საერთაშორისო განვითარების სააგენტოს ფინანსური მხარდაჭერით ახორციელებს. წყარო: ბათუმის ახალგაზრდული ცენტრის ვებგვერდი სოციალურ ქსელში

სამცხე-ჯავახეთი. 24 იანვარს, საქართველოს დემოკრატიულმა ინიციატივამ ახალციხეში, დემოკრატ მესხთა კავშირის ახალგაზრდულ კლუბში გამართა ტრენინგი თემაზე „გამოხატვის თავისუფლების სტანდარტები - ადგილობრივი და საერთაშორისო პრაქტიკა". ტრენინგის მიზანი ახალგაზრდებში გამოხატვის თავისუფლების სტანდარტების, ადამიანის უფლებებისა და თავისუფლებების შესახებ ცნობიერების ამაღლება იყო. შეხვედრაზე ისაუბრეს გამოხატვის თავისუფლების საერთაშორისო და ადგილობრივ სტანდარტებზე, საქართველოში არსებულ ვითარებასა და ბოლო დროს საფრანგეთში „შარლი ებდოს" ირგვლივ განვითარებულ მოვლენებზე. სრულად... წყარო: gdi.ge

თბილისი. არასამთავრობო ორგანიზაციები ერთობლივ განცხადებას ავრცელებენ და საქართველოს პარლამენტს მოუწოდებენ გახმაურებული საქმეების შესასწავლად კომისია შექმნას. „... მაღალი საზოგადოებრივი მნიშვნელობის საქმეები, რომლებშიც იკვეთება სამართალდამცავთა მხრიდან ადამიანის ფუნდამენტურ უფლებათა დარღვევები, და რომელთა გამოძიებასაც 2012 წელს არჩევნების შედეგად მოსული ხელისუფლება თავის ერთ-ერთ პრიორიტეტად აცხადებდა, დღემდე გამოუძიებელი რჩება. მიუხედავად საზოგადოების, მათ შორის არასამთავრობო ორგანიზაციების არაერთი მოთხოვნისა, ამ საქმეების ობიექტური და მიუკერძოებელი გამოძიება არც ძველი და არც ახალი ხელისუფლების პირობებში არ განხორციელებულა. იმის გათვალისწინებით, რომ რიგი გახმაურებული საქმეებისა უკვე გამოძიებულია, კვლავაც არსებობს საქმეები რომელთა გამოძიება გაჭიანურებულია და საზოგადოებისთვის კი უცნობია შეფერხების მიზეზები. ზუსტად ამის გამო, მოვუწოდებთ საქართველოს პარლამენტის თავმჯდომარეს და პარლამენტის წევრებს. შეიქმნას დროებითი საგამოძიებო საპარლამენტო კომისია, რომლის მიზანი იქნება აღნიშნული საქმეების გამოძიება...", ნათქვამია განცხადებაში. სრულად... წყარო: gyla.ge

თბილისი. არასამთავრობო ორგანიზაციებმა განცხადება გაავრცელეს. „განცხადების ხელმომწერი ორგანიზაციების აზრით, შინაგან საქმეთა სამინისტროს მიერ მომზადებული, სისხლის სამართლის კოდექსში შესატანი ცვლილებების პროექტის, 239-ე მუხლი შეიცავს გამოხატვის თავისუფლების გაუმართლებელი შეზღუდვისა და კრიტიკული აზრის ჩახშობის საფრთხეს. ... მიგვაჩნია, რომ სახელმწიფოს ძალისხმევა, მოახდინოს გამოხატვის თავისუფლების რეგულირება, რეალურად, მიმართულია არა დისკრიმინირებული ჯგუფების უფლებების დაცვის, არამედ გამოხატვის თავისუფლების შეზღუდვისა და დომინანტი სოციალური და მორალური დისკურსის გაძლიერებისკენ. აღნიშნულ შეფასებას განაპირობებს, ერთი მხრივ, არსებული კონტექსტი და მეორე მხრივ, წარმოდგენილი ცვლილების ნორმატიული შინაარსი. ... მოვუწოდებთ საქართველოს მთავრობასა და პარლამენტს, სათანადოდ გაიაზროს დემოკრატიული და პლურალისტური ღირებულებების მნიშვნელობა და შეაჩეროს მისი განხილვა და მიღება, როგორც სერიოზული უკანდახევა გამოხატვის თავისუფლების დაცვისა და ღია საზოგადოების განვითარების გზაზე. სრულად... წყარო: gdi.ge