იმერეთი. 23-14 ოქტომბერს, საქველმოქმედო ჰუმანიტარული ცენტრის „აფხაზეთი" ქუთაისის ოფისში ორდღიანი ტრენინგი ჩატარდა თემაზე „ბინათმესაკუთრეთა ამხანაგობების მართვა და განვითარება". ტრენინგს დევნილთა თემში მცხოვრები ლიდერი-ახალგაზრდები ესწრებოდნენ და მას განათლების განვითარების და დასაქმების ცენტრის ტრენერები სოფიო კუპატაძე და გია ჭუმბურიძე უძღვებოდნენ. „ტრენინგები მოიცავდა შემდეგ თემებს: ბინათმესაკუთრეთა ამხანაგობის არსი, ჩამოყალიბება და დარეგისტრირება; ბინათმესაკუთრეთა ამხანაგობის წევრებისა და თავმჯდომარის უფლება-მოვალეობები; კერძო და საერთო საკუთრება; საერთო საკუთრების მოვლა და განვითარება; ანგარიშვალდებულობა და გამჭირვალობა; ბინათმესაკუთრეთა ამხანაგობის წევრთა საერთო ქონების განვითარება. ბინათმესაკუთრეთა ამხანაგობების ფინანსები, მცირე ბიზნესის მართვა და სხვა," ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

აჭარა. 29 ოქტომბერს, მოხალისე-რეპორტიორმა ხატია სიხარულიძემ პროექტის „მულტიკულტურული ინტეგრაცია აჭარაში” ფარგლებში ხელვაჩაურის მუნიციპალიტეტის, ოცნების ქალაქში მცხოვრებ ახალგაზრდებთან ჩაატარა ტრენინგი თემაზე: „რელიგიური მრავალფეროვნება”. „მონაწილეებმა ისაუბრეს სხვადასხვა რელიგიურ გაერთიანებებსა და დაწესებულებებზე, რომლებიც ქალაქ ბათუმშია. იხილეს ხატია სიხარულიძის მიერ მომზადებული სიუჟეტები თემაზე: „რელიგიური დაწესებულებები ბათუმში", რომელშიც ასახულია სად არის/იყო განთავსებული სხვადასხვა რელიგიური დაწესებულება ქალაქის ტერიტორიაზე და როგორია მათი დღევანდელი მდგომარეობა”, ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

იმერეთი. 23 სექტემბერს, საქველმოქმედო ჰუმანიტარული ცენტრი „აფხაზეთის" ქუთაისის ოფისში დაიწყო ორდღიანი ტრენინგი თემაზე „ბინათმესაკუთრეთა ამხანაგობების მართვა და განვითარება", რომელსაც დევნილთა თემში მცხოვრები ლიდერი-ახალგაზრდები ესწრებიან. ტრენინგი მოიცავს ისეთ თემებს, რომელიც აუცილებელია ბინათმესაკუთრეთა ამხანაგობის შექმნის, მართვის და წარმატებული ფუნქციონირებისათვის. სრულად... წყარო: ორგანიზაციის ვებგვერდი სოციალურ ქსელში

სამეგრელო. „საერთაშორისო გამჭვირვალობა - საქართველოს” ორგანიზებით, ზუგდიდში პარკირების სისტემის ცვლილების პროექტთან დაკავშირებით დისკუსია გაიმართა. „სამუშაო ჯგუფის მიერ მომზადებული დადგენილების პროექტის თანახმად, ამოქმედდება პარკირების სააბონემენტო სისტემა, საფასური დროის მონაკვეთის მიხედვით დაწესდება, გამოიყოფა ადგილები შშმ პირებისთვის, მოეწყობა ელექტრომობილების საპარკინგე ადგილები დასამუხტი აპარატურით. საკრებულო ასევე განიხილავს ცენტრალური ბაზრის მიმდებარე ტერიტორიაზე (კედიას ქუჩაზე) გადახდის საათობრივი რეჟიმის დაწესების შესაძლებლობას, რაც ამ დრომდე პროცესში ჩართულ მხარეებს შორის აზრთა სხვადასხვაობას იწვევს”, ნათქვამია ორგანიზაციის ვებგვერდზე. სრულად... წყარო: ორგანიზაციის ვებგვერდი სოციალურ ქსელში

თბილისი. საერთაშორისო გამჭვირვალობა - საქართველო აქვეყნებს დავით ლიკლიკაძის გადაცემას: ვილიკლიკოთ ევროპაზე. სრულად... წყარო: www.transparency.ge

თბილისი. საქართველოს დემოკრატიული ინიციატივა აქვეყნებს ნიკო ნიკოლაძის პუბლიკაციას: ჩემ პოლიტიკაზე. „სამი მტერი ჰყავს ქართულ განვითარებას. ერთი – საკუთარი მწერლობის აზრის სივიწროე, თუ ინერცია გახლავსთ. მარტო ის სწამს და ახსოვს, რასაც დიდი ხანია შეჩვევია. დედა-ენის მეტი თუ რამ სჭირია ერს, ბევრს როდი ესმის. მეორე უბედურება ის გვჭირს, რომ ოჯახი, შკოლა ჯერ როდი გვაძლევს საკმაო მომზადებას. ამის გამო სხვის ლიტერატურაშიაც უფრო მჩატეს, შემცდარს, შეშლილსა და უვიც მწერლებს ვეწაფებით, ვინემ თანამედროვე ცოდნით დაიარაღებულს. მესამე, ორივეზე უფრო მძიმე გასაჭირი ისაა, რომ ვისაც ჩვენში ღირსებია ნამდვილი განათლების, სწორე ცოდნის, შეძენა, ის როდი ეკარება ჩვენს მწერლობას, ან ჩვენს საზოგადო საქმეებს. ამ მიზეზით ესენი თითქმის ერთიანად ერთობ დაუმზადებელ მეთაურების ხელშია. სულ ცოტა, ჩემ დროს ათას კაცს მაინც გაუთავებია ჩვენგანს უმაღლესი სასწავლებელი. სადაა მათი გავლენა ხალხის აზროვნებაზე?...” სრულად... წყარო: gdi.ge

თბილისი. „ხელისუფლება ვალდებულია სამოქალაქო საზოგადოების წარმომადგენლებს უსაფრთხო გარემო შეუქმნას", - ხაზს უსვამს „საერთაშორისო გამჭვირვალობა - საქართველო" (TI) განცხადებაში, რომელსაც დღეს ავრცელებს. როგორც დოკუმენტშია აღნიშნული, განცხადება ორგანიზაციის აღმასრულებელი დირექტორისთვის მუქარის შემცველი პირადი შეტყობინების გაგზავნის ფაქტს ეხმაურება. „13 ოქტომბერს კონკრეტული მოქალაქის მხრიდან ჩვენი აღმასრულებელი დირექტორის მისამართით გამოიგზავნა აგრესიული შეტყობინება, რომელიც ბილწსიტყვაობასთან ერთად, პირადი ანგარიშსწორების მუქარასაც შეიცავდა. ნიშანდობლივია, რომ მუქარის ავტორი ზუსტად იმავე ფრაზეოლოგიას იყენებს, რაც პარლამენტის თავმჯდომარემ გამოიყენა არასამთავრობო ორგანიზაციების წინააღმდეგ, როცა ისინი „ფაშიზმის თანამონაწილეებად" მოიხსენია", - ვკითხულობთ განცხადებაში. სრულად  წყარო: ორგანიზაციის ვებგვერდი

აჭარა. 13 ოქტომბერს, ბათუმში, ევროპის დღე, გრანდიოზულად აღინიშნა. ღონისძიების მიზანს, მოსახლეობისთვის ევროკავშირის მიერ საქართველოში განხორციელებული საქმიანობის შესახებ ინფორმაციის მიწოდება წარმოადგენდა. ღონისძიებაზე, საზოგადოებრივი ორგანიზაცია „ინტელექტი“, წარმოდგენილი იყო, როგორც ევროკავშირის მიერ დაფინანსებული პროექტის „სამოქალაქო საზოგადოების განვითარების ინიციატივის“ ფარგლებში აჭარის ჰაბი. ორგანიზაციამ ღონისძიებაზე წარადგინა, პროექტის ფარგლებში შექმნილი, სხვადასხვა საინფორმაციო მასალები. ღონისძიებას, ევროკავშირის ახალი ელჩი, ბ-ნი კარლ ჰარცელი და აჭარის ავტონომიური რესპუბლიკის მთავრობის თავმჯდომარე, ბ-ნი თორნიკე რიჟვაძე ესწრებოდა. საინფორმაციო ღონისძიებების გარდა, ევროპის დღე მოიცავდა არაერთ გასართობ და შემეცნებით აქტივობებს. ევროპის დღე, ნათია თოდუასა და ვაკის პარკის კონცერტით დასრულდა, სადაც ევროკავშირის ახალმა ელჩმა დრამზე დაუკრა.

ქართულ-გერმანული არქივის (german-georgian.archive.ge) პრეზენტაცია გაიმართება ფრანკფურტის წიგნის ბაზრობაზე. არქივი 2017 წელს შეიქმნა გერმანიის საგარეო საქმეთა სამინისტროს, საქართველოში გერმანიის საელჩოსა და თბილისის გოეთეს ინსტიტუტის მხარდაჭერით. მისი მიზანია ხანგრძლივი და მრავალმხრივი ურთიერთობების დოკუმენტური, ისტორიული წყაროების სისტემატიზაცია, დაცვა და პოპულარიზაცია; საინტერესო საოჯახო კოლექციების, ფოტო-დოკუმენტებისა და ზეპირის ისტორიების გარდა, პლატფორმა აერთიანებს სხვადასხვა ავტორის ბლოგებსა და ჩანაწერებს ქართულ-გერმანული ურთიერთობების განსხვავებულ ასპექტებზე. პროექტის ფარგლებში ხორციელდება შესაბამისი კვლევები და ის ღიაა აღნიშნული თემით დაინტერესებული პირებისა და ორგანიზაციებისათვის. არქივის პრეზენტაცია გოეთე ინსტიტუტთან და ქართული წიგნის ეროვნულ ცენტრთან თანამშრომლობით გაიმართება 10 ოქტომბერს, 14.30, ფრანკფურტის წიგნის ბაზრობაზე. არქივზე მუშაობა მიმდინარეობს პროექტის „საქართველო–საბჭოთა წარსულის გააზრების" ფარგლებში, რომელსაც საბჭოთა კვლევის ლაბორატორია ახორციელებს. წყარო: sovlab.ge

აჭარა. 13 ოქტომბერს, ბათუმში, ანბანის კოშკის მიმდებარე ტერიტორია „ევროსოფლად" გადაიქცევა. მთელი დღის განმავლობაში ნებისმიერ დაინტერესებულ პირს საშუალება მიეცემა გაეცნოს იმ პროგრამებს და აქტივობებს, რომლებსაც ევროკავშირი საქართველოს მოქალაქეებს სთავაზობს. ევროპის დღე საქართველოში ევროკავშირის წარმომადგენლობის ინიციატივაა და ხორციელდება ბათუმის მერიასთან თანამშრომლობით. ღონისძიებების განრიგი... წყარო: ევროკავშირი

თბილისი. 4 ოქტომბერს, საქართველოს უსაფრთხოების და განვითარების ცენტრის ორგანიზებით რადიკალიზაციასა და ძალადობრივ  ექსტრემიზმთან გამკლავების გამოწვევებთან დაკავშირებით კონფერენცია ჩატარდა.   ღონისძიებას ესწრებოდნენ ხელისუფლების, დიპლომატიური კორპუსის, საერთაშორისო ორგანიზაციებისა და მედიის წარმომადგენლები. მომხსენებლებმა და მონაწილეებმა განიხილეს საქართველოში ძალადობრივ ექსტრემიზმსა და რადიკალიზაციასთან გამკლავების სახელმწიფო სტრატეგიის შემუშავების საკითხები და რეგიონში ძალადობრივი ექსტრემიზმის წინააღმდეგ გადადგმულ ნაბიჯებზე იმსჯელეს.     საქართველოს უსაფრთხოებისა და განვითარების ცენტრმა მონაწილეებს პოლიტიკის დოკუმენტი გააცნო, სადაც წარმოდგენილია მიზნობრივი რეკომენდაციების პაკეტი საქართველოს ხელისუფლებისათვის და სტრატეგიის მონახაზი ძალადობრივ ექსტრემიზმსა და რადიკალიზაციასთან გასამკლავებლად. კონფერენციის ღია საზოგადოების ფონდის და  ფრიდრიხ ებერტის ფონდის მხარდაჭერით ჩატარდა. წყარო: ფონდი „ღია საზოგადოება –საქართველო"

გურია. 1 ოქტომბერს, „ახალგაზრდა პედაგოგთა კავშირთან" არსებულმა ლიდერთა სკოლისა და ახალგაზრდული ცენტრის წევრებმა ხანდაზმულთა საერთაშორისო დღე აღინიშნეს. „ამ დღის აღსანიშნად ლიდერთა სკოლის მოსწავლეებმა, ქალაქ ოზურგეთში ხანდაზმულებს სიმბოლურად თაიგულები გადასცეს. ეს აქცია მიზნად ისახავდა თაობებს შორის ურთიერთობების გაღრმავებას და ხანშიშესული ადამიანების მიმართ პატივისცემის გამოხატვას. სიმბოლურმა საჩუქარმა ხანდაზმულების დადებითი ემოციები გამოიწვია, ზოგიერთი მათგანისთვის ამ დღის არსებობაც სიურპრიზი იყო", ნათქვამია ორგანიზაციის ვებგვერდზე სოციალურ ქსელში. სრულად... წყარო: ორგანიზაციის ვებგვერდი სოციალურ ქსელში

თბილისი. საერთაშორისო გამჭვირვალობა - საქართველოს ინფორმაციით, უცხო ქვეყნის მოქალაქეობის მიღება საქართველოს მოქალაქეობის დაკარგვის ავტომატურ საფუძველს აღარ წარმოადგენს. „საქართველოს მოქალაქეებს, რომელთა მიმართ 2018 წლის 15 აგვისტომდე არ იყო მიღებული გადაწყვეტილება საქართველოს მოქალაქეობის სხვა ქვეყნის მოქალაქეობის მოპოვების გამო დაკარგვის თაობაზე, უფლება აქვთ, 2018 წლის 15 აგვისტოდან 1 წლის ვადაში მიმართონ სააგენტოს საქართველოს მოქალაქეობის შენარჩუნების მოთხოვნით", ნათქვამია ორგანიზაციის ვებგვერდზე. სრულად... წყარო: www.transparency.ge

თბილისი. საქართველოს სტრატეგიისა და საერთაშორისო ურთიერთობათა კვლევის ფონდმა გამოსცა ექსპერტ მამუკა კომახიას პუბლიკაცია: „ვინ ქმნის და ვინ ახორციელებს კრემლის პოლიტიკას აფხაზეთსა და ცხინვალის რეგიონში". პუბლიკაცია... წყარო: gfsis.org

თბილისი. „საერთაშორისო გამჭვირვალობა-საქართველო” (TI) ჟურნალ „ლიბერალის” რედაქტორის, ზურა ვარდიაშვილის ცემის ფაქტს ეხმაურება. „მისი თქმით, 15 სექტემბერს მას 5-7 პირი მოულოდნელად დაესხა თავს და ფიზიკურად გაუსწორდა. გამოძიება დაწყებულია ძალადობის მუხლით", - აცხადებს TI, - „საქმის მიმართ მაღალი საჯარო ინტერესიდან გამომდინარე, მნიშვნელოვანია დროულად მოხდეს თავდასხმის სრულყოფილი გამოძიება და გაეცეს საზოგადოებაში გაჩენილ კითხვებს პასუხი იმის შესახებ, თუ რამდენად უკავშირდება ეს შემთხვევა მის ჟურნალისტურ საქმიანობას”. სრულად  წყარო: ორგანიზაციის გვერდი სოციალურ ქსელში

თბილისი. 13 სექტემბერს საქართველოს პოლიტიკის ინსტიტუტმა გამართა ანგარიშის „ინტეგრაციის რეგიონული სირთულეები: საქართველოს ურთიერთგადაჯაჭვული გავლენების ბადეში" – პრეზენტაცია. ანგარიშის მიზანია  მიზანია, გაზომოს სხვადასხვა რეგიონულ და გლობალურ აქტორებზე საქართველოს დამოკიდებულების ხარისხი (დამოუკიდებლობის მოპოვების შემდეგ) და დაადგინოს, თუ როგორია პარალელურად მიმდინარე ინტეგრაციული პროცესების გავლენა საქართველოს ევროატლანტიკური ინტეგრაციის გზაზე. სრულად... წყარო: gip.ge

თბილისი. 28, 29 და 30 სექტემბერს ექსპო–ჯორჯიაში ეთნოფესტივალის ფარგლებში შეგიძლიათ დაათვალიეროთ და შეიძინოთ სოციალური თერაპიის სახლში შექმნილი სხვადასხვა ნივთები. სრულად... წყარო:თერაპიის სახლი

თბილისი. საქართველოს სტრატეგიული კვლევებისა და განვითარების ცენტრი და სახალხო დაფინანსების პლატფორმა გიწვევთ 14 სექტემბერს საინფორმაციო შეხვედრაზე. სადაც ნებისმიერი დაინტერესებული პირი მიიღებს ინფორმაციას სოციალური საწარმოს დაფინანსების თანამედროვე მექანიზმების შესახებ. ამისთვის საჭიროა გაიაროთ რეგისტრაცია, რეგისტრაციის ვადა იწურება 13 სექტემბერს... სრულად... წყარო: საქართველოს სტრატეგიული კვლევებისა და განვითარების ცენტრი

თბილისი. 12 სექტემბერს, „ილია ჭავჭავაძის საქველმოქმედო ფონდი" ილია ჭავჭავაძის მკვლელობასთან დაკავშირებულ ღონისძიებებს გამართავს. „დღე, როცა ვერ მოკლეს ილია" - ასე ეწოდება პროექტს, რომელსაც ორგანიზაცია მეხუთე წელია მართავს. პროექტის ფარგლებში დაგეგმილი ღონისძიებები 12 სექტემბერს 13 საათიდან დაიწყება და თითქმის მთელი დღის განმავლობაში გაგრძელდება. თბილისის მასშტაბით დაგეგმილ არაერთ საჯარო, სახელოვნებო, შემეცნებით და სოციალურ აქტივობაზე დასწრება ნებისმიერ მსურველს შეეძლება. სრულად წყარო: ორგანიზაციის გვერდი სოციალურ ქსელში

თბილისი. საქართველოს ახალგაზრდა იურისტთა ასოციაციის ხელმძღვანელი, სულხან სალაძე ფეხბურთელ გურამ კაშიას ირგვლივ მიმდინარე მოვლენებს ეხმაურება. „საქართველოს ეროვნული ნაკრების და ქართული კლუბების შემყურემ მრავალი წლის წინ ავიღე ხელი ქართულ ფეხბურთზე. დიდი ალბათობით ერთა ლიგის წლევანდელი თამაშებიც უხმაუროდ ჩაივლიდა ჩემთვის და უკეთეს შემთხვევაში ტელეეკრანთან ვუყურებდი თამაშებს, რომ არა გურამის წინააღმდეგ დაწყებული ბინძური კამპანია. თუმცა, ამ კამპანიის თავში და ბოლოში მყოფმა ადამიანებმა იმდენი მოახერხეს, რომ დღეს სტადიონზე მივდივარ. მივდივარ და ვივლი მანამ, სანამ გურამ კაშია საქართველოს ნაკრებში ითამაშებს. თუნდაც ყველა თამაში ერთმანეთზე უარესი ანგარიშით წააგოს ნაკრებმა. გურამ კაშია, შენ უფრო მეტი მოიგე, ვიდრე ფეხბურთში შეიძლება მოიგო", - ვკითხულობთ სულხან სალაძის ბლოგში. სრულად  წყარო: ორგანიზაციის ვებგვერდი

თბილისი. 6 სექტემბერს, 11:00 სთ-ზე, EWMI ACCESS-ის ოფისში გაიმართება საკონსულტაციო შეხვედრა გამოცხადებულ საგრანტო კონკურსთან დაკავშირებით. შეხევდრაზე დასწრება შეუძლიათ დაინტერესებულ არასამთვრობო ორგანიზაციებს. დეტალური ინფორმაცია კონკურსის შესახებ იხილეთ ქვემოთ მოცემულ ბმულზე. სრულად  წყარო: ორგანიზაციის გვერდი სოციალურ ქსელში

თბილისი. „საერთაშორისო გამჭვირვალობა - საქართველო" (TI) მიიჩნევს, რომ კარგი პრაქტიკის შესახებ OGP-ის სამიტი ცუდი პრაქტიკით ჩატარდა. „ღია მმართველობის პარტნიორობის" (OGP) გლობალური სამიტის ორგანიზებისთვის, სულ მცირე, 1,78 მლნ ლარი დაიხარჯა და ამ თანხის უდიდესი ნაწილი მთავრობის სარეზერვო ფონდიდან გამოიყო, რაც ეწინააღმდეგება როგორც სარეზერვო ფონდის დანიშნულებას, ასევე თავად „ღია მმართველობის პარტნიორობისა" (OGP) და კარგი მმართველობის პრინციპებს", ნათქვამია TI-ის მიერ გავრცელებულ ინფორმაციაში. სრულად  წყარო: ორგანიზაციის ვებგვერდი