თბილისი. კოალიცია ბავშვებისა და ახალგაზრდებისთვის მარიტა მეფარიშვილის ტრაგიკულად დაღუპვასთან დაკავშირებით განცხადებას აქვეყნებს. „13 წლის მოზარდის გარდაცვალების ფაქტზე, საქართველოს შინაგან საქმეთა სამინისტრომ დაიწყო გამოძიება სისხლის სამართლის კოდექსის 240-ე მუხლის პირველი ნაწილით (უსაფრთხოების წესების დარღვევა). თბილისის მერის განცხადებით „... ყველა დაისჯება შესაბამისად“. უკვე დაკავებულია მერიის კონტრაქტორი კომპანიის - „გრინსერვის +-ის“ დირექტორი ლაშა ფურცხვანიძე. ... ტრადიციად იქცა ყოველი მსგავსი ინციდენტის შემდეგ პრობლემის შედეგზე კონცენტრირება იმ სისტემურ გამოწვევაზე რეაგირების გარეშე, რომელიც ამ პრობლემას იწვევს. აუცილებელია, სისტემურად გაანალიზდეს, სახელმწიფოს როლი ტრაგედიების თავიდან აცილების პროცესში“. სრულად... წყარო: ორგანიზაციის გვერდი სოციალურ ქსელში კესო გველესიანის ნამუშევარი

შიდა ქართლი. ინფორმაციის თავისუფლების განვითარების ინსტიტუტის (IDFI) ცნობით, „გმირობის ნაყოფი - მოყვანილია საოკუპაციო ხაზთან“ ახალი ინიციატივაა, რომელიც მომხმარებელს საშუალებას აძლევს საოკუპაციო ხაზთან მცხოვრები ფერმერები მათი პროდუქტის შეძენით გააძლიეროს. „შეიძინე პროდუქტები ყველგან, სადაც „გმირობის ნაყოფის“ სიმბოლოს შენიშნავ და დაუჭირე მხარი მათ, ვინც ქართულ მიწაზე ზრუნავს“. სრულად... წყარო: ორგანიზაციის გვერდი სოციალურ ქსელში

ამერიკა. 11-13 ოქტომბერს საქართველოს სახალხო დამცველი ნინო ლომჯარია ოფიციალური ვიზიტით იმყოფებოდა ვაშინგტონში, სადაც შეხვედრები გამართა აშშ-ს სენატის, პრეზიდენტის ადმინისტრაციისა და სახელმწიფო დეპარტამენტის მაღალი თანამდებობის პირებთან, ასევე საერთაშორისო ორგანიზაციების ხელმძღვანელებთან. ომბუდსმენის განცხადებით, ამერიკელი პარტნიორების მთავარი გზავნილია, რომ ამერიკის შეერთებული შტატები ურყევად იდგება საქართველოს გვერდით, მანამ, სანამ ქართველ ხალხს ექნება სურვილი მიიღოს დახმარება დემოკრატიული განვითარების პროცესში. სრულად... წყარო: ombudsman.ge

ფონდი „ტასო“ გირჩევთ ნახოთ სოფლად მცხოვრები ქალების თემაზე გადაღებული სამწუთიანი ფილმი „მედეას შთამომავლები“. ლენა ჭაღალიძის ფილმმა „მედეას შთამომავლები“ სამწუთიანი ფილმების კონკურსის პირველი საპრიზო ადგილი მოიპოვა. სრულად... წყარო: ორგანიზაციის გვერდი სოციალურ ქსელში

თბილისი. ადამიანის უფლებათა ცენტრმა პრესკონფერენციაზე წარმოადგინა მიხეილ სააკაშვილის ჯანმრთელობის დაცვის უფლების თაობაზე მომზადებული ანალიტიკური დოკუმენტი, სახელწოდებით „პატიმრის უფლება ჯანდაცვაზე - მიხეილ სააკაშვილის წინააღმდეგ მიმდინარე სასამართლო პროცესის და თანმდევი მოვლენების ანალიზი“. ანალიტიკური დოკუმენტი ეყრდნობა სხვადასხვა კვალიფიციურ წყაროს, პირველ რიგში კი - ადამიანის უფლებათა ცენტრის სასამართლო მონიტორის მიერ მომზადებულ სასამართლო სხდომების მონიტორინგის ანგარიშებს. სრულად... წყარო: ორგანიზაციის გვერდი სოციალურ ქსელში

თბილისი. ქალთა ფონდის დირექტორმა ნანა ფანცულაიამ თანამდებობა დატოვა. ორგანიზაციის აღმასრულებელი დირექტორის მოვალეობას სალომე ჩაგელიშვილი შეასრულებს. „როგორც ფონდის უკვე ყოფილი ლიდერი, მოხარული და იღბლიანი ვარ, რომ ცვლილების შემდეგ ფონდს არ ვტოვებ, საშუალება მეძლევა ჩვენს გუნდთან ერთად დავრჩე და ფონდის ერთ მიმართულებას, ფემინისტური რეზიდენციის პროექტის გამართვას მოვახმარო უფრო მეტი დრო და ენერგია. ჩემთვის ეს მართლაც დიდი პრივილეგიაა, რადგან გავაკეთებ იმას, რაზეც ვოცნებობდი და შევძლებ დავასრულო ის, რის დაწყებასაც ასევე დიდი გაბედულება სჭირდებოდა თავის დროზე. დიდი იმედი მაქვს ფემინისტური რეზიდენციის ამუშავებას მოკლე დროში შევძლებთ და ვახარებთ ჩვენს პარტნიორებს და მხარდამჭერებს“, წერს ნანა ფანცულაია. სრულად... წყარო: ორგანიზაციის გვერდი სოციალურ ქსელში

თბილისი. 10 ოქტომბერს, ონლაინ პლატფორმა zoom-ის საშუალებით გაიმართა შეხვედრა, რომლის მიზანი იყო სახელმწიფოსა და საზოგადოებრივ ორგანიზაციებს შორის ფულის გათეთრებისა და ტერორიზმის დაფინანსების წინააღმდეგ ბრძოლის მიმართულებით ინფორმაციის გაცვლა. მათ შორის პროცესში სსო-ების მონაწილეობა, მათი ხედვებისა და გამოცდილების გაცნობა-გაზიარება, რათა თავიდან იქნეს აცილებული სექტორზე ამ პროცესის არასასურველი გავლენა. სრულად... წყარო: civilin.org

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი…

სამეგრელო. საერთაშორისო გამჭვირვალობა - საქართველო წალენჯიხის მერისთვის საკუთარი საცხოვრებელი სახლის წინ ავტომობილის დაწვის ფაქტს ეხმაურება. „გია ხარჩილავა ქვეყნის მასშტაბით ერთადერთი ოპოზიციონერი მერია და იგი ავტომობილის დაწვას თავის საქმიანობას უკავშირებს. აღნიშნული ფაქტი კიდევ ერთხელ ადასტურებს, რომ ქვეყანაში არსებული პოლიტიკური პოლარიზაციის მაღალი დონე და მმართველი პარტიის აგრესიული რიტორიკა პოლიტიკური ოპონენტებისა და ხელისუფლების მიმართ კრიტიკულად განწყობილი ჯგუფებისთვის ფიზიკური უსაფრთხოების პრობლემას ქმნის. მოვუწოდებთ შინაგან საქმეთა სამინისტროს, მყისიერად და მიუკერძოებლად გამოიძიოს წალენჯიხის მერის ავტომობილის დაწვის ფაქტი და საზოგადოებას გამოძიების შედეგებზე ინფორმაცია მიაწოდოს“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. შეზღუდული შესაძლებლობის მქონე პირები, შშმ პირთა მშობლები და მათ საკითხებზე მომუშავე ადამიანები და ორგანიზაციები საქართველოს პარლამენტის წევრებს, ფრაქციებსა და პოლიტიკურ ჯგუფებს მიმართავენ, სახალხო დამცველის კანდიდატად მხარი ანა აბაშიძეს დაუჭირონ. „ჩვენი შეფასებით, ანა აბაშიძეს აქვს საქართველოს მომავალი სახალხო დამცველისთვის საჭირო ყველა აკადემიური, პროფესიული და პიროვნული თვისება, ღირებულება და ფასეულობა; თავის საქმიანობაში, შშმ პირთა, ქალთა და ბავშვთა უფლებების დაცვისას, ის გამოირჩეოდა პარტიული მიუკერძოებლობით, დაბალანსებულობით, კეთილსინდისიერებითა და გულისხმიერებით, ორიენტირებული იყო თანასწორობაზე; ის უამრავი შშმ პირის ინტერესებს წარმოადგენს სასამართლოსა და სხვა ორგანოში, როდესაც მათ არ აქვთ წვდომა საჭირო სერვისებზე, დამხმარე საშუალებებზე, გარემოზე, განიცდიან დისკრიმინაციასა თუ ძალადობას დახურულ ინსტიტუციებში“, ნათქვამია ერთობლივ განცხადებაში. სრულად... წყარო: PHR-ის გვერდი სოციალურ ქსელში

თბილისი. საქართველოს პოლიტიკის ინსტიტუტის ინფორმაციით, ახალგაზრდა ლიდერთა სკოლის, ELS-ის კურსდამთავრებულმა, დავით ესათიამ ახალგაზრდობის სააგენტოს 2022 წლის საგრანტო კონკურსში გაიმარჯვა და გაეროში საქართველოს ახალგაზრდობის წარმომადგენელი გახდა. ორგანიზაციის ცნობით, დავითმა მომავალ ლიდერთა სკოლა წარმატებით დაასრულა და წლებია აქტიურად არის ჩართული ახალგაზრდულ საქმიანობაში... Საქართველოს პოლიტიკის ინსტიტუტისა და „მომავალ ლიდერთა სკოლის“ (ELS) სახელით ულოცავს დავითს ახალ პოზიციას და წარმატებებს უსურვებს. სრულად... წყარო: ორგანიზაციის გვერდი სოციალურ ქსელში

კოალიცია დამოუკიდებელი ცხოვრებისთვის აქვეყნებს გიორგი ხიზანიშვილის ბლოგპოსტს: დედა, როგორც პერსონალური ასისტენტი. „ამ ბლოგის დაწერა იმიტომ გადავწყვიტე, რომ საზოგადობას ვაჩვენო, რამდენად რთულია იყო  დედა, როდესაც შენი შვილი შეზღუდული შესაძლებლობის მქონეა. ვინაიდან, ჩვენი ქვეყანა ვერ უზრუნველყოფს პერსონალურ ასისტენტს და თავიდან იცილებს ამ პასუხისმგებლობას, შეზღუდული შესაძლებლობის მქონე პირთა ასისტენტებად ძირითადად, ოჯახის წევრები გვევლინებიან. ფაქტობრივად, ჩვენი ოჯახის წევრები საკუთარ ცხოვრებაზე უარს ამბობენ იმისთვის, რომ თავი ღირსეულ ადამიანებად ვიგრძნოთ, მივიღოთ განათლება, გვქონდეს სამსახური და საზოგადოების სრულყოფილ წევრებად ვიქცეთ. ჩემ შემთხვევაშიც მსგავსად ხდება. როდესაც რამე მჭირდება, დედა ყოველთვის გვერდით ჩნდება. სამწუხაროდ, ეს მიღებული პრაქტიკაა და ვინმეს რომ ჰკითხოთ გიპასუხებთ - „აბა რა, ვინ  უნდა მიხედოს, თუ არა ოჯახის წევრმა“, რაც არასწორია და მიუღებელი. თუ რატომ, ამის საილუსტრაციოდ ვიტყვი: როდესაც ბავშვი იბადება, ის დამოუკიდებლად ცხოვრებას ვერ ახერხებს თუმცა, ასაკის მატებასთან ერთად, ცდილობს დამოუკიდებლად შეასრულოს აქტივობები. ყველას მსგავსად, შეზღუდული შესაძლებლობის მქონე პირსაც ესაჭიროება თავისუფლება და დამოუკიდებლობა. როგორც ყველას, მასაც სურს დამოუკიდებლად მიიღოს გადაწყვეტილებები და რაც მთავარია, აღასრულოს საკუთარი ნება. ჩვენთან კი, მოგეხსენებათ, როგორც ხდება: შეზღუდული შესაძლებლობის მქონე პირს ვერ აღიქვამენ „სრულყოფილ“ ადამიანად. გამოსავალი რაშია? სწორედ იმაში, რომ შეზღუდული შესაძლებლობის პირს სახელმწიფომ პირადი ასისტენტის სერვისი შესთავაზოს, რაც კიდევ უფრო მეტად გაზრდის შეზღუდული შესაძლებლობის მქონე პირის დამოუკიდებლობის ხარისხს“. სრულად... წყარო: disability.ge

აჭარა. გაეროს ბავშვთა ფონდის წარმომადგენელმა საქართველოში, ღასან ხალილმა ბათუმის შოთა რუსთაველის სახელმწიფო უნივერსიტეტი/BSU-ში ბათუმის შოთა რუსთაველის სახელობის სახელმწიფო უნივერსიტეტში საჯარო ლექცია წაიკითხა ბავშვის უფლებების შესახებ. ლექცია შეეხებოდა ღირებულებებზე დაფუძნებულ ლიდერობას და ბავშვის უფლებებზე დაფუძნებულ მიდგომებს. სრულად... წყარო: ორგანიზაციის გვერდი სოციალურ ქსელში

13 ოქტომბერს, 19:00 საათზე, გაიმართება რეჟისორ თამარ შავგულიძის ფილმის „კომეტები” ჩვენება. პროექტი ხორციელდება ევროკავშირისა და კონრად ადენაუერის ფონდის მიერ დაფინანსებული პროექტის „სამოქალაქო საზოგადოების ინიციატივა“ ფარგლებში. სრულად...

13 ოქტომბერს, 13:00 საათზე, ადამიანის უფლებათა ცენტრი ანალიტიკურ დოკუმენტს - „პატიმრის უფლება ჯანდაცვაზე - მიხეილ სააკაშვილის წინააღმდეგ მიმდინარე სასამართლო პროცესის და თანმდევი მოვლენების ანალიზი“ წარადგენს. მისამართი: თბილისი, აკაკი გახოკიძის 11ა, თბილისის ადამიანის უფლებათა სახლის საკონფერენციო დარბაზი.

თბილისი. „პარტნიორობა ადამიანის უფლებებისთვის“ იურისტი თამარ გაბოძე მცირე საოჯახო ტიპის სახლის თანამშრომლებს და პერსონალურ ასისტენტებს შეხვდა, რომლებიც უფლებამოსილების ფარგლებში, შშმ ქალებს სხვადასხვა სერვისს აწვდიან. თანამშრომლებმა ისაუბრეს სახელმწიფოს მხრიდან ბენეფიციარებზე გამოყოფილ მწირ დაფინანსებაზე. ასევე, იმ სირთულეებზე, რასაც შშმ ქალები აწყდებიან სექსუალური და რეპროდუქციული ჯანმრთელობის სერვისით სარგებლობისას. „პროექტის განმავლობაში დღის ცენტრებში და მცირე საოჯახო ტიპის სახლებში განხორციელებული ვიზიტებზე მუდმივად იკვეთება სახელმწიფოს მხრიდან ნაკისრი ვალდებულების შეუსრულებლობა და შშმ ქალთა სექსუალური და რეპროდუქციული ჯანმრთელების უფლების დარღვევა“, ნათქვამია ორგანიზაციის ვებგვერდზე. სრულად... წყარო: phr.ge

თბილისი. ევროკავშირი საქართველოს ყველაზე მსხვილი დონორია. წლების წარმატებული რეფორმების კვალდაკვალ, გაიზარდა ევროკაშირის ფინანსური მხარდაჭერის მოცულობა. აღსანიშნავია, რომ 2014 – 2020 წლებში, ევროკავშირი საქართველოს ჯამში, 938.4 მილიონი ევროთი დაეხმარა. •ევროკავშირის დახმარებიდან ყველაზე დიდი დახმარება სოფლის მეურნეობის განვითარებისთვის გამოიყო – 235 მილიონი ევრო.  ევროკავშირისა და საქართველოს თანამშრომლობის ძირითადი სფეროები •სოფლის მეურნეობა და სოფლის განვითარება  •საჯარო მმართველობის სისტემის რეფორმმა და საჯარო ფინანსების მართვა •მართლმსაჯულება, კანონის უზენაესობა და დემოკრატიული მმართველობა  •ეკონომიკური განვითარება, ბაზრის შესაძლებლობები და პროფესიული უნარ–ჩვევები  •ურთიერთკავშირები (გარემო, კლიმატის ცვლილება, ტრანსპორტი, ენერგეტიკა)  •მობილურობა და ადამიანების შორის კავშირი სრულად... წყარო: ევროკავშირის ვებგვერდი

თბილისი. გოგოების საერთაშორისო დღეს, UNFPA Georgia-მ ევროკავშირთან ერთად, თბილისის თოჯინების სახელმწიფო თეატრის სცენაზე თოჯინური წარმოდგენა „ესმამ დაქოქა მანქანა” დადგა. ორგანიზაციის გადმოცემით, „ესმამ დაქოქა მანქანა“ არის სპექტაკლი გოგოებისთვის და ბიჭებისთვის, რომლებიც ოცნებობენ, ამსხვრევენ სტერეოტიპებს, სურთ, სამყარო უკეთესობისკენ შეცვალონ და რომელთა ოჯახებიც სქესის მიუხედავად ამაყობენ თავიანთი შვილებით. წაიკითხეთ მეტი... წყარო: eu4georgia.eu

თბილისი. რონდელის ფონდი აქვეყნებს ზურაბ ბატიაშვილის ბლოგპოსტს: წყლის რესურსების დეფიციტი ახლო აღმოსავლეთში და მისი გავლენა რეგიონში მიმდინარე პროცესებზე. „ახლო აღმოსავლეთი ერთ-ერთი ყველაზე უწყლო რეგიონია მსოფლიოში და რაც დრო გადის, აქ წყლის დეფიციტთან დაკავშირებული პრობლემები სულ უფრო მატულობს. წყლის დეფიციტს მრავალი ფაქტორი განაპირობებს: დემოგრაფიული აფეთქების შედეგად მოსახლეობის სწრაფი ზრდა და ქაოსური ურბანიზაცია, გლობალური დათბობა და კლიმატის ცვლილება, ქვეყნებს შორის დაპირისპირებები, სამოქალაქო ომები, წყლის არსებული რესურსების არაეფექტური გამოყენება და ა.შ.“ სრულად... წყარო: ორგანიზაციის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტი (IDFI) აქვეყნებს კვლევას: განათლების სექტორის მიმოხილვა, ეთნიკური უმცირესობების და სოციალურად მოწყვლადი ჯგუფების გამოწვევების იდენტიფიცირება. კვლევის მიგნებების თანახმად: 2021 წელს განათლებაზე, მეცნიერებაზე და პროფესიულ მომზადებაზე დანახარჯები დაახლოებით 2.2 მლრდ. ლარია, რაც მშპ-ს 3.6%-ს შეადგენს. აქედან ინკლუზიურ განათლებაზე მხოლოდ 1.2 % დაიხარჯა.   2021 წელს გაორმაგდა სპეციალური საგანმანათლებლო საჭიროების მქონე პირებს შორის სტატუსშეჩერებული სტუდენტების რაოდენობა. 2021 წ. საქართველოში უმუშევრობის დონემ უმაღლესი განათლების მქონე სამუშაო ძალაში 15.5% შეადგინა, რაც ბევრად მაღალია ვიდრე OECD (6.1%) და ევროკავშირის (5.5%) ქვეყნებში. სრულად... წყარო: idfi.ge

ნორვეგია. საქართველოს ახალგაზრდა იურისტთა ასოციაციის ადამიანის უფლებათა პროგრამის ანალიტიკოსი ანა ბერიძე ოსლოს საერთაშორისო გარემოსდაცვითი სამართლის კონფერენციაზე მოხსენებით გამოვიდა.  მისი მოხსენება ეძღვნებოდა მომავალი თაობების ინტერესებსა და უფლებებს სამმაგი პლანეტარული კრიზისის კონტექსტში. ანამ თავის კვლევაზე დაყრდნობით ისაუბრა, თუ რა გამოწვევების წინაშე დგას ამ მხრივ მსოფლიო და საქართველო, ქმნის თუ არა საქართველოს კონსტიტუციაში არსებული მითითება მომავალი თაობების ინტერესებზე ახალ სამართლებრივ რეჟიმს, დაცული და გათვალისწინებულია თუ არა მომავალი თაობების ინტერესები გადაწყვეტილების მიღების პროცესში, როგორ უკავშირდება ეს ინტერესები მდგრად განვითარებას და როგორ უნდა გაუმჯობესდეს ამ მხრივ დღეს არსებული მდგომარეობა. სრულად... წყარო: ორგანიზაციის გვერდი სოციალურ ქსელში

თბილისი. ორგანიზაცია „საფარმა“ 11 ოქტომბერს გოგონების საერთაშორისო დღე აღნიშნა. „გამოწვევებისა და მიზნების გაზიარება, ერთმანეთის გამხნევება და მხარდაჭერა, სოლიდარობა, ბევრი სიცილი და ცოტა ტირილიც, ცეკვა, სიმღერა და რწმენა, რომ ერთად უფრო ძლიერები ვართ - ასე ჩაიარა ღონისძიებამ, რომელშიც მონაწილეობას იღებდნენ მოსწავლეები და სტუდენტები ქვეყნის სხვადასხვა რეგიონიდან. ვამაყობთ ჩვენი ახალგაზრდული პლატფრომებით - Pəncərə/ფანჯარა და Գանձ/განძი, ასევე, ახალგაზრდა ფემინისტთა მოძრაობით, გოგონების ხმა/The Voice of Girls“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში