იმერეთი. ადგილობრივი დემოკრატიის სააგენტო საქართველომ (LDA Georgia) პროექტის „სამოქალაქო საზოგადოების ინიციატივა“ ფარგლებში სამიზნე მუნიციპალიტეტებში არსებული სამოქალაქო საზოგადოებრივი ორგანიზაციის წარმომადგენლებისა და აქტიური მოქალაქეებისათვის ჩაატარა ტრენინგი ადვოკატირების როლის, მნიშვნელობის, ეტაპებისა და მეთოდების  შესახებ. ტრენინგის დღის წესრიგი მოიცავდა ისეთ საკითხებს, როგორიცაა: რა არის ადვოკატირება?  ადვოკატირებს სახეები; ადვოკატირების ძირითადი ელემენტები; საადვოკატო პრობლემის დადგენა, ადვოკატირების ეტაპები, მეთოდები და საშუალებები; ტრენინგები ტარდება პროექტის „სამოქალაქო საზოგადოების ინიციატივის“ ფარგლებში, ევროკავშირისა და კონრად ადენაუერის ფონდის მხარდაჭერით. სრულად... წყარო: ორგანიზაციის გვერდი სოციალურ ქსელში

27 ივლისს, 17:00 საათზე, რუსთავის დემოკრატიული ჩართულობის ცენტრში (რუსთაველის ქ. N30ა) შედგება „ქალთა გაძლიერების პლატფორმის“ პირველი შეხვედრა და დისკუსია ქვემო ქართლში ქალთა უფლებებსა და გამოწვევებთან დაკავშირებით. სრულად...

27 ივლისს, 12:00 საათზე, EU4Youth - SEAG პროექტის ფარგლებში, ონლაინ სივრცეში ჩატარდება ვებინარი თემაზე: „ERASMUS+ გაცვლითი პროგრამები“. ვებინარის მიზანია ახალგაზრდებისთვის ინფორმაციის გაზიარება ქვეყნის გარეთ არსებულ შესაძლებლობებზე. სრულად...

სამცხე-ჯავახეთი. 22 ივლისს, პარტნიორობა ადამიანის უფლებებისთვის (PHR) ადვოკატებმა ბორჯომის დღის ცენტრ „თებეს“ თანამშრომლებისა და მათი ბენეფიციარების მშობლებისთვის ტრენინგი ჩაატარეს თემაზე: „შშმ პირების სექსუალური და რეპროდუქციული ჯანმრთელობის უფლები“. „ტრენინგის მსვლელობისას PHR-ის ადვოკატებმა მიმოიხილეს ეროვნული კანონმდებლობა და საერთაშორისო კონვენცია შშმ პირთა უფლებების შესახებ. ასევე, მშობლებს და მომვლელებს მიეწოდათ ინფორმაცია თუ რა უფლებებს მოიცავს ჩარჩო ტერმინი - სექსუალური და რეპროდუქციული ჯანმრთელობის უფლება, რა სახის მხარდაჭერა შეიძლება დასჭირდეს გარდატეხის ასაკში მყოფ შეზღუდული შესაძლებლობის მქონე გოგოებს. მათ შორის მენსტრუალური ციკლის დროს, როგორია თვით სტიმულირების თანამედროვე აღქმა და რა შემთხვევაში უნდა მიექცეს ყურადღება აღმზრდელისა თუ სპეციალისტის მიერ. ასევე, ტრენინგის დროს განხილული იქნა შეზღუდული შესაძლებლობის მქონე ქალებისთვის აბორტის შესახებ ინფორმაციისა და მომსახურების მიწოდების და კომუნიკაციის პრინციპები“. სრულად... წყარო: phr.ge

მცხეთა-მთიანეთი. „სამართლიანი არჩევნებისა და დემოკრატიის საერთაშორისო საზოგადოების“ საზაფხულო ბანაკი „ინფორმაციული უსაფრთხოება დემოკრატიული არჩევნებისთვის“ დასრულდა. „ბანაკი მიზნად ისახავდა სოციალურ მედიაში მიმდინარე დეზინფორმაციული კამპანიებისა და საფრთხისშემცველი საინფორმაციო ოპერაციების შესახებ ახალგაზრდა ამომრჩევლებში ცნობიერების ამაღლებას“. სრულად... წყარო: ორგანიზაციის გვერდი სოციალურ ქსელში

თბილისი. საქართველოს სტრატეგიის და საერთაშორისო ურთიერთობების კვლევის ფონდი აქვეყნებს ორგანიზაციის მკვლევრის ზურაბ ბატიაშვილის ბლოგპოსტს: რატომაა მნიშვნელოვანი ბაიდენის ტურნე ახლო აღმოსავლეთში.? „აშშ-ის ინტერესი და აქტიური ჩართულობა ახლო აღმოსავლეთის საკითხებში მნიშვნელოვანია მასთან მოსაზღვრე რეგიონებისთვის და მათ შორის, სამხრეთ კავკასიისთვისაც. აშშ-სთვის სულ ერთი ვერ იქნება რა სიტუაცია იქნება ახლო აღმოსავლეთის სამეზობლოში. ეს მდგომარეობა კი, ბევრ სხვა საკითხთან ერთად, ზრდის ვაშინგტონის საქართველოთი დაინტერესების ხარისხსაც“. სრულად... წყარო: gfsis.org.ge

ქვემო ქართლი. სოციალური სამართლიანობის ცენტრის ინფორმაციით, რამდენიმე თვეა მარნეულის მუნიციპალიტეტის სოფელ კიროვკას მოსახლეობა ცდილობს თვითმმართველობისთვის საკუთარი ხმის გაგონებას და მათი სოფლის სახელწოდების ცვლილების პროცესში თვითმმართველ ორგანოებისთვის სოფლის პოზიციის გაცნობას. „26 აპრილს სოფელ კიროვკას მოსახლეობამ მარნეულის მერიასა და საკრებულოს კოლექტიური წერილით მიმართა, რომლითაც ისინი მათი სოფლისთვის ახალი სახელწოდების შერჩევის პროცესში მათ ჩართვას ითხოვდნენ და თვითმმართველობას სოფლის სახელწოდებად „მამეი“-ს სთავაზობდნენ, რაც მათი განმარტებით, აღნიშნული სოფლის ისტორიული სახელწოდებაა და რომელიც 1949 წელს საბჭოთა კავშირის პერიოდში შეიცვალა, როგორც კიროვკა. სოციალური სამართლიანობის ცენტრი მხარს უჭერს მარნეულის მუნიციპალიტეტის სოფელ კიროვკას მოსახლეობის მოთხოვნას მათ სოფელში დასახლების საერთო კრების ჩატარებასთან დაკავშირებით და მოუწოდებს მარნეულის მუნიციპალიტეტის მერიას, რომ გაატაროს საერთო კრების ჩატარებისთვის საჭირო ყველა ზომა“. სრულად... წყარო: socialjustice.org.ge

თბილისი. საერთაშორისო გამჭვირვალობა - საქართველო მეათე მოწვევის პარლამენტის საქმიანობის ანგარიშს აქვეყნებს. ორგანიზაციის შეფასებით, კრიზისულ ვითარებაში თავის საქმიანობის პირველ წელს პარლამენტმა ვერ შეძლო ეფექტურად განეხორციელებინა საპარლამენტო კონტროლი; ოპოზიცია, მეტწილად, ბოიკოტის რეჟიმში ყოფნის გამო, სრულფასოვნად არ იყო ჩართული პარლამენტის საქმიანობაში. პარლამენტმა არ გაატარა მნიშვნელოვანი რეფორმები, მათ შორის 19 აპრილის პოლიტიკური პარტიების შეთანხმებით აღებული ის ვალდებულება, რომელიც ეხებოდა პარლამენტში ძალაუფლების განაწილებას. სრულად... წყარო: transparency.ge

თბილისი. რონდელის ფონდის მკვლევრები, ზურა ბატიაშვილი და ალექსი პეტრიაშვილი მიმოიხილავს რუსეთ-თურქეთ-ირანის სამიტზე განხილულ საკითხებს. წყარო: ორგანიზაციის გვერდი სოციალურ ქსელში

თბილისი. სოციალური სამართლიანობის ცენტრის ინფორმაციით, 2013-2019 წლებში რუსეთმა საქართველოს 23 ადამიანის ექსტრადიცია მოსთხოვა. ამათგან, საქართველოს ხელისუფლებამ 14 შემთხვევაში მოთხოვნა დაკმაყოფილდა. ორგანიზაციის ცნობით, განახლებულ ინფორმაციას საქართველოს იუსტიციის სამინისტრო არაერთი მიმართვის მიუხედავად, აღარ გასცემს. „სამწუხაროდ, ბოლო წლებში „ქართული ოცნების“ ხელისუფლების მხრიდან ეს მანკიერი პრაქტიკა ნორმალიზებულია. ჩვენ მიერ შესწავლილი  საქმეები ცხადყოფს, რომ ექსტრადიციის შემთხვევებისას, ქართული სახელმწიფო იჩენს პოლიტიკურ ლოიალობას რუსეთის ფედერაციის მიმართ და ადამიანის უფლებების მძიმე დარღვევის რისკებს არასათანადოდ აფასებს. ჩვენთვის მორალური და პოლიტიკური თვალსაზრისითაც სრულად გაუგებარია, როგორ შეიძლება საქართველოს სახელმწიფომ დაუშვას რუსეთის ფედერაციასთან,  რომელიც უკვე წლებია ჩვენი ქვეყნისა და რეგიონის მიმართ საერთაშორისო დანაშაულებს ჩადის, სისხლის სამართლის სფეროში თანამშრომლობა და რეპრესიული, კონსოლიდირებული ავტორიტარული რეჟიმის წინაშე ადამიანების ექსტრადირება“, ნათქვამია ორგანიზაციის განცხადებაში. სრულად... წყარო: ორგანიზაციის გვერდი სოციალურ ქსელში

თბილისი. მედიის ადვოკატირების კოალიცია მოუწოდებს საქართველოს პარლამენტს ირაკლი კობახიძის გამონათქვამები პარლამენტის წევრის ეთიკის კოდექსის ფარგლებშიც შეისწავლოს. გავრცელებული ინფორმაციით, 2022 წლის 25 ივლისს „მთავარი არხის“ ჟურნალისტი,  ნატალი ჯახუტაშვილი  „ქართული ოცნების“ თავმჯდომარის ირაკლი კობახიძის აგრესიული სიტყვიერი თავდასხმის სამიზნედ იქცა. პროფესიული საქმიანობის შესრულებისას ირაკლი კობახიძე ჟურნალისტს შეურაცხმყოფელი ფრაზებით მიმართავდა და სექსისტური ენით ესაუბრებოდა. კოალიცია გმობს ირაკლი კობახიძის მიერ ჟურნალისტზე თავდასხმას და მოუწოდებს მმართველ პარტიას, „ქართულ ოცნებას”, მიიღოს ზომები ევროპასთან ინტეგრაციის პროცესში არსებული ვალდებულებების შესასრულებლად, რაც მოიცავს ხელისუფლების პასუხისმგებლობას გააუმჯობესოს მედიაგარემო ქვეყანაში. სრულად... წყარო: კოალიციის გვერდი სოციალურ ქსელში

26 ივლისს, 19:00 საათზე საქართველოს სტრატეგიისა და საერთაშორისო ურთიერთობების კვლევის ფონდი (რონდელის ფონდი) გიწვევთ სამეცნიერო სემინარზე „პოლიტეკონომიური საუბრები ლადო პაპავასთან“ – რეგიონალიზმი და ქვეყნის ადმინისტრაციულ-ტერიტორიული მოწყობა: ანალიზი, შეფასება, პერსპექტივები. სრულად... 

26 ივლისს, 17:00 საათზე, გორის დემოკრატიული ჩართულობის ცენტრში (იერუშალაიმის ქ. N18) შედგება „ქალთა გაძლიერების პლატფორმის“ პირველი შეხვედრა და დისკუსია ქალთა საჭიროებებთან დაკავშირებით. სრულად...

სამცხე-ჯავახეთი. სოციალური სამართლიანობის ცენტრის ინფორმაციით, ჯავახეთის რეგიონის სოფელ განძაში ადგილობრივი მოსახლეობა ვაჰან ტერიანის დაბადების დღეს ზეიმობს. ვაჰან ტერიანი ეთნიკურად სომეხი პოეტი და საზოგადო მოღვაწე იყო, რომელიც 1885 წელს ჯავახეთის რეგიონის სოფელ განძაში დაიბადა. სრულად... წყარო: socialjustice.org.ge

თბილისი. საქართველოს ახალგაზრდა იურისტთა ასოციაციის (საია) თბილისის ოფისის დახმარებით, 3 პირს ადმინისტრაციული სამართალდარღვევის საქმეებზე ადმინისტრაციული პასუხისმგებლობა არ დაეკისრათ. სრულად... წყარო: www.gyla.ge

თბილისი. სოციალური სამართლიანობის ცენტრი ეხმიანება აფხაზეთში, ბიჭვინთის სახელმწიფო აგარაკის და მის მიმდებარედ 186 ჰექტარი მიწის ნაკვეთის რუსეთის ფედერაციისთვის გადაცემას და მოუწოდებს სახელმწიფოს დროულად გადადგას ნაბიჯები აფხაზეთში რუსეთის ანექსიური პოლიტიკის შეკავებისა და სამშვიდობო პოლიტიკის მიმართულებით ძალისხმევის გაძლიერებისკენ. სრულად... წყარო: socialjustice.org.ge

რაჭა-ლეჩხუმი. რაჭა-ლეჩხუმისა და ქვემო სვანეთის რეგიონული ჰაბის - ფონდი „აფხაზინტერკონტის“ ორგანიზებით, რეგიონული საკოორდინაციო შეხვედრა გაიმართა. შეხვედრის მიზანი იყო სამოქალაქო საზოგადოების ორგანიზაციების მუდმივი ინფორმირება, სექტორთა შორის თანამშრომლობის და ხელსაყრელი გარემოს (განვითარების შესაძლებლობები, არსებული გამომწვევები, დაფინანსების შესაძლებლობები) შექმნის ხელშეწყობა; ადგილობრივი ბიუჯეტიდან დაფინანსებების მოპოვების შესაძლებლობების გაცნობა, თანამშრომლობის პერსპექტივებზე მსჯელობა. შეხვედრა გაიმართა ევროკავშირისა და კონრად ადენაუერის ფონდის მიერ დაფინანსებული პროექტის „სამოქალაქო საზოგადოების ინიციატივა“ ფარგლებში. სრულად... წყარო: ორგანიზაციის გვერდი სოციალურ ქსელში

თბილისი. საქართველოს სტრატეგიის და განვითარების ცენტრის (GCSD) ორგანიზებით, პროექტის „უკეთ გავიცნოთ ნატო“ ფარგლებში, ნატოს სახალხო დიპლომატიის განყოფილების მხარდაჭერით, სამდღიანი სასწავლო კურსი „ნატოს აკადემია ახალგაზრდებისთვის“ ჩატარდა. კურსის ფარგლებში, მონაწილეები გაეცნენ ორგანიზაციის ამჟამინდელ პოლიტიკურ დღის წესრიგს, ნატოს მიდგომებს დეზინფორმაციის წინააღმდეგ, ნატო-საქართველოს პარტნიორობისა და ნატოს ახალ სტრატეგიულ კონცეპტებს.  ინფორმაცია სრულად იხილეთ ბმულზე...  წყარო: www.gcsd.org.ge

თბილისი. ქალთა ინიციატივების მხარდამჭერი ჯგუფი (WISG) ადვოკატირებს 2013 წლის 17 მაისის საქმეზე „ქალთა ინიციატივების მხარდამჭერი ჯგუფი და სხვები საქართველოს წინააღმდეგ“, ადამიანის უფლებათა ევროპული სასამართლოს (შემდგომში ევროპული სასამართლო) 2021 წლის 16 დეკემბრის გადაწყვეტილების აღსრულებას ეროვნულ დონეზე და, მზად არის, უფასო იურიდიული კონსულტაცია გაუწიოს იმ დაზარალებულ მანიფესტანტებს, ვინც ევროპულ სასამართლოში წარმართული პროცესის მიღმა დარჩა. სრულად... წყარო: wisg.org

შიდა ქართლი. „საკრებულო ახალგაზრდებისთვის“ – ასე ჰქვია კონცეფციას, რომელიც სამოქალაქო საზოგადოების ინსტიტუტისა და ახალგაზრდული საბჭოს წარმომადგენლებმა გორის საკრებულოს თავმჯდომარეს დავით რაზმაძეს, 21 ივლისს გამართულ შეხვედრაზე გააცნეს. კონცეფციის მიზანია ახალგაზრდების თვითმმართველობის საქმიანობაში მონაწილეობის ზრდის ხელშეწყობა. შემუშავებული წინადადება ითვალისწინებს ახალგაზრდებისთვის თვეში ერთხელ საკრებულოს კომისიების, ბიუროს, საქმიანობის, მიღებული გადაწყვეტილებების გაცნობას. აღნიშნული კონცეფცია წარმოადგენს სამოქმედო გეგმის ნაწილს, რომელიც სამოქალაქო საზოგადოების ინსტიტუტთან (CSI) თანამშრომლობით, მოქალაქეთა მონაწილეობის ხარისხის თვითშეფასების მეთოდოლოგიის (ბენჩმარკინგი) დანერგვის შემდეგ, საკრებულოში შექმნილი სამუშაო ჯგუფის მიერ შემუშავდა. აქტივობა ხორციელბედა პროექტის – „ადგილობრივი განვითარების აქტორებს შორის მყარი კავშირების დამყარება“ ფარგლებში, გერმანული ორგანიზაციის „პური მსოფლიოს“ მხარდაჭერით.

იმერეთი. 22 ივლისს, ევროკავშირის მხარდაჭერით და იმერეთის რეგიონული ჰაბის - ადგილობრივი დემოკრატიის სააგენტო საქართველოს (LDA Georgia) ორგანიზებით გაიმართა საჯარო შეხვედრა თემაზე „მიგრაციის გამომწვევი მიზეზები და დასაქმების შესაძლებლობები იმერეთის რეგიონში“. შეხვედრა გაიმართა პროექტის ,,სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის“ ფარგლებში, რომელიც ხორციელდება ევროკავშირისა (EU) და კონრად ადენაუერის ფონდის (KAS) მხარდაჭერით. სრულად... წყარო: ორგანიზაციის გვერდი სოციალურ ქსელში

25 ივლისს, 11:00 საათზე, „სოციალური სამართლიანობის ცენტრი“ ყოფილი მოსამართლის, მაია ბაქრაძის საქმეზე პრესკონფერენციას გამართავს. თემა: სოციალური სამართლიანობის ცენტრმა უპასუხა მაია ბაქრაძის საქმეზე ევროსასამართლოში მთავრობის მიერ წარმოდგენილ მოსაზრებებს. მისამართი: თბილისი, ი. აბაშიძის 12 ბ (სოციალური სამართლიანობის ცენტრი ოფისი)