თბილისი. ადამიანის უფლებათა ცენტრის (HRC) ინფორმაციით, თბილისის სააპელაციო სასამართლოში მთავარი არხის დამფუძნებლის, ნიკა გვარამიას საქმის სასამართლო პროცესი 2022 წლის 4 ოქტომბრამდე, 2-თვენახევრით გადაიდო. ორგანიზაციის ცნობით, ამ გადაწყვეტილების ერთ-ერთ მიზეზად, მოსამართლეთა კოლეგიამ აგვისტოს თვეში მათი შვებულებები დაასახელა. „საქართველოს სისხლის სამართლის საპროცესო კანონმდებლობის თანახმად, სააპელაციო სასამართლოს 2022 წლის 14 სექტემბრამდე უნდა დაესრულებინა საქმის განხილვა და გამოეტანა განაჩენი. საქართველოს სსსკ-ის 295-ე მუხლის მე-2 ნაწილის თანახმად, სააპელაციო სასამართლო საჩივრისა და საქმის მიღებიდან 10 დღის ვადაში, ზეპირი მოსმენის გარეშე წყვეტს სააპელაციო საჩივრის დასაშვებობის საკითხს. ამავე მუხლის მე-5 ნაწილის შესაბამისად, სააპელაციო სხდომა იმართება საჩივრის დასაშვებად ცნობიდან 1 თვის ვადაში. საქართველოს სსსკ-ის 295-ე მუხლის მე-6 ნაწილის თანახმად, სააპელაციო სასამართლოს განაჩენი გამოაქვს სააპელაციო საჩივრის დასაშვებად ცნობიდან 2 თვის ვადაში. შესაბამისად, სააპელაციო სასამართლოს მხრიდან ამ საქმის ორთვენახევრით გადადება (ნაცვლად 2 თვისა) საქართველოს სსსკ-ის 295-ე მუხლის მე-6 ნაწილით დადგენილი საპროცესო ვადის დარღვევაზე მიუთითებს. საპროცესო ვადის დარღვევის ფაქტი, მნიშვნელოვანია შეფასდეს იმ კუთხითაც, თუ რამდენადაა საქმე გაჭიანურებული უსაფუძვლოდ და ამასთან, იკვეთება თუ არა მოსამართლეთა პერსონალური ბრალეულობა. ამ საკითხის შეფასება მნიშვნელოვანია, რადგან გარდა საპროცესო ვადის დარღვევისა, ასევე ირღვევვა სისხლის სამართლის საპროცესო კანონმდებლობის ერთ–ერთი მთავარი პრინციპი: „სამართლიანი პროცესი და სწრაფი მართლმსაჯულება“ (სსსკ-ის მე-8 მუხლი)“... სრულად... წყარო: www.hrc.ge

იმერეთი. ადგილობრივი დემოკრატიის სააგენტო საქართველომ (LDA Georgia) პროექტის „სამოქალაქო საზოგადოების ინიციატივის“ ფარგლებში საიას ქუთაისის ფილიალის თანაშემწეებისათვის ჩაატარა ტრენინგი თემაზე: „ადვოკატირების როლი და მნიშვნელობა. მისი ეტაპები, სახეები, მეთოდები და საშუალებები“. სრულად... პროექტი „სამოქალაქო საზოგადოების ინიციატივა“ ხორციელდება ევროკავშირისა და კონრად ადენაუერის ფონდის მხარდაჭერით. წყარო: ორგანიზაციის გვერდი სოციალურ ქსელში

თბილისი. ადამიანის უფლებათა ცენტრის ინფორმაციით (HRC) 2022 წლის 21 ივლისს გორის რაიონულმა სასამართლომ ნაწილობრივ დააკმაყოფილა თ.ბ.-ს სარჩელი სს „იავნანას“ მიმართ, ბათილად იქნა ცნობილი სს „იავნანას“ დირექტორის ბრძანება თ.ბ.-ს სამსახურიდან გათავისუფლების შესახებ და სამსახურში აღდგენის ნაცვლად დამსაქმებელს დაეკისრა კომპენსაციისა და განაცდურის გადახდა თ.ბ.-თვის. დისკრიმინაციის ფაქტის დადგენის ნაწილში სარჩელი არ დაკმაყოფილდა. სრულად... წყარო: ორგანიზაციის გვერდი სოციალურ ქსელში

თბილისი. ღირსეული შრომის პლატფორმამ, საქართველოში მოპარული ხელფასის ანგარიში გამოაქვეყნა, რომელიც ქვეყანაში მოპარული ხელფასის უკანონო პრაქტიკას და მასთან ბრძოლის სახელმწიფო სტრატეგიას აფასებს. ანგარიშის თანახმად, დასაქმებულთა 88%-ს მოპარული ხელფასის გამო კუთვნილი შრომის ანაზღაურება სახლში სრულად ვერ მიაქვთ, მშრომელთა მოპარული ხელფასის საერთო ოდენობა კი დაახლოებით 25 მილიონს ლარს უტოლდება. სრულად... წყარო: osgf.ge

თბილისი. საქართველოს დემოკრატიული ინიციატივას (GDI) ინფორმაციით, თბილისის საქალაქო სასამართლომ, მოსამართლე სოსო ღურწკაიამ პრეცედენტული გადაწყვეტილება მიიღო და ცილისწამების საქმეზე „საქართველოს რეფორმების ასოციაციის“ წინააღმდეგ შეტანილი სარჩელი აშკარად უსაფუძვლოდ მიიჩნია. სრულად... წყარო: gdi.ge

თბილისი. სოციალური სამართლიანობის ცენტრის ინფორმაციით, 21 ივლისს ევროპარლამენტარების დელეგაცია საოკუპაციო ხაზთან, სოფელ ოძისში ჩავიდა, თუმცა მთავრობის წარმომადგენლები მათთან ერთად არ იმყოფებოდნენ. ერთი თვით ადრე კი, 24 ივნისს, ირაკლი კობახიძემ პირდაპირ განაცხადა, რომ საოკუპაციო ხაზთან არასოდეს ყოფილა. ორგანიზაციის აზრით, მთავრობის ლიდერები საოკუპაციო ხაზთან მისვლის აუცილებლობას ვერ ხედავენ, მაშინ, როცა: „...კონფლიქტის შედეგად გამყოფ ხაზებთან მცხოვრებმა მოსახლეობამ კონფლიქტის ორივე რეგიონში დაკარგა საძოვრების 66%, ხე-ტყის რესურსის 57%, სახნავ-სათესი მიწების 50%, რაც მძიმედ აისახება ადგილობრივი მოსახლეობის სოციო-ეკონომიკურ მდგომარეობაზე. მოსახლეობის 76% არ მიუღია ომის შედეგად მიყენებული ზიანის ანაზღაურება. ამავე კვლევის თანახმად, გამყოფ ხაზებთან არსებული სოფლების 90%-ში არ არის აფთიაქი, 85%-ში არ არის საირიგაციო წყალი, 76%-ში არ არსებობს სასმელი წყლის მომარაგების სისტემა, 70%-ში არ არის საბავშვო ბაღი. ამ მწვავე ვითარების ფონზე, ხელისუფლება ვერ ხედავს გამყოფ ხაზებთან ვიზიტის საჭიროებასაც კი, რასაც არ მალავს მმართველი პარტიის ლიდერიც“. სრულად... წყარო: ორგანიზაციის გვერდი სოციალურ ქსელში

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი…

22 ივლისს, 12:00 საათზე, არასამთავრობო ორგანიზაციების წარმომადგენლებთან საპარლამენტო ოპოზიციის წევრების შეხვედრა გაიმართება. მისამართი: თბილისი, ჟიული შარტავას სახელობის დარბაზი (A კორპუსი, III სართული, ოთახი N307)

ამ წუთებში „ღია საზოგადოების ფონდში“ „ღირსეული შრომის პლატფორმის“ ახალი ანგარიშის პრეზენტაცია - „მოპარული ხელფასი საქართველოში - შრომითი უფლებების დარღვევის ფინანსური გავლენა მშრომელებზე“ იმართება. მისამართი: მისამართი: თბილისი, თამარ ჭოველიძის 8-10

თბილისი. GrlZ Wave-ის მიერ გავრცელებული პოსტის თანახმად, ადამიანების 13% ბავშვის გაჩენის შემდეგ პოსტ სამშობიარო დეპრესია აქვს. (ბავშვთან ერთად მარტო დარჩენის შიში, საკუთარი თავის ან ბავშვის დაზიანებაზე ფიქრი, მუდმივად ტირილის სურვილი, შეგრძნება, რომ ცუდი მშობელი ხარ, მოტივაციის ნაკლებობა ან საერთოდ გაქრობა). „კრიტიკულად მნიშვნელოვანია, რომ მშობიარობის შემდეგ მშობელს თბილი, სიყვარულით სავსე და განსჯისგან და გაკიცხვისგან თავისუფალი სივრცე შევუქმნათ, გავითვალისწინოთ და სერიოზულად აღვიქვათ მათი პრობლემები და საჭიროების შემთხვევაში, დახმარების ხელი გავუწოდოთ“. სრულად...  წყარო: ორგანიზაციის გვერდი სოციალურ ქსელში

თბილისი. 19 ივლისს, რონდელის ფონდმა „ახალგაზრდები ცვლილებისთვის“ პროგრამის კურსდამთავრებულთა კონფერენცია მოაწყო. „შეხვედრის  ფარგლებში თავად პროექტის კურსდამთავრებულებმა წარადგინეს მოხსენებები და იმსჯელეს ისეთ აქტუალურ თემებზე როგორებიცაა: რეგიონებში სამოქალაქო აქტივიზმის მნიშვნელობა ახალგაზრდებში,  განათლების სისტემაში არსებული გამოწვევები და შესაძლებლობები, ოკუპაციის ხაზთან მცხოვრები ახალგაზრდების წინაშე არსებული პრობლემები და ახალგაზრდების ჩართულობის მნიშვნელობა თანასწორობის საკითხებში. პროექტი „ახალგაზრდები ცვლილებისთვის“ მიზნად ისახავს ხელი შეუწყოს ახალგაზრდების გააქტიურებასა და მათ პროფესიონალებად ჩამოყალიბების პროცესს და ხორციელდება ნაციონალური ფონდი დემოკრატიისთვის (NED) ხელშეწყობით“. სრულად... წყარო: ორგანიზაციის გვერდი სოციალურ ქსელში

თბილისი. საბჭოთა წარსული კვლევის ლაბორატორია აქვეყნებს პუბლიკაციას: ეკლესია - პოლიტიკური ინსტრუმენტი საბჭოეთისთვის. „საბჭოთა კავშირის რელიგიური პოლიტიკის ანალიზისას მნიშვნელოვანია, ფართო კონტექსტში გავიაზროთ თითოეული მოვლენა, ფაქტი თუ გადაწყვეტილება. საბჭოთა კავშირის რელიგიურ პოლიტიკას თავისი არსებობის მანძილზე განსაზღვრავდა ათეისტური ნარატივი და ანტირელიგიური პროპაგანდა. არსებული პოლიტიკური დისკურსის პარალელურად, 1962 წელს საბჭოთა კავშირში არსებული მართლმადიდებელი ეკლესიები ხდებიან ეკლესიათა მსოფლიო საბჭოს წევრები. რა განაპირობებდა მკაცრი ანტირელიგიური პოლიტიკის პარალელურად საბჭოთა კავშირში არსებული მართლმადიდებელი ეკლესიების გაწევრიანებას ეკუმენურ მოძრაობაში? როგორ ხდებოდა ეკლესიების ინსტრუმენტალიზაცია 1960-იან წლებში? ნაშრომი შეეცდება აღნიშნულ კითხვებს გასცეს პასუხი. სტატიაში განხილულია ეკლესიის პოლიტიკურ ინსტრუმენტად გამოყენების ფაქტი საქართველოს მართლმადიდებელი ეკლესიის ემს-ში გაწევრიანების მაგალითზე“. სრულად... წყარო: archive.ge

თბილისი. 13 ივლისს, ადამიანის უფლებების დარგში საქართველოში საფრანგეთის საელჩოს პრემიის გადაცემის ცერემონია რესტორან მეტისში, საფრანგეთის ეროვნული დღესასწაულის აღნიშვნის ფარგლებში გაიმართა. „წელს, საქართველოში საფრანგეთის საელჩომ ადამიანის უფლებების რიგით მე-6 პრემია მიუძღვნა პროექტებს, რომლებიც აძლიერებენ ქალების ავტონომიას კრიზისულ სიტუაციებში, იქნება ეს კლიმატურ, გარემოსდაცვით, ეკონომიკურ, სოციალურ საკითხებთან თუ კონფლიქტებთან დაკავშირებული. კრიზისები განსაკუთრებით ეხება ქალებსა და გოგონებს, რომლებიც სექსისტური და სექსუალური ძალადობის ზრდისა და ჯანმრთელობის დაცვის სერვისების ხელმისაწვდომობის სიმცირის მსხვერპლი ხდებიან. დაბრკოლებების წინაშე, რომლებიც მათი ადაპტაციის უნარს ზღუდავს, გადამწყვეტი მნიშვნელობა აქვს ქალთა ავტონომიისა და მათი პასუხისმგებლობის გაძლიერებას, რათა  მხარი დავუჭიროთ მათ პოლიტიკურ, ეკონომიკურ და გარემოსდაცვით გამოწვევებზე ადაპტირებული საარსებო სტრატეგიების შემუშავებაში. სწორედ ამ თემის გარშემო, საფრანგეთის საელჩომ 2022 წლის ადამიანის უფლებების პრემიითა და 2000 ევროს ოდენობის თანხით დააჯილდოვა არასამთავრობო ორგანიზაცია « მერკური » www.merkuri.org.ge. ზუგდიდში მდებარე ეს ორგანიზაცია გამარჯვებულად გამოცხადდა ოჯახური ძალადობის მსხვერპლთა თავშესაფრის პროექტის გამო“. სრულად... წყარო: ge.ambafrance.org

თბილისი. ორგანიზაცია „საფარის“ ინფორმაციით, 20 ივლისს, გაიმართა სამუშაო შეხვედრა საქართველოში ალიმენტის გადაუხდელობის პრობლემის დარეგულირების შესახებ. შეხვედრაზე „საფარის“ მკვლევარებმა, გიორგი ურჩუხიშვილმა და ეკა ლომთათიძემ წარადგინეს კვლევები: „ალიმენტის გადაუხდელობა – კულტურული და საკანონმდებლო გამოწვევები საქართველოში” და  „ალიმენტის განსაზღვრა და აღსრულება - საუკეთესო პრაქტიკის კვლევა”. სრულად... წყარო: sapari.ge

თბილისი. გაეროს ბავშვთა ფონდის ინფორმაციით, 20 ივლისს, დედაენის ბაღში გაიმართა პოზიტიური მშობლობის ხელშემწყობი საგანმანათლებლო რესურსის „მშობლების დედაენის“ პრეზენტაცია. პუბლიკაცია მომზადდა ევროკავშირისა და გაეროს ბავშვთა ფონდის ერთობლივი სოციალური ცვლილების კამპანიის „იმშობლე“ - ფარგლებში. მასში მოცემულია სასარგებლო რჩევები მშობლებისთვის ბავშვებთან არსებული გამოწვევების დასაძლევად და მათთან პოზიტიური კომუნიკაციის ჩამოსაყალიბებლად. სრულად... წყარო: www.unicef.org

თბილისი. თუ გსურთ, გაიგოთ მეტი უვიზო მიმოსვლის წესების შესახებ, თვალი ადევნოთ სიახლეებს, გაიზიაროთ სხვა მიგრანტების გამოცდილება ან საკუთარი გაუზიარო მათ, შეუერთდით მიგრაციის საერთაშორისო ორგანიზაციის (IOM Georgia) FB ჯგუფს „უვიზოდ ევროპაში“. „IOM-ის მიგრანტთა რესურს ცენტრების და FB ჯგუფის „უვიზოდ ევროპაში“-ს დახმარებით, საქართველოს მასშტაბით და ონლაინ შეგიძლია მიიღო ამომწურავი ინფორმაცია და გაიარო კონსულტაცია უვიზო მიმოსვლის წესების, პანდემიის პირობებში შენგენის ზონის ქვეყნებში შესვლის, დასაქმების, სამშობლოში დაბრუნების და ზოგადად, უსაფრთხო მიგრაციის და უკანონო მიგრაციასთან დაკავშირებული შესაძლო რისკების შესახებ“. სრულად... წყარო: ორგანიზაციის გვერდი სოციალურ ქსელში

რეგიონები. 22 ივლისს, 19:00 საათზე, განათლების განვითარების და დასაქმების ცენტრი (EDEC), იმერეთის (ქუთაისი), გურიის (ოზურგეთი), რაჭა–ლეჩხუმი ქვემო სვანეთის (ამბროლაური), შიდა ქართლის (გორი), კახეთის (თელავი) რეგიონების დამსაქმებლებთან საინფორმაციო შეხვედრას (ვებინარს) გამართავს.  „შეხვედრა ონლაინ ფორმატში გაიმართება. მაყურებელს საშუალება ექნება საკუთარი სმარტფონიდან/კომპიუტერიდან პირდაპირ ეთერში უყუროს FACEBOOK LIVE-ს და კომენტარის ველში დაწეროს კითხვები. თუ ხართ დამსაქმებელი და დაინტერესებული ხართ დასაქმების ცენტრებთან თანამშრომლობით გთხოვთ, შეავსოთ კითხვარი“... წყარო: ორგანიზაციის გვერდი სოციალურ ქსელში

თბილისი. სამოქალაქო საზოგადოების ორგანიზაციები საქართველოში ევროკავშირის ელჩს, კარლ ჰარცელს მიმართავს. „ბატონო ჰარცელ, საქართველოს სამოქალაქო საზოგადოების სახელით, გვსურს მადლობა გადაგიხადოთ საქართველოში თქვენი მრავალწლიანი წარმატებული საქმიანობისთვის და იმ მხარდაჭერისთვის, რომელსაც ჩვენი სამშობლო და სამოქალაქო საზოგადოება ყოველთვის გრძნობდა ევროკავშირისგან - და პირადად თქვენგან. თქვენ ყველაფერი გააკეთეთ საქართველოს ევროპული მომავლისთვის, საქართველოში ყოფნის დროს უდიდესი პატივისცემითა და მოწიწებით ეკიდებოდით ქართულ კულტურასა და ყველას დაგვამახსოვრეთ თავი თითოეული ჩვენგანის საყვარელი კომპოზიტორის, გია ყანჩელის, შემოქმედების დაფასებით. ეს პატივისცემა და ქართული კულტურის, ჩვენი სიამაყის, დაფასება ყოველთვის გვემახსოვრება“. სრულად... წყარო: transparency.ge

21 ივლისს, 15:30 საათზე, სასტუმრო „სტამბაში“ გაიმართება საჯარო-კერძო დიალოგი: „ონლაინ მეკობრეობის წინააღმდეგ პოლიტიკის ცვლილებები: ინტელექტუალური საკუთრების უფლებების აღსრულების ახალი მექანიზმი", რომლის ორგანიზატორები არიან USAID-ის ეკონომიკური უსაფრთხოებისა და USAID-ის ეკონომიკური მმართველობის პროგრამები და საქართველოს ინტელექტუალური საკუთრების ეროვნული ცენტრი - საქპატენტი. მისამართი: თბილისი, მერაბ კოსტავას ქ. #14

21 ივლისს, 15:00 საათზე, „ღია საზოგადოების ფონდის“ ოფისში, საქართველოს სახელოვნებო სექტორის დამოუკიდებელი წარმომადგენლები გამართავენ პრესკონფერენციას, სადაც ევროკავშირის სტრუქტურებს, იუნესკოს, ამერიკის და ევროპულ მისიებს და სახელოვნებო ინსტიტუციებს მიმართავენ და სთხოვენ მხარდაჭერას კულტურის სფეროში არსებული პრობლემების აღმოსაფხვრელად. მისამართი: თბილისი, ჭოველიძის #4

21 ივლისს, 12:00 საათზე, ბათუმში, „დემოკრატიული ჩართულობის ცენტრების ქსელი“, (NCCE) ბათუმში მცხოვრები უკრაინელების მხარდასაჭერად, გამართავს პროექტის პრეზენტაციას. შეხვედრას გახსნიან „დემოკრატიული ჩართულობის ცენტრების ქსელის“ აღმასრულებელი დირექტორი ნინა ხატისკაცი, აჭარის განათლების მინისტრი მაია ხაჯიშვილი, ბათუმის ვიცე მერი ლევან დავითაძე და აჭარის უმაღლესი საბჭოს დეპუტატი მარიკა გვიანიძე. მისამართი: თბილისი, 26 მაისის ქ. #31

იმერეთი. საერთაშორისო გამჭვირვალობა - საქართველოს კვლევის მიხედვით, ზესტაფონის, თერჯოლის და ბაღდათის მუნიციპალიტეტების ტენდერებს „ქართულ ოცნებასთან” დაკავშირებული კომპანია, შპს „ბორანი” იგებს, რომლის ძირითადი საქმიანობა გზის საფარის მოწყობა, მოვლა-პატრონობა და შეკეთებაა. კომპანიამ 2013 წლიდან 2022 წლის 12 ივლისამდე 34,970,860 ლარის ღირებულების ტენდერები და გამარტივებული შესყიდვები მიიღო. „მოვუწოდებთ სახელმწიფო უსაფრთხოების სამსახურის ანტიკორუფციულ სააგენტოს, შეისწავლოს თითოეული შესყიდვა და დაადგინოს, შეიცავს თუ არა კორუფციის შესაძლო  ნიშნებს“, ნათქვამია ორგანიზაციის ვებგვერდზე. სრულად... წყარო: transparency.ge