თბილისი.საქართველოს წითელი ჯვრის საზოგადოების ინიციატივით გაიმართა შინმოვლის მომსახურების განვითარების ხელმშემწყობი ჯგუფის შეხვედრა.  დაინტერესებულმა მხარეებმა, საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს სოციალური დაცვის, დევნილთა და შრომის პოლიტიკის დეპარტამენტის ხელმძღვანელთან და სახელმწიფო ზრუნვის საგენტოს წარმომადგენლებთან ერთად იმსჯელეს შინმოვლის სახელმწიფო პროგრამის ირგვლივ არსებულ აქტუალურ საკითხებზე.  წყარო: წითელი ჯვარი

გურია. 2023 წელს, CENN-მა ევროკავშირის მხარდაჭერითა გურიის რეგიონში დაიწყო სოფლის განვითარების პროექტი – მწვანე გურია. ორგანიზაცია პროექტს პარტნიორ ორგანიზაციებთან - ახალგაზრდა პედაგოგთა კავშირთან, დემოკრატიის ინსტიტუტთან და ქედის ადგილობრივ სამოქმედო ჯგუფთან (LAG) თანამშრომლობით ახორციელებს.  რა გაკეთდა? მწვანე გურიის პროექტის ფარგლებში უკვე განხორციელდა მნიშვნელოვანი აქტივობები, რომლებიც ხელს უწყობს მთავარი მიზნების მიღწევას:  გურიის სამივე მუნიციპალიტეტში უკვე ჩამოყალიბდა ადგილობრივი სამოქმედო ჯგუფები (LAG), რომელთა თავმჯდომარეები გასული წლის ზაფხულში, არჩევნების გზით შეირჩნენ.  ოზურგეთის, ჩოხატაურისა და ლანჩხუთის ადგილობრივმა სამოქმედო ჯგუფებმა უკვე დაასრულეს მუშაობა ადგილობრივი განვითარების სტრატეგიის დოკუმენტის შექმნაზე. ეს დოკუმენტები დაიწერა თითოეული მუნიციპლიტეტისთვის ცალ-ცალკე და მასში გაწერილია თითოეულ მუნიციპალიტეტში არსებული გამოწვევები და ამ გამოწვევების მოგვარების გზები.  ასევე, პროექტის ფარგლებში გურიის სამივე მუნიციპალიტეტში ჩატარდა ორგანიზაციული განვითარების ტრენინგები, იმისათვის რომ ახლადშექმნილ LAG-ებს უკეთ ემუშავათ. LAG-ებისთვის ჩატარდა შემდეგი ტრენინგები: სამართლებრივი, ინსტიტუციური და ფინანსური მმართველობა; კერძო და საჯარო თანამშრომლობა, მოლაპარაკების უნარები, ფასილიტაცია; საზოგადოებასთან ურთიერთობა; ადვოკატირება და ლობირება; პროექტების ციკლი და გრანტის მართვა, ფონდების მოძიება, გენდერული მეინსტრიმინგი.  ადგილობრივი სამოქმედო ჯგუფებისთვის ჩატარებულ ტრენინგებს სამივე მუნიციპალიტეტის LAG-ების 100-ზე მეტი წარმომადგენელი დაესწრო.  ასევე, ადგილობრივი მოსახლეობისთვის ჩატარდა ცნობიერების ასამაღლებელი ტრენინგები: ნარჩენების მართვა; მწვანე ზრდის შესაძლებლობები და სოფლის ეკონომიკური წყაროების დივერსიფიკაცია; კლიმატგონივრული ჭკვიანი და მდგრადი სასოფლო–სამეურნეო პრაქტიკა; სურსათის უვნებლობა და წარმოების სტანდარტი; სოფლის განვითარების ევროპული მოდელი. თემატურ ტრენინგებზე დასწრება რეგიონში მცხოვრებ ნებისმიერ მსურველს შეეძლო და მათ გურიის 450-მდე მოსახლე დაესწრო.  ასევე, პროექტის ფარგლებში კონკურსის გზით გურიის სამივე მუნიციპალიტეტიდან შეირჩა რეგიონში მოქმედი სამოქალაქო-საზოგადოებრივი 12 ორგანიზაცია. კონკურსის მიზანი ორგანიზავიების პოვნა, მათი დახმარება და გაძლიერებაა.  რა იყო დაგეგმილი ან რა იგეგმება იხილეთ... წყარო: CENN

თბილისი. საერთაშორისო გამჭვირვალობა საქართველო აქვეყნებს პუბლიკაციას: „9 ნაბიჯი ევროკავშირის წევრობაზე მოლაპარაკების ეტაპზე გადასასვლელად: მართლმსაჯულების რეფორმა“.  მასში ხაზგასმულია, რომ რეფორმა საქარველოს დემოკრატიული განვითარების და ევროკავშირთან შემდგომი ინტეგრაციისთვის ერთ–ერთ მნიშვნელოვან წინაპირობას წარმოადგენს. „ბოლო პერიოდში უმაღლესი თანამდებობის პირების რიტორიკა იმაზე მიანიშნებს, რომ საქართველოს ხელისუფლება არ აპირებს ევროკომისიის კრიტიკულად მნიშვნელოვანი რეკომენდაციების შესრულებას. ამ მოთხოვნების შეუსრულებლობამ კი შესაძლოა საქართველოს ევროკავშირში ინტეგრაციის პროცესი შეაფერხოს და საბოლოოდ გაწევრიანების პერსპექტივას მნიშვნელოვანი საფრთხე შეუქმნას“, ნათქვამია პუბლიკაციაში.  სრულად... წყარო: საერთაშორისო გამჭვირვალობა – საქართველო

თბილისი. მიგრაციის საერთაშორისო ორგანიზაციამ, ევროკავშირის მხარდაჭერით, ჩაატარა ტრენინგები შინაგან საქმეთა სამინისტროს რეგიონული დანაყოფების წარმომადგენლებისთვის ბათუმში, ახალციხესა და თელავში.  ტრენინგები მიზნად ისახავდა შსს-ს ტაქტიკურ და ოპერაციულ დონეზე მომუშავე თანამშრომლების კომპეტენციების ამაღლებას სასაზღვრო უსაფრთხოებასთან დაკავშირებული მონაცემების მოპოვების, დამუშავების, ანალიზის მიმართულებით. აღნიშნული ინიციატივა ხელს უწყობს საზღვრის რისკის ანალიზის საერთო სტანდარტების დანერგვას შსს-ს დანაყოფებში, სასაზღვრო უსაფრთხოების გაძლიერების და უკანონო მიგრაციის წინააღმდეგ ბრძოლის ხელშესაწყობად.  სრულად... წყარო: ევროკავშირის წარმომადგენლობის გვერდი სოციალურ ქსელში

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს.  ელ-ბიულეტენი…

თბილისი. საბჭოთა წარსულის კვლევის ლაბორატორიამ საბჭოთა პერიოდის არქივებზე წვდომის საკითხზე დისკუსია გამართა. დისკუსია, რომელშიც მონაწილეობდნენ როგორც მკლევრები, აკადემიის წარმომადგენლები და, ასევე, ექსპერტები, შეეხო არქივებზე წვდომას, არქივების არაფორმალურ კონტროლს უსაფრთხოების სამსახურის მხრიდან, ზოგიერთი საარქივო მასალების სრულად დახურვას.  სრულად...   წყარო: საბჭოთა წარსულის კვლევის ლაბორატორია

აჭარა. ბათუმის ახალგაზრდულ ცენტრში გაიმართა შეხვედრა თემაზე – მრავალფეროვნება. მონაწილეებმა პრაქტიკული და ჯგუფური აქტივობების, შემდგომ კი დისკუსიით გაიაზრეს მრავალფეროვნების დადებითი და უარყოფითი მხარეები. შეხვედრა გაიმართა პროგრამის „ერთიანობა მრავალფეროვნებაშია“.  პროგრამა ხორციელდება საქართველოს გაეროს ასოციაციის (UNAG) მიერ, ამერიკის შეერთებული შტატების საერთაშორისო განვითარების სააგენტოს (USAID) დაფინანსებით, რეგიონში პროგრამის პარტნიორია თავისუფალ ჟურნალისტთა სახლი.  წყარო: ბათუმის ახალგაზრდული ცენტრი

თბილისი. ორგანიზაცია „უფლებები საქართველო“ გახდა „კოალიცია თანასწორობისთვის“ თავმჯდომარე ორგანიზაცია.  „კოალიცია თანასწორობისთვის“ არასამთავრობო ორგანიზაციების არაფორმალური გაერთიანებაა, რომელიც 2014 წელს „დისკრიმინაციის ყველა ფორმის აღმოფხვრის შესახებ“ კანონის მიღების პროცესში ჩამოყალიბდა.  „კოალიცია თანასწორობისთვის“ წევრები არიან: სამოქალაქო საზოგადოების ფონდი (CSF), სოციალური სამართლიანობის ცენტრი, „უფლებები საქართველო“, კავშირი „საფარი“, საქართველოს ახალგაზრდა იურისტთა ასოციაცია (GYLA), ქალთა ინიციატივების მხარდამჭერი ჯგუფი (WISG), პარტნიორობა ადამიანის უფლებებისთვის (PHR), საქართველოს დემოკრატიული ინიციატივა (GDI), ტოლერანტობისა და მრავალფეროვნების ინსტიტუტი (TDI), ადამიანის უფლებათა ცენტრი (HRC) და თანასწორობის მოძრაობა.  კოალიციის მიზანია თანასწორობის პრინციპების დაცვა, დისკრიმინაციასთან ეფექტიანი ბრძოლის გზით. კოალიციის წევრი ორგანიზაციები მუშაობენ, რომ გააძლიერონ ანტიდისკრიმინაციული მექანიზმები, სამართლებრივად დაეხმარონ დისკრიმინირებულ ჯგუფებს, ჩამოაყალიბონ პროგრესული სასამართლო პრაქტიკა, შეისწავლონ თანასწორობის პოლიტიკა, გამოავლინონ სისტემური ხარვეზები და შეიმუშაონ მათი გამოსწორების გზები.  წყარო: უფლებები საქართველო

თბილისში. 12 მარტს, ინფორმაციის თავისუფლების განვითარების ინსტიტუტსა და საქართველოს ხელოვნური ინტელექტის ასოციაციას შორის ურთიერთთანამშრომლობის მემორანდუმი გაფორმდა. მემორანდუმის ფარგლებში, ორგანიზაციები მხარს დაუჭერენ ერთმანეთის საქმიანობას და განახორციელებენ ერთობლივ აქტივობებს საქართველოში ხელოვნური ინტელექტის ეკოსისტემის, მისი ქვეყნის სოციალური და დემოკრატიული ინსტრუმენტად ჩამოყალიბებისა და ხელოვნურ ინტელექტზე დაფუძნებული საჯარო სერვისებისა და შესაბამისი პოლიტიკის განვითარების მიზნით.  წყარო: ინფორმაციის თავისუფლების განვითარების ინსტიტუტი

თბილისი. არასამთავრობო ორგანიზაციები ერთობლივ ინფორმაციას აქვეყნებენ – „ხელისუფლება კლანის წევრების კეთილსინდისიერების შემოწმებაზე უარით ევროინტეგრაციის პროცესს აფერხებს“.  ხელმომწერი ორგანიზაციების თანახმად „ევროკომისიის მოთხოვნით, კეთილსინდისიერების შემოწმების დროებითი მექანიზმი უნდა შეეხოს იუსტიციის უმაღლესი საბჭოს წევრებს, უზენაესი სასამართლოს მოსამართლეებს, სასამართლოს თავმჯდომარეებსა და ამ პოზიციებზე დასანიშნ კანდიდატებს. ეს დათქმა ხელისუფლებისთვის მიუღებელია, მათთან ერთად კი ამ იდეას სწორედ ის მოსამართლეები დაუპირისპირდნენ, რომელთა კეთილსინდისიერების მიმართაც საზოგადოებაში ბევრი კითხვა არსებობს. მიგვაჩნია, რომ ხელისუფლებამ დროულად უნდა დაიწყოს სწორედ იმ ნაბიჯების გადადგმა, რომელიც ევროკომისიის 9 დათქმითაა გათვალისწინებული“.  სრულად...  წყარო: საერთაშორისო გამჭვირვალობა – საქართველო

თბილისი. ადამიანის უფლებათა ცენტრი აქვეყნებს ანალიტიკურ დოკუმენტს „სამოქალაქო აქტივისტების წინააღმდეგ მიმდინარე ადმინისტრაციული სამართალდარღვევის საქმეები – სასამართლო მონიტორინგის შედეგები“. „მონიტორინგის მიგნებების თანახმად, მთავარი პრობლემებია, მათ შორის, პოლიციის მიერ დაკავების საფუძვლისა და უფლებების შესახებ განმარტების მიუწოდებლობა, დაკავებისა და მისი ვადის გაგრძელების საფუძვლების დაუსაბუთებლობა, ადმინისტრაციული ორგანოს მხრიდან მტკიცებულებების მოპოვებისა და სასამართლოში წარდგენის დაბალი სტანდარტი, მოწმეების სახით დაკითხულ პოლიციელთა ჩვენებების სანდოობა და სხვ“, ნათქვამია დოკუმენტში სრულად... წყარო: ადამიანის უფლებათა ცენტრი.

თბილისი. 12 საზოგადოებრივი ორგანიზაციის კოალიციამ, სამოქალაქო საზოგადოების ფონდის ლიდერობით, შეიმუშავა დეტალური ხედვა, თუ როგორ უნდა შესრულდეს ეფექტურად ევროკომისიის მიერ განსაზღვრული 9 ნაბიჯი. რათა ქვეყანა გადავიდეს ევროინტეგრაციის შემდგომ ეტაპზე და ევროკავშირთან გაწევრების შესახებ მოლაპარაკებები გაიხსნას.  აღნიშნული ხედვა საზოგადოებრივმა ორგანიზაციებმა, სხვადასხვა პოლიტიკურ ჯგუფებს გაუზიარებს. წარმოდგენილი ხედვის საფუძველზე, კოალიცია 9 ნაბიჯის შესრულების მონიტორინგს და დაინტერესებულ აქტორებთან შეხვედრების სერიას გააგრძელებს.  სრულად...  წყარო: სამოქალაქო საზოგადოების ფონდი

თბილისი. აღმოსავლეთ პარტნიორობის სამოქალაქო საზოგადოების ფორუმის საქართველოს ეროვნული პლატფორმა პოზიციას ავრცელებს.  პლატფორმა „გამოხატავს მკაფიოდ უარყოფით დამოკიდებულებას სახელმწიფო ტყეებისთვის სტატუსის შეწყვეტის პროცედურების დაწყებასთან დაკავშირებით, რომელიც საკურორტო და რეკრეაციული ინფრასტრუქტურის მოწყობის მიზნით უნდა განხორციელდეს. აღნიშნული პროცესი მიმდინარეობს 2022 წლიდან მოქმედი საკანონმდებლო ცვლილებების საფუძველზე, რომელიც საქართველოს პარლამენტმა ფართო საზოგადოებრივი პროტესტის ფონზე დაამტკიცა“, ნათქვამია განცხადებაში. სრულად...  წყარო: ეროვნული პლატფორმა

თბილისი. საერთაშორისო გამჭვირვალობა – საქართველო აგრძელებს თანამდებობის პირთა დეკლარაციების შესწავლას. ამჯერად ორგანიზაცია აქვეყნებს ინფორმაციას თბილისის საკრებულოს კომისიის თავმჯდომარის კახაბერ ლაბუჩიძის დეკლარაციის შესახებ. მან „... 2024 წლის თანამდებობის პირთა ქონებრივი მდგომარეობის დეკლარაციაში საკუთარი უძრავი ქონება და ხელფასი არ მიუთითა“, ნათქვამია ინფორმაციაში. გამჭვირვალობა – საქართველო მიმართავს სსიპ ანტიკორუფციულ ბიუროს შეისწავლის კახაბერ ლაბუჩიძის დეკლარაციაში გამოვლენილი დარღვევები და მოახდინოს შესაბამისი რეაგირება.  სრულად...  წყარო: საერთაშორისო გამჭვირვალობა – საქართველო

აჭარა. „ჩაერთე მართვის“ ბათუმის კლუბის წევრი ახალგაზრდები აგრძელებენ ადვოკატირების კამპანიას. ამ მიზნით მათ სხვადასხვა აქტივობები განახორციელეს. კლუბის მონაწილეთა ნაწილმა, მონაწილეობითი მექანიზმების შესახებ ცნობიერების ამაღლების და ადგილობრივი საჭიროებების მოკვლევის მიზნით, ხანდაზმულებთან და მოხალისეებთან გამართა შეხვედრა.  ახალგაზრდების ნაწილი კი ბათუმის დამოუკიდებელი ცხოვრების ცენტრის წარმომადგენლებს შეხვდნენ და ბათუმის ერთ–ერთი ქუჩის ადაპტირების საკითხებზე მონიტორინგი ჩაატარეს.  „ჩაერთე მართვის“ კლუბის წევრების მონიტორინგის მიზანია შედეგებზე დაყრდნობით სარეკომენდაციო წინადადებების შემუშავება და მუნიციპალიტეტის წარმომადგენლებისთვის განსახილველად წარდგენა.  კლუბი „ჩაერთე მართვაში“ საქართველოს 4 რეგიონში ფუნქციონირებს. კლუბები შეიქმნა კამპანიის „ჩაერთე მართვის“ ფარგლებში, რომელსაც სამოქალაქო საზოგადოების ინსტიტუტი (CSI), აშშ–ის საერთაშორისო განვითარების სააგენტოს ადგილობრივი თვითმმართველობის პროგრამის ფარგლებში. წყარო: ჩაერთე მართვაში

თბილისი. სამართლიანი არჩევნები კავკასიის უნივერსიტეტის სტუდენტებისთვის იწყებს სასერტიფიკატო კურსს “დეზინფორმაცია და პროპაგანდისტული ნარატივები სოციალურ მედიაში”.  სასწავლო კურსის ფარგლებში სტუდენტები მიიღებენ ზოგად ცოდნას დეზინფორმაციისა და პროპაგანდის შესახებ, ასევე გამოიმუშავებენ ინფორმაციის გადამოწმებისა და დეზინფორმაციის ამოცნობის უნარებს.  კურსის ბოლოს სტუდენტები წარადგენენ ესეებს, ხოლო ორი საუკეთესო სტუდენტი გაივლის სტაჟირებას სამართლიანი არჩევნების სოციალური მედიის მონიტორინგის გუნდში.  წყარო: სამართლიანი არჩევნები

თბილისი. დანიის საგარეო საქმეთა სამინისტრო (MFA) და მასში შემავალი ევროპის სამეზობლო დეპარტამენტი (EUN), გაეროს ქალთა ორგანიზაციის აღმოსავლეთ ევროპისა და ცენტრალური აზიის რეგიონულ ოფისთან ერთად, იწყებს პროგრამას „ქალთა ლიდერობის გაზრდა მდგრადი და მშვიდობიანი საზოგადოებებისთვის“.  4-წლიანი ინიციატივა, რომელიც საქართველოში, მოლდოვასა და უკრაინაში განხორციელდება, მიზნად ისახავს, ევროკავშირში გაწევრიანების პროცესის პარალელურად, სამივე ქვეყანას ხელი შეუწყოს კონფლიქტების პრევენციის, მედიაციისა და დემოკრატიის მდგრადობის გაძლიერებაში.  პროექტის მიზანია ახალგაზრდა ქალების ჩართვა სამშვიდობო და უფლებადაცვით აქტივიზმში, ეკონომიკური შესაძლებლობების გაუმჯობესება ყველაზე მოწყვლადი, მათ შორის დევნილი და კონფლიქტით დაზარალებული ქალებისთვის. პროგრამა წარმოადგენს მნიშვნელოვან ვალდებულებას გენდერული თანასწორობის მიღწევის, უთანასწორობის შემცირებისა და მდგრადი განვითარების ხელშეწყობისთვის საქართველოსა თუ რეგიონში.  წყარო: გაეროს ქალთა ფონდი

თბილისი. სამოქალაქო პლატფორმა „არა-ფობიას!“ ეხმიანება 2024 წლის 8 მარტს ადიგენის მუნიციპალიტეტში განვითარებულ მოვლენებს და მოუწოდებს სამართალდამცავ უწყებებს, დროულად გამოიძიონ მუსლიმი მორწმუნეების რელიგიის თავისუფლების ხელყოფის ფაქტი.  „ადიგენში მაცხოვრებელი მუსლიმები მათ კერძო საკუთრებაში იკრიბებოდნენ სალოცავად. რელიგიური გამოხატვის ამგვარი ფორმა, შეუძლებელია, წინააღმდეგობაში მოდიოდეს რომელიმე საჯარო ინტერესთან ან სხვათა უფლებებთან. შესაბამისად, ადიგენის მუნიციპალიტეტში განვითარებული მოვლენები ცხადჰყოფს რელიგიის თავისუფლებაში უხეში ჩარევის ფაქტს, რომელსაც არ აქვს გამართლება“, ნათქვამია განცხადებაში.  სრულად...  წყარო: gdi.ge

თბილისი. სოციალური საწარმოები "ტენე" და "ბაბალე" თიბისის ბიზნეს დაჯილდოების გამარჯვებულები არიან. ნომინაციაში გამორჩეული სოციალური პასუხისმგებლობისთვის გაიმარჯვა #ბაბალემ, სადაც დასაქმებულია დაუნის სინდრომის მქონე 4 ახალგაზრდა, ხოლო შეზღუდული შესაძლებლობების მქონე 16 მოზარდი წინაპროფესიულ მომზადებას გადის.  ბაბალეს შესახებ მეტი ინფორმაციისთვის ...  მწვანე ინიციატივების ხელშეწყობისთვის ჯილდო გადაეცა #ტენეს, უნიკალურ პროექტს, რომელიც ეკომეგობრულ USB კაბელებს საქართველოში მოძიებული პოლიეთილენის ნარჩენებისგან ამზადებს.  გაიგე მეტი ტენეს შესახებ... #ბაბალესა და #ტენეს ვულოცავთ მათი საქმიანობის კიდევ ერთ აღიარებას. აღსანიშნავია, რომ "აქციოს" მიერ მხარდაჭერილი სოციალური საწარმოები, საქართველოს ბიზნესსექტორის ეკოსისტემაში გამორჩეულ პრაქტიკასა და დადებითი ცვლილებების გავლენას ქმნიან.  საქართველოში პირველი გავლენის ფონდი "აქციო“ საქართველოს სტრატეგიული კვლევებისა და განვითარების ცენტრის (CSRDG) მიერ 2022 წელს, ევროკომისიისა (DG Near) და Impact Europe-ის მხარდაჭერით დაფუძნდა.  წყარო: აქციო

თბილისი. დაუნის სინდრომის მსოფლიო დღესთან დაკავშირებული კამპანიის ფარგლებში ინტეგრირებული თეატრი „აზდაკის ბაღი“ მაყურებელს წარუდგენს სპექტაკლს „ჰელადოსი“. თეატრის ჯადოსნურ გარემოს კიდევ უფრო მიმზიდველს მისი ინკლუზიურობა ხდის, მრავალფეროვანი დასი პოულობს თავის თავში ძალას გადალახოს დაბრკოლებები და შეებრძოლოს საზოგადოებაში დამკვიდრებულ სტერეოტიპებს.  სრულად... წყარო: საქართველოს დაუნის სინდრომის ასოციაცია

კავკასიის გარემოსდაცვითი არასამთავრობო ორგანიზაციების ქსელი პლასტმასის დაბინძურების შესახებ კამპანიას აგრეძელებს.  მოინიშნეთ 30 მარტი - ნულოვანი ნარჩენის დღე თქვენს კალენდარში!  როგორ შემოუერთდეთ ამ დღეს? ეცადეთ, შეამციროთ ერთჯერადი პლასტმასის ნივთების გამოყენება, დაიწყეთ პლასტმასის საწრუპის მოხმარებიდან ამოღებით და აუცილებლობის შემთხვევაში, ჩაანაცვლეთ ის მრავალჯერადი ალტერნატივით.  წყარო: CENN

თბილისი. ილია ჭავჭავაძის ლიტერატურულ-მემორიალურ მუზეუმში, ტოლერანტობის და მრავალფეროვნების ინსტიტუტმა (TDI) გამართა დისკუსია “რელიგიის და რწმენის თავისუფლება და ქალთა უფლებები”.  შეხვედრაზე ისაუბრეს რელიგიისა და რწმენის თავისუფლებისა და ქალთა უფლებების ურთიერთმიმართებაზე, გლობალურ კონტექსტსა და საერთაშორისო სტანდარტებზე, გავრცელებულ სტერეოტიპებსა და წარმოდგენებზე, რომლებიც თან ახლავს რელიგიისა და რწმენის თავისუფლებით სარგებლობასა და გენდერულ თანასწორობაზე მსჯელობას; რელიგიური გაერთიანებების შიგნით არსებულ დამოკიდებულებებზე, რელიგიური გაერთიანებების ავტონომიისა და ქალთა ემანსიპაციის, საქართველოში ეთნიკური აზერბაიჯანელი და მუსლიმი ქალების დისკრიმინაციის, უთანასწორობის საკითხებზე, დასაქმებასა და განათლებაზე ხელმისაწვდომობის სირთულეებზე.  ღონისძიებას ესწრებოდნენ და მონაწილეობას იღებდნენ არასამთავრობო ორგანიზაციებისა და დიპლომატიური კორპუსის წარმომადგენლები, უფლებადამცველები, რელიგიური ორგანიზაციების, აკადემიის წარმომადგენლები და სტუდენტები.  ღონისძიება გაიმართა გაეროს განვითარების პროგრამისა (UNDP) და ნორვეგიის მხარდაჭერით, ინიციატივის „ლიდერობა, თანასწორობა, ადვოკატირება და დემოკრატია“ (LEAD) ფარგლებში.  სრულად... წყარო: tdi.ge