21 აპრილს, 12:00 საათიდან 20:00 საათამდე, ორგანიზაცია „კავშირი ადამიანებისთვის განსაკუთრებულ ზრუნვას რომ საჭიროებენ“ სააღდგომო გამოფენა-გაყიდვაზე გეპატიჟებათ. სრულად...

20 აპრილს, 19:00 საათზე, თბილისის სახელმწიფო უნივერსიტეტის პირველ კორპუსთან საპროტესტო აქცია „განათლების უფლება ყველას“ გაიმართება. სრულად...

თბილისი. საქართველოს ახალგაზრდა იურისტთა ასოციაციამ საქართველოს პარლამენტში ალტერნატიული ანგარიშები წარადგინა. დოკუმენტებში საია ადამიანის უფლებათა ევროპული სასამართლოს მიერ საქართველოს წინააღმდეგ გამოტანილი გადაწყვეტილებებისა და განჩინებების აღსრულების მიზნით სახელმწიფოს მიერ გატარებულ ზოგად ღონისძიებებს აფასებს და, დამატებით, სახელმწიფოს კონკრეტული ნაბიჯების გადადგმისკენ მოუწოდებს. სრულად... წყარო: gyla.ge

თბილისი. „საერთაშორისო გამჭვირვალობა-საქართველომ“ სარჩელით მიმართა თბილისის საქალაქო სასამართლოს 2021 წლის 5 ივლისის მოვლენების დროს ტელეკომპანიების „მთავარის“, „ფორმულასა“ და „TV პირველის“, ასევე On.ge-ს დაზარალებული 24 ჟურნალისტის უფლებების დასაცავად, რომელთა წინაშეც სახელმწიფომ არ შეასრულა მასზე კონსტიტუციით დაკისრებული ვალდებულება და არ უზრუნველყო მათი უსაფრთხო საქმიანობა. სრულად... წყარო: transparency.ge

თბილისი. სოციალური სამართლიანობის ცენტრი, ახალგაზრდა იურისტთა ასოციაცია მწვანე ალტერნატივა და საქართველოს მწვანეთა მოძრაობა/დედამიწის მეგობრები საქართველო განცხადების თანახმად, საგანგაშოა, რომ ითხვისის შესახებ გეოლოგიურ დასკვნაში „ჯორჯიან მანგანეზის” პასუხისმგებლობა არ იკვეთება. დასკვნის მიხედვით, ითხვისში შექმნილი ვითარების გამომწვევ მიზეზად კი რამდენიმე ფაქტორი სახელდება: გასული საუკუნის სამოცდაათიან და ოთხმოციან წლებში განხორციელებული სამთო-მოპოვებითი სამუშაოები; რთული გეოლოგიური პირობები; უხვი ატმოსფერული ნალექი და სეისმური ბიძგები. „დღეს ითხვისში საცხოვრებლად უვარგისია უკვე ათამდე სახლი, ხოლო სხვები უკიდურესად ავარიულია. მეურნეობის შენარჩუნებისა და პირუტყვის მოსავლელად მოსახლეების ნაწილს ჯერაც უწევს საცხოვრებლად საშიშ ზონებში ყოველდღიურად დაბრუნება, ნაწილი კი აგრძელებს ავარიულ შენობებში, ნგრევის საფრთხის ქვეშ ცხოვრებას. უცნობია ისიც, თუ რამდენად დგას ითხვისის და ჭიათურის სხვა სოფლების მოსახლეობა მსგავსი საფრთხის წინაშე - ამ საკითხის შესწავლას სრულყოფილი, გამჭირვალე და ცოდნაზე დაფუძნებული კვლევა სჭირდება, სახელმწიფო უწყებების მხრიდან კი საკუთარი პასუხისმგებლობის აღიარება“. სრულად... წყარო: socialjustice.org.ge

მცხეთა-მთიანეთი. მცხეთა-მთიანეთის ჰაბის ორგანიზებით, შეხვედრა გაიმართა მცხეთა-მთიანეთის სამოქალაქო საზოგადოების ქსელის წევრებისათვის და რეგიონის სათემო და სამოქალაქო საზოგადოების ორგანიზაციებისათვის. შეხვედრაზე განიხილეს ორგანიზაციის სტრატეგიული დაგეგმარების ასპექტები და ქსელური მუშაობის საკითხები. შეხვედრას გაუძღვა მოწვეული ექსპერტი, პიარის სპეციალისტი, საკონსულტაციო კომპანია „ჯეპრას“ უფროსი კონსულტანტი და ილიაუნის ასოცირებული პროფესორი კახა მაღრაძე. სამუშაო შეხვედრა ჩატარდა პროექტის „სამოქალაქო საზოგადოების ინიციატივის“ ფარგლებში, ევროკავშირისა და კორნად ადენაუერის ფონდის მხარდაჭერით. სრულად... წყარო: ორგანიზაციის გვერდი სოციალურ ქსელში

სამცხე-ჯავახეთი. ღია კარის დღეების ფარგლებში, ასოციაცია ტოლერანტმა და სამცხე-ჯავახეთის განვითარების ცენტრმა, პირველი საჯარო სკოლის მოსწავლეებს უმასპინძლეს. ორგანიზაციის წარმომადგენლებმა მოსწავლეებს, განხორციელებული, მიმდინარე პროექტები და მათი საქმიანობის ძირითადი მიმართულებები გააცნეს, შეხვედრის ბოლოს კი მოსწავლეების შეკითხვებს უპასუხეს. ღია კარის დღეები ორგანიზებულია პროექტის „სამოქალაქო საზოგადოების ინიციატივა“ ფარგლებში, რომელიც ხორციელდება, ევროკავშირისა და კონრად ადენაუერის ფონდის მხარდაჭერით. სრულად... წყარო: ორგანიზაციის გვერდი სოციალურ ქსელში

თბილისი. ღია საზოგადოების ფონდი აქვეყნებს დისკუსიის „კულტურული მემკვიდრეობის მდგომარეობა და სახელმწიფო პოლიტიკა“ ვიდეო ჩანაწერს. „საჯარო დისკუსია მიეძღვნა ქაოტური განაშენიანების შედეგად დანგრეული კულტურული მემკვიდრეობის საკითხს და მისი დაცვის მნიშვნელობას“. პირდაპირი ჩართვის ჩანაწერი... სრულად... წყარო: ორგანიზაციის გვერდი სოციალურ ქსელში

თბილისი. გაეროს ბავშვთა ფონდის ინფორმაციით, შეზღუდული შესაძლებლობის მქონე ბავშვები, რომლებიც აქამდე კოჯრის ბავშვთა სახლში ცხოვრობდნენ, ამიერიდან ოჯახური ტიპის გარემოთი ისარგებლებენ, სადაც ხარისხიან მზრუნველობას მიიღებენ. პროგრამას ახორციელებს გაეროს ბავშვთა ფონდი და MAC Georgia, დევნილთა, შრომის, ჯანმრთელობისა და სოციალური დაცვის სამინისტროსა და სახელმწიფო ზრუნვის სააგენტოსთან მჭიდრო თანამშრომლობით და ევროკავშირის მხარდაჭერით.  სრულად... წყარო: www.unicef.org

იმერეთი. 19 აპრილს, ქუთაისში, იმერეთის რეგიონული ჰაბის - ადგილობრივი დემოკრატიის სააგენტო საქართველოს (LDA Georgia) ორგანიზებით გაიმართა საჯარო შეხვედრა „მონაწილეობრივი ახალგაზრდობის პოლიტიკა ადგილობრივ დონეზე“.  შეხვედრა გაიმართა პროექტის „სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის“ ფარგლებში, რომელიც ხორციელდება ევროკავშირისა (EU) და კონრად ადენაუერის ფონდის (KAS) მხარდაჭერით. სრულად... წყარო: ორგანიზაციის გვერდი სოციალურ ქსელში

თბილისი. საქართველოს დემოკრატიული ინიციატივას (GDI) ინფორმაციით, აშშ-ს სახელმწიფო დეპარტამენტმა 2022 წლის 12 აპრილს გამოაქვეყნა 2021 წლის ანგარიში საქართველოში ადამიანის უფლებების მდგომარეობის შესახებ. ანგარიშში აშშ-ს სახელმწიფო დეპარტამენტმა მნიშვნელოვანი ყურადღება გაამახვილა საქართველოს კომუნიკაციების ეროვნული კომისიის საქმიანობაზე და ამ კუთხით მმართველი პარტიის გავლენებზე მიუთითა. ორგანიზაციის ცნობით, მათი დაკვირვების შედეგები თანხვედრაშია დეპარტამენტის შეფასებასთან. მთელი წლის განმავლობაში გამოიკვეთა არაერთი მაგალითი, როდესაც კომისია ცდილობდა კრიტიკულად განწყობილი მედიის შეზღუდვას. სრულად... წყარო: ორგანიზაციის გვერდი სოციალურ ქსელში

თბილისი. საქართველოს სამოქალაქო განვითარების ასოციაციის ინფორმაციით, გრძელდება ტრენინგების კურსი მეწარმეობის დაწყების მსურველთათვის. კურსის მეორე მოდულს „როგორ დავიწყოთ ბიზნესი“ შოთა მურღულია უძღვება. ტრენინგები ტარდება პროექტის „უნარების გაძლიერება და დასაქმების ინოვაციური შესაძლებლობები საქართველოს რეგიონული განვითარებისთვის“ ფარგლებში, რომელიც ხორციელდება საქართველოს სტრატეგიული კვლევებისა და განვითარების ცენტრი (CSRDG) ლიდერობით, ახალგაზრდა პედაგოგთა კავშირთან და საქართველოს სამოქალაქო განვითარების ასოციაციასთან პარტნიორობით. აღნიშნული პროექტი ხორციელდება საქართველოს სამ რეგიონში - კახეთში, ქვემო ქართლსა და გურიაში. პროექტის ფინანსური მხარდამჭერია ევროკავშირის დელეგაცია საქართველოში. სრულად... წყარო: ორგანიზაციის გვერდი სოციალურ ქსელში

20 აპრილს, 18:00 საათზე საქართველოში ევროკავშირის მისიის მხარდაჭერით კონფერენცია „საცხოვრებელი ხელფასი საქართველოში“ გაიმართება, რომელიც არის მცდელობა გაიხსნას დისკუსია საქართველოში არსებული სახელფასო პოლიტიკის გაანალიზების გარშემო. კონფერენციაში მონაწილეობას მიიღებენ პროფკავშირის წევრები, მშრომელები, სტუდენტები, პოლიტიკოსები, ეკონომიკისა და სოციალური პოლიტიკის დარგის ექსპერტები. სრულად... მისამართი: თბილისი, კავკასიური სახლი, გალაქტიონ ტაბიძის ქ. 20

20 აპრილს 16:00 საათზე, ეკონომიკური პოლიტიკის კვლევის ცენტრი (EPRC) და ფუკუიამას დემოკრატიის ფრონტისპირა ცენტრი გიმასპინძლებთ ონლაინ-დისკუსიაზე „საფრანგეთი - ძველი არჩევანი ახალ რეალობაში“. სრულად...

20 აპრილს, 14:30 საათზე, სოციალური სამართლიანობის ცენტრი, ახალგაზრდა იურისტთა ასოციაცია, საქართველოს მწვანეთა მოძრაობა/დედამიწის მეგობრები საქართველო და მწვანე ალტერნატივა ერთობლივ პრესკონფერენციას გამართავენ და ითხვისის შესახებ გასაჯაროებული პირველადი გეოლოგიური დასკვნის შესახებ საერთო განცხადებას გაავრცელებენ. მისამართი: თბილისი, სოციალური სამართლიანობის ცენტრის ოფისი (ი. აბაშიძის 12ბ)

20 აპრილს, 14:00 საათზე, „კივიტას გეორგიკა“ საქართველოს საბიბლიოთეკო ასოციაციასთან თანამშრომლობით გამართავს კონფერენციას სახელწოდებით „ბიბლიოთეკები ადგილობრივი განვითარებისთვის“. სრულად...

თბილისი. პარტნიორ უნივერსიტეტებს საუნივერსიტეტო კურსის დამხმარე სასწავლო რესურსი „სამოქალაქო საზოგადოების როლი“ გადაეცათ. სახელმძღვანელო მომზადდა კონსულტაციისა და ტრენინგის ცენტრის მიერ შემუშავებული სამოქალაქო საზოგადოების როლის შესახებ საუნივერსიტეტო კურსის დამხმარე მეთოდურ რესურსად. აღნიშნული კურსი 7 უნივერსიტეტში 2019 წლიდან ხორციელდება. სრულად... საუნივერსიტეტო კურსი მიმდინარეობს პროექტის „სამოქალაქო საზოგადოების ინიციატივა“ ფარგლებში, რომელიც ხორციელდება ევროკავშირისა და კონრად ადენაუერის ფონდის მხარდაჭერით. წყარო: ორგანიზაციის გვერდი სოციალურ ქსელში

გურია. ახალგაზრდა პედაგოგთა კავშირის ორგანიზებით, ლიდერთა სკოლის მოსწავლეებისთვის ჩატარდა ლექცია თემაზე: თვითშეფასება, გამბედაობა და მარცხის შიში. შეხვედრას უძღვებოდა მოწვეული ექსპერტი, ფსიქოლოგი ნათია ფანჯიკიძე.  სრულად... წყარო: ორგანიზაციის გვერდი სოციალურ ქსელში

თბილისი. 20 აპრილს 14:00, 15:00, 16:00 საათებზე გაიმართება დისტანციური კონსულტაცია ენისა და მეტყველების თერაპევტთან. კონსულტაციის დასაჯავშნად მიყევით ბმულს. რეგისტრაციისას სირთულეების შექმნის შემთხვევაში გთხოვთ დაგვიკავშირდეთ ნომერზე - 591 97 99 42. კონსულტაცია დაფინანსებულია MAC Georgia-ს მიერ, „მაკ ჯორჯია“ მუდმივად ზრუნავს შშმ ბავშვებისა და ოჯახების საჭიროებების დაკმაყოფილებაზე მათზე მორგებული სანდო, მაღალკვალიფიციური და ეფექტიანი სერვისების უზრუნველყოფით.  სრულად... წყარო: ორგანიზაციის გვერდი სოციალურ ქსელში

თბილისი. გაეროს ბავშვთა ფონდის, საქართველოს განათლებისა და მეცნიერების სამინისტროსა და მასწავლებელთა პროფესიული განვითარების ეროვნული ცენტრის თანამშრომლობით, 19 აპრილიდან 5 მაისის ჩათვლით, უკრაინელ მოსწავლეებთან მომუშავე მასწავლებლებს, მანდატურებს, ფსიქოლოგებსა და სოციალურ მუშაკებს ინტერაქციული ვებინარები ჩაუტარდებათ. სრულად... წყარო: ორგანიზაციის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტთან (IDFI) პარტნიორობით და მონაწილეობით, განახლდა ევროპის საბჭოს სახელმძღვანელო ღია ადგილობრივი მმართველობისა და საჯარო სამსახურში ეთიკის წესების შესახებ.  სახელმძღვანელო მოიცავს ინფორმაციას საჯარო სამსახურში ეთიკის წესების, ანგარიშვალდებულების, გამჭვირვალობისა და მოქალაქეთა მონაწილეობის მექანიზმების თაობაზე, მიმოიხილავს შესაბამის ადგილობრივ კანონმდებლობას, ინსტიტუციურ მექანიზმებსა და კარგ პრაქტიკას. სრულად... წყარო: idfi.ge

თბილისი. ტოლერანტობისა და მრავალფეროვნების ინსტიტუტი (TDI) აქვეყნებს ახალ პუბლიკაციას „რასა, რასიალიზმი და გლობალური მიგრაცია“. პუბლიკაცია... პუბლიკაციის გამოცემა დაფინანსებულია საქართველოში აშშ საელჩოს ალუმნი საგრანტო პროექტის ფარგლებში. წყარო: ორგანიზაციის გვერდი სოციალურ ქსელში