თბილისი. გაეროს განვითარების პროგრამის ინფორმაციით, ოცდასამი არასამთავრობო ორგანიზაცია, მათ შორის „საფარი“, ჩაერთო ტრენინგში „ქრაუდფანდინგის“ წარმოების შესახებ. სრულად... წყარო: ორგანიზაციის გვერდი სოციალურ ქსელში

2 მარტს, 17:00 საათზე, გაიმართება ონლაინ ჩართვა თემაზე: ფსიქოლოგიური მედეგობის გაძლიერება მძიმე შეზღუდული შესაძლებლობების მქონე ბავშვებში. სრულად...

2 მარტს, 11:30 საათზე, ჰაინრიჰ ბიოლის ფონდის თბილისის ოფისი გიწვევთ ონლაინ დისკუსიაზე - ომი უკრაინაში: სოლიდარობა და პოლიტიკის პასუხები საქართველოსა და გერმანიაში. სრულად...

თბილისი. საქართველოს სამოქალაქო საზოგადოების ორგანიზაციები და საქართველოს მოსახლეობა პეტიაციაზე ხელმოწერით ევროკავშირს და ევროკავშირის წევრი სახელმწიფოების მთავრობის მეთაურებს მიმართავენ. „საქართველოს მოქალაქეები სრულად უცხადებენ სოლიდარობას უკრაინის ბრძოლას დამოუკიდებლობისთვის და ევროპული მისწრაფებისთვის. ჩვენი ღრმად ვართ დარწმუნებული, რომ ევროკავშირმა და წევრმა სახელმწიფოებმა აღმოსავლეთ პარტნიორობის რეგიონის ტრიო - უკრაინა, საქართველო და მოლდოვა უნდა განიხილონ ერთიან და განუყოფელ რეგიონად, რომელიც თანაბრად დგას რუსეთის აგრესიით, ოკუპაციით და ანექსიით გამოწვეული პრობლემების წინაშე. შესაბამისად, ვიმედოვნებთ, რომ ევროკავშირი დააკმაყოფილებს უკრაინის განაცხადს წევრობაზე და, ანალოგიურად, კარს გაუხსნის საქართველოს და მოლდოვას ევროპულ პერსპექტივას“. სრულად... წყარო: www.change.org

თბილისი. საქართველოს ახალგაზრდა იურისტთა ასოციაცია (საია) ლონდა თოლორაიას საქმეზე საკონსტიტუციო სასამართლოს პირველი კოლეგიის საოქმო ჩანაწერს ეხმიანება. ორგანიზაცია მიიჩნევს, რომ საკონსტიტუციო სასამართლოს პირველი კოლეგიის სამი მოსამართლის მიერ მიღებული საოქმო ჩანაწერი მოკლებულია სამართლებრივ არგუმენტაციას, ეფუძნება თეორიულ მსჯელობებს და არ შეესაბამება საკონსტიტუციო სასამართლოს აქამდე დადგენილ პრაქტიკას სადავო ნორმების შეჩერების საკითხთან დაკავშირებით. სრულად... წყარო: gyla.ge

თბილისი. 26-27 თებერვალს, გაეროს ბავშვთა ფონდისა და ჩეხეთის რესპუბლიკის კარიტასის ორგანიზებით პედიატრების ტრენინგი გაიმართა. შეხვედრაზე პროფესორმა ივანე ჩხაიძემ პედიატრებს COVID-19-ის დიაგნოსტიკის, მართვისა და პრევენციის, ასევე მკურნალობის განახლებული პროტოკოლების შესახებ მიაწოდა ინფორმაცია. პროექტი ხორციელდება USAID/Georgia-ს მხარდაჭერით. სრულად... წყარო: ორგანიზაციის გვერდი სოციალურ ქსელში

თბილისი. დღეს, 19:00 საათზე, სოციალური სამართლიანობის ცენტრი გამართავს ონლაინ დისკუსიას. დისკუსიის ფარგლებში სხვადასხვა პოლიტიკური და აკადემიური გამოცდილების მქონე ექსპერტები და აკადემიის წარმომადგენლები ისაუბრებენ უკრაინაში მიმდინარე ომზე და იმ გავლენებზე, რომელიც რეგიონში მიმდინარე პოლიტიკურ და სამხედრო პროცესებს, საქართველოზე აქვს.  სრულად... წყარო: ორგანიზაციის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტი (IDFI) აქვეყნებს კვლევას: ბიომეტრიული და გენეტიკური მონაცემების დამუშავება - ევროპული სტანდარტები. „წინამდებარე კვლევა განიხილავს ბიომეტრიული და გენეტიკური მონაცემების ცნებას და გამოყენების არეალს, მათ დამუშავებასთან დაკავშირებულ საფრთხეებსა და რისკებს, აანალიზებს ამგვარი მონაცემების დამუშავების პრინციპებსა და საფუძვლებს. კვლევაში ასევე განხილულია ადამიანის უფლებათა ევროპული სასამართლოს და ევროკავშირის მართლმსაჯულების სასამართლოს მიერ მიღებული ცალკეული გადაწყვეტილებები, რაც ბიომეტრიული და გენეტიკური მონაცემების დამუშავებას უკავშირდება“. სრულად... წყარო: idfi.ge

თბილისი. სოციალური სამართლიანობის ცენტრი აქვეყნებს ენ მაკლინტოკის სტატიის თარგმანს: ოჯახური ქიშპობა: გენდერი, ნაციონალიზმი და ოჯახი. „ყველა სახის ნაციონალიზმი გენდერითაა განპირობებული, ყველა მათგანი გამოგონილი და სახიფათოა. სახიფათოა არა ერიკ ჰობსბაუმის გაგებით, რომელთანაც დაპირისპირებული უნდა იყო, არამედ იმ გაგებით, რომლითაც იგი მიემართება პოლიტიკურ ძალაუფლებასა და ძალადობრივ საშუალებებს“. სრულად... წყარო: socialjustice.org.ge

თბილისი. საქართველოს სახალხო დამცველი აქვეყნებს ანგარიშს: გენდერული თანასწორობის ინსტიტუციური მექანიზმების ეფექტიანობის შეფასება საქართველოში. „წინამდებარე ანგარიში წარმოადგენს გენდერული თანასწორობის ეროვნული მექანიზმების - გენდერული თანასწორობის მუდმივმოქმედი საპარლამენტო საბჭოს, საქართველოს გენდერული თანასწორობის, ქალთა მიმართ ძალადობისა და ოჯახში ძალადობის საკითხებზე მომუშავე უწყებათაშორისი კომისიის და მასში შემავალი უწყებების მიერ გენდერული თანასწორობის მისაღწევად გადადგმული ნაბიჯების ეფექტიანობის შეფასებას პოლიტიკის ყველა სფეროში“. სრულად... წყარო: ombudsman.ge

თბილისი. სოციალური სამართლიანობის ცენტრი აქვეყნებს კვლევას: უსახლკარო ჯგუფების საცხოვრისით უზრუნველყოფის პრაქტიკა - რა არის ქალთა განსაკუთრებული საჭიროებები. „სათანადო საცხოვრისის გარანტირება და უსახლკარობის წინააღმდეგ ბრძოლა ის საკითხია, რომელიც სახელმწიფოს მხრიდან კომპლექსურ და მრავალმხრივ ღონისძიებებს საჭიროებს. საერთაშორისო სტანდარტები ნათლად მიუთითებს იმაზე, რომ უსახლკარობა გაცილებით უფრო ფართო ცნებაა, ვიდრე ქუჩაში ცხოვრება და, სხვა მრავალ ფორმასთან ერთად, გულისხმობს საცხოვრისის სერვისებში, სხვადასხვა დანიშნულების მქონე ინსტიტუციებში, არასათანადო და გადატვირთულ საცხოვრისებში ცხოვრებას“. სრულად... წყარო: socialjustice.org.ge

1 მარტს, 18:00 საათზე, კომლი იწყებს ახალ კონკურსს „ქალაქი, რომელშიც ვიცხოვრებ - კასპი 2050”, რომლის მიზანია ახალგაზრდებმა თავად შექმნან ქალაქის განვითარების მათეული ხედვა, რომლის წარდგენაც მოხდება ადგილობრივი გადაწყვეტილებების მიმღები პირებისათვის. სრულად...

1 მარტს, 11:00 საათზე, ევროპული ბიზნესასოციაცია, ევროკავშირისა და USAID-ის ეკონომიკური მმართველობის პროგრამის მხარდაჭერით, სასტუმრო „შერატონ მეტეხი პალასში“ კონფერენციას „ახალგაზრდები ცვლილებებისთვის“ გამართავს. მისამართი: თბილისი, თელავის ქ. 20

თბილისი. სოციალური სამართლიანობის ცენტრი აქვეყნებს ბლოგპოსტს: ბოდიშის დღე, ყურბან-ბაირამი. „ვიზრდებოდი. ბევრი ბაირამი ვნახე, ბევრ ბავშვს ვეთამაშე, ბევრი ვილოცე ჯამეში, ბევრი ბოდიშიც მოვიხადე, იმაზე მეტი ბოდიში, ვიდრე ვინმესთვის რამე მიწყენინებია, მათი დიდი ნაწილი თვალდახუჭული, ხელში ზურგზე დაწოლილი საკლავის ფეხით მაქვს ნათქვამი, რომლის სიბრალულით ქუთუთოები ცრემლებით მებერებოდა და მერე მსკდებოდა, ისე როგორც სისხლი იმ ჩლიქოსანის ყელიდან. ისლამში ასე გვჯერა, რაწამს დაეცემა ღვთის სახელით შეწირული ცხოველის სისხლი დედამიწაზე, მაშინვე აიყრება ცოდვები შენი მხრებიდან. კარგად მახსოვს, სახლის ფანჯრებიდან გადმოყუდებული უხუცესები დამკლავთ როგორ მიუთითებდნენ რიტუალის სწორად შესრულებისკენ და ბოლოს ამბობდნენ „ალლაჰ ყაბულეცუნ“ (ღმერთმა მიიღოს თქვენი ლოცვა)“. სრულად... წყარო: socialjustice.org.ge ფოტო: ავთო შერვაშიძე

თბილისი. საქართველოს სახალხო დამცველმა სპეციალური ანგარიში: „დისკრიმინაციის წინააღმდეგ ბრძოლის, მისი თავიდან აცილებისა და თანასწორობის მდგომარეობის შესახებ“ გამოაქვეყნა.  „ანგარიში მიმოიხილავს 2021 წლის განმავლობაში თანასწორობის უფლების რეალიზაციის მხრივ არსებულ დაბრკოლებებს, რომელსაც ქალები, შეზღუდული შესაძლებლობის მქონე პირები, რელიგიური და ეთნიკური უმცირესობების წარმომადგენლები, ლგბტ+ თემის წევრები და სხვა დაუცველი ჯგუფები აწყდებოდნენ. მასში ასევე შეფასებულია ახალი კორონავირუსის თავიდან აცილების მიზნით დაწესებული რეგულაციების თანასწორობის უფლებასთან შესაბამისობა; სოციალური დაცვის სისტემის ხარვეზები თანასწორობის უფლების დაცვის მხრივ და წინასაარჩევნო პერიოდში პოლიტიკური მოსაზრების გამო სახელმწიფო სამსახურში შრომითი უფლებების დარღვევის შემთხვევები. ანგარიშს შესაბამისი უწყებების მიმართ შემუშავებული რეკომენდაციები ერთვის თან“. სრულად... წყარო: ombudsman.ge

თბილისი. Wolt და საქართველოს წითელი ჯვარი ერთობლივ კამპანიას იწყებს. ვოლტით გაკეთებული თითოეული შემოწირულობა უკრაინულ წითელ ჯვარში გადაირიცხება. სრულად... დონაციისთვის გადადით ბმულზე... წყარო: ორგანიზაციის გვერდი სოციალურ ქსელში

თბილისი. გაეროს ბავშვთა ფონდის ინფორმაციით, 2021 წლის განმავლობაში ორგანიზაციის მხარდაჭერით ჩეხეთის რესპუბლიკის კარიტასმა 10 რეგიონის სოფლის ექიმებისთვის ონლაინტრენინგები ჩაატარა. პროექტის ფარგლებში გადამზადებული სოფლის ექიმები დედებსა და ბავშვებს დისტანციურად დაუჭერენ მხარს და შესაბამის სამედიცინო კონსულტაციას გაუწევენ. გაეროს ბავშვთა ფონდი მიმდინარე წელსაც აგრძელებს ჩეხეთის რესპუბლიკის კარიტასთან თანამშრომლობას ერთობლივი პროექტის ფარგლებში. პროექტი მიმდინარეობს USAID/Georgia-ს მხარდაჭერით. სრულად... წყარო: ორგანიზაციის გვერდი სოციალურ ქსელში

თბილისი. პირველი არხი საქართველოს წითელ ჯვართან ერთად, უკრაინელი ხალხის მხარდასაჭერად და უკრაინის საზოგადოებრივი მაუწყებლის სოლიდარობის ნიშნად, საქველმოქმედო მუსიკალურ მარათონს „ჩვენ უკრაინისთვის“ გამართავს. მარათონის დროს გაღებული შემოწირულობა დახმარების სახით გადაეცემა უკრაინის წითელ ჯვარს. ანგარიშის ნომერი: GE84BG0000000533473787GEL ან დარეკეთ ნებისმიერი ქსელიდან: 16 222 ზარის ღირებულება - 1 ლარი. სრულად... წყარო: ორგანიზაციის გვერდი სოციალურ ქსელში

იმერეთი. ადგილობრივი დემოკრატიის სააგენტო საქართველომ, პროექტის „სამოქალაქო საზოგადოების ინიციატივა“ ფარგლებში, კონსულტაციები გასცა სამოქალაქო საზოგადოებრივი და სათემო ორგანიზაციების წარმომადგენლებისათვის სამტრედიის მუნიციპალიტეტში. კონსულტაციების გაცემა გაგრძელდება იმერეთის მხარის მუნიციპალიტეტებში. შეხვედრები ტარდება პროექტის „სამოქალაქო საზოგადოების ინიციატივის“ ფარგლებში ევროკავშირისა და კონრად ადენაუერის ფონდის მხარდაჭერით. სრულად... წყარო: ორგანიზაციის გვერდი სოციალურ ქსელში

მცხეთა-მთიანეთი. მცხეთა-მთიანეთის რეგიონული ჰაბის ინფორმაციით, წეროვნის დევნილთა დასახლებაში უკრაინის მხარდამჭერი აქცია გაიმართა. „ჩვენ გამოვხატეთ პროტესტი რუსული აგრესიის მიმართ და ამავდროულად თანადგომა გამოვუცხადეთ უკრაინელ ხალხს. 2008 წლის აგვისტოს ომის შედეგად, საქართველოში 26,000-ზე მეტი ადამიანი იძულებული გახდა დაეტოვებინა საცხოვრებელი სახლი და დევნილის სტატუსით გაეგრძელებინა ცხოვრება. წეროვნის დევნილთა დასახლება, სწორედ აგვისტოს მოვლენების შედეგად შეიქმნა. აქ მაცხოვრებელმა ადამიანებმა უკვე გამოსცადეს რუსული აგრესია და უსამართლობაზე დაფუძნებული პოლიტიკა“. სრულად... წყარო: ჰაბის გვერდი სოციალურ ქსელში

თბილისი. საქართველოს სამოქალაქო საზოგადოების ორგანიზაციები უკრაინაში რუსეთის შეჭრასთან დაკავშირებით განცხადებას ავრცელებენ. „რუსეთის მიერ საერთაშორისო სამართლის უხეში დარღვევის, უკრაინაზე თავდასხმისა და მშვიდობიანი მოსახლეობის წინააღმდეგ სასიკვდილო იარაღის გამოყენების ფონზე, გავრცელდა საქართველოს პრემიერ-მინისტრის განცხადება, რომ არ აპირებს შეუერთდეს რუსეთის წინააღმდეგ დაწესებულ ფინანსურ და ეკონომიკურ სანქციებს. ასევე, მმართველმა პარტიამ ჩაშალა პარლამენტის რიგგარეშე სხდომა უკრაინის საკითხზე. ხელმომწერი ორგანიზაციები ცალსახად ვემიჯნებით და ვგმობთ პრემიერის აღნიშნულ განცხადებას, რადგან იგი არ გამოხატავს ქართველი ერის სულისკვეთებას, არ ემსახურება მის ინტერესებს და არ მართლდება ე.წ. არგაღიზიანების პოლიტიკით“. სრულად... წყარო: transparency.ge

თბილისი. საქართველოს კოალიცია სისხლის სამართლის საერთაშორისო სასამართლოსთვის (GCICC) სოლიდარობას უცხადებს უკრაინელ ხალხს და გმობს რუსეთის ფედერაციის მიერ უკრაინის წინააღმდეგ განხორციელებულ აგრესიას. კოალიცია მოუწოდებს სისხლის სამართლის საერთაშორისო სასამართლოს და რომის სტატუტის ხელშემკვრელ სახელმწიფოებს, რომ შეასრულონ პირობა, რომელის მიხედვითაც გენოციდი, ომისა და კაცობრიობის წინააღმდეგ მიმართული დანაშაულები არასოდეს დარჩება დაუსჯელი. „მოვუწოდებთ სისხლის სამართლის საერთაშორისო სასამართლოს: დაიწყოს გამოძიება უკრაინის სიტუაციაზე, რომელთან დაკავშირებითაც, უკვე 8 წელია მიმდინარეობს წინასაგამოძიებო ეტაპი. მიიღოს კონკრეტული ზომები, რათა გასამართლდნენ ის პირები, რომლებმაც რუსეთ-საქართველოს ომში ჩაიდინეს უმძიმესი დანაშაულები“. სრულად... წყარო: gyla.ge