თბილისი. 23 თებერვალს, ევროკავშირის მხარდაჭერით, სამოქალაქო საზოგადოების ინსტიტუტმა (CSI), პარტნიორ ორგანიზაციებთან ერთად უმასპინძლა კონფერენციას სახელწოდებით „სოციალური მეწარმეობის განვითარების პერსპექტივები საქართველოში“. კონფერენცია მიზნად ისახავდა სოციალური მეწარმეობის ეკოსისტემით დაინტერესებულ მხარეებს შორის სოციალური მეწარმეობის არსებულ გარემოსა და მისი განვითარების პერსპექტივებზე დიალოგის წარმართვას. აღნიშნული ტიპის ღონისძიებები ხელს უწყობს გადაწყვეტილების მიმღებებს, სოციალურ საწარმოებს, ხელშემწყობ ორგანიზაციებს და ექსპერტებს, ერთმანეთს გაუზიარონ ცოდნა და გამოცდილება სოციალური მეწარმეობის სახელმწიფო მხარდაჭერის მიმართულებით. კონფერენციაზე ყურადღება გამახვილდა შემდეგ თემებზე:  სოციალური მეწარმეობის სახელმწიფო მხარდაჭერის საერთაშორისო გამოცდილება;  სოციალური მეწარმეობის სახელმწიფო მხარდაჭერის ძირითადი რეკომენდაციები;  ცენტრალურ დონეზე სოციალური მეწარმეობის სახელმწიფო მხარდაჭერის საქართველოს არსებული პრაქტიკა და პერსპექტივები;  ადგილობრივი თვითმმართველობის დონეზე სოციალური მეწარმეობის მხარდაჭერის არსებული პრაქტიკა და პერსპექტივები.  ღონისძიებაში მონაწილე საერთაშორისო ექსპერტებმა ისაუბრეს რამდენიმე ქვეყნის გამოცდილების შესახებ და აღნიშნეს სახელმწიფოს მიერ სოციალური მეწარმეობის განვითარების მხარდაჭერის პროცესში მიღწეული პოზიტიურ შედეგები. თავის მხრივ, ადგილობრივმა მომხსენებლებმა ხაზი გაუსვეს საქართველოში სოციალური მეწარმეობის სახელმწიფო მხარდაჭერის არსებულ პრაქტიკებს და გარემოს შემდგომი გაუმჯობესების საჭიროებებს. „ჩვენ კვლავ უნდა გავაგრძელოთ მუშაობა უფრო მეტი რეფორმისა და მხარდაჭერისთვის. ამ მიმართულებით, სახელმწიფოს როლი უმნიშვნელოვანესია.“ - განაცხადა სამოქალაქო საზოგადოების ინსტიტუტის წარმომადგენელმა ია გაბუნიამ და ხაზი გაუსვა სექტორის განვითარებისთვის სახელმწიფოს მხარდაჭერის მნიშვნელობას.  კონფერენცია გაიმართა ევროკავშირისა და “პური მსოფლიოსთვის” მხარდაჭერით მიმდინარე პროექტის „სოციალური მეწარმეობის განვითარება მდგრადი და ინკლუზიური საზოგადოებისთვის“ ფარგლებში. პროექტს ახორციელებს კონსორციუმი საქართველოს სტრატეგიული კვლევებისა და განვითარების ცენტრის (CSRDG) ხელმძღვანელობით. კონსორციუმის წევრები არიან: სოციალურ საწარმოთა ალიანსი (SEA), სამოქალაქო საზოგადოების ინსტიტუტი (CSI), საქართველოს სამოქალაქო განვითარების ასოციაცია (GCDA), საქართველოს დემოკრატიული განვითარების კავშირი (DDUG), IMPACT EUROPE (ყოფილი EVPA) და სსიპ - ახალგაზრდობის სააგენტო.

სოციალური სამართლიანობის ცენტრი ჩეჩენი და ინგუში ხალხის დეპორტაციისა და გენოციდის დღესთან დაკავშირებით ინფორმაციას აქვეყნებს. 2004 წელს 23 თებერვალი ევროპის პარლამენტმა ჩეჩნებისა და ინგუშების გენოციდის დღედ აღიარა და ევროკავშირის წევრ ქვეყნებს ჩეჩნეთის მშვიდობის მხარდაჭერისთვის მოუწოდა.  „1944 წლის 23 თებერვალს, ადგილობრივი დროით 02:00 საათზე დაიწყო ჩეჩნებისა და ინგუშების მასობრივი დეპორტაცია, ეშელონებში ჩატვირთვა და დანიშნულების პუნქტებში - ყაზახეთისა და ყირგიზეთის სსრ-ში გადაყვანა.“  სრულად... წყარო: სოციალური სამართლიანობის ცენტრი

თბილისი. გამჭვირვალობა საქართველო 2023 წლის 1 ოქტომბრიდან 31 დეკემბრის ჩათვლით პარტიების შემოწირულობის შესწავლის შედეგად საინფორმაციო ბიულეტენს აქვეყნებს.  „მმართველი პარტიის შემომწირველებთან დაკავშირებულმა თერთმეტმა კომპანიამ 2023 წლის მეორე ნახევარში 200 მილიონზე მეტი ლარის ოდენობის ტენდერი მოიგო, ამავე კომპანიებს 2013 წლიდან 1.7 მილიარდ ლარზე მეტი ღირებულების ტენდერი აქვთ მოგებული„ - ნათქვამია ორგანიზაციის ვებგვერდზე  საინფორმაციო ბიუნეტენი N6- ის ძირითადი მიგნებები იხილეთ ვრცლად... წყარო: საერთაშორისო გამჭვირვალობა-საქართველო

საქართველოს ახალგაზრდა იურისტთა ასოციაციამ ქალაქ ბათუმსა და თელავში საზოგადოების ორგანიზაციებთან და აქტივისტებთან მორიგი შეხვედრა გამართა.  როგორც საია აღნიშნავს, შეხვედრებზე გამოიკვეთა, რომ სამოქალაქო საზოგადოების ორგანიზაციები და აქტივისტები ხშირად, მათი საქმინობის გამო, დევნისა და სახელისუფლებო პროპაგანდის სამიზნეები არიან. საია საქართველოში ნიდერლანდების საელჩოს მხარდაჭერით, მუშაობს პროექტზე - „სამოქალაქო საზოგადოების როლის დაცვა და გაძლიერება საქართველოში“. პროექტის ფარგლებში, იქმნება ქსელი, სადაც საია და სამოქალაქო ორგანიზაციები ერთობლივად იმუშავებენ დეზინფორმაციასთან გამკლავებასა და მათი საქმიანობის შესახებ, პოზიტიური ნარატივის გავრცელებაზე.  ასევე, საჭიროების შემთხვევაში, საია სამართლებრივად დაიცავს სამოქალაქო აქტივისტების უფლებებს.  სრულად... წყარო: საქართველოს ახალგაზრდა იურისტთა ასოციაცია

თბილისი. 150-ზე მეტმა პროფესიონალმა, სოციალურმა მუშაკმა, მოსამართლეებმა და ადვოკატებმა გაეროს ბავშვთა ფონდის მიერ ორგანიზებულ სამუშაო შეხვედრაში მიიღეს მონაწილეობა.  შეხვედრის მიზანი ბავშვის უფლებათა კოდექსის 26-ე მუხლის ეფექტიანი აღსრულების და ერთგვაროვანი პრაქტიკის ჩამოყალიბების ხელშეწყობაა. კოდექსის 26-ე მუხლი არეგულირებს ბავშვის ოჯახისგან განცალკევების საკითხს და ამას დასაშვებად მიიჩნევს მხოლოდ მაშინ, როცა ბავშვის სიცოცხლეს, ჯანმრთელობას ან უსაფრთხოებას ექმნება მყისიერი საფრთხე, და მაშინაც გადაწყვეტილება სასამართლოს თანხმობით უნდა იქნეს მიღებული. შეხვედრა ევროკავშირის მიერ მხარდაჭერილი პროექტის ფარგლებში განხორციელდა. სრულად... წყარო: გაეროს ბავშვთა ფონდი საქართველოში

კახეთი. 24 თებერვალს 14:30 საათზე, ყვარელში გაიმართება თამარ გურჩიანის საჯარო ლექცია თემაზე: “ქალების მიმართ ძალადობა კონფლიქტის დროს“. ლექცია გაიმართება "ადამიანის უფლებები ყველასთვის" ნიდერლანდების ჰელსინკის კომიტეტის მხარდაჭერით, ევროკავშირის დაფინანსებული პროექტის ფარგლებში. სრულად... წყარო: ყვარლის ევროკლუბი

თბილისი. თუ გაქვთ სოციალური ინიციატივა და გჭირდებათ მხარდაჭერა მის განსახორციელებლად გამოიყენეთ ორბელიანი მეტის შეთავაზება – იდეების მიღება 15 მარტის ჩათვლით მიმდინარეობს.  განსაზღვრეთ პროექტის შინაარსი, სამიზნე თანხა, რის შემდეგაც იდეა გაივლის შესარჩევ ეტაპს და განთავსდება „ორბელიანი მეტის“ პლატფორმაზე.  ორბელიანი მეტი სახალხო დაფინანსების პლატფორმაა საქართველოში, რომლის მიზანია რაც შეიძლება ბევრმა ადამიანმა, ერთიანი ძალისხმევით შეიტანოს წვლილი სოციალური პროექტების განხორციელებაში.  პლატფორმის საშუალებით შეძლებ მოაგროვო პროექტისთვის სასურველი თანხის 30%, ხოლო 70% „ორბელიანი მეტის” დონორი ორგანიზაციის მიერ დაიფარება. იდეის წარდგენა შეუძლია ყველას, მთელი საქართველოს მასშტაბით, მათ შორის: ინდივიდებს, საინიციტივო ჯგუფებს,სამოქალაქო მოძრაობებსა და აქტივისტებს. წყარო: ორბელიანი მეტი

თბილისი. საქართველოს სტრატეგიული კვლევებისა და განვითარების ცეტრმა (CSRDG) სოციალური მეწარმეობის საუკეთესო ახალგაზრდა ელჩები გამოავლინა და დააჯილდოვა.  ელჩები საქართველოს 6 რეგიონში შეირჩნენ ქვემო ქართლში, სამცხე–ჯავახეთში, გურიაში, კახეთში, სვანეთსა და იმერეთში. პროექტი, რომლის ფინანსური მხარდამჭერია ევროკავშირი მიზნად ისახავს სოფლად მცხოვრები ახალგაზრდებისთვის სოციალური მეწარმეობის გაცნობას, როგორც ადგილობრივი სოციალური, ეკონომიკური და გარემოსდაცვითი გამოწვევების გადაჭრის მიდგომა.  "საქართველოს რეგიონებში, თემთან პირდაპირი მუშაობით, ახალგაზრდა ელჩებს მნიშვნელოვანი წვლილი შეაქვთ ადგილობრივ დონეზე შესაძლებლობების განვითარებასა და მდგრადობის გაძლიერებაში.  ისინი ხელს უწყობენ თემის გაერთიანებას, თვითკმარობას და წარმოადგენენ სამოქალაქო ჩართულობისა და დემოკრატიული მონაწილეობის ბრწყინვალე მაგალითებს,“ - განაცხადა ევროკავშირის ელჩმა საქართველოში, პაველ ჰერჩინსკიმ დაჯილდოების ცერემონიალზე. სრულად... წყარო: ევროკავშირის წარმომადგენლობა საქართველოში 

იმერეთი.ადგილობრივი დემოკრატიის სააგენტო საქართველომ ტყიბულის მუნიციპალიტეტის სამოქალაქო საზოგადოებრივი ორგანიზაციების წარმომადგენლებთან და აქტიურ მოქალაქეებთან საკონსულტაციო შეხვედრა გამართა. შეხვედრის მიზანი გახლდათ ტყიბულში მოქმედი სამოქალაქო საზოგადოების ორგანიზაციების საჭიროებების კვლევა და გამოცხადებული საგრანტო კონკურსების შესახებ ინფორმაციის მიწოდება. შეხვედრა გაიმართა პროექტის ,,სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის“ ფარგლებში, რომელიც ხორციელდება ევროკავშირისა (EU) და კონრად ადენაუერის ფონდის (KAS) მხარდაჭერით. სრულად... წყარო: ადგილობრივი დემოკრატიის სააგენტო საქართველო

შიდა ქართლი.21 თებერვალს, ფსიქოსოციალური და სამედიცინო რეაბილიტაციის ცენტრმა გამართა ტრენინგი თემაზე „ბავშვთა განვითარების თავისებურებები“.  ტრენინგი ჩატარდა პროექტის „2008 წლის ომით დაზარალებულების ფსიქოსოციალური და სამედიცინო სერვისებით უზრუნველყოფა“ ფარგლებში, რომელიც ხორციელდება წამების მსხვერპლთა ფსიქოსოციალური და სამედიცინო რეაბილიტაციის საქართველოს ცენტრის მიერ (GCRT) სისხლის სამართლის საერთაშორისო სასამართლოს დაზარალებულთა ნდობის ფონდის მხარდაჭერით. სრულად...  წყარო:ფსიქოსოციალური და სამედიცინო რეაბილიტაციის ცენტრი

სამეგრელო. მწვანე ალტერნატივამ „ახალგაზრდული ფორუმის“ წევრებისთვის ბალდის კანიონზე საველე გასვლა მოაწყო.  „ახალგაზრდული ფორუმი“ მწვანე ალტერნატივას პროექტია, რომელიც მოიცავს ახალგაზრდებთან 5-თვიან თანამშრომლობასა და ცოდნის გაზიარებას კლიმატის ცვლილების, გარემოსდაცვით და სოციალური სამართლიანობის საკითხებზე.  საველე გასვლა პროექტის „სამოქალაქო სექტორის გაძლიერება კლიმატის ეროვნული პოლიტიკის განხორციელებაში“ ფარგლებში დაიგეგმა.  პროექტის განხორციელება შესაძლებელი გახდა გერმანიის ფედერალური მთავრობის კლიმატის საერთაშორისო ინიციატივის (IKI) ფინანსური მხარდაჭერით.  სრულად... წყარო: მწვანე ალტერნატივა

ქვემო ქართლი.დმანისის მუნიციპალიტეტმა, „ჩაერთე მართვის“ კლუბის ინიციატივით, დაიწყო მიუსაფარი ცხოველების მართვის პოლიტიკის შემუშავება. ამ მიზნით, 21 თებერვალს, გაიმართა საჯარო კონსულტაცია დაინტერესებულ მოქალაქეებთან და სამოქალაქო სექტორის წარმომადგენლებთან. შეხვედრა წარიმართა, მოქალაქეთა მონაწილეობის ინოვაციური ინსტრუმენტის გამოყენებით, რომელიც მოიცავდა მოქალაქეების სწავლების ფაზას, რეკომენდაციებზე მუშაობის და ხმის მიცემის ფაზას. შეხვედრა დმანისის მუნიციპალიტეტის საკრებულოს თავმჯდომარემ პაატა ყულიაშვილმა და USAID-ის ადგილობრივი თვითმმართველობის პროგრამის ხელმძღვანელმა კევინ მაკლოკლინმა გახსნეს. მათ ისაუბრეს რამდენად მნიშვნელოვანია აღნიშნული პრობლემის მოგვარებაში მოქალაქეთა მონაწილეობა და აქტიურობა. სფეროს ექსპერტებმა, კონსულტაციებში მონაწილეებს გააცნეს თუ რა გზებით არის შესაძლებელი მიუსაფარი ცხოველების პრობლემებზე მუშაობა. ზვიად ასანიშვილმა, ცხოველთა მონიტორინგის სააგენტოს დირექტორის მოადგილემ, მონაწილეებს გააცნო თბილისის გამოცდილება და ის პრაქტიკა, რასაც თბილისის მუნიციპალიტეტი ახორციელებს. ანა მეცხვარიშვილმა - ორგანიზაცია Mayhew Georgia-ს წარმომადგენელმა ისაუბრა ორგანიზაციის გამოცდილებაზე და იმ სტანდარტებზე, მიდგომებზე რაც მნიშვნელოვანია ცხოველთა პოპულაციის მართვის და კეთილდღეობისთვის. ხოლო ლუსინე დოსტიბეგიანმა, თეთრიწყაროს ახალგაზრდული ცენტრის ხელმძღვანელმა, მონაწილეებს გაუზიარა თეთრიწყაროს მუნიციპალიტეტის გამოცდილება. რეკომენდაციების შემუშავების ეტაპზე, მოქალაქეებმა მცირე ჯგუფებში იმუშავებს ექსპერტებთან ერთად და ჯამში 31 რეკომენდაცია შეიმუშავეს. შეხვედრის ბოლო ეტაპზე კენჭისყრის საშუალებით მოქალაქეებმა სამი პრიორიტეტული მიმართულება გამოკვეთეს: მიუსაფარი ცხოველების კასტრაცია და სტერილიზაცია;  საზოგადოების ცნობიერების ამაღლების კამპანია;  მუნიციპალიტეტის მიერ მიუსაფარი ცხოველების სტრატეგიის და საბიუჯეტო პროგრამის შემუშავება. აღნიშნულ რეკომენდაციებს დაეფუძნება დმანისის მუნიციპალიტეტის მიუსაფარი ცხოველების მართვის პოლიტიკა. როგორც უკვე აღვნიშნეთ, აქტიურად იყვნენ ჩართულნი საკონსულტაციო შეხვედრაში ადგილობრივი მაცხოვრებლები. მათი ინტერესი საკმაოდ მაღალი იყო, ამას მოწმობს კონსულტაციის უკუკავშირიც. მაგალითად, „შეხვედრა იყო სახალისო, ინფორმაციული და არაჩვეულებრივი“; „შეხვედრა იყო ძალიან გუნდური და მიზანმიმართული“; „შეხვედრა იყო მეგობრული და შედეგზე ორიენტირებული“; „დავინახე შედეგის მომტანი საქმიანობა“. ღონისძიება გაიმართა დმანისის მუნიციპალიტეტის,  სამოქალაქო საზოგადოების ინსტიტუტის (CSI), დმანისის „ჩაერთე მართვის“ კლუბის ინიციატივით, USAID–ის ადგილობრივი თვითმმართველობის პროგრამის მხარდაჭერით.

თბილისი. 24 თებერვალს, საქართველოს უკრაინის ახალგაზრდული ორგანიზაცია „სვიტანოკი“ ღონისძიებას გამართავს, რომელიც უკრაინაში რუსეთის მიერ ომის დაწყებიდან მეორე წლისთავს უკავშირდება.  ღონისძიება მწერალთა სახლში გაიმართება.  დასწრება თავისუფალია  სრულად... წყარო: თბილისის ადამიანის უფლებათა სახლი

თბილისი. 15-18 თებერვალს, ფუნდამენტური თავისუფლებების ფონდის მხარადჭერით, საერთაშორისო რესპუბლიკურმა ინსტიტუტმა ახალგაზრდების გაძლიერების ახალი პროგრამა გახსნა. პროგრამის ფარგლებში, საქართველოს 17 გამორჩეული ლიდერი ახალგაზრდა საქართველოს 17 მუნიციპალიტეტში მომდევნო 5 თვის განმავლობაში განახორციელებს ადგილობრივ საჭიროებებზე დაფუძნებულ სამოქალაქო პროექტებს. პროექტი ითვალისწინებს ახალგაზრდების ერთობლივი ჩართულობით, ადამიანის უფლებების დაცვაზე ორიენტირებული სტრატეგიის შემუშავების და რეგიონული გამოწვევების მოგვარებაზე ადგილობრივი კამპანიების დაგეგმვას და განხორციელებას. სრულად... წყარო: საერთაშორისო რესპუბლიკური ინსტიტუტი საქართველო

თბილისი. 17 თებერვალს საქართველოს სტრატეგიისა და საერთაშორისო კვლევების ფონდში (რონდელის ფონდი), ევროკავშირის მიერ დაფინანსებული პროექტის „თავისუფალი და სამართლიანი საარჩევნო პროცესების ხელშეწყობა საქართველოში“ ფარგლებში, პოლიტიკური პარტიების ახალგაზრდა წევრებისთვის დაიწყო პოლიტიკური პარტიების სკოლა. სკოლაში მონაწილეობას იღებს როგორც საპარლამენტო, ისე არასაპარლამენტო 14 პოლიტიკური პარტიის 28 ახალგაზრდა წარმომადგენელი.  3-თვიანი კურსის განმავლობაში ჯგუფს ჩაუტარდება სალექციო კურსები სხვადასხვა თემაზე. პოლიტიკური პარტიების სკოლის უპირველესი მიზანია მათი ახალგაზრდა წევრების შესაძლებლობების გაძლიერება, რათა უფრო აქტიურად შეძლონ საკუთარი პარტიების პოლიტიკის შემუშავების პროცესში ჩართვა. სრულად... წყარო: საქართველოს სტრატეგიისა და საერთაშორისო კვლევების ფონდი

ადგილობრივი თვითმმართველობის პროგრამა ბათუმის, ლენტეხის, ხარაგაულის და ხონის მაცხოვრებლებს აძლევს შესაძლებლობს შეავსონ კითხვარი და ჩაერთონ თემის განვითარებაშიდა მიიღონ მონაწილეობა მუნიციპალიტეტის განვითარების საშუალო ვადიანტ სტრატეგიისა Და სამოქმედო გეგმის შემუშავებაში. დოკუმენტი განსაზღვრავს იმ მიზნებს და ამოცანებს, რომლის მისაღწევად იმუშავებს ადგილობრივი ხელისუფლება და განსაზღვრავს მუნიციპალიტეტის განვითარების კურსს მომდევნო რამდენიმე წლის განმავლობაში.  წლის დასაწყისში, USAID-ის ადგილობრივი თვითმმართველობის პროგრამის პარტნიორმა მუნიციპალიტეტებმა, პარტნიორ ორგანიზაციებთან GEC Consulting და PMCG - Policy and Management Consulting Group ერთად, დაიწყეს მუშაობა მუნიციპალური განვითარების საშუალო ვადიანი სტრატეგიებისა და სამოქმედო გეგმების მოსამზადებლად. ადგილობრივი მოსახლეობის ჩართულობა, დოკუმენტებზე მუშაობის ერთობლივი პროცესის ნაწილია. სრულად... წყარო: USAID-ის ადგილობრივი თვითმმართველობის პროგრამა

თბილისი. 22 თებერვალს, საკონსტიტუციო სასამართლო საიას კონსტიტუციურ სარჩელს განიხილავს, რომლითაც სადავოდ არის ქცეული შინაგან საქმეთა სამინისტროს მიერ ადმინისტრაციულ სამართალდამრღვევად ცნობილი პირის პერსონალური მონაცემების შენახვის ვადები. საიას მოსაზრებით, არსებული ნორმები წინააღმდეგობაშია საქართველოს კონსტიტუციის მე-15 მუხლის პირველ პუნქტთან, რომლითაც გარანტირებულია ადამიანის პირადი ცხოვრების უფლება.  სრულად... წყარო: საქართველოს ახალგაზრდა იურისტთა ასოციაცა

თბილისი. ორგანიზაცია " სალამი", USAID- ის ადგილობრივი თვითმმართველობის პროგრამის მხარდაჭერით, იწვევს დაინტერესებულ პირებს ახალი პროექტის საზოგადოების გაძლიერება გადაწყვეტილების მიღების პროცესში ბოლნისის, დმანისის და მარნეულის მუნიციპალიტეტში“ პრეზენტაციაზე. პრეზენტაცია გაიმართება ზუმში 23 თებერვალს. დაინტერესებულმა პირებმა უნდა გაიარონ რეგისტრაცია ბმულზე... სრულად... წყარო: USAID-ის ადგილობრივი თვითმმართველობის პროგრამა

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს.  ელ-ბიულეტენი…

თბილისი. გაეროს ქალთა ორგანიზაციის მხარდაჭერით, თბილისის მუნიციპალიტეტის საკრებულოსა და მერიაში დამტკიცდა სექსუალური შევიწროების პრევენციისა და მასზე რეაგირების მექანიზმი.  ეს პირველი შემთხვევაა, როდესაც ადგილობრივი თვითმმართველობის ორგანოში მსგავსი დოკუმენტი დაინერგა დოკუმენტი კრძალავს სექსუალურ შევიწროებას ჩადენილს როგორც მუნიციპალიტეტის ორგანოების თანამშრომლების, ასევე პოლიტიკური თანამდებობის პირების მიერ, და ფაქტის დადასტურების შემთხვევაში, შესაბამის სანქციებს ითვალსიწინებს. გაეროს ქალთა ორგანიზაცია აგრძელებს სხვა მუნიციპალიტეტების და ცენტრალური ხელისუფლების ორგანოების მხარდაჭერას სექსუალური შევიწროების პრევენციის მიმართულებით.  სრულად... წყარო: გაეროს ქალთა ორგანიზაცია

ევროკავშირის მხარდაჭერით, სამოქალაქო საზოგადოების ინსტიტუტი (CSI), პარტნიორ ორგანიზაციებთან ერთად მასპინძლობს კონფერენციას სახელწოდებით „სოციალური მეწარმეობის განვითარების პერსპექტივები საქართველოში“. კონფერენციის მიზანია, სოციალური მეწარმეობის ეკოსისტემით დაინტერესებულ მხარეებს შორის დიალოგის წარმართვა სოციალური მეწარმეობის არსებულ გარემოსა და მისი განვითარების პერსპექტივებზე. კონფერენცია ხელს შეუწყობს გადაწყვეტილების მიმღებებს, სოციალურ საწარმოებს, ხელშემწყობ ორგანიზაციებს და ექსპერტებს, ერთმანეთს გაუზიარონ ცოდნა და გამოცდილება სოციალური მეწარმეობის სახელმწიფო მხარდაჭერის მიმართულებით. კონფერენცია გაიმართება 2024 წლის 23 თებერვალს, სასტუმრო „თბილისი მარიოტში" (შოთა რუსთაველის გამზირი 13,  თბილისი). ღონისძიება დაიწყება 11:00 საათზე.  კონფერენციის ძირითადი თემებია: სოციალური მეწარმეობის სახელმწიფო მხარდაჭერის საერთაშორისო გამოცდილება;  სოციალური მეწარმეობის სახელმწიფო მხარდაჭერის ძირითადი რეკომენდაციები;  ცენტრალურ დონეზე სოციალური მეწარმეობის სახელმწიფო მხარდაჭერის საქართველოს არსებული პრაქტიკა და პერსპექტივები;  ადგილობრივი თვითმმართველობის დონეზე სოციალური მეწარმეობის მხარდაჭერის არსებული პრაქტიკა და პერსპექტივები. ღონისძიებაში მონაწილეობას მიიღებენ სააგენტოს, „აწარმოე საქართველოს“, ასევე, ახალგაზრდობისა და სახელმწიფო შესყიდვების სააგენტოების და თბილისის, ოზურგეთისა და ლაგოდეხის მუნიციპალიტეტების მერიების წარმომადგენლები. ღონისძიებაზე სიტყვით წარსდგებიან ადგილობრივი და საერთაშორისო ექსპერტები, მათ შორის სოციალურ საწარმოთა ალიანსის აღმასრულებელი დირექტორი, სალომე კუსიანი, სამოქალაქო საზოგადოების ინსტიტუტის ექსპერტი ანა ჯიქია, ევროპული სოციალური საწარმოების ქსელის „Euclid Network-ის“ პოლიტიკის ანალიტიკოსი ტობი გეიზლი და ექსპერტი პოლონეთიდან იაკუბ შიმანეკი, რომელიც პოლონეთში არსებულ მხარდამჭერ სქემებსა და გამოცდილებას მიმოიხილავს. კონფერენცია იმართება, ევროკავშირისა და გერმანული ორგანიაზციის “პური მსოფლიოსთვის” მხარდაჭერით მიმდინარე პროექტის „სოციალური მეწარმეობის განვითარება მდგრადი და ინკლუზიური საზოგადოებისთვის“ ფარგლებში. პროექტს ახორციელებს კონსორციუმი საქართველოს სტრატეგიული კვლევებისა და განვითარების ცენტრის (CSRDG) ხელმძღვანელობით. კონსორციუმის წევრები არიან: სოციალურ საწარმოთა ალიანსი (SEA), სამოქალაქო საზოგადოების ინსტიტუტი (CSI), საქართველოს სამოქალაქო განვითარების ასოციაცია (GCDA), საქართველოს დემოკრატიული განვითარების კავშირი (DDUG), IMPACT EUROPE (ყოფილი EVPA) და სსიპ - ახალგაზრდობის სააგენტო. დამატებითი ინფორმაციისთვი დაგვიკავშირდით:  ტელეფონი: (+995) 598 743512  ელ–ფოსტა: tamar@civilin.org  საკონტაქტო პირი: თამარ ბოჭორიშვილი

თბილისი. ინფორმაციის თავისუფლების განვითარების ინსტიტუტი ახალ ბლოგს აქვეყნებს. ბლოგი მიმოიხილავს Sockpuppet-ების კოორდინირებულ ქმედებებს ქართული პოლიტიკის ირგვლივ, პოპულარულ ენციკლოპედიაში - ვიკიპედიაში. „პორტალმა ვიკიპედიამ, 2022 წლის 25 მაისიდან - 2024 წლის 3 იანვრამდე პერიოდში ჩაატარა გამოძიება და გამოავლინა მომხმარებელი ArsenalAtletico2017, რომელიც ათეულობით მარიონეტის შექმნით ცდილობდა საზოგადოებრივ აზრზე მოეხდინა გავლენა. მათ შორის, საკუთარ შექმნილ sockpuppet-ებს, ორ მომხმარებელს, რომლებსაც თავად მართავდა, ერთმანეთში აკამათებდა, რათა გამოეწვია კამათში სხვა მომხმარებლების ჩართვა და მსგავსი მანიპულაციური ხერხით დაპირისპირების კერების შექმნა“. იხილეთ ვრცლად...  წყარო: ინფორმაციის თავისუფლების განვითარების ინსტიტუტი