თბილისი. კონკურს „მელიორა 2024“-ში ონაწილეებს CSR პროექტების წარდგენა 20 თებერვლამდე შეუძლიათ.  კონკურსი ბიზნესკომპანიებისთვის უნიკალური შესაძლებლობაა, გააცნონ საზოგადოებას თავიანთი CSR-პროექტები, მოიპოვონ აღიარება საუკეთესო მიღწევებისთვის და წვლილი შეიტანონ СSR-ის შესახებ ცნობიერების ამაღლებაში.  კონკურსი ტარდება საქართველოს სტრატეგიული კვლევებისა და განვითარების ცენტრის ორგანიზებით, ევროკავშირისა და კონრად ადენაუერის ფონდის (KAS) მხარდაჭერით, მიმდინარე პროექტის „სამოქალაქო საზოგადოების ინიციატივის“ ფარგლებში.  სრულად... წყარო: საქართველოს სტრატეგიული კვლევებისა და განვითარების ცენტრი

ქვემო ქართლი. ევროკავშირის ელჩი საქართველოში პაველ ჰერჩინსკი მარნეულის მუნიციპალიტეტსა და სოფელ სამშვილდეს ესტუმრა და და საქართველოს რეგიონის მრავალფეროვანი ადგილობრივი თემების წარმომადგენლებს შეხვდა.  მრავალფეროვნება, ინკლუზიურობა და თანასწორობა ის ღირებულებებია, რომლებიც საქართველოს ევროკავშირის გზაზე დიდ როლს თამაშობენ. ელჩი ჰერჩინსკი საქართველოში მცხოვრები აზერბაიჯანული თემის ინტეგრაციის ხელშემწყობი არასამთავრობო ორგანიზაცია „წითელი ხიდის“ დამფუძნებლებს შეხვდა და ადგილობრივ ახალგაზრდებთან დინამიკურ დისკუსიაში ჩაერთო.  ერთგულ ახალგაზრდებთან შეხვედრა შთამაგონებელი იყო. მათ შეუძლიათ იმედი ჰქონდეთ, რომ ევროკავშირი კეთილდღეობისთვის შესაძლებლობებს შექმნის.  ელჩი ასევე შეხვდა სამოქალაქო საზოგადოების წარმომადგენლებსა და ადგილობრივ აქტივისტებს ქვემო ქართლის რეგიონულ ჰაბში (STAR), რომელიც ევროკავშირის მიერ დაფინანსდა. მთელი სამოქალაქო საზოგადოების ჩართულობა საკანონმდებლო და პოლიტიკის შემუშავების პროცესში საქართველოს ევროკავშირში გაწევრიანების გზაზე გადასადგმელი ცხრა ნაბიჯის ნაწილს წარმოადგენს. სოფელ სამშვილდეში ელჩი ევროკავშირის მიერ მხარდაჭერილ სოციალურ საწარმო „ორბის ბუდეს“ ეწვია; ეს არის პროექტი, რომელიც მდგრად ტურიზმს უწყობს ხელს.  საწარმო რეგიონის კულტურული მემკვიდრეობის პოპულარიზაციას ეწევა და ადგილობრივი ქალების დასაქმების გზით ინკლუზიურობას უწყობს ხელს.  სრულად... წყარო: ევროკავშირის წარმომადგენლობა საქართველოში

ქვემო ქართლი. 20 თებერვალს, სოციალური სამართლიანობის ცენტრი მარნეულის სოფელ შულავერში სამართლებრივი კონსულტაციის მიზნით შეხვედრას გამართავს.  ორგანიზაციის იურისტები ადგილობრივ მოსახლეობას კონსულტაციას გაუწევენ ისეთ საკითხებზე როგორიცაა მიწაზე საკუთრების უფლების რეგისტრაცია, სოციალური დაცვის მექანიზმები და ასე შემდეგ. შეხვედრა სოფელ შულავერის N1 საჯარო სკოლაში, 20 თებერვალს 12:30–16:00 საათზე გაიმართება.  სრულად... წყარო: სოციალური სამართლიანობის ცენტრი

თბილისი. ინფორმაციის თავისუფლების განვითარების ინსტიტუტმა ახალი ვებ–გვერდი შექმნა – www.gorimaps.ge ვებ–გვერდზე ქალაქ გორის შესახებ ბევრ საინტერესო ამბებს გაგაცნობთ – მაგალითად 1920 წლის მიწისძვრის მასშტაბებს, ქალაქ გორის როლი ვაჟა–ფშაველას ცხოვრებაში, ქალაქის დემოკრატიულ და კულტურულ ტრადიციებს და ასე შემდეგ. სრულად...  წყარო: ინფორმაციის თავისუფლების განვითარების ინსტიტუტი

თბილისი. ინფორმაციის თავისუფლების განვითარების ინსტიტუტი სტატიას „მაღალი დონის კორუფციის გადაუჭრელი პრობლემა საქართველოში“ აქვეყნებს.  “ქვეყანაში კორუფციის, განსაკუთრებით კი მაღალი დონისკორუფციის მხრივ არსებული გამოწვევების საპასუხოდ, აუცილებელია, რომ უსაფრთხოების სამსახურს ეს ფუნქცია ჩამოშორდეს და იგი გადაეცეს ანტიკორუფციულ ბიუროს.  ანტიკორუფციული ბიუროსთვის საგამოძიებო უფლებამოსილების მინიჭება თავისთავად გააჩენს მისი დამოუკიდებლობის, ანგარიშვალდებულებისა და ნდობის ზრდის საჭიროებას”, ნათქვამია ორგანიზაციის გვერდზე.  იხილეთ ვრცლად... წყარო: ინფორმაციის თავისუფლების განვითარების ინსტიტუტი

აჭარა. 14 თებერვალს, თავისუფალ ჟურნალისტთა სახლმა გამართა საჯარო შეხვედრა ხელვაჩაურის მუნიციპალიტეტში.  შეხვედრის მიზანი იყო, მოსახლეობის ინფორმირება ჯანდაცვის სერვისების, კერძოდ პრევენციული ღონისძიებებისა და სკრინინგ პროგრამების შესახებ.  შეხვედრებს მართავს თავისუფალ ჟურნალისტთა სახლი, საქართველოს ახალგაზრდა იურისტთა ასოციაციის პროექტის „სოციალური კაპიტალის შექმნა სსო-ების გაძლიერებითა და ადგილობრივი ქსელის გაძლიერებით“ ფარგლებში.  პროექტი დაფინანსებულია გერმანიის საერთაშორისო თანამშრომლობის საზოგადოების (GIZ) პროგრამის მიერ.  სრულად...  წყარო: თავისუფალ ჟურნალისტთა სახლი

თბილისი. საქართველოს ახალგაზრდა იურისტთა ასოციაცია ინფოგრაფიკას აქვეყნებს – რა შემთხვევასი შეიძლება შეჩერდეს პენსია.  ინფოგრაფიკა ასახავს იმ შემთხვევებს, რომლის დროსა შესაძლებელია პენსიის შეჩერება.  იხილეთ ინფოგრაფიკა  სრულად... წყარო: საქართველოს ახალგაზრდა იურისტთა ასოციაცია

თბილისი. 12 თებერვალს, ახალგაზრდა პედაგოგთა კავშირის ბაზაზე არსებული ახალგაზრდული ცენტრის წევრების და ლიდერთა სკოლის მოსწავლეებისთვის ჩატარდა ლექცია თემაზე: კულტურული მრავალფეროვნება.  შეხვედრაზე განიხილეს მულტიკულტურალიზმი, ეთნოცენტრიზმი, კონფორმიზმი, ინდვიდუალისტური და კოლექტივისტური კულტურების თავისებურებები.  პროგრამას ახორციელებს საქართველოს გაეროს ასოციაცია, აშშ–ის საერთაშორისო განვითარების სააგენტოს (USAID) ფინანსური მხარდაჭერით.  გურიის რეგიონში პროგრამის პარტნიორი ორგანიზაციაა "ახალგაზრდა პედაგოგთა კავშირი".  სრულად... წყარო: ახალგაზრდა პედაგოგთა კავშირი

თბილისი. ინფორმაციის თავისუფლების განვითარების ინსტიტუტმა კანონის უზენაესობისა და ადამიანის უფლებების შესახებ რიგით მესამე ზამთრის სკოლა გამართა. ზამთრის სკოლაში მონაწილეობა მიიღო 24-მა მონაწილემ, მათ შორის იყვნენ როგორც სტუდენტები, ასევე საჯარო მოხელეები. ზამთრის სკოლის პროგრამა დიდწილად საქართველოს ევროინტეგრაციის პროცესსა და ევროკავშირის მიერ განსაზღვრულ დათქმებს შეეხებოდა. სრულად... წყარო: ინფორმაციის თავისუფლების განვითარების ინსტიტუტი

გურია. 14-16 თებერვალს, „თანამონაწილოებისა და ჩართულობის ცენტრი სიპისი“, ოზურგეთის მუნიციპალიტეტის მერიისა და საკრებულოს ჩართულობით, მართავს საინფორმაციო შეხვედრებს „სამოქალაქო პიკნიკების“ ფორმატში.  „სამოქალაქო პიკნიკები“ იმართება ოზურგეთის მუნიციპალიტეტის მერიისა და საკრებულოს ჩართულობით, USAID-ის ადგილობრივი თვითმმართველობის პროგრამის მხარდაჭერილი პროექტის „სათათბირო დემოკრატიის ინსტიტუციური განვითარება ოზურგეთის მუნიციპალიტეტში“ ფარგლებში.  პროექტის მიზანია მოსახლეობისთვის აქტუალური პრობლემის - მიუსაფარი ცხოველების მოვლა-პატრონობის საკითხის გადასაჭრელად ადგილობრივი ხელისუფლებისთვის რეკომენდაციების შემუშავება „მოქალაქეთა ასამბლეას“ მოწვევის გზით.  სრულად...  წყარო: სიპისი-თანამონაწილეობისა და ჩართულობის ცენტრი

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს.  ელ-ბიულეტენი…

ქვემო ქართლი.14 თებერვალს მარნეულში გაიმართა მუნიციპალიტეტის მერიისა და საკრებულოს წარმომადგენლებისთვის ტრენინგი სისტემური ხედვისა და სტრატეგიული დაგეგმარების შესახებ, რომელსაც ექსპერტი ლიზი სოფრომაძე უძღვებოდა.  მანამდე ტრენინგების კურსი გაიმართა დმანისში, ჩოხატაურსა და ბათუმში, რომელშიც საკრებულოს და მერიის 100–ზე მეტი წარმომადგენელი მონაწილეობდა. აღნიშნული ტრენინგი, მუნიციპალიტეტების შესაძლებლობების გაძლიერების პროგრამის ნაწილია, რომელიც მოქალაქეთა მონაწილეობის ხარისხის თვითშეფასებას (www.ppmeter.ge) ეყრდნობა. დამსწრე აუდიტორიამ მიიღო ინფორმაცია და ცოდნა იმ სტანდარტების შესახებ, რომელიც სამთავრობო დადგენილებების, სამოქმედო გეგმების, ასევე სტრატეგიული დოკუმენტების შექმნისთვის არის მნიშვნელოვანი და საჭირო.  მუნიციპალიტეტების თანამშრომლებისთვის შესაძლებლობის განვითარების პროგრამა, სამოქალაქო საზოგადოების ინსტიტუტმა, აშშ–ის საერთაშორისო განვითარების სააგენტოს ადგილობრივი თვითმმართველობის პროგრამის ფარგლებში გამართა. წყარო: სამოქალაქო საზოგადოების ინსტიტუტი

იმერეთი. ქუთაისის ახალგაზრდული ცენტრის წევრებისათვის ჩატარდა მორიგი ტრენინგი თემაზე: „ახალგაზრდების სამოქალაქო ჩართულობა“.  ტრენინგზე ახალგაზრდებმა განიხილეს ადგილობრივ თვითმმართველობაში ახალგაზრდების მონაწილეობის და ჩართულობის ფორმები, ახალგაზრდობის ადგილობრივი თვითმმართველობის განხორციელებაში მონაწილეობის პრაქტიკული მაგალითები. ტრენინგი ორგანიზებული იქნა USAID-ის პროგრამა „ერთიანობა მრავალფეროვნებაშია“ ფარგლებში, რომელიც ხორციელდება საქართველოს გაეროს ასოციაციის (UNAG) მიერ, აშშ-ს საერთაშორისო განვითარების სააგენტოს (USAID) ფინანსური მხარდაჭერით.  იმერეთის რეგიონში პროგრამის პარტნიორია განათლების განვითარების და დასაქმების ცენტრი (EDEC) სრულად... წყარო: ქუთაისის ახალგაზრდული ცენტრი

თბილისი. 16 თებერვალს, 19:00 საათზე, გოეთეს ინსტიტუტში გაიმართება წიგნის „საქართველო იოსებ სტალინის წინააღმდეგ“ პრეზენტაცია და დისკუსია თემაზე: სტალინი კოლექტიურ მეხსიერებასა და რუსულ დეზინფორმაციულ დღის წესრიგში. დისკუსიაში მონაწილეობას მიიღებენ წიგნის ავტორი ლაშა ბუღაძე, სამეცნიერო რედაქტორი ირაკლი ხვადაგიანი, პროექტის ავტორი და რედაქტორი გიორგი კანდელაკი და ილიას სახელწიფო უნივერსიტეტის პროფესორი ჯანა ჯავახიშვილი. სრულად... წყარო: საბჭოთა წარსულის კვლევის ლაბორატორია

კახეთი. 2024 წლის 14 თებერვალს, ყვარლის მუნიციპალიტეტში ეთნიკური უმცირესობების უფლებების დასაცავად შექმნილმა ახალგაზრდულმა საინიციატივო ჯგუფმა ადგილობრივი სამოქალაქო საზოგადოების წარმომადგენლებთან ურთიერთთანამშრომლობის მემორანდუმი გააფორმა. მემორანდუმი ითვალისწინებს თანამშრომლობის პლატფორმის შექმნას, რომლის ფარგლებში მხარეები შეისწავლიან ეთნიკური უმცირესობების საჭიროებებს, განსაზღვრავენ პრობლემების გადაჭრის გზებს და განახორციელებენ ერთობლივ ღონისძიებებს. ყვარლის მუნიციპალიტეტში ახალგაზრდების საინიციატივო ჯგუფი 2023 წლის დეკემბერში, ორგანიზაცია „უფლებები საქართველოს“ და „ახალსოფლის ახალგაზრდული ცენტრის“ ინიციატივით შეიქმნა. ყვარელში საინიციატივო ჯგუფის დაფუძნება და ადგილობრივ სამოქალაქო საზოგადოებასთან თანამშრომლობის მემორანდუმის გაფორმება შესაძლებელი პროექტის - „ეთნიკური უმცირესობების ახალგაზრდათა ჩართულობის და ინკლუზიური მმართველობის ხელშეწყობა ლაგოდეხის და ყვარლის მუნიციპალიტეტებში“ - ფარგლებში, რომელსაც „უფლებები საქართველო“, „ლელიანის ზრდასრულთა განათლების ცენტრთან“ და „ახალსოფლის ახალგაზრდულ ცენტრთან“ პარტნიორობით, და „ომისა და მშვიდობის გაშუქების ინსტიტუტის“ (IWPR) მხარდაჭერით ახორციელებს. სრულად... წყარო: უფლებები საქართველო

თბილისი. 22 თებერვალს, 14:00 საათზე, საიას facebook გვერდზე, საიას იურისტები უპასუხებენ თქვენს შეკითხვებს, პენსიასთან დაკავშირებული სამართლებრივი საკითხების შესახებ.  შეკითხვების დატოვება შესაძლებელია პოსტის კომენტარებში ან პირად შეტყობინებებში.  სრულად...  წყარო: საქართველოს ახალგაზრდა იურისტთა ასოციაცია

თბილისი. გაეროს ქალთა ორგანიზაციის ინიციატივით მიმდინარეობს ორდღიანი სემინარი თემაზე: "ადამიანის უსაფრთხოების მონიტორინგი - გენდერულად სენსიტიური მონიტორინგის ინსტრუმენტი".  სემინარი გამიზნულია სახალხო დამცველის აპარატის თანამშრომლებისა და არასამთავრობო ორგანიზაციების წარმომადგენელთათვის. სემინარს უძღვება საერთაშორისო ექსპერტი ზარა ჯარვინენი, რომელმაც შეიმუშავა „გენდერულად მგრძნობიარე ადამიანის უსაფრთხოების მონიტორინგის სახელმძღვანელო“ სახალხო დამცველის აპარატისა და სამოქალაქო საზოგადოების ორგანიზაციებისთვის.  აღნიშნული სემინარი გაეროს ქალთა ორგანიზაციის პროექტის - „ქალების, მშვიდობისა და უსაფრთხოების დღის წესრიგის ეფექტიანი განხორციელებისთვის საქართველოში“ - მხარდაჭერით ტარდება, რომელიც დიდი ბრიტანეთის მთავრობის, კონფლიქტის, სტაბილურობისა და უსაფრთხოების ფონდის მიერაა მხარდაჭერილი.  სრულად...  წყარო: გაეროს ქალთა ფონდი

იმერეთი. საქველმოქმედო ჰუმანიტარული ცენტრი აფხაზეთი აგრძელებს სამუშაო შეხვედრებს ხონის მუნიციპალიტეტის შშმპ საკითხებზე მომუშავე და საკრებულოს გენდერული თანასწორობის საბჭოს წევრებთან ერთად. შეხვედრის უპირველესი მიზანი იყო საბჭოების შესაძლებლობების განვითარების გეგმის შემუშავება, ასევე სამომავლო მიზნებისა და ექსპერტული გამოწვევების განხილვა. აღსანიშნია რომ შშმპ და გენდერული თანასწორობის საბჭოს წევრების პირდაპირი მონაწილეობა გახდის განვითარების გეგმის შემუშავების პროცესს უფრო ეფექტურს პროექტი "ხონის მუნიციპალიტეტის ინტეგრირებული ტერიტორიული განვითარება" ხორციელდება ხონის მუნიციპალიტეტის მერიისა და საქველმოქმედო ჰუმანიტარული ცენტრი "აფხაზეთის" (CHCA) მიერ, ევროკავშირი საქართველოსთვის (EUD) ფინანსური მხარდაჭერით. სრულად... წყარო: საქველმოქმედო ჰუმანიტარული ცენტრი აფხაზეთი

თბილისი. უფლებები საქართველო ინფოგრაფიკას აქვეყნებს – თუ როგორ უნდა გამოვითხოვოთ ადმინისტრაციული ორგანოში დაცული საჯარო ინფორმაცია.  ინფოგრაფიკის მომზადება შესაძლებელი გახდა პროექტის - „ეთნიკური უმცირესობების ახალგაზრდათა ჩართულობის და ინკლუზიური მმართველობის ხელშეწყობა ლაგოდეხის და ყვარლის მუნიციპალიტეტებში“ - ფარგლებში, რომელსაც „უფლებები საქართველო“, „ლელიანის ზრდასრულთა განათლების ცენტრთან“ და „ახალსოფლის ახალგაზრდულ ცენტრთან“ პარტნიორობით, და „ომისა და მშვიდობის გაშუქების ინსტიტუტის“ (IWPR) მხარდაჭერით ახორციელებს.  სრულად... წყარო: უფლებები საქართველო

თბილისი. ადამიანის უფლებათა სახლი იწყებს ახალ პროექტს, რომლის მიზანია შემოქმედებითი გამოხატვის თავისუფლების მხარდაჭერა.  პროექტი ითვალისწინებს ამ მიმართულებით ცნობიერების ამაღლებას და მისი მნიშვნელობის როლის წამოწევას. პროექტის ფარგლებში ასევე იგეგმება წარსულში მოღვაწე ქართველ ხელოვანთა პროფილების, წინააღმდეგობის ისტორიების შეკრება და გამოფენა. სრულად... წყარო: თბილისის ადამიანის უფლებების სახლი

თბილისი. სოციალური სამართლიანობის ცენტრი ეხმაურება აფხაზეთის დე ფაქტო პრეზიდენტის, ასლან ბჟანიას მიერ „არაკომერციული ორგანიზაციებისა და უცხოური აგენტის ფუნქციების შემსრულებელი პირების შესახებ“ კანონპროექტის პარლამენტისათვის წარდგენის ფაქტს.  „ამ კანონპროექტის მიღება არსებითად დააზიანებს და დაასუსტებს სამოქალაქო საზოგადოების მუშაობას აფხაზეთში, რაც ერთი მხრივ, გააძლიერებს რუსეთის კონტროლის ქვეშ ფუნქციონირებადი დე ფაქტო რეჟიმის არადემოკრატიულ ბუნებას, მეორე მხრივ კი, გაზრდის რეგიონის იზოლაციას და გააუარესებს აფხაზეთის მაცხოვრებლების პოლიტიკურ უფლებებსა და სოციალურ ყოფას...“ - ნათქვამია განცხადებაში  სრულად...  წყარო: სოციალური სამართლიანობის ცენტრი

რაჭა. 12 თებერვალს, ონის მუნიციპალიტეტის მერიაში, განათლების განვითარების და დასაქმების ცენტრმა (EDEC), ფონდ „აფხაზინტერკონტთან“ (AIC) პარტნიორობით, პროექტის „მოქალაქეები ადგილობრივი განვითარებისთვის“ ფარგლებში საინფორმაციო შეხვედრა გამართა. პროექტის „მოქალაქეები ადგილობრივი განვითარებისთვის“ მიზანია ონისა და ტყიბულის მუნიციპალიტეტის ორ თემში (საკაო და ცუცხვათი) არსებული მწვავე პრობლემების გადაჭრის ხელშეწყობა, ადგილობრივი თვითმმართველობის, კერძო და სამოქალაქო სექტორის პარტნიორობით და სოფლის თემის აქტიური ჩართულობით. პროექტი „მოქალაქეები ადგილობრივი განვითარებისთვის“ USAID-ის ადგილობრივი თვითმმართველობის პროგრამის მხარდაჭერით ხორციელდება, რომელსაც განათლების განვითარების და დასაქმების ცენტრი ფონდ აფხაზინტერკონტთან ერთად ახორციელებს.  სრულად...  წყარო: განათლების განვითარების და დასაქმების ცენტრი