18 თებერვალს, 19:00 საათზე, საქართველოს სტრატეგიისა და საერთაშორისო ურთიერთობების კვლევის ფონდი (რონდელის ფონდი) გიწვევთ სამეცნიერო სემინარზე - „ასოცირებული ტრიო: სუბ-რეგიონული ინტეგრაციის შესაძლებლობები და მისი გავლენა საქართველოს ევროკავშირში ინტეგრაციის პერსპექტივაზე“. სრულად...

18 თებერვალს, 17:00 საათზე, გაიმართება პირდაპირი ჩართვა. თემა: დასწავლის უნარის დარღვევა. სრულად...

18 თებერვალს, 17:00 საათზე, გაიმართება კვლევის პრეზენტაცია: „ორმაგი დაუცველობა და უსაფრთხოება: ეთნიკურად აზერბაიჯანელ და სომეხ ქალთა შემთხვევის შესწავლა საქართველოში“. სრულად...

აჭარა. სოციალური სამართლიანობის ცენტრი გთავაზობთ თორნიკე აბულაძის ბლოგპოსტს: „როგორ თანაცხოვრობენ შერეული რელიგიური ოჯახები მაღალმთიანი აჭარაში“. „ჩვენი ადგილის, აჭარის უნიკალურობა სწორედ ამაშია - ენაში, რიტუალებში, ტრადიციებსა და ყოველდღიურობაში შეზრდილი საერთოობა და განსხვავებები, რომელიც სხვის მიმართ ღია, უნიკალურად ღია გარემოს ქმნის. მინდა რომ უფრო ფართე სოციალურ დონეებზეც ჩვენი ქრისტიანობა და ჩვენი ისლამი სწორედ ასეთი იყოს“. სრულად... წყარო: socialjustice.org.ge ფოტო: ავთო შერვაშიძე

თბილისი. სამართლიანი არჩევნებისა და დემოკრატიის საერთაშორისო საზოგადოების (ISFED) ინფორმაციით, ორგანიზაცია 2 აპრილს საქართველოს პარლამენტისა და მუნიციპალიტეტის საკრებულოს შუალედურ არჩევნებს დააკვირდება. „ამომრჩევლები რუსთავი-გარდაბნის ოლქში პარლამენტის მაჟორიტარს, ხოლო ბათუმში საკრებულოს მაჟორიტარს აირჩევენ. ჩვენ დავაკვირდებით როგორც არჩევნების დღეს, ასევე წინასაარჩევნო პერიოდს“. სრულად... წყარო: ორგანიზაციის გვერდი სოციალურ ქსელში

თბილისი. განათლების განვითარების და დასაქმების ცენტრი (EDEC) აგროვებს ინფორმაციას ქვეყნის მასშტაბით განხორციელებული მოხალისეობრივი აქტივობების/კამპანიების შესახებ. „თუ მონაწილეობთ ამგვარ აქტივობაში და გსურთ თქვენ მიერ მოხალისეობრივად განხორციელებული საქმიანობის შესახებ გამოქვეყნდეს VOLUNTEER.GE პლატფორმაზე, გთხოვთ, უპასუხოთ google ფორმაში მოცემულ კითხვებს და ატვირთოთ თვალსაჩინო ფოტო, რომელიც ასახავს განხორციელებულ მოხალისეობრივ აქტივობას“. Google ფორმა... სრულად... პროექტი ხორციელდება კონრად ადენაუერის ფონდის (KAS) მიერ, საქართველოს სტრატეგიული კვლევებისა და განვითარების ცენტრთან (CSRDG), სამოქალაქო საზოგადოების ინსტიტუტთან (CSI), კონსულტაციისა და ტრენინგის ცენტრთან (CTC), განათლების განვითარების და დასაქმების ცენტრთან (EDEC) და ევროპული პოლიტიკის ინსტიტუტთან (IEP) თანამშრომლობით. პროექტს აფინანსებს ევროკავშირი და კონრად ადენაუერის ფონდი. წყარო: ორგანიზაციის გვერდი სოციალურ ქსელში

თბილისი. რონდელის ფონდი გზამკვლევს: კურატორები: ვინ ქმნის და ვინ ახორციელებს კრემლის პოლიტიკას საქართველოს ოკუპირებულ რეგიონებში. „დოკუმენტში მხოლოდ ზოგიერთი იმ ძირითადი პირისა თუ უწყების საქმიანობაა შეფასებული, რომელთა უშუალო პასუხისმგებლობის სფეროშიც შედის (ჩვენი აზრით) საქართველოს ოკუპირებული რეგიონები და რომელთა საქმიანობის მონიტორინგი შესაძლებელია ღია წყაროების ანალიზის შედეგად. მიმოხილვა მომზადებულია რონდელის ფონდის პროექტის „კრემლის პოლიტიკის გზამკვლევი აფხაზეთსა და ცხინვალის რეგიონში“ - ფარგლებში გამოყენებული წყაროების საფუძველზე“. სტატიის სრული ვერსიის წასაკითხად ეწვიეთ ბმულს... წყარო: www.gfsis.org

თბილისი. ფონდი „ტასო“ კიბერბულინგის შესახებ ინფორმაციას აზიარებს. „კიბერბულინგი არის დამაშინებელი, დამცინავი ან მუქარის შემცველი შეტყობინებების გაგზავნა, ხშირად სოციალური მედიის საშუალებით, და კვლევების თანახმად, უმეტეს შემთხვევებში, მიმართულია მოზარდებზე, ახალგაზრდა გოგონებსა და უმცირესობათა ჯგუფების წარმომადგენლებზე. პირისპირ ბულინგი და კიბერბულინგი ხშირად შეიძლება მოხდეს ერთმანეთის კვალდაკვალ, ან თანადროულად, მაგრამ რიგ შემთხვევებში, კიბერბულინგი ტოვებს მავნე ქმედების დამადასტურებელ ციფრულ კვალს - ჩანაწერს ან შეტყობინებას, რომელიც შეიძლება იყოს სასარგებლო და უზრუნველყოს მტკიცებულებები ძალადობის შესაჩერებლად“. სრულად... წყარო: ორგანიზაციის გვერდი სოციალურ ქსელში

თბილისი. საერთაშორისო ასოციაცია კივიტას გეორგიკა, 26 და 27 თებერვალს, ემიგრაციაში მყოფ მშობლებს, რომლებსაც 18 წლამდე შვილი/შვილები ჰყავთ უფასო ონლაინ ვებინარებს სთავაზობს. „26 თებერვლის ვებინარის თემაა სამართლებრივი და ბავშვის უფლებები, ხოლო 27 თებერვალი ბავშვის ასაკობრივ თავისებურებებსა და შვილებთან პოზიტიური ურთიერთობის საკითხებს შეეხება“.  სრულად... წყარო: ორგანიზაციის გვერდი სოციალურ ქსელში

სამეგრელო. ასოციაცია „ათინათის“ ორგანიზებით, ონლაინ საინფორმაციო შეხვედრაზე ადგილობრივ საზოგადოებას ინფორმაცია მიეწოდა სტარტაპ გრანტების კონკურსის შესახებ. კონკურსი ევროკავშირის ფინანსური მხარდაჭერით ტარდება და პროექტის „უნარები დასაქმებისა და თანამშრომლობისთვის - პერსპექტივები საქართველოს რეგიონებისთვის - SECTORs“ - ერთ-ერთი კომპონენტია. სრულად... წყარო: ორგანიზაციის გვერდი სოციალურ ქსელში

აჭარა. 13 და 14 თებერვალს, პროექტის „ქალთა და ახალგაზრდების გაძლიერება შუახევის მუნიციპალიტეტში“ მოხალისეებმა და ბარათაულის საჯარო სკოლის მოსწავლეებმა „სამოქალაქო ბიუჯეტის“ თემაზე თანატოლებთან ტრენინგი ჩაატარეს. პროექტის მხარდამჭერია გერმანიის საერთაშორისო თანამშრომლობის საზოგადოება (GIZ). სრულად... წყარო: ორგანიზაციის გვერდი სოციალურ ქსელში

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი...

17 თებერვალს, 14:00 საათზე, გაიმართება ონლაინ დისკუსია: „პანდემიის მართვის გამოწვევები საქართველოში”. სრულად...

16 თებერვალს, 19:00 საათზე, დაელოდეთ ცირა ელისაშვილის პოდკასტს - „თბილისი დეტალებშია“. სრულად...

თბილისი. საქართველოს დემოკრატიულმა ინიციატივამ (GDI) სახელმწიფო ინსპექტორის საქმეზე საქართველოს საკონსტიტუციო სასამართლოს „სასამართლოს მეგობრის“ მოსაზრება გაუგზავნა. სასამართლოს მეგობრის მოსაზრება ეხება სარჩელის პრინციპულად მნიშვნელოვან ნაწილს - სადავოდ გამხდარ ნორმათა მოქმედების დროებით შეჩერებას. „კიდევ ერთხელ მოვუწოდებთ საკონსტიტუციო სასამართლოს, შეასრულოს მისი ფუნქციები დროულად და ეფექტიანად, არ აქციოს კონსტიტუციური მართლმსაჯულება ფიქციად და ილუზიად.  სრულად... წყარო: gdi.ge

თბილისი. საერთაშორისო გამჭვირვალობა - საქართველოს ინფორმაციით, სახელმწიფო აუდიტის სამსახურმა ქობულეთის მუნიციპალიტეტის 2019-2020 წლების საქმიანობა შეისწავლა და რამდენიმე პრობლემური მიმართულება გამოკვეთა, რომლებიც სრულ თანხვედრაშია ორგანიზაციის მიერ 2020-2021 წლებში გამოქვეყნებული კვლევების მიგნებებთან. „კერძოდ, კვლევებში გამოვავლინეთ, თუ როგორ არგებდა ქობულეთის მუნიციპალიტეტი მსხვილბიუჯეტიანი შესყიდვების სატენდერო პირობებს ამავე მუნიციპალიტეტის ყოფილი მაღალჩინოსნის, ბადრი რომანაძის კომპანიას, „ჯორჯიან სტოუნს”, შესაბამისად, ხელოვნურად ზღუდავდა კონკურენციას და აჩენდა კითხვებს შესაძლო კორუფციასთან დაკავშირებით“. სრულად... წყარო: ორგანიზაციის გვერდი სოციალურ ქსელში

თბილისი. 2022 წლის 10 თებერვალს, ინფორმაციის თავისუფლების განვითარების ინსტიტუტსა (IDFI) და ბიზნესისა და ტექნოლოგიების უნივერსიტეტს (BTU) შორის თანამშრომლობის შესახებ მემორანდუმი გაფორმდა. მემორანდუმის მთავარი მიზანია ორმხრივად სასარგებლო კვლევებისა და პროექტების წარმოება, ასევე მხარდაჭერისა და თანამშრომლობის სხვადასხვა მექანიზმების შემუშავება. „კერძოდ, თანამშრომლობა შეეხება ხელოვნური ინტელექტის (AI) სისტემების განვითარებისა და მისი გამოყენების ხელშეწყობას“. სრულად... წყარო: idfi.ge

თბილისი. საერთაშორისო გამჭვირვალობა - საქართველომ ოფისში უკრაინელი ხალხის მხარდასაჭერად სიმბოლურად უკრაინის დროშა გადმოფინა. სრულად... წყარო: ორგანიზაციის გვერდი სოციალურ ქსელში

აჭარა. 14 თებერვალს, ბათუმში გაეროს ბავშვთა ფონდისა და ჰელფინგ ჰენდ (Helping Hand)-ის პროექტის პრეზენტაცია გაიმართა. 63 მუნიციპალიტეტის 150 მოხალისე შეხვედრებსა და დისკუსიებს გამართავს ჰიგიენის პრაქტიკების შესახებ ცნობიერების ამაღლების, ასევე, ინფიცირების პრევენციისა და კონტროლის მიზნით.  სრულად... პროექტი ხორციელდება აშშ-ის საერთაშორისო განვითარების სააგენტოს, USAID/Georgia-ს მხარდაჭერით. წყარო: wcmsprod.unicef.org

იმერეთი. „ადგილობრივი დემოკრატიის სააგენტო საქართველომ“ (LDA) გაცნობითი შეხვედრა გამართა ბაღდათის ახალგაზრდული საბჭოს წევრებთან. „შეხვედრაზე საბჭოს წევრებმა გაგვიზიარეს თავიანთი მოლოდინები საბჭოს საქმიანობის მიმართ. გავაცანით ადგილობრივი დემოკრატიის სააგენტო საქართველოს ხედვა საბჭოს შემდგომი საქმიანობისა და მასში ჩვენი ჩართულობის შესახებ. ბაღდათის ახალგაზრდული საბჭოს გაძლიერება ხდება პროექტის „სამოქალაქო საზოგადოების ინიციატივის“ ფარგლებში, ევროკავშირისა და კონრად ადენაუერის ფონდის მხარდაჭერით“. სრულად... წყარო: ორგანიზაციის გვერდი სოციალურ ქსელში

სამეგრელო. 19 თებერვალს, განათლების განვითარების და დასაქმების ცენტრი, მეტყველების განვითარებისა და კორექციის ცენტრთან „ლოგომედი“ თანამშრომლობით, ზუგდიდში, ბავშვებსა და ზრდასრულებს სთავაზობს უფასო გამოკვლევებს მეტყველების დარღვევათა სრული დიაგნოსტირებისთვის. კონსულტაცია საჭიროებს წინასწარ რეგისტრაციას ბმულზე... სრულად... წყარო: ორგანიზაციის გვერდი სოციალურ ქსელში

თბილისი. მომავლის ფერმერი აქვეყნებს სახელმძღვანელოს ცხოველთა დაავადებების შესახებ, რომელიც დაინტერესებული მოზარდებისთვისაა შექმნილი. „ისინი უკეთ გაერკვევიან საქონლის ზოგიერთ დაავადებებთან დაკავშირებულ საფრთხეებში, მიიღებენ ინფორმაციას ცხოველთა სათანადო მოვლისა და ვეტერინარიის მნიშვნელობის შესახებ“. სრულად... წყარო: agronavti.ge