თბილისი. „მითების დეტექტორი“ Snopes-ის მასალის მიხედვით მომზადებულ ბლოგპოსტს აქვეყნებს: საშობაო სუვენირი, თოვლის გლობუსი შემთხვევით გამოიგონეს?. „ერვინ პერზის შვილიშვილი BBC-ს უყვება, თუ როგორ მივიდა შემთხვევით ავსტრიელი ქირურგიული ინსტრუმენტების მექანიკოსი თოვლის გლობისუს შექმნის იდეამდე 1900 წელს: პერზი ფეხსაცმლის შემქმნელებისგან იყო ინსპირირებული, რომლებიც სინათლის გასაზრდელად სანთლის წინ წყლით სავსე მრგვალი ფორმის მინას (აბაჟურს) დებდნენ. ეს მათ საშუალებას აძლევდა, თითქმის ხელის მტევნის სიდიდის სინათლის წყარო მიეღოთ. ეს იყო პრინციპი, რომლის გამოყენებითაც პერზის უნდოდა, ნათურის სინათლე გაეზარდა, თუმცა აღმოაჩინა, რომ ეს მეთოდი არ მუშაობდა. მისი შვილიშვილი ყვება, რომ “ერთ დღესაც მან თეთრი ფხვნილი, სემოლინა (მანის ფაფა), რომელსაც ბავშვის საკვებად იყენებენ, წყლით სავსე გლობუსის ფორმის შუშის ჭურჭელში ჩაყარა. ფხვნილი წყლით გაიჟღინთა და ჭურჭლის ძირისკენ ნელნელა დაეშვა. სწორედ ამ ეფექტმა პერზის თოვლის მოსვლა მოაგონა, და ეს იყო პირველი, უმარტივესი იდეა თოვლის გლობუსის შესაქმნელად“. სრულად... წყარო: mythdetector.ge

იმერეთი. წყალტუბოს განვითარების ჯგუფის ინფორმაციით, ქალაქ წყალტუბოში პირველი არტიზანული საცხობი გაიხსნა. „ტრადიციული ქართული ხორბლისაგან დამზადებული პურითა და ფუნთუშეულით, გემრიელი ყავითა და ჩაით სალომე ჩხეიძე ამიერიდან „ჩელტაში“ მისამართზე - 9 აპრილის ქ. 13ბ, გაგიმასპინძლდებათ.  პროექტი მხარდაჭერილია ევროკავშირისა და ჩეხეთის განვითარების სააგენტოს მიერ, LAG წყალტუბოს საგრანტო კონკურსის მეორე რაუნდის ფარგლებში“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

10 იანვარს, 16:00 საათზე, ინფორმაციის თავისუფლების განვითარების ინსტიტუტი (IDFI) საქართველოს ახალგაზრდა იურისტთა ასოციაციასთან (GYLA) ერთად გიწვევთ PAR-ის მხარდაჭერა სამოქალაქო მონიტორინგისა და ჩართულობის გზით პროექტის დასკვნით ღონისძიებაზე. სრულად... მისამართი: თბილისი, თელავის #20, სასტუმრო „შერატონი“

თბილისი. მითების დეტექტორი აქვეყნებს ბლოგპოსტს: სანტა კლაუსის ქრისტიანული საფუძვლები და საშობაო ტრადიციები. „ქალაქ პეტრაში მსახურებისას წმინდა ნიკოლოზმა გაიგო ამბავი ერთი ღარიბი ადამიანისა, რომელსაც სამი ქალიშვილი ჰყავდა გასათხოვარი. იმჟამად არსებული წესების მიხედვით, შვილის გათხოვება დიდ ხარჯებთან იყო დაკავშირებული, მას კი საამისო შესაძლებლობა არ გააჩნდა. წმინდა ნიკოლოზი სამჯერ ჩუმად ესტუმრა მის სახლს. ის ბუხრის საკვამურიდან ჩადიოდა და ყოველ ჯერზე წინდაში ჩადებულ ფულს ტოვებდა. აქედან მოდის წარმოდგენა, რომ სანტა კლაუსიც ბუხრის საკვამურში ჩადის და იქ საგანგებოდ დატოვებულ წინდებში საჩუქრებს არიგებს. წმინდანის ხსენების დღე 6 დეკემბერია (საქართველოს მართლმადიდებელი ეკლესია ამ დღეს ძველი სტილით 19 დეკემბერს აღნიშნავს), რამაც მისი სახელი შობისა და ახალი წლის დღესასწაულებს კიდევ უფრო დაუკავშირა. დღესაც, ხორვატიასა და უნგრეთში, ასევე ჰოლანდიაში საჩუქრებს შობასთან ერთად სწორედ 6 დეკემბერს ჩუქნიან ერთმანეთს. წმინდა ნიკოლოზის თაყვანისცემა ევროპაში VI- VIII საუკუნიდან იწყება“.  სრულად... წყარო: mythdetector.ge

თბილისი. პლატფორმა „მშობლის სკივრი“ გირჩევთ, თვალი ადევნოთ ბავშვთა განვითარების სტანდარტს, რათა დარწმუნდეთ, რომ თქვენი ბავშვი ასაკის შესაბამისად ვითარდება. სრულად... წყარო: პლატფორმის გვერდი სოციალურ ქსელში

თბილისი. აშშ-ის საერთაშორისო განვითარების სააგენტოს (USAID) ინფორმაციით, ორგანიზაცია საბაზისო განათლების პროგრამას მნიშვნელოვნად აფართოებს. პროგრამა ხელს უწყობს საქართველოს საჯარო სკოლებში მოსწავლეზე ორიენტირებული სწავლების განათლების რეფორმას. „ამერიკელი ხალხისგან გამოყოფილი დამატებითი დაფინანსებით დავიწყებთ საქართველოს დაწყებითი განათლების მასწავლებლების გადამზადებას, შეიქმნება ახალი სასწავლო რესურსები, რომელიც ეთნიკური უმცირესობის და შეღუდული შესაძლებლობის მქონე მოსწალეების მოთხოვნებზე იქნება მორგებული. მხარს დავუჭერთ სკოლის შემდგომ აქტიობებს და დავეხმარებით საქართველოს განათლებისა და მეცნიერების სამინისტროს ორენოვანი საგანმანათლებლო პოლიტიკის შემუშავებაში“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. ევროკავშირის დაფინანსებით საქართველოში პირველი სოციალური მეწარმეობის პროფესიული სკოლა-სახელოსნო გაიხსნა. „იმ ფონზე, რომ სოციალური მეწარმეობა საქართველოში ახლა ვითარდება, მეწარმეობის სკოლის გახსნა კიდევ უფრო მეტ მნიშვნელობას იძენს. პროექტის მიზანია, პრაქტიკაზე დაფუძნებული ცოდნით, 18-დან 29 წლამდე ასაკის ბენეფიციარებმა, თბილისიდან, კახეთიდან და შიდა ქართლიდან, მომავალი პროფესიული განვითარებისთვის საჭირო უნარები მიიღონ და დასაქმების მეტი შესაძლებლობა გაუჩნდეთ“. სრულად... წყარო: eu4georgia.eu

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი…

თბილისი. სამოქალაქო საზოგადოების ორგანიზაციების ნაწილი საერთო განცხადებას ავრცელებს სახელმწიფო ინსპექტორის აპარატის გაუქმების საკანონმდებლო ცვლილებაზე ვეტოს დადების შესახებ. „პარტიამ, ყოველგვარი დასაბუთების თუ შესაბამისი აქტორების და თავად სახელმწიფო ინსპექტორის ჩართულობის გარეშე, მიიღო არაკონსტიტუციური და ქართული დემოკრატიისთვის უკიდურესად დამაზიანებელი გადაწყვეტილება. ხელმომწერი ორგანიზაციები, მოვუწოდებთ საქართველოს პრეზიდენტს, გამოიყენოს მის ხელთ არსებული კონსტიტუციური უფლებამოსილება და ვეტო დაადოს შესაბამის საკანონმდებლო ცვლილებებს, ხოლო საკანონმდებლო ცვლილებების კანონპროექტი, მოტივირებული შენიშვნებით დაუბრუნოს პარლამენტს“, ნათქვამია განცხადებაში. სრულად... წყარო: socialjustice.org.ge

თბილისი. 2017 წელს, საქართველომ სოფლის განვითარების ძირეული რეფორმა წამოიწყო, რომლის განხორციელების შედეგად, საქართველოს სოფელმა თანამედროვე ეკონომიკური დატვირთვა უნდა შეიძინოს. „რეფორმის განხორციელების პირველივე დღეებიდან, ევროკავშირი (EU) და გაეროს განვითარების პროგრამა (UNDP) აქტიურად უჭერენ მხარს ამ უმნიშვნელოვანეს გარდაქმნას და ხელს უწყობენ შესაბამისი პოლიტიკის შემუშავებასა და სოფლად პრაქტიკული ინიციატივების განხორციელებას. ამ დახმარების ფარგლებში, 2020 და 2021 წლებში, 9 მილიონი ლარის (დაახლოებით 3 მილიონი აშშ დოლარი) ღირებულების საგრანტო პროგრამა განხორციელდა, რომლითაც მთლიანობაში 80-ზე მეტმა მცირე მეწარმემ ისარგებლა“. სრულად... წყარო: eu4georgia.eu

თბილისი. საქართველოს წითელი ჯვრის ინფორმაციით, შინ მოვლის პროექტში 410 ბენეფიციარი ჩაერთო. ბენეფიციარების დასახმარებლად, შეგიძლიათ თქვენც შეიტანოთ წვლილი, დონაციის სახით ბმულზე... სრულად... წყარო: ორგანიზაციის გვერდი სოციალურ ქსელში

სამეგრელო. საქველმოქმედო ჰუმანიტარული ცენტრი „აფხაზეთი“-ს ინფორმაციით, პროექტის „ენერგოეფექტური მიდგომების მხარდაჭერა სოციალური სერვისების მიმწოდებელ დაწესებულებებში“ ფარგლებში, გაიმართა შეხვედრა ზუგდიდის მუნიციპალიტეტის მერიისა დასაკრებულოს წარმომადგენლებთან. „ვიზიტის ფარგლებში პროექტის კოორდინატორმა და თემის რეგიონალურმა მობილიზატორმა ისაუბრეს პროექტის ფარგლებში რეგიონში განხორციელებული და დაგეგმილი საქმიანობების შესახებ, განიხილეს თანამშრომლობის შესაძლებლობები“. სრულად... წყარო: ორგანიზაციის გვერდი სოციალურ ქსელში

მითების დეტექტორი Snopes.com-ის მასალის მიხედვით მომზადებულ მასალას აქვეყნებს. „შობის დღესასწაულის პერიოდში, ალბათ, Jingle Bells-ს ყველგან მოისმენთ. სიმღერა თოვლით დაფარულ მინდვრებში ციგით სრიალისას მიღებული მხიარულების შესახებ მოგვითხრობს. თუმცა, რამდენად გასაკვირიც არ უნდა იყოს, სიმღერის ავტორს მისი სულ სხვა დღესასწაულისთვის გამოყენება ჰქონდა განზრახული“. სრულად... წყარო: mythdetector.ge

თბილიში. ამერიკის საელჩო საქართველოში განცხადებას ავრცელებს. „გასულ კვირას მმართველმა პარტიამ ძირი გამოუთხარა მთავრობის ანგარიშვალდებულებას, სახელმწიფო ინსპექტორის სამსახურის გაუქმებით, რომლის მოვალეობა პოლიციის მხრიდან ძალადობის გამოძიება და მონაცემთა კონფიდენციალურობის დაცვაა; ზიანი მიაყენა ცალკეული მოსამართლის დამოუკიდებლობას საერთო სასამართლოების შესახებ კანონში ცვლილებების განხორციელებით და შეასუსტა ნდობა სასამართლოს მიმართ უზენაესი სასამართლოს კიდევ ერთი მოსამართლის დანიშვნით, რაც შერჩევის ხარვეზიანი პროცესით განხორციელდა. საზოგადოებას არ მიეწოდა სარწმუნო არგუმენტები, თუ რატომ გახდა საჭირო ამ ცვლილებების ნაჩქარევად მიღება, სათანადო კონსულტაციების გარეშე. ნაბიჯები, რომლებიც ასუსტებს დემოკრატიულ ინსტიტუტებს, როგორიცაა სასამართლო ან დამოუკიდებელი საზედამხედველო უწყებები, აზიანებს საქართველოს მისწრაფებებს ნატოსა და ევროკავშირში გაწევრიანებისკენ და ძირს უთხრის ძირითად თავისუფლებებს, რაც ქართული კულტურისა და საზოგადოების საძირკველს წარმოადგენს“, ნათქვამია განცხადებაში. სრულად... წყარო: საელჩოს გვერდი სოციალურ ქსელში

თბილისი. კავკასიის გარემოსდაცვითი რესურსების ცენტრი (CENN) იწყებს ონლაინ გარემოსდაცვით კამპანიას #ACT4CLIMATE, რომელიც მოუწოდებს საზოგადოებას გადადგან ქმედითი ნაბიჯები კლიმატის ცვლილების შედეგების შესარბილებლად. „კამპანიის ფარგლებში, ერთი წლის განმავლობაში, ყოველი თვე დაიყოფა თემატურად. თვის თემის ფარგლებში, თქვენ მიიღებთ მნიშვნელოვან ინფორმაციას - როგორ შეგიძლიათ მიიღოთ მონაწილეობა კლიმატის ცვლილების წინააღმდეგ ბრძოლაში“. სრულად... წყარო: ორგანიზაციის გვერდი სოციალურ ქსელში

თბილისი. ომბუდსმენის ინფორმაციით, საქართველოს პარლამენტში განიხილება მიხეილ სარჯველაძის მიერ ინიცირებული კანონპროექტი ამნისტიის შესახებ. ამნისტიის შესახებ კანონპროექტის ალტერნატიულ ვერსიას საქართველოს პარლამენტს ასევე წარუდგენს პარტია „ლელო“. „საქართველოს სახალხო დამცველი მიესალმება აღნიშნულ ინიციატივებს და იმედოვნებს, რომ პარლამენტი შემჭიდროვებულ ვადებში განიხილავს და დაამტკიცებს ამნისტიის კანონს, რომელიც კოვიდ-პანდემიის პერიოდში პენიტენციურ სისტემაში მყოფ მაქსიმალურად ბევრ პატიმარს მოიცავს და თანხვედრაში იქნება სისხლის სამართლის მართლმსაჯულების ძირითად პრინციპებსა და დაზარალებულთა მიმართ სახელმწიფოს პოზიტიურ ვალდებულებებთან“. სრულად... წყარო: www.ombudsman.ge

თბილისი. ჰაინრიჰ ბიოლის ფონდის თბილისის და კიევის ოფისები წარმოგიდგენთ პუბლიკაციას „ქალები და ისტორია - ყოველდღიური ცხოვრების გენდერული პერსპექტივები (1970-იანი და 1980-იანი წლები)“. „პუბლიკაციაში შესულია ოთხი სტატია, საქართველოდან და უკრაინიდან. სტატიები გაერთიანდა საერთო თემის ქვეშ: „ყოველდღიური ცხოვრების გენდერული პერსპექტივები“. სრულად... წყარო: feminism-boell.org

თბილისი. ომბუდსმენი შეშფოთებას გამოთქვამს, რომ საქართველოს პარლამენტი დაჩქარებულად, სამოქალაქო საზოგადოებასთან ყოველგვარი წინასწარი კონსულტაციისა და საკმარისი დისკუსიის გარეშე განიხილავს სასამართლო სისტემასთან დაკავშირებულ ცვლილებებს. „დაუშვებელია, მხოლოდ 2-3 დღე ეთმობოდეს მსგავს საკითხებზე მსჯელობას, კომიტეტის სხდომა ინიშნებოდეს კანონპროექტის გამოქვეყნების გარეშე და დაინტერსებულ პირებს წართმეული ჰქონდეთ განხილვაში ინფორმირებული მონაწილეობის შესაძლებლობა. მოვუწოდებთ საქართველოს პარლამენტს, არ დაუჭიროს მხარი წარმოდგენილ ცვლილებებს, რადგან ის მკვეთრად აუარესებს საქართველოში მართლმსაჯულების სისტემისა და სამართლიანი სასამართლოს უფლების მდგომარეობას. კანონპროექტის მიღების შემთხვევაში, მოვუწოდებთ საქართველოს პრეზიდენტს, გამოიყენოს მის ხელთ არსებული შესაძლებლობა და კანონპროექტი მოტივირებული შენიშვნებით დაუბრუნოს პარლამენტს“. სრულად... წყარო: ombudsman.ge

თბილისი. ღია საზოგადოების ფონდმა გასული წლის საქმიანობა შეაჯამა. „პანდემიით, თუ ქვეყნის მძიმე პოლიტიკური ვითარებით განპირობებულ გამოწვევებთან ჭიდილში წარიმართა ფონდის და მისი პარტნიორების საქმიანობა. ამ წლიდან რთულად დასავიწყებელი იქნება პანდემიის ტრაგიკული შედეგები და 5 ივლისი, დღე, რომელიც უმძიმეს თარიღად მოინიშნება ქვეყნის დემოკრატიული განვითარების ისტორიაში. ფონდის მხარდაჭერით, წლის მანძილზე ასზე მეტი ინიციატივა განხორციელდა, რომელიც მიმართული იყო თავისუფალი საარჩევნო და მედიაგარემოს ხელშეწყობისკენ, სამოქალაქო აქტივისტებისა და ჟურნალისტების უფლებების დაცვისკენ. აქტიურად ვიმუშავეთ შრომის უფლებების, საჯარო და მწვანე სივრცეების, უსახლკაროთა ღირსეული საცხოვრებლით უზრუნველყოფის საკითხებზე. ფონდისა და მისი პარტნიორების ძალისხმევით საქართველოში სხვადასხვა ჯგუფების უფლებრივმა მდგომარეობამ გაეროს წევრი ქვეყნების ყურადღება მიიპყრო...“ გაიგეთ მეტი ფონდის 2021 წლის საქმიანობის შესახებ... წყარო: ორგანიზაციის გვერდი სოციალურ ქსელში

თბილისი. საქართველოს სახალხო დამცველი ეხმიანება მიხეილ სააკაშვილის N12 პენიტენციურ დაწესებულებაში დაბრუნებას. „ომბუდსმენის რწმუნებულებმა მოიპოვეს სამედიცინო დოკუმენტაცია, ასევე გაესაუბრნენ დაწესებულების ექიმსა და ადმინისტრაციის წარმომადგენლებს, რომლებმაც დააფიქსირეს, რომ ეტაპირების პროცესში არასათანადო მოპყრობას ადგილი არ ჰქონია. სახალხო დამცველი მიიჩნევს, რომ მიხეილ სააკაშვილის ჯანმრთელობის მდგომარეობის მართვის პროცესში აქტიურად უნდა ჩაერთოს სახელმწიფო კონსილიუმი და შესრულდეს სახალხო დამცველის ექსპერტთა ჯგუფის მიერ გაცემული რეკომენდაციები“. სრულად... წყარო: ombudsman.ge

რაჭა-ლეჩხუმი. რაჭა-ლეჩხუმის და ქვემო სვანეთის რეგიონული ჰაბის - ფონდი „აფხაზინტერკონტი“ (AIC) ორგანიზებით, მოწვეულმა მენტორმა სამუშაო შეხვედრები ჩაატარა რეგიონში მოქმედ ახალგაზრდა, დამწყებ სამოქალაქო საზოგადოებრივ ორგანიზაციებთან (CSO), რათა წარმატებული სსო-ების წარმომადგენლებმა მათ გაუზიარონ თავიანთი მიღწევები, გამოწვევები და გამოცდილება.  აღნიშნული შეხვედრების მიზანია, გააძლიეროს სამოქალაქო საზოგადოება როგორც დამოუკიდებელი, მდგრადი, გამჭვირვალე და ანგარიშვალდებული აქტორი მთელი ქვეყნის მასშტაბით. შეხვედრები გაიმართა ევროკავშირისა და კონრად ადენაუერის ფონდის მიერ დაფინანსებული პროექტის „სამოქალაქო საზოგადოების ინიციატივის“ ფარგლებში. სრულად... წყარო: პროექტის გვერდი სოციალურ ქსელში

თბილისი. საქართველოს პარლამენტის ბიურომ მხარი დაუჭირა საქართველოს სივრცის დაგეგმარების, არქიტექტურული და სამშენებლო საქმიანობის კოდექსში ცვლილების შეტანის შესახებ კანონპროექტის დაჩქარებული წესით განხილვის პროცედურის დაწყებას (მიუხედავად იმისა, რომ ინიციატორი – საქართველოს მთავრობა – განმარტებით ბარათში კანონპროექტის დაჩქარებული წესით განხილვას არ ითხოვს). პროცესის დაჩქარებამ, გამორიცხა წარმოდგენილი ცვლილებების ყველა შედეგის სიღრმისეული გაანალიზება, რასაც წარმოდგენილი ცვლილებებისა და დარგის სპეციფიურობიდან გამომდინარე, ქალაქგეგმარების საკითხები მოითხოვს. ამასთან, ცვლილებების შემუშავების პროცესში არ ყოფილან ჩართული დარგის სპეციალისტები, აქტივისტები, გარემოსდამცველები, მათთან არ ყოფილა განხილული ცვლილებების მომზადების აუცილებლობა და მთავრობის მიზნები, ამ ცვლილებების კანონად ქცევის შემთხვევაში... ხელმომწერი ორგანიზაციები წარმოდგენილი კანონპროექტის დეტალურ შეფასებას ავრცელებენ და მიიჩნევენ, რომ პროექტის კანონად ქცევამ შესაძლოა შეუქცევადი ზიანი მიაყენოს ქვეყნის გარემოს, ადამიანთა ჯანმრთელობას და სიცოცხლეს, დასახლებებისა და მუნიციპალიტეტების განვითარების შესაძლებლობებს და მძიმედ აზარალოს საზოგადოების საჯარო ინტერესები. სრულად... წყარო: civilin.org