თბილისი. ევროკავშირმა მონაწილეობა მიიღო მიმღები მშობლებისა და სოციალური მუშაკებისათვის World Vision in Georgia მიერ ორგანიზებულ ღონისძიებაში „მადლობა ზრუნვისთვის“. „მათი საქმიანობა და თავდადება, რომლითაც უდიდესი წვლილი შეაქვთ მოწყვლადი ბავშვების ცხოვრების გაუმჯობესებაში, დასაფასებელია და ვამაყოფთ რომ მხარს ვუჭერთ მათ ამ საქმეში. ევროკავშირი და World Vision საქართველო ერთად მუშაობენ ბავშვთა დაცვისა და კეთილდღეობის უზრუნველსაყოფად“.  გაიგეთ მეტი... წყარო: eeas.europa.eu

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი...

თბილისი. საქართველოს სტრატეგიისა და განვითარების ცენტრი (GCSD) აქვეყნებს ანდრო გოცირიძის პუბლიკაციას „რუსული კიბერშეტევა უკრაინაზე - იანვარი, 2022“. „გასულ კვირას დასავლეთსა და რუსეთს შორის უშედეგო მოლაპარაკებების ფონზე უკრაინის სამთავრობო საიტებზე მასირებული კიბერშეტევა განხორციელდა, რამაც ათეულობით სამთავრობო საიტის საწყისი გვერდის შეცვლა, ე.წ defacement გამოიწვია. წინამდებარე სტატია უკრაინის მაგალითზე დაყრდნობით ხაზს უსვამს რუსეთის მიერ კიბერსივრცეში ორკესტრირებული თავდასხმების მნიშვნელობას რუსული ჰიბრიდული ომის კონცეფციაში“. სრულად... წყარო: www.gcsd.org.ge

თბილისი. სახალხო დამცველი მის მიერ შექმნილ სპეციალისტთა/ექსპერტთა ჯგუფის N5 დასკვნას აქვეყნებს მიხეილ სააკაშვილის სამედიცინო მდგომარეობის მონიტორინგის შედეგების შესახებ.  „პაციენტის მკურნალობისა და სრულფასოვანი რეაბილიტაციის მიზნით ექსპერტთა ჯგუფი მიიჩნევს, რომ აუცილებელია: ფსიქოთერაპია - რაც დეპრესიისა და პოსტტრავმული სტრესული აშლილობის მკურნალობის პირველი რიგის მიდგომაა, და სავარაუდოდ ხელს შეუწყობს ადეკვატური კვების რეჟიმის განახლებას;  ფიზიკური რეაბილიტაცია; დამატებითი კვლევის თვალსაზრისით, რეკომენდირებულია თავის MRT კვლევა; ნევროლოგიური მო­ნი­ტორირება და პროგრესირების შემთხვევაში ელექტრონეირომიოგრაფიული კვლევის ჩატარება”. სრულად... წყარო: ombudsman.ge

თბილისი. პარტნიორობა ადამიანის უფლებებისთვის (PHR) მოთხოვნის შედეგად, სმენის არმქონე და სმენადაქვეითებულ პირებისთვის მომსახურების გაწევისას ექიმი ვალდებულია გამოიყენოს გამჭვირვალე პირბადე. „სამინისტროს მიერ, გათვალისწინებული იქნა PHR-ის მოთხოვნა და პირბადის ტარების წესის შესახებ დადგენილებას დაემატა ქვეპუნქტი, რომლის თანახმად, საგანმანათლებლო და სამედიცინო სერვისის გამწევი, ვალდებულია სმენის არმქონე და სმენადაქვეითებულ პირებთან გამოიყენოს გამჭვირვალე პირბადე ან სახის ფარი“. ვრცლად... წყარო: phr.ge

თბილისი. სოციალური სამართლიანობის ცენტრი გთავაზობთ ეკლესიის ისტორიკოსის, შოთა კინწურაშვილის ბლოგპოსტს: „საშობაო ეპისტოლე სოციალური მგრძნობელობის გარეშე“.  „საშობაო გზავნილში აღნიშვნის ღირსი ვერ გახდნენ პანდემიის განმავლობაში ყველაზე მეტად სულიერ და ხორციელ ღვაწლში მყოფნი მოყვასის სნეულთა მკურნალების - ექიმების, ექთნების და სანიტრების უდიდესი დამსახურება, რომელიც ქრისტიანული უმაღლესი სათნოებისა და უპირატესი მცნების მოყვასის მსახურებად შეიძლება იქნას დანახული. სამედიცინო პერსონალთან ერთად არაფერია ნათქვამი იმ ადამიანებზე, ვინც საკუთარი ნებასურვილით ორგანიზირებდა პანდემიის შედეგად დაზარალებული თანამოქალაქეების მხარდასაჭერ და დასახმარებელ სოციალურ მსახურებას. საეკლესიო ენაზე დიაკონიად წოდებული დახმარებისა და სოლიდარობის ეს მრავლისმომცემი გამოცდილება, რომელიც ასეთ მძიმე ჟამს ესოდენ საჭიროა ეპისტოლეში ერთ სტრიქონშიც არაა მოქცეული, არათუ ხაზგასმული და წინ წამოწეული“. სრულად... წყარო: socialjustice.org.ge

20 იანვარს, 22:00 საათზე, მშობლის სკივრი პლატფორმის სერვისების შესახებ საინფორმაციო ლაივს გამართავს. სრულად...

20 იანვარს, 16:00 საათზე, USAID-ის HICD ინსტიტუციური განვითარების ცენტრი წარმოგიდგენთ ვებინარს: საზოგადოებრივი აზრის კვლევების სანდოობისა და გამჭვირვალობის მეთოდოლოგია. სრულად...

თბილისი. სამოქალაქო საზოგადოების ორგანიზაციების ნაწილი ეხმიანება სანატორიუმ „ქართლის“ შენობაში მცხოვრები დევნილების პროტესტს და 16 იანვარს ადგილზე მომხდარ უმძიმეს ტრაგედიას.  „მოვუწოდებთ საქართველოს ხელისუფლებას სწრაფი რეაგირებისკენ, დევნილების უსაფრთხო და ღირსეულ პირობებში განსახლების უზრუნველსაყოფად. მიგვაჩნია, რომ სახელმწიფომ უგულებელყო საფრთხის შემცველ გარემოში დევნილთა სიცოცხლისა და ჯანმრთელობის დაცვის ვალდებულება და 16 იანვარს ადგილზე მომხდარი ტრაგედია სწორედ უმოქმედობის და უნდობლობის პოლიტიკის შედეგია“. სრულად... წყარო: socialjustice.org.ge

თბილისი. საქართველოს ახალგაზრდა იურისტთა ასოციაციის ინფორმაციით, კულტურული მემკვიდრეობის დაზიანების შესახებ საქმეს იძიებს ის საგამოძიებო ორგანო, რომელსაც ფინანსური დანაშაულების გამოძიების გამოცდილება აქვს და არ გააჩნია კულტურული მემკვიდრეობის სფეროში ჩადენილ დანაშაულთა გამოძიებასთან დაკავშირებით შესაბამისი გამოცდილება. ორგანიზაცია მოუწოდებს შესაბამის საგამოძიებო ორგანოებს: „სისხლის სამართლის საქმე, კულტურული მემკვიდრეობის დაზიანების ფაქტთან დაკავშირებით, საკითხის მნიშვნელობიდან გამომდინარე, გამოსაძიებლად დაექვემდებაროს საქართველოს გენერალური პროკურატურის საგამოძიებო ნაწილს; გამოძიების მიმდინარეობისას, კვალიფიკაციის ნაწილში დაემატოს სისხლის სამართლის კოდექსის 342-ე მუხლი (სამსახურებრივი გულგრილობა); მაღალი საჯარო ინტერესიდან გამომდინარე, საზოგადოებას მიაწოდონ სრულყოფილი ინფორმაცია ჩატარებული საგამოძიებო მოქმედებებისა მიმდინარე შედეგების შესახებ“. სრულად... წყარო: gyla.ge

თბილისი. გაეროს განვითარების პროგრამა (UNDP) ორგანიზაციის გლობალურ- სტრატეგიულ გეგმას აქვეყნებს, რომელშიც თავმოყრილია UNDP-ის საქმიანობის ძირითადი მიმართულებები 2022 წელს.  „მთელ მსოფლიოში, UNDP-ის დახმარება ხელს შეუწყობს სიღარიბის აღმოფხვრასა და მდგრადი განვითარების მიზნების მიღწევას პოსტ-პანდემიური ვითარების გათვალისწინებით. ამ ამბიციური გეგმის შესრულებას მხოლოდ თქვენთან ერთად შევძლებთ“. სრულად... წყარო: feature.undp.org

თბილისი. საქართველოს სახალხო დამცველი სანატორიუმ „ქართლში“ ჩასახლებულ დევნილებს შეხვდა და ადგილზე მოისმინა მათი პრობლემების შესახებ. „ომბუდსმენი მიიჩნევს, რომ ვინაიდან, ობიექტი სახიფათოა საცხოვრებლად, მათ შორის შენობაში ცხოვრობენ არასრულწლოვნებიც, მნიშვნელოვანია სახელმწიფომ აწარმოოს შედეგზე ორიენტირებული მოლაპარაკებები დევნილ ოჯახებთან, მოისმინოს საცხოვრებლის მოძიების პროცესში არსებული დაბრკოლებებისა და ქირის სარგებლობის შემთხვევაში შეწყვეტის თაობაზე გამოთქმული წუხილების შესახებ, პრევენციულად მოახდინოს რეაგირება შესაძლო რისკებზე, რათა უმოკლეს ვადებში შესაძლებელი გახდეს დევნილი ოჯახების უსაფრთხო ადგილას განსახლება“. სრულად... წყარო: ორგანიზაციის გვერდი სოციალურ ქსელში

თბილისი. „სამართლიანი არჩევნებისა და დემოკრატიის საერთაშორისო საზოგადოების“ (ISFED) ინფორმაციით, ახალციხის რაიონულმა სასამართლომ, ორგანიზაციის დაცვის ქვეშ მყოფი საკრებულოს აპარატის ყოფილი უფროსის სარჩელი დააკმაყოფილა, სამსახურში აღადგინა და ახალციხის მუნიციპალიტეტის საკრებულოს მისთვის განაცდურის სრულად ანაზღაურების ვალდებულება დააკისრა.  სრულად... წყარო: isfed.ge

თბილისი. რონდელის ფონდის ინფორმაციით, თბილისი მერიოტში მომავალ ლიდერ საჯარო მოხელეთა სასწავლო პროგრამის მესამე სალექციო მოდული გაიმართა. „ლექციებს უძღვებოდა ესტონელი ექსპერტი ჰარი ლაჰტეინი  -  3 დღის განმავლობაში განხილული იყო შემდეგი თემები: ეროვნული უსაფრთხოება (ესტონური პერსპექტივა) ესტონეთის ეროვნული თავდაცვის ძირითადი დოკუმენტები, ნატო როგორც უსაფრთხოების გარანტორი“... სრულად... წყარო: ორგანიზაციის გვერდი სოციალურ ქსელში

თბილისი. სახალხო დამცველი მწუხარებას გამოთქვამს თბილისში, ზღვის უბნის დასახლებაში, ყოფილი სანატორიუმ „ქართლის“ შენობაში მცხოვრები დევნილი მამაკაცის თვითმკვლელობის გამო და სამძიმარს უცხადებს გარდაცვლილის ოჯახის წევრებსა და ახლობლებს. „სახალხო დამცველმა ჯერ კიდევ გასულ წლებში შეისწავლა ყოფილი სანატორიუმი „ქართლის“ შენობაში მცხოვრები დევნილების უფლებრივი მდგომარეობა და დაადგინა, რომ სსიპ დევნილთა, ეკომიგრანტთა და საარსებო წყაროებით უზრუნველყოფის სააგენტო დაუსაბუთებლად აცხადებდა უარს შენობის ტექნიკური მდგრადობის შემოწმებაზე (შესაბამისი ექსპერტიზის ჩატარებაზე). შედეგად, სახალხო დამცველმა 2020 წლის 21 დეკემბერს რეკომენდაციით მიმართა სააგენტოს და შენობის ტექნიკური მდგრადობის შემოწმება მოითხოვა. არსებული საექსპერტო დასკვნით დასტურდება შენობაში სიცოცხლისა და ჯანმრთელობისათვის მომეტებული საფრთხის შემცველი გარემოს არსებობა“. სრულად... წყარო: ombudsman.ge

თბილისი. გაეროს ქალთა ფონდი აქვეყნებს კვლევას: ქალთა გაძლიერების პრინციპების (WEPs) ზეგავლენა ბიზნესზე საქართველოში. „კვლევაში გაანალიზებულია საბაზისო მონაცემები და გაანალიზებულია საქართველოში WEPs-ის ხელმომწერი კომპანიების მიერ გენდერული თანასწორობისა და ქალთა გაძლიერების მიმართულებით 2017-2020 წლებში ჩატარებული სამუშაო“. სრულად... წყარო: ორგანიზაციის გვერდი სოციალურ ქსელში

18 იანვარს, 15:00 საათზე, World Vision საქართველო ღონისძიებას სახელწოდებით „მადლობა ზრუნვისთვის“ გამართავს. მისამართი: თბილისი, კუს ტბა, ნ. ბერძენიშვილის N10 (რესტორანი „ოტიუმი“)

18 იანვარს, 13:30 საათზე, სასტუმრო „შერატონ გრანდ მეტეხი პალასში“ USAID საქართველოს ენერგეტიკული მომავლის უზრუნველყოფის პროგრამასა და საქართველოს ენერგეტიკულ ბირჟას შორის ურთიერთთანამშრომლობის შეთანხმების ხელმოწერის ცერემონია გაიმართება. მისამართი: თბილისი, თელავის ქ.20

18 იანვარს, 09:30 საათზე, სასტუმრო „სტამბაში“ საქართველოს სტრატეგიისა და საერთაშორისო ურთიერთობების კვლევის ფონდის ორგანიზებით გაიმართება რონდელის უსაფრთხოების კონფერენცია. სრულად...

თბილისი. პარტნიორობა ადამიანის უფლებებისთვის (PHR) აქვეყნებს ინფოგრაფიკას: ბავშვის უფლება ღირსეულ საცხოვრისზე. „განვითარებად ქვეყნებში სამიდან ერთი ბავშვი არ ცხოვრობს ადეკვატურ პირობებში. იძულებით გამოსახლება ბავშვების განვითარებაზე შეიარაღებული კონფლიქტით გამოწვეულ გავლენას უტოლდება“. სრულად... წყარო: ორგანიზაციის გვერდი სოციალურ ქსელში

სამეგრელო. საქართველოს ახალგაზრდა იურისტთა ასოციაციის ზუგდიდის ოფისის იურისტების დახმარებით, საჯარო მოხელე სამსახურში აღდგა. „საჯარო მოხელე სასამართლოში ამტკიცებდა, რომ მისი გათავისუფლება უკანონოდ მოხდა. შესაბამისად, მოითხოვდა სამსახურიდან გათავისუფლების შესახებ სენაკის მუნიციპალიტეტის მერის ბრძანების ბათილად ცნობას, სამსახურში აღდგენას და იძულებითი განაცდურის ანაზღაურებას. სენაკის რაიონულმა სასამართლომ დააკმაყოფილა სარჩელი და საჯარო მოხელე სამსახურში აღადგინა. მას ასევე აუნაზღაურდება განაცდური ხელფასი“. სრულად... წყარო: gyla.ge

თბილისი. კავკასიის გარემოსდაცვითი არასამთავრობო ორგანიზაციების ქსელი (CENN) საკვების ვარგისიანობის ვადის შესახებ შემეცნებით ბლოგპოსტს აქვეყნებს. „ბევრი ადამიანი უარს ამბობს და აგდებს უამრავ საკვებს იმის გამო, რომ არ იცის პროდუქტის ვარგისიანობის ვადის შესახებ. შეფუთვაზე დატანილი თარიღი ყოველთვის არ ნიშნავს, რომ მითითებული რიცხვის შემდეგ პროდუქტი გამოუსადეგარი და ჯანმრთელობისთვის სახიფათოა. ჩვენ მიერ ვარგისიანობის თარიღის არასწორი აღქმა საკების ნარჩენების წარმოქმნის ერთ-ერთი მთავარი მიზეზია“.  სრულად... წყარო: ორგანიზაციის გვერდი სოციალურ ქსელში