თბილისი. სოციალური სამართლიანობის ცენტრი აქვეყნებს ანალიტიკურ დოკუმენტს: 19 აპრილის შეთანხმება - მართლმსაჯულების რეფორმის მორიგი გამოუყენებელი შესაძლებლობა. „დოკუმენტი აფასებს 19 აპრილის შეთანხმების იმ პუნქტების შესრულების მდგომარეობას, რომლებიც სასამართლოსა და პროკურატურის რეფორმას ეხებოდა“. სრულად... წყარო: socialjustice.org.ge

თბილისი. საქართველოს ახალგაზრდა იურისტთა ასოციაცია (საია) აქვეყნებს ორგანიზაციის ანალიტიკოსის თამარ ხუხიას ბლოგპოსტს „ქართული მართლმსაჯულების რეფორმა - გაშვებული შესაძლებლობა“. „ამ ვითარებაში, როცა სასამართლო სისტემაში კლანს ძალაუფლება მონოპოლიზებული აქვს, მნიშვნელოვანია მართლმსაჯულების სფეროს ძირეული გარდაქმნა, სისტემური, თუნდაც მტკივნეული რეფორმა და არა - ის ფრაგმენტული კვაზიცვლილებები, რომლებსაც, ბოლო წლებია, თვალს ვადევნებთ. სხვა შემთხვევაში დამსახურებული კრიტიკა კიდევ უფრო მწვავე იქნება, შედეგები კი - შეუქცევადი“. სრულად... წყარო: gyla.ge

კახეთი. ბელორუსი პრაქტიკანტები ორგანიზაცია „ხელი ხელს“ სტუმრობენ და ერთი კვირის განმავლობაში ორგანიზაციის მუშაობის ყველა ასპექტს გაეცნობიან. ორგანიზაციის საოჯახო ტიპის საცხოვრებლის სერვისები მათთვის საინტერესო და სამაგალითო აღმოჩნდა. სრულად... წყარო: ორგანიზაციის გვერდი სოციალურ ქსელში

17 დეკემბერს, 19:00 საათზე, საქართველოს სტრატეგიისა და საერთაშორისო ურთიერთობების კვლევის ფონდი (რონდელის ფონდი) გიწვევთ სამეცნიერო სემინარზე „პოლიტეკონომიური საუბრები ლადო პაპავასთან" - „ადამიანისეული კაპიტალის გაზომვის აქტუალური საკითხები: კონცეპტუალური ასპექტები და ემპირიული ანალიზი“. სრულად...

17 დეკემბერს, 19:00 საათზე, USAID/PROLoG და საქართველოს მედიატორთა ასოციაცია გთავაზობთ საუბარს ქეთევან მეფარიშვილთან, მედიატორთან. შეხვედრის თემაა „რატომ პროფესია მედიატორი?“. საუბარს წარუძღვება ირაკლი ყანდაშვილი, საქართველოს მედიატორთა ასოციაციის თავმჯდომარე. სრულად...

17 დეკემბერს, თბილისის დროით 15:00 საათზე, ჰაინრიჰ ბიოლის ფონდის თბილისის ოფისი - სამხრეთ კავკასიის რეგიონი, გიწვევთ პუბლიკაციის ონლაინ პრეზენტაციასა და დისკუსიაზე, რომელიც შეეხება საქართველოსა და რუსეთის ურთიერთობებს. სრულად...

17 დეკემბერს, 11:00 საათზე „ადამიანის უფლებათა ცენტრი“ ანგარიშის - „2021 წლის ადგილობრივი თვითმმართველობის არჩევნების მონიტორინგი საქართველოში“ პრეზენტაციას გამართავს (პრეზენტაციაზე დაიშვებიან მხოლოდ ის პირები, რომლებსაც აქვთ „მწვანე პასპორტი“). მისამართი: თბილისი, ა. გახოკიძის 11ა, 0 სართული, („ადამიანის უფლებათა სახლის“ საკონფერენციო დარბაზი“).

თბილისი. საქართველოს ახალგაზრდა იურისტთა ასოციაციის ცნობით, ევროპულმა სასამართლომ საქართველოს 193’500 ევროს გადახდა დააკისრა 2013 წელს აიდაჰო დღეს უფლებების დარღვევის გამო. საქმეებს აწარმოებდნენ საქართველოს ახალგაზრდა იურისტთა ასოციაცია, „ქალთა ინიციატივების მხარდამჭერი ჯგუფი“, “იდენტობა” და ადამიანის უფლებათა დაცვის ევროპული ცენტრი (EHRAC). „სახელმწიფოს მომჩივანთა სასარგებლოდ 193’500 ევროს ოდენობით კომპენსაციის გადახდა დაეკისრა. იმავდროულად, გადაწყვეტილება ითვალისწინებს მთელ რიგ ზოგად ზომებს, რომელთან დაკავშირებითაც საჩივრის წარმდგენი ორგანიზაციები მომავალში კომუნიკაციას აწარმოებენ მინისტრთა კომიტეტთან, როგორც გადაწყვეტილებების/განჩინებების აღსრულებაზე ზედამხედველ საერთაშორისო ორგანოსთან“. სრულად... წყარო: gyla.ge

თბილისი. სოციალური სამართლიანობის ცენტრი წარმოგიდგენთ ანალიტიკურ დოკუმენტს: „სასამართლო ხელისუფლების ინსტიტუციური მოწყობის „ევროპული მოდელი“: ხსნა თუ დაბრკოლება წარმატებული სასამართლო რეფორმის გზაზე“. „„ევროპული მოდელი“ ეს არის სასამართლოს იმგვარი მოწყობა, რომელიც განსაკუთრებულ მნიშვნელობას ანიჭებს პოლიტიკური ხელისუფლებისაგან სასამართლოს ფორმალურ დამოუკიდებლობას. დამოუკიდებლობის მიღწევის საუკეთესო გზად კი ძლიერი მოსამართლეთა თვითმმართველობის ორგანოს - იუსტიციის უმაღლესი საბჭოების არსებობა მოიაზრება.  მოცემულ დოკუმენტში კრიტიკულადაა გაანალიზებული სასამართლო ხელისუფლების მოწყობის სწორედ ამ მოდელის წარმოშობის ისტორიული, პოლიტიკური და სამართლებრივი წინაპირობები, ნორმატიული ჩარჩო და პრაქტიკაში დანერგვის შედეგები“. სრულად... წყარო: socialjustice.org.ge

თბილისი. საქართველოს სტრატეგიული კვლევებისა და განვითარების ცენტრმა (CSRDG) ვებგვერდი www.csrgeorgia.com შექმნა. ის პირველი ვებგვერდია საქართველოში, რომელიც კორპორაციული სოციალური პასუხისმგებლობის (CSR) შესახებ მრავალფეროვან რესურსს გთავაზობთ. „პლატფორმაზე თავმოყრილია უახლესი ინფორმაცია CSR-ისა და მდგრადი განვითარების შესახებ როგორც გლობალურად, ისე საქართველოში“. ვებგვერდი შეიქმნა CSRDG-ის მიერ, პროექტის „სამოქალაქო საზოგადოების ინიციატივის“ ფარგლებში. ევროკავშირისა და კონრად ადენაუერის ფონდის მხარდაჭერით. სრულად... წყარო: ორგანიზაციის გვერდი სოციალურ ქსელში

თბილისი. 15 დეკემბერს, ინფორმაციის თავისუფლების განვითარების ინსტიტუტის (IDFI), კონსულტაციისა და ტრენინგის ცენტრის (CTC) და მმართველობითი სისტემების განვითარების ცენტრის (MSDC) წარმომადგენლებმა ადგილობრივი თვითმმართველობის ინდექსის 2021 წლის შეფასების შედეგები წარმოადგინეს. „მუნიციპალიტეტების გამჭვირვალობისა და ანგარიშვალდებულების საშუალო შედეგი, 2021 წელსაც დაბალია - 28%. მერიების საშუალო შედეგია - 26%, ხოლო საკრებულოების კი 31%“. სრულად... წყარო: idfi.ge

იმერეთი. სოციალური სამართლიანობის ცენტრი აქვეყნებს ვიდეოს, რომელიც ალექსანდრა აროშვილის კვლევაზე - „ტყიბულელ ქალთა ცხოვრების, შრომისა და მიგრაციის თავისებურებებზე" დაყრდნობით მომზადდა. ისტორიებს კითხულობენ ქალები სხვადასხვა ქალაქიდან. „სტუმრად რომ მივდივარ, მერიდება წყალი მოვითხოვო, შეიძლება დასალევი წყალი არ ჰქონდეთ ან ცოტა ჰქონდეთ და შენ ართმევდე. უნდა იყიდო აქ წყალი ან წყაროდან მოიტანო. წყაროდან ზიდვა რთულია. მოკლედ, საშინელებაა“. წყარო: socialjustice.org.ge

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი...

თბილისი. გაეროს მოსახლეობის ფონდის (UNFPA) და „ახალგაზრდობის სააგენტოს“ ინიციატივით გაიმართა დონორთა რიგით მე-3 კონფერენცია, სადაც ორგანიზაციებმა „სახელმწიფო ახალგაზრდული სტრატეგია 2025“ და სამოქმედო გეგმა წარადგინა. „კონფერენცია დისკუსიისა და კითხვა-პასუხის რეჟიმში მიმდინარეობდა. ძირითადი განსახილველი თემა იყო ახალგაზრდული სტრატეგია, მისი პრიორიტეტები და სტრატეგიასთან დაკავშირებული სამომავლო გეგმები“. სრულად... წყარო: ახალგაზრდობის სააგენტოს გვერდი სოციალურ ქსელში

თბილისი. 9-14 დეკემბერს ჩატარდა ინფორმაციის თავისუფლების განვითარების ინსტიტუტის (IDFI) ზამთრის სკოლა „კანონის უზენაესობა და ადამიანის უფლებები“. „სკოლის მიზანი იყო სტუდენტების ცოდნის გაღრმავება კანონის უზენაესობისა და ადამიანის უფლებების დაცვის მიმართულებით, პრობლემურ საკითხებზე დისკუსიების წახალისება, შეხედულებების ურთიერთგაცვლა და დემოკრატიული ღირებულებების განმტკიცება“. სრულად... წყარო: idfi.ge

თბილისი. ორგანიზაცია „დემოკრატიის ინდექსი“ გიზიარებთ კვლევას: „საქართველოს სასამართლო გადაწყვეტილებების დასაბუთების ხარისხი“. „კვლევა მიზნად ისახავს საქართველოს საერთო სასამართლოების მიერ მიღებული გადაწყვეტილებების დასაბუთებულობის ხარისხის შემოწმების გზით პრობლემების გამოვლენას და რეკომენდაციების გაცემას“. კვლევა... პროექტი მხარდაჭერილია: USAID-PROLoG - Promoting Rule of Law in Georgia Activity -ის მიერ. წყარო: democracyindex.ge

16 დეკემბერს, 19:30 საათზე, ფილმის “Courage” ჩვენება გაიმართება. სრულად...

16 დეკემბერს, 13:00 საათზე, ISET-ის კვლევითი ინსტიტუტი, ინტერნიუს საქართველო და USAID-ის ეკონომიკური მმართველობის პროგრამა გიწვევთ მედიატორის გაცნობით ონლაინ ღონისძიებაზე.  სრულად...

16 დეკემბერს, 11:00 საათზე, „სტრატეგიისა და საერთაშორისო ურთიერთობების კვლევის ფონდი“, „ფრიდრიხ ებერტის ფონდის“ სამხრეთ კავკასიის ოფისთან თანამშრომლობითა და მხარდაჭერით, „რონდელის ფონდის“ მიერ განხორციელებული პროექტის ფარგლებში ჩატარებული ორი პარალელური კვლევის შედეგების შესახებ დისკუსიას გამართავს. მისამართი: სასტუმრო “რედისონ ბლუ ივერია”.

16 დეკემბერს, 10:00 საათზე, „სოციალური სამართლიანობის ცენტრი” დისკუსიას გამართავს თემაზე „სასამართლო რეფორმები და 19 აპრილის შეთანხმება“. მისამართი: თბილისი, სასტუმრო „ვინდჰემ გრანდი“.

თბილისი. სახალხო დამცველის მიერ შექმნილმა ექსპერტთა/სპეციალისტთა ჯგუფმა რიგით მეოთხე ვიზიტი განახორციელა პაციენტ (ბრალდებულ/მსჯავრდებულ) მიხეილ სააკაშვილთან. „სომატური თვალსაზრისით პაციენტის მდგომარეობა, მკურნალობის მიმდინარეობის ფონზე, მეტ-ნაკლებად დამაკმა­­ყოფილებელია. თუმცა, ექსპერტთა ჯგუფი წარმოადგენს დამატებით რეკომენდაციებს, რაც დეტალურად დანართში იქნება განხილული. საყურადღებოა, რომ ფსიქოთერაპიის ჩატარების შესახებ რეკომენდაცია ექსპერტთა ჯგუფმა ჯერ კიდევ 25 ნოემბრის დასკვნით გასცა, რაც ამ დრომდე არ შესრულებულა. ექსპერტთა ჯგუფს ამ მიმართულებით არსებული ფარმაკოლოგიური მკურნალობის მხრივაც გააჩნია გარკვეული სახის შენიშვნები, რომელიც ასევე დანართში იქნება წარმოდგენილი“. სრულად... წყარო: ombudsman.ge

თბილისი. გაეცანით ახალ რესურსს - მიიღეთ ინფორმაცია აღმოსავლეთი სამიტის სპეციალური ვებგვერდიდან. გაიგეთ, თანამშრომლობს ევროკავშირი საქართველოსთან, როგორია უკვე მიღწეული შედეგები და რას უნდა ველოდოთ მომავალში. ვიდეო... წყარო: euneighbourseast.eu