21 დეკემბერს, 16:00 საათზე, სოციალური სამართლიანობის ცენტრი გიწვევთ ორი ახალი ანგარიშის პრეზენტაციაზე. სრულად... მისამართი: თბილისი, რედისონ ბლუ ივერია, ვარდების მოედ. 1

21 დეკემბერს, 10:30 საათზე, სამართლიანი არჩევნებისა და დემოკრატიის საერთაშორისო საზოგადოება (ISFED) 2021 წლის მუნიციპალიტეტის ორგანოთა არჩევნების მონიტორინგის საბოლოო და 2021 წლის არჩევნების სოციალური მედიის მონიტორინგის საბოლოო ანგარიშებს წარადგენს. მისამართი: თბილისი, მ. კოსტავას 14 (სასტუმრო Rooms Hotel Tbilisi).

თბილისი. ევროკავშირის ცნობით, ამოქმედდა Helpdesk-ი - აღმოსავლეთ პარტნიორობის სავაჭრო პლატფორმა. „ეს არის ახალი ინსტრუმენტი, რომელიც დაეხმარება მცირე და საშუალო ბიზნესს საქართველოში აღმოაჩინონ ახალი შესაძლებლობები, პოტენციური პარტნიორები და გაეცნონ საჭირო მოთხოვნებსა და პროცედურებს“. გაიგეთ მეტი... წყარო: eeas.europa.eu

კახეთი. საერთაშორისო გამჭვირვალობა - საქართველომ კახეთის რეგიონში მოქმედი არასამთავრობო ორგანიზაციებისთვის ტრენინგი ჩაატარა თემაზე: „საბიუჯეტო პროცესი მუნიციპალიტეტებში და სამოქალაქო სექტორის ჩართულობა ბიუჯეტირებაში“. „მონაწილეები გაეცნენ ბიუჯეტის შედგენის, მასში ცვლილებების შეტანისა და დამტკიცების სრულ ციკლს. გაეცნენ იმ დოკუმენტაციას, რაც საბიუჯეტო პროცესს სავალდებულოდ ახლავს. ასევე, გაეცნენ ინიციატივების სწორედ ჩამოყალიბებისა და მუნიციპალიტეტისთვის დროულად მიწოდების წესებისა და ვადების შესახებ ინფორმაციას“. სრულად... წყარო: ორგანიზაციის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტი (IDFI) თვლის, რომ ბათუმისა და ზუგდიდის 2022 წლის ბიუჯეტის დამტკიცებასთან დაკავშირებით განვითარებული მოვლენები, ბადებს ეჭვებს აღნიშნულ პროცესთან დაკავშირებით მიღებულ გადაწყვეტილებათა მატერიალური კუთხით კანონიერების შესახებ. „მსგავსი პრაქტიკა ეწინააღმდეგება კონსტიტუციით განმტკიცებულ დემოკრატიულ პრინციპებსა და ადგილობრივი თვითმმართველობის არსს, რითაც საფრთხეს უქმნის მოსახლეობის მიერ ადგილზე მმართველობის დემოკრატიული განხორციელების პერსპექტივას“. სრულად... წყარო: idfi.ge

თბილისი. საქართველოს ახალგაზრდა იურისტთა ასოციაციის (საია) ინფორმაციით, სამოქალაქო აქტივისტმა, ირაკლი კიკილაშვილმა საპატრულო პოლიციას უკანონო დაკავებით მიყენებული ზიანის ანაზღაურების შესახებ დავა მოუგო. „დავა საპატრულო პოლიციის დეპარტამენტთან 2017 წელს დაიწყო და 2021 წლის ბოლოს, მის სასარგებლოდ დასრულდა. სასამართლომ პოლიციას მისი უკანონო დაკავებისათვის მორალური ზიანის ანაზღაურება დააკისრა. სამწუხაროდ, სასამართლომ მორალური ზიანი მინიმალური ოდენობით, 100 ლარით განსაზღვრა, თუმცა, ამ საქმეში ირაკლისთვის ბოლომდე დავას და სიმართლის დამტკიცებას პრინციპული მნიშვნელობა ჰქონდა“, ნათქვამია ორგანიზაციის ვებგვერდზე. სრულად... წყარო: gyla.ge

თბილისი. ადამიანის უფლებათა დაცვის კვირეულის ფარგლებში, ომბუდსმენის აპარატის აღმოსავლეთ და დასავლეთ საქართველოს რეგიონული სამმართველოების თანამშრომლებმა საინფორმაციო შეხვედრები ჩაატარეს მუნიციპალური ცენტრების სამიზნე ჯგუფებთან და მათ ადამიანის უფლებათა დაცვის ზოგადი პრინციპები და სახალხო დამცველის მანდატი გააცნეს. „შეხვედრების მონაწილეები განსაკუთრებით დაინტერესდნენ თუ რა გავლენა მოახდინა კოვიდ 19-ის პანდემიამ ადამიანის უფლებებზე და როგორია სახალხო დამცველის პრაქტიკა გამოკვეთილი გამოწვევებისა და პრობლემების აღმოსაფხვრელად“. სრულად... წყარო: ombudsman.ge

თბილისი. ინფორმაციის თავისუფლების განვითარების ინსტიტუტმა (IDFI) შვედეთის საერთაშორისო განვითარების თანამშრომლობის სააგენტოს (Sida) ფინანსური მხარდაჭერით მე-3 საერთაშორისო კონფერენცია: „სახელმწიფო არქივის ღიაობა და მეხსიერების კვლევები“ გამართა. „კონფერენციაზე ყურადღება გამახვილდა არქივებისა და საარქივო ხელმისაწვდომობის სფეროში გარდაქმნებსა და გამოწვევებზე. გაიმართა მსჯელობა COVID-19-ის პანდემიასთან დაკავშირებულ საკითხებსა და მისი გავლენის შესახებ, ასევე შესაბამის საკანონმდებლო რეგულაციებსა და საარქივო კვლევის პოპულარიზაციის პერსპექტივებზე“. სრულად... წყარო: idfi.ge

თბილისი. ომბუდსმენის ვებგვერდზე გავრცელებული ინფორმაციის თანახმად, ადამიანის უფლებათა ეროვნული ინსტიტუტების ევროპულმა ქსელმა და პარტნიორებმა ერთობლივი განცხადება გააკეთეს საქართველოს სახალხო დამცველის მხარდასაჭერად. „საქართველოს სახალხო დამცველი, მისი ბოლოდროინდელი საქმიანობის გამო, პოლიტიკოსების მხრიდან არაერთი სიტყვიერი მუქარისა და თავდასხმის წინაშე აღმოჩნდა. მოვუწოდებთ საქართველოს მთავრობასა და პარლამენტს, დაიცვან მკაფიოდ განსაზღვრული საერთაშორისო პრინციპები და უზრუნველყონ საქართველოს ადამიანის უფლებათა ეროვნული ინსტიტუტის დაცვა დაშინების, მუქარის ან ნებისმიერი იმგვარი ქმედებისგან, რამაც შეიძლება შეზღუდოს ინსტიტუტის დამოუკიდებლობა და ეფექტიანობა. მთავრობა და პარლამენტი ვალდებული არიან არასათანადო ჩარევისა და ხელის შეშლისგან დაიცვან ინსტიტუტები, რომლებიც მონიტორინგს უწევენ სახელმწიფოს, და ახორციელებენ საქმიანობას ადამიანის უფლებების, თანასწორობის, კარგი მმართველობისა და კანონის უზენაესობის ხელშეწყობისა და დაცვის მიზნით“. სრულად... წყარო: ombudsman.ge

თბილისი. 14 დეკემბერს სოციალური სამართლიანობის ცენტრმა ორი კვლევის პრეზენტაცია გამართა: „ტყიბულელ ქალთა ცხოვრების, შრომისა და მიგრაციის თავისებურებები“, „ექსტრაქტივიზმი და ქალთა ეკონომიკური მონაწილეობა ტყიბულში“. ლაივი... „კვლევების მიხედვით, ტყიბულელი ქალები სიღარიბის გამო ტოვებენ სახლებს და სამუშაოდ სხვა ქალაქებსა და ქვეყნებში მიემგზავრებიან, რის გამოც ირღვევა სოციალური ქსოვილი“. წყარო: ორგანიზაციის გვერდი სოციალურ ქსელში

20 დეკემბერს, 17:00 საათზე, ილიას სახელმწიფო უნივერსიტეტში გაიმართება ზურა ჯიშკარიანის გზამკვლევის „აია“ პრეზენტაცია. გზამკვლევი კოლხეთის წარსულს, აწმყოსა და წარმოსახვით მომავალს ეხება. სრულად...

20 დეკემბერი 15:00 საათზე, სოლიდარობის საერთაშორისო დღესთან დაკავშირებით, საქველმოქმედო ფონდი „საქართველოს კარიტასი“ სოციალური კამპანია „ემეგობრეს“ ფარგლებში ქუჩასთან კავშირში მყოფი ბავშვებისთვის აქციას გამართავს. მისამართი: თბილისი, მზიურის კაფე

20 დეკემბერს, 14:00 საათზე (11:00 CET) ზუმის ვებინარის მეშვეობით „საქართველოს ახალგაზრდა იურისტთა ასოციაცია“ (საია) გიწვევთ ონლაინ პანელურ დისკუსიაზე: „პოლიტიკური პოლარიზაცია საქართველოში და მისი გავლენა საგარეო პოლიტიკაზე“. სრულად...

19 დეკემბერს, 13:00 საათზე ამბროლაურში გაიმართება სალომე ჯაშის დოკუმენტური ფილმის „მოთვინიერება“ ჩვენება. სრულად...

19 დეკემბერს, 12:00 საათზე, მზიურის სოციალურ კაფეში, შეგეძლებათ მონაწილეობა მიიღოთ წიგნების გაჩუქების კამპანიაში. სრულად...

18 დეკემბერს, 14:00 საათზე, საქართველოს სტრატეგიისა და განვითარების ცენტრი - GCSD გთავაზობთ ონლაინ დისკუსიას - „ნატოს მომავალი“. სრულად...

თბილისი. სოციალური სამართლიანობის ცენტრი აქვეყნებს ახალ კვლევას „საქართველოს მუსლიმი ქალების ყოფა და მათი ჩაგვრის მრავალშრიანი აღწერა“. „აღნიშნული კვლევა არის მცდელობა, ნიუანსირებულად აჩვენოს ის სირთულეები და დაბრკოლებები, რომლებიც უდგათ ეთნიკური და რელიგიური უმცირესობების ქალებს მაღალმთიან აჭარასა და მარნეულის მუნიციპალიტეტში. საქართველოს აზერბაიჯანელ და მუსლიმ აჭარელ ქალებზე საუბრისას ხშირად ახსენებენ ისეთ კონცეპტებს, როგორებიცაა „თავისუფლება“ ან „თავისუფლების არარსებობა“, თუმცა ხშირად ავიწყდებათ სხვა სოციალური, პოლიტიკური და ეკონომიკური პრობლემები, რომლებიც ქალებს ამ რეგიონებში უდგათ. ყურადღებას არ აქცევენ იმ ფაქტსაც, რომ ამ ქალებს დომინანტური ჯგუფის ქალებთან და არადომინანტური ჯგუფის კაცებთან შედარებით კიდევ უფრო მეტი ბარიერი ექმნებათ დასაქმების, განათლების, ჯანდაცვის კუთხით, რადგან მათზე ორმაგი, ან სამმაგი ჩაგვრა ზემოქმედებს“. კვლევა... წყარო: socialjustice.org.ge

თბილისი. საქართველოს სახალხო დამცველმა გამოაქვეყნა სპეციალური ანგარიში „საქართველოში ადამიანის უფლებათა სამართლის სწავლება უმაღლესი განათლების საფეხურზე“. „ანგარიშში სამართლის საბაკალავრო პროგრამებზე ადამიანის უფლებების სწავლების ხარისხის შემოწმების შედეგებია ასახულია და წარმოდგენილია შესაბამისი რეკომენდაციები არსებული ხარვეზების გამოსასწორებლად. ჩატარებულმა კვლევამ ცხადყო, რომ შესწავლილი საბაკალავრო პროგრამების უმეტესობაში ადამიანის ძირითადი უფლებები და თავისუფლებები მხოლოდ ერთი სავალდებულო საგნით ისწავლება. ამასთან, როგორც წესი, საგნის შინაარსი მხოლოდ საქართველოს კონსტიტუციის მეორე თავში ასახული უფლებების შინაარსის შესწავლით შემოიფარგლება და ამ პროცესში საკონსტიტუციო სასამართლოს გადაწყვეტილებათა ანალიზი სტუდენტებს თითქმის არ მოეთხოვებათ“. სრულად... წყარო: ombudsman.ge

თბილისი. სოციალური სამართლიანობის ცენტრი გთავაზობთ საქართველოში შრომის პოლიტიკის შემაჯამებელ შეფასებას. „2021 წლის მოვლენებმა კიდევ ერთხელ გახადა ნათელი დასაქმების ადგილებზე ადამიანის უფლებათა შელახვის სისტემური, მძიმე გამოცდილება და დასაქმებულთა ექსპლუატაციის უხილავი თუ ხილული პრაქტიკები, რაც შრომის პოლიტიკის არათანმიმდევრულობასა და ფუნდამენტურ ხარვეზებს უკავშირდება. ეს მოვლენები წარმოადგენდა არა მხოლოდ ინდივიდუალურ შრომით დავებს, არამედ საერთო სოციალურ პროტესტს არსებული ეკონომიკური და სოციალური სისტემის წინააღმდეგ, რომელმაც დასაქმებულთა მინიმალური კეთილდღეობა და სოციალური უსაფრთხოება დღემდე ვერ უზრუნველყო“. სრულად... წყარო: socialjustice.org.ge

სამცხე-ჯავახეთი. საერთაშორისო გამჭვირვალობა - საქართველოს ბლოგპოსტის თანახმად, სამცხე-ჯავახეთში „ქართული ოცნების“ წევრებისა და შემწირველების, ასევე, მოქმედი და ყოფილი თანამდებობის პირების ოჯახის წევრების კომპანიები სახელმწიფო პროგრამიდან სუბსიდიებს და სახელმწიფო შესყიდვებს იღებენ. „2018-2020 წლებში, 17-მა ასეთმა სუბიექტმა, „აწარმოე საქართველოს” ფარგლებში, ჯამურად, დაახლოებით, 2 240 794 ლარი მიიღო, რაც პროგრამით რეგიონში დახარჯული თანხის მესამედია“. სრულად... წყარო: transparency.ge

თბილისი. სოციალური სამართლიანობის ცენტრის შეფასებით, მართლმსაჯულების რეფორმების 4 ტალღის მიუხედავად, ქართული სასამართლო სისტემა კვლავაც ვერ არის მედეგი შიდა, თუ გარე გავლენების მიმართ. „დღეს სასამართლო სისტემა იმართება არა მართლმსაჯულების, არამედ ვიწრო-პარტიული და შიდა-კორპორატივისტული ინტერესებით“. სრულად... წყარო: socialjustice.org.ge

თბილისი. 16 დეკემბერს, გაეროს ქალთა ორგანიზაციის ინიციატივით, ქალთა გაძლიერების პრინციპებზე ხელმომწერმა კომპანიებმა ყოველწლიურ კონფერენციაზე ის ერთობლივი პროექტები წარადგინეს, რომლებიც მათ გენდერული თანასწორობის მხარდასაჭერად განახორციელეს. „საქართველოში გაეროს ქალთა ორგანიზაცია ქალთა გაძლიერების პრინციპების დანერგვაზე 2014 წლიდან მუშაობს და ამ საქმიანობას ის ნორვეგიის მთავრობის მხარდაჭერით ახორციელებს“. სრულად... წყარო: ორგანიზაციის გვერდი სოციალურ ქსელში