CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი...

9 დეკემბერს, 20:00 საათზე, ანა აბაშიძე ბავშვთა უფლებებზე ისაუბრებს. სრულად...

9 დეკემბერს, 17:00 საათზე, „კენწეროს“ ფეისბუქ გვერდზე ჩატარდება ლაშა გოგიძის ვებინარი თემაზე: „ღია მმართველობა ადგილობრივ თვითმმართველობაში“. სრულად...

9 დეკემბერს, 15:00 საათზე, საქართველოს ახალგაზრდა იურისტთა ასოციაცია გამართავს კვლევის „სექსუალური შევიწროვება საჯარო სივრცეში“ ონლაინ პრეზენტაციას. სრულად...

9 დეკემბერს, 14:00 საათზე, ევროპის საბჭო, საქართველოს ადგილობრივ თვითმმართველობათა ეროვნულ ასოციაციასთან (ათეა) თანამშრომლობით საქართველოში ადგილობრივ დონეზე უთანასწორობის შემცირებისა და ადამიანის უფლებათა დაცვის გაძლიერების საკითხებზე შეხვედრას გამართავს.  მისამართი: თბილისი, ლადო გუდიაშვილის ქ. 3

9 დეკემბერს, 12:00 საათზე, გაიმართება საჯარო ლექცია: პანდემია და ადამიანის უფლებები. სრულად...

თბილისი. საქართველოს ახალგაზრდა იურისტთა ასოციაცია (საია) აქვეყნებს კვლევას „5-6 ივლისის მოვლენების ქრონოლოგია და სამართლებრივი შეფასება“. „კვლევამ აჩვენა, რომ 2021 წლის 5 ივლისს სახელმწიფომ არ მიიღო სათანადო ზომები საზოგადოებრივი უსაფრთხოების და ჯანმრთელობის დასაცავად“. სრულად... წყარო: gyla.ge

თბილისი. თბილისის ადამიანის უფლებათა სახლი, 9 დეკემბერს, უფლებადამცველთა საერთაშორისო დღის აღსანიშნავ ღონისძიებაზე, „ლექსოს პრემიის“ გამარჯვებულებს გამოავლენს. „მედიის სფეროში მომუშავე პროფესიონალები, განსაკუთრებით კი ჟურნალისტები, პროფესიული საქმიანობის განხორციელებისას, ხშირად ადამიანის უფლებებს იცავენ. ადამიანის უფლებათა სახლმა „ლექსოს პრემია მედია პროფესიონალებისთვის“, საქართველოში უფლებადამცველი მედიის მხარდაჭერის, შენარჩუნების და მისი შემდგომი განვითარების მიზნით დააწესა“. სრულად... წყარო: ორგანიზაციის გვერდი სოციალურ ქსელში

თბილისი. სოციალური სამართლიანობის ცენტრის გთავაზობთ ანალიტიკურ დოკუმენტს: „ფარული მიყურადება კონტრდაზვერვითი საქმიანობის ფარგლებში“. „დოკუმენტში წარმოდგენილი მიგნებები წარმოაჩენს, რომ საქართველოში პირადი ცხოვრების გაუმართლებელი ხელყოფის რისკები დიდწილად თავად არასრულყოფილი საკანონმდებლო მოწესრიგებიდან გამომდინარეობს“. წყარო: socialjustice.org.ge

თბილისი. საერთაშორისო გამჭვირვალობა - საქართველო აქვეყნებს კვლევას: კომპანიების ანონიმური მფლობელობის პრობლემა გადასაჭრელია. „ბოლო წლებში პერიოდულად საჯაროვდება საიდუმლო ფინანსური დოკუმენტები (მაგ: პანამას ან პანდორას დოკუმენტები), რომლებიც ადასტურებს, რომ მსოფლიოს მასშტაბით, თანამდებობის პირები ხშირად იყენებენ კომპანიების ანონიმურ მფლობელობას, რათა თავი აარიდონ მათთვის დაწესებულ შეზღუდვებს სამეწარმეო საქმიანობაზე. კომპანიების ანონიმურ მფლობელობას ასევე ხშირად იყენებენ მსოფლიოს უმდიდრესი ადამიანები გადასახადებისგან თავის ასარიდებლად, ფულის გასათეთრებლად ან ფარული გარიგებების დასადებად. ეს პრობლემა საქართველოშიც აქტუალურია“. სრულად... წყარო: transparency.ge

თბილისი. სოციალური სამართლიანობის ცენტრმა პლატფორმა სალამის სახელით სარჩელით მიმართა თბილისის საქალაქო სასამართლოს საქართველოს პარლამენტის ბიუროს მიერ კამპანიის „გვარი დამიბრუნე“ ფარგლებში, კანონპროექტის ინიცირებაზე უარის გამო. „ორგანიზაცია მიიჩნევს, რომ საქართველოს პარლამენტის ბიურომ გადაწყვეტილება მიიღო საქმის გარემოებების არსებითი შესწავლისა და საკითხის მნიშვნელობის გათვალისწინების გარეშე. თავის მხრივ საპროცედურო საკითხთა და წესების კომიტეტმა ფორმალური, სრულიად დაუსაბუთებელი არგუმენტებით გააბათილა ხელმოწერები, რითაც ათასობით ამომრჩევლის საკანონმდებლო ინიციატივის უფლება დარღვევის რისკის ქვეშ დააყენა“. სრულად... წყარო: socialjustice.org.ge

ქვემო ქართლი. მარნეულში გამართულ აგროტურისტულ ფესტივალზე საქართველოს რვა მუნიციპალიტეტიდან 65-მა მეწარმემ საკუთარი პროდუქცია და მომსახურებები წარადგინა. ფესტივალი ევროკავშირის, ავსტრიისა და შვედეთის მიერ იყო ორგანიზებული. „მეწარმეებს სამთო რეგიონებიდან საშუალება ჰქონდათ შეხვედროდნენ სასტუმროების, რესტორნებისა და კაფეების წარმომადგენლებს. ფესტივალმა ხელი შეუწყო აგროტურიზმისა და ორგანული სოფლის მეურნეობის სფეროების პოპულარიზაციას“. სრულად... წყარო: eeas.europa.eu

თბილისი. სოციალური სამართლიანობის ცენტრი გთავაზობთ თამარ ქებურიას ანალიტიკურ დოკუმენტს: „არაფორმალობა პანდემიამდე და პანდემიის შემდეგ“. „ნაშრომის მიზანია, 2020 წლის პერიოდში გატარებულ იმ ანტიკრიზისულ და სოციალური პოლიტიკაზე დაკვირვებით, რომელიც სახელმწიფომ პანდემიით დაზარალებულთათვის, კერძოდ კი, არაფორმალურად დასაქმებულთა მხარდასაჭერად შეიმუშავა, გაანალიზოს ის, თუ როგორ ხედავდა და როგორ მიემართებოდა სახელმწიფო სტრუქტურები არაფორმალურ დასაქმებას პანდემიამდე, როგორ შეცვალა პანდემიამ ეს ხედვა და სამომავლოდ რა შესაძლებლობები არსებობს საიმისოდ, რომ არაფორმალურად დასაქმებულთა მიმართ სახელმწიფო პოლიტიკა გარდაიქმნას“. წყარო: socialjustice.org.ge

თბილისი. პუბლიკაციაში „კლიმატის ცვლილება: გამოწვევები და პრობლემების დაძლევის გზები“ პოპულარული ენით არის გადმოცემული კლიმატის ცვლილება და მისი გამომწვევი მიზეზები.  პუბლიკაცია... დოკუმენტი მომზადებულია პროექტის EU4Climate (ევროკავშირი კლიმატისთვის) ფარგლებში ევროკავშირისა (EU) და გაეროს განვითარების პროგრამის (UNDP) ხელშეწყობით. წყარო: www.ge.undp.org

კახეთი. ხელის ხელს ერთ-ერთ ბენეფიციარს დახმარება სჭირდება. „თამოს დიდი ხანია კბილები აწუხებს, მისი ოპერაცია კი დიდ ხარჯებთანაა დაკავშირებული. ვცდილობთ ყოველთვიური პენსიიდან დანაზოგი გავაკეთოთ, მაგრამ თანხა ნელა გროვდება, მდგომარეობა კი დღითიდღე მძიმდება და დროულ ჩარევას საჭიროებს“. დახმარების სურვილის შემთხვევაში, შეგიძლიათ, თანხა ანგარიშზე ჩარიცხოთ - GE75TB7963636020100005, ააიპ ხელი ხელს. სრულად... წყარო: ორგანიზაციის გვერდი სოციალურ ქსელში

8 დეკემბერს, 20:00 საათზე, ოქტაი ქაზუმოვი ისაუბრებს ეთნიკური უმცირესობების უფლებებზე. სრულად...

8 დეკემბერს, 18:00 საათზე, გორის რაიონული სასამართლოს მოსამართლე ლევან დარბაიძე ისაუბრებს თემაზე „კარგი მოსამართლის მთავარი ღირსებები“. სრულად...

8 დეკემბერს, 16:00 საათზე, სოციალურ მეცნიერებათა ცენტრის ორგანიზებით გაიმართება მარინე ჩიტაშვილის ვებინარი „სადოქტორო სწავლების დაფინანსება საქართველოში“. სრულად...

8 დეკემბერს, 16:00 საათზე, საქართველოს ახალგაზრდა იურისტთა ასოციაცია გამართავს კვლევის: „5-6 ივლისის მოვლენების ქრონოლოგია და სამართლებრივი შეფასება“ ონლაინ-პრეზენტაციას.  სრულად...

8 დეკემბერს, 11:30 საათზე, სასტუმრო „ქორთიარდ მარიოტში“ სოციალური სამართლიანობის ცენტრი თემაზე: „ფარული მიყურადება - უფლებრივი, სოციალური და პოლიტიკური ასპექტები“ კონფერენციას გამართავს. მისამართი: თბილისი, თავისუფლების მოედანი #4

8 დეკემბერს, 11:00 საათზე, გაიმართება ონლაინ პრეზენტაცია: „კომპანიების ანონიმური მფლობელობის პრობლემა გადასაჭრელია“. სრულად...

თბილისი. ღია მმართველობის პარტნიორობის (OGP) პროცესში ჩართული არასამთავრობო ორგანიზაციები განცხადებას ავრცელებენ საქართველოში ღია მმართველობის პარტნიორობის (OGP) შეჩერებული პროცესის შესახებ. „მოვუწოდებთ საქართველოს მთავრობას, დაუყოვნებლივ აღადგინოს ღია მმართველობის პარტნიორობის პროცესი და უზრუნველყოს მასში არასამთავრობო ორგანიზაციების ქმედითი ჩართულობა. წინააღმდეგ შემთხვევაში, ყველასთვის ცხადი გახდება, რომ ღია მმართველობის პროცესი, მისი მისია და ღირებულებები საქართველოს მთავრობისთვის პრიორიტეტს აღარ წარმოადგენს. ამასთან, დამატებით მივმართავთ OGP-ის საერთაშორისო სამდივნოს, პროცესის აღდგენის მიზნით, აქტიურად ჩაერთოს ამ ხანგრძლივი კრიზისის მოგვარებაში და მოუწოდოს საქართველოს მთავრობას ქმედითი ნაბიჯების გადადგმისკენ“, ნათქვამია განცხადებაში. სრულად... წყარო: civilin.org