სიახლეები
05/12/2021
6 დეკემბერს, 15:00 საათზე, თბილისის თავისუფალი უნივერსიტეტის სამართლის სკოლის ორგანიზებით, გაიმართება საჯარო დისკუსია.
თემა: ადმინისტრაციული დაკავების სტანდარტები და მათი მიმართება შეკრებების და მანიფესტაციების კონსტიტუციურ უფლებასთან; კანონმდებლობაში და პრაქტიკაში არსებული გამოწვევები.
სრულად...
05/12/2021
6 დეკემბერს, 11:00 საათზე, გაიმართება ლექცია: საჯარო ლექცია თემაზე: ენერგიის უფლება.
სრულად...
05/12/2021
6 დეკემბერს, 10:30 საათზე, „ქორთიარდ მარიოტში“ ჟურნალისტებთან GRASS, GFSIS, GIP, OSGF - ის წარმომადგენელების პანელი გაიმართება.
თემა: აღმოსავლეთ პარტნიორობის 15 დეკემბრის სამიტი - რას ელოდება საქართველო სამიტისგან და დეკლარაციისგან?
მისამართი: თბილისი, „ქორთიართ მარიოტი“
თბილისი. საქართველოს ახალგაზრდა იურისტთა ასოციაცია (საია) აქვეყნებს კვლევას: „შეზღუდული შესაძლებლობის მქონე ბავშვთა განათლების უფლება კოვიდ-19-ის დროს“.
„დოკუმენტი მიზნად ისახავს, შეაფასოს სპეციალური საგანმანათლებლო საჭიროების მქონე ბავშვების მისაწვდომობა განათლების უფლებაზე და მისი ეფექტიანობა.
დაადგინოს არსებული გამოწვევები ქვეყნის კანონმდებლობისა და საერთაშორისო აქტების ანალიზის საფუძველზე.
მიმოიხილოს პანდემიის პირობებში განათლების უფლების რეალიზების მიზნით სახელმწიფოს მხრიდან გადადგმული ნაბიჯები“.
სრულად...
წყარო: gyla.ge
თბილისი. სსპ-ების ნაწილი მთავრობის მიერ შშმ პირთა უფლებების კონვენციის განხორციელების მექანიზმის შექმნის ფაქტს ეხმაურება.
„აღმასრულებელ ხელისუფლებას მოვუწოდებთ, გაატაროს მაქსიმალური ღონისძიებები აღნიშნული ინსტიტუტის ეფექტიანი ფუნქციონირებისა და მისი შემდგომი დახვეწისათვის. ხელმომწერი ორგანიზაციები კრიტიკულად ვაფასებთ აღნიშნული მექანიზმის შვიდწლიანი დაგვიანებით შექმნას ისე, რომ მისი ეფექტიანი ფუნქციონირების სათანადო გარანტიები არ შექმნილა“.
სრულად...
წყარო: socialjustice.org.ge
თბილისი. ჰურიე აბაშიძე აღნიშნულ პრემიაზე რონდელის ფონდმა წარადგინა.
„ჰურიე ნამდვილად გამორჩეული ადამიანის უფლებათა აქტივისტია ხულოდან. ის მუსლიმი ქალების უფლებებს იცავს, ხელს უწყობს მათ დასაქმებაში, მუშაობს კულტურული მემკვიდრეობის დაცვასა და რეგიონული თემის განვითარებაზე, ადგილობრივი სოფლების ახალგაზრდების სათემო მობილიზაციასა და თვითმმართველობაში მონაწილეობაზე ზრუნავს“, ნათქვამია საქართველოში ნიდერლანდების საელჩოს გვერდზე სოციალურ ქსელში.
სრულად...
წყარო: საელჩოს გვერდი სოციალურ ქსელში
თბილისი. ორგანიზაციის „პარტნიორობა ადამიანის უფლებებისთვის“ ინფორმაციით, მათი შუამდგომლობა უვადო მწვანე სტატუსის ცვლილების შესახებ სასამართლომ არ დააკმაყოფილა.
„სასამართლომ არ მიიჩნია ექსპერტების (გამყრელიძის, ცერცვაძის, კულუმბეგოვის და სხვების მოსაზრებები) საკმარისად და მოსარჩელეს მოსთხოვა მეცნიერულად დაამტკიცოს, რომ კოვიდგადატანილ პირებს არ აქვთ უვადო იმუნიტეტი.
სასამართლომ, ვერ დაინახა სარჩელის პერსპექტიულობა და მისი დაუკმაყოფილებლობით გამოწვეული საფრთხე, ანუ ის, რომ უვადო მწვანე სტატუსი მოსარჩელეების სიცოცხლეს და ჯანმრთელობას დააზიანებს“.
ამ გადაწყვეტილებას PHR სააპელაციო სასამართლოში გაასაჩივრებს.
სრულად...
წყარო: phr.ge
თბილისი. საერთაშორისო გამჭვირვალობა - საქართველო აქვეყნებს კვლევას: 2013-2020 წლებში სახელისუფლებო პიარის თანამშრომლებზე 140 მლნ ლარზე მეტი დაიხარჯა.
კვლევის ძირითადი მიგნებების თანახმად:
„ყველაზე სოლიდური თანხა, 19.9 მლნ ლარზე მეტი, 2016 წელს დაიხარჯა.
2020 წელს, 2012 წელთან შედარებით, 578-დან 969-მდე (68%) გაიზარდა სახელმწიფო უწყებების პიარში დასაქმებული თანამშრომლების რაოდენობა.
322 სახელმწიფო უწყებიდან 35 დაწესებულებამ ინფორმაცია არ ან არასრულად მოგვაწოდა“.
სრულად...
წყარო: transparency.ge
თბილისი. გაეროს ქალთა ორგანიზაცია, გენდერული ძალადობის წინააღმდეგ 16-დღიანი აქტივიზმის ფარგლებში, საქართველოს შინაგან საქმეთა სამინისტროსთან თანამშრომლობით, სექსუალური შევიწროების პრევენციისა და მასზე რეაგირების შიდა მექანიზმის შემუშავების შესახებ სამუშაო შეხვედრას მართავს.
სრულად...
წყარო: ორგანიზაციის გვერდი სოციალურ ქსელში
თბილისი. ინფორმაციის თავისუფლების განვითარების ინსტიტუტი (IDFI)აქვეყნებს სტატიას „ონლაინ ინფორმაციული მანიპულირება: გამოცდილება, გამოწვევები და საერთაშორისო პრაქტიკის მაგალითები“.
„თანამედროვე ონლაინ სივრცეში ინფორმაციული ტალღებისა და მათი მზარდი მანიპულირების ფონზე, ფაქტებსა და გარემოებების შესახებ შეთანხმება ერთ-ერთი ძირითადი გამოწვევაა. საერთაშორისო პრაქტიკა აჩვენებს, რომ სახელმწიფოს როლი არა მხოლოდ რეგულაციების შემუშავებით შემოისაზღვრება, არამედ მოიცავს, სამოქალაქო სექტორთან დიალოგში, ეროვნულ სასწავლო პროგრამაში მედია წიგნიერების შეტანასა და სახელმწიფო სტრუქტურებში არსებული სტრატკომების გაძლიერებას“.
სრულად...
წყარო: idfi.ge
თბილისი. 3 დეკემბერს, შეზღუდული შესაძლებლობების მქონე პირთა საერთაშორისო დღესთან დაკავშირებით, კენ ვოლკერის სარეაბილიტაციო კლინიკაში ღია კარის დღეა.
„თქვენ გაქვთ შესაძლებლობა, გაეცნოთ კლინიკის გარემოს და უფასოდ ჩაიტაროთ სარეაბილიტაციო თერაპიები:
აკვა თერაპია
არტ თერაპია
რობოტოთერაპია
ეგზო-ჩონჩხი რობოტის გაცნობა“.
სრულად...
წყარო: კლინიკის გვერდი სოციალურ ქსელში
თბილისი. მაკ ჯორჯია შეზღუდული შესაძლებლობების მქონე პირების დღესთან დაკავშირებით, შშმ პირების ისტორიაზე, მათ გამოცდილებაზე, წარმატებებზე და გამოწვევებზე ამბებს გაგვიზიარებს.
„სანამ პანდემია დაიწყებოდა საბას ფავორიტი ადგილი დღის ცენტრი იყო, ყოველდღე მოუთმენლად ელოდებოდა ტრანსპორტს, აიღებდა თავის ჩანთას და მიდიოდა თავის მეგობრებთან და საყვარელ პედაგოგებთან. რაც პანდემია დაიწყო, დღის ცენტრი დაიკეტა და მოგვიწია იგივე ტიპის აქტივობების სახლის პირობებში გამეორება ან ჩანაცვლება“.
ლიკა ავალიანი საბაზე...
წყარო: ორგანიზაციის გვერდი სოციალურ ქსელში
აჭარა. „სამართლიანი არჩევნების“ წარმომადგენლებმა ბათუმში შეზღუდული შესაძლებლობების მქონე პირთათვის ჩაატარეს ტრენინგი თემაზე „არჩევნები და დემოკრატია“.
სრულად...
წყარო: ორგანიზაციის გვერდი სოციალურ ქსელში
02/12/2021
3 დეკემბერს, 16:00 საათზე, USAID/ProLog „საუბრობენ მოსამართლეები“ ინიციატივის ფარგლებში, გთავაზობთ საუბარს მოსამართლე მადონა მაისურაძესთან თემაზე: „კარგი მოსამართლის მთავარი ღირსებები“.
სრულად...
02/12/2021
3 დეკემბერს, 16:00 საათზე, საქართველოს ახალგაზრდა იურისტთა ასოციაცია გამართავს კვლევის: „შეზღუდული შესაძლებლობის მქონე ბავშვთა განათლების უფლება კოვიდ-19-ის დროს“ პრეზენტაციას.
სრულად...
02/12/2021
3 დეკემბერს, 15:30 საათზე, ჩეხეთის რესპუბლიკის კარიტასი და ილიაუნის ბავშვის განვითარების ინსტიტუტი პროექტის „აუტიზმის სპექტრის მქონე პირებისათვის სერვისების გაფართოება და გაუმჯობესება საქართველოში“ შემაჯამებელ შეხვედრას გამართავენ.
სრულად...
02/12/2021
3-10 დეკემბერს ილიას სახელმწიფო უნივერსიტეტი აღმოსავლეთ-დასავლეთის მართვის ინსტიტუტის პროგრამასთან „კანონის უზენაესობის მხარდაჭერა საქართველოში” (USAID/PROLoG) თანამშრომლობით ტრადიციულად უმასპინძლებს ადამიანის უფლებების საუნივერსიტეტო კვირეულის რამდენიმე ღონისძიებას.
სრულად...
02/12/2021
3 დეკემბერს 12:00 საათზე, თბილისის თავისუფალი უნივერსიტეტის სამართლის სკოლის ორგანიზებით გაიმართება საჯარო დისკუსია თემაზე „საკონსტიტუციო სასამართლო როგორც ადამიანის უფლებათა დაცვის ეროვნული მექანიზმი“.
სრულად...
02/12/2021
3 დეკემბერს, 11:00 საათზე, შეზღუდული შესაძლებლობის მქონე პირთა საერთაშორისო დღეს, PHR-ი, USAID/PROLoG-ის ფინანსური მხარდაჭერით, გამართავს ონლაინ დისკუსიას თემაზე: „PHR-ის შშმ პირებთან დაკავშირებული სტრატეგიული სამართალწარმოება, რომელიც იწვევს სამართლებრივ რეფორმებს“.
სრულად...
თბილისი. კოალიცია „დამოუკიდებელი და გამჭვირვალე მართლმსაჯულებისთვის“ გაუმართლებლად და დამაზიანებლად მიიჩნევს პარლამენტის მიერ უზენაესი სასამართლოს 4 მოსამართლის დანიშვნას.
„მოსამართლეთა შერჩევა-დანიშვნის წესები არსებითად პრობლემურია, რადგან არასაკმარისად არის დაზღვეული ამ პროცესზე შიდა და გარე გავლენების საფრთხეები. ამავდროულად, საბოლოო გადაწყვეტილებას პარლამენტი იღებს ერთპარტიულად, ფართო პოლიტიკური კონსენსუსის გარეშე. შესაბამისად, ასეთ კონტექსტში უმაღლესი ინსტანციის სასამართლოს 4 მოსამართლით დაკომპლექტება კიდევ უფრო ამცირებს მართლმსაჯულების სისტემისადმი ისედაც დეფიციტურ ნდობას“, ნათქვამია განცხადებაში.
სრულად...
წყარო: gyla.ge
თბილისი. სოციალური სამართლიანობის ცენტრის, სისხლის სამართლის ადვოკატი, ქეთი ჩუთლაშვილი ვიდეოში აანალიზებს, რა ვერ და არ მუშაობს ჩვენს ქვეყანაში, როცა საუბარი გვაქვს ოჯახში ძალადობაზე, მსხვერპლსა და მოძალადეზე.
წყარო: socialjustice.org.ge
თბილისი. საქართველოს ახალგაზრდა იურისტთა ასოციაცია (საია) გადამდგარი ნოტარიუსის თანამდებობაზე დაბრუნების დისკრიმინაციულ წესს საკონსტიტუციო სასამართლოში ასაჩივრებს.
„2008 წლის 1 აპრილიდან 2010 წლის 1 აპრილამდე ნოტარიუსის თანამდებობიდან გადამდგარ ნოტარიუსებს გასაჩივრებული ნორმა ათავისუფლებს პროფესიული და ზოგადი უნარების გამოცდების ჩაბარების ვალდებულებისაგან, ხოლო იმ ნოტარიუსებს, რომლებმაც თანამდებობა დატოვეს 2010 წლის 1 აპრილის შემდეგ, ეკისრებათ ამგვარი გამოცდის ჩაბარების ვალდებულება.
ამგვარ განსხვავებულ მოპყრობას არავითარი კონსტიტუციურ-სამართლებრივი გამართლება არ გააჩნია“, ნათქვამია ორგანიზაციის ვებგვერდზე.
სრულად...
წყარო: gyla.ge