თბილისი. 28 სექტემბერს საქართველოს სახალხო დამცველი ნინო ლომჯარია თვითმმართველობის არჩევნებზე სადამკვირვებლო მისიით ჩამოსულ საერთაშორისი ანალიტიკოსებს შეხვდა.  „შეხვედრაზე ნინო ლომჯარიამ ადამიანის უფლებების ჭრილში წინასაარჩევნო გარემოზე დაკვირვების შედეგები წარმოადგინა და სტუმრებს სახალხო დამცველის მანდატი გააცნო. მხარეებმა განიხილეს საარჩევნო კანონმდებლობა, მოქმედი რეგულაციების დაცვის ხარისხი და სხვა საკითხები“. სრულად... წყარო: ombudsman.ge

თბილისი. სამართლიანი არჩევნებისა და დემორატიის საერთაშორისო საზოგადოების ინფორმაციით, ფეისბუქზე საარჩევნო პროცესების კვალდაკვალ ორგანიზებულად გააქტიურდნენ ან/და იქმნებიან ანონიმური გვერდები და ყალბი ანგარიშები, რომლებიც დამაზიანებელ ინფორმაციას ათავსებენ და ჯგუფებში კოორდინირებულად ავრცელებენ. ისინი ცდილობენ არჩევნებთან დაკავშირებულ საკითხებზე საინფორმაციო ქაოსის შექმნას და ამომრჩევლის შეცდომაში შეყვანას. ორგანიზაციის შეფასებით, კამპანიის მიზანია, ხელოვნურად შექმნას ისეთი ფონი, თითქოს არჩევნებთან დაკავშირებით აბსურდული დეზინფორმაციული ბრალდებები ვრცელდება, და ამით ობიექტური კრიტიკა გადაიფაროს. ამ კამპანიის უკან მდგომი პირები საინფორმაციო ქაოსის შექმნას, ამომრჩეველთა დაბნევასა და კრიტიკული მოსაზრებების დისკრედიტაციას ცდილობენ. სრულად... წყარო: isfed.ge

თბილისი. გაეროს ბავშვთა ფონდი მიესალმება მთავრობის გადაწყვეტილებას 4 ოქტომბრიდან მთელი ქვეყნის მასშტაბით სკოლებისა და საბავშვო ბაღების გახსნის შესახებ. „მნიშვნელოვანია, მთავრობამ, ადგილობრივმა თვითმმართველობებმა და სკოლების ადმინისტრაციამ ხელი შეუწყონ დასწრებულ სწავლებას და გაატარონ აუცილებელი ზომები, რომ შეამცირონ ვირუსის გავრცელება, რაც მოიცავს საწმენდი საშუალებების, საპნის, სუფთა წყლის, დამცავი საშუალებების უზრუნველყოფას, ასევე სოციალური დისტანციის დაცვას“. სრულად... წყარო: www.unicef.org

თბილისი. მშობლის სკივრის მიერ გავრცელებული ინფორმაციის თანახმად, მომდევნო რამდენიმე თვის განმავლობაში, 6 პირდაპირი ჩართვა გაიმართება შეზღუდული შესაძლებლობის სტატუსის განსაზღვრის სისტემაზე საქართველოში. ორგანიზაცია “მაკ ჯორჯია,” კოალიცია „მოძრაობა ცვლილებებისათვის“ პარტნიორობით, ახორციელებს გაეროს ბავშვთა ფონდის (UNICEF) მიერ დაფინანსებულ პროექტს „მშობელთა ორგანიზაციების ადვოკატირების შესაძლებლობების გაზრდა და შეზღუდული შესაძლებლობის სტატუსის განსაზღვრის სისტემის გარდაქმნის შესახებ კონსულტაციის პროცესის ორგანიზება“. სრულად... წყარო: ორგანიზაციის გვერდი სოციალურ ქსელში

თბილისი. პარტნიორობა ადამიანის უფლებებისთვის ინფორმაციით, 13 სექტემბერს, მედია საშუალებებით ცნობილი გახდა სავარაუდოდ სახელმწიფო უსაფრთხოების სამსახურის მიერ ადამიანების პირადი ცხოვრების ამსახველი ინფორმაციის უკანონოდ მოპოვების შესახებ. „ონლაინ გამოცემამ „პუბლიკა“ გამოაქვეყნა ინფორმაცია 2020 წლის 23 მაისს ნიკოლოზ ბასილაშვილის ძმის თენგიზ ბასილაშვილისა და ანდრია პირველწოდებულის სახელობის ტაძრის წინამძღვრის, დეკანოზ შალვა კეკელიას საუბრის შესახებ. გავრცელებულ ფაილებში აღწერილია თუ როგორ სთხოვს თენგიზ ბასილაშვილი დეკანოზ შალვა კეკელიას ნიკოლოზ ბასილაშვილისთვის საპატრიარქოს სახელით დაწეროს შუამდგომლობა. აღნიშნულ თხოვნაზე დეკანოზმა თანხმობა განუცხადა. აღნიშნული საუბრიდან მეორე დღეს, 2020 წლის 24 მაისს თბილისის საქალაქო სასამართლოში გაიმართა სხდომა, სადაც სასამართლომ არ დააკმაყოფილა პროკურატურის მოთხოვნა ნიკოლოზ ბასილაშვილის მიმართ აღკვეთის ღონისძიების სახით პატიმრობის გამოყენების თაობაზე. გავრცელებული ინფორმაცია აჩენს ვარაუდს, რომ ნიკოლოზ ბასილაშვილის ბრალდების სისხლის სამართლის საქმესთან დაკავშირებით შესაძლებელია ჩადენილი იყოს დანაშაული. PHR-მა შესაბამისი რეაგირებისათვის მიმართა საქართველოს პროკურატურას“. სრულად... წყარო: phr.ge

თბილისი. 27 სექტემბერს „მომავალ ლიდერთა სკოლაში“ (Emerging Leaders School - ELS) მონაწილეობის მსურველებისთვის საინფორმაციო შეხვედრა გაიმართა. საქართველოს პოლიტიკის ინსტიტუტი (GIP) იწვევს აქტივისტებს, ახალგაზრდა პოლიტიკოსებს, ჟურნალისტებს, სტუდენტებს, სამოქალაქო საზოგადოების წარმომადგენლებსა და სოციალურ-პოლიტიკური თემატიკით დაინტერესებულ ახალგაზრდებს მომავალ ლიდერთა სკოლაში (Emerging Leaders School - ELS) მონაწილეობის მისაღებად! ტრენინგები ჩატარდება ჰიბრიდული რეჟიმით - ვირტუალ და ფიზიკურ სივრცეში - თბილისში. სრულად... წყარო: ორგანიზაციის გვერდი სოციალურ ქსელში

29 სექტემბერს, 16:00 საათზე, ქვეყანაში ვაქცინაციის პროცესის მხარდასაჭერად, ევროკავშირი და ჯანმო საქართველოს 300 სამედიცინო მაცივარს და ვაქცინებისთვის სპეციალური გადამზიდავ ტრანსპორტს გადასცემს. მისამართი: დაავადებათა კონტროლისა და საზოგადოებრივი ჯანმრთელობის ეროვნული ცენტრი, კახეთის გზატკეცილი, #99

29 სექტემბერს, 15:00 საათზე, საქართველოს პოლიტიკის ინსტიტუტი (GIP) გიწვევთ მრგვალი მაგიდის ფორმატის შეხვედრაზე: საქართველოს დემოკრატიის გამოწვევა ადგილობრივი თვითმმართველობის არჩევნების წინ: ხედვა ბრიუსელიდან. სრულად...

29 სექტემბერს, 14:00 საათზე, გაიმართება საინფორმაციო შეხვედრა შეზღუდული შესაძლებლობის მქონე პირებთან COVID19-ის საწინააღმდეგო ვაქცინებისა და ვაქცინაციის შესახებ. სრულად...

ხელვაჩაურის ახალგაზრდული ცენტრი კამპანიის - „პირველად თვითმმართველობის არჩევნებზე“ ფარგლებში, ახალგაზრდებს იწვევს შეხვედრებზე, რომლის მიზანია თვითმმართველობის საქმიანობისა და მნიშვნელობის შესახებ მათი ცნობიერების ამაღლება, თვითმმართველობის განვითარებაში ახალგაზრდების როლის როლის გაძლიერება და არჩევნებში მონაწილეობის მხარდაჭერა. 29 სექტემბერს, 14:00 საათზე, ხელვაჩაურის ცენტრის ახალგაზრდებთან ონლაინ შეხვედრა გაიმართება. შეხვედრის ბმული... სრულად...

29 სექტემბერს, 10:30 საათზე, „სამოქალაქო პლატფორმა 20/20“ ბრიფინგს გამართავს, სადაც 2021 წლის 2 ოქტომბრის ადგილობრივი თვითმმართველობის არჩევნების შუალედურ ანგარიშს და რეკომენდაციებს წარმოადგენს. მისამართი: თბილისი, აღმაშენებლის 73 (ილიას ბაღი, ტერმინალის სამუშაო სივრცე)

თბილისი. ინფორმაციის თავისუფლების განვითარების ინსტიტუტი (IDFI) აქვეყნებს კვლევას: „საქართველოს საჯარო დაწესებულებებში საჯარო ინფორმაციის პროაქტიული გამოქვეყნების პრაქტიკა (2021)“. კვლევის მიგნებების თანახმად: „2021 წელს, შესაბამისი სამართლებრივი აქტის მოთხოვნების დაცვით მხოლოდ 6 საჯარო დაწესებულებას ჰქონდა სრულყოფილად გამოქვეყნებული ინფორმაცია;  ცენტრალურ საჯარო დაწესებულებებს შორის ყველაზე დაბალი შეფასება აქვთ მთავრობის ადმინისტრაციას (31%) და საგარეო საქმეთა სამინისტროს (36%); ყველაზე პრობლემური საკითხი, კვლავ ფინანსების განკარგვასთან დაკავშირებული ინფორმაციის გამოქვეყნება რჩება“. სრულად... წყარო: idfi.ge

თბილისი. ასოციაცია „ანიკას“ ახალგაზრდა ლიდერის, სოფო მაზმიშვილის ინიციატივით ასოციაცია „ანიკასა“ და „ლიბერთი ბანკის“ წარმომადგენლებს შორის შეხვედრა გაიმართა. შეხვედრაზე განიხილეს საკითხები, რომლებიც ეტლით მოსარგებლე შეზღუდული შესაძლებლობის და გადაადგილების სირთულის მქონე პირებს ეხებათ ლიბერთი ბანკის სერვისის მიღებისას. ბანკის წარმომადგენლებმა გაიზიარეს არსებული გამოწვევების აქტუალურობა და მზაობა გამოთქვეს წამოჭრილ საკითხებთან დაკავშირებით აქტიურად გააგრძელონ თანამშრომლობა ორგანიზაციასთან.  სრულად... წყარო: ორგანიზაციის გვერდი სოციალურ ქსელში

თბილისი. ინფორმაციის თავისუფლების განვითარების ინსტიტუტის (IDFI) ინფორმაციით, სამოქალაქო საზოგადოების და მედია ორგანიზაციებმა ჩამოაყალიბეს „კოალიცია ინფორმაციის სანდოობისთვის.” „კოალიციის მთავარი მიზანი საზოგადოებაში დეზინფორმაციისა და ანტიდასავლური პროპაგანდის მიმართ ცნობიერების ამაღლება და აღნიშნული საფრთხეების საპასუხოდ საერთო ეროვნული და საზოგადოებრივი მიდგომის ჩამოყალიბებაა. აღნიშნულს განსაკუთრებული მნიშვნელობა სწორედ არჩევნების დროს ენიჭება, როდესაც ამომრჩევლებმა ინფორმირებული არჩევანი უნდა გააკეთონ. კოალიცია ეფუძნება დემოკრატიულ ღირებულებებს, თავისუფლების, თანასწორობის, კეთილსინდისიერებისა და ანგარიშვალდებულების პრინციპებს“, ნათქვამია ორგანიზაციის ვებგვერდზე. სრულად... წყარო: idfi.ge

თბილისი. სოციალური სამართლიანობის ცენტრი აქვეყნებს რადიო თავისუფლების გადაცემა: „დილის საუბრების“ ჩანაწერს. ორგანიზაციის მკვლევარ-იურისტები საუბრობენ საქართველოში მართლმსაჯულების ხელმისაწვდომობის შესახებ. რამდენიმე დღის სოციალური სამართლიანობის ცენტრმა გამართა კვლევის „მართლმსაჯულების ხელმისაწვდომობა საქართველოში“ პრეზენტაცია. კვლევა ხელმისაწვდომია ბმულზე... სრულად... წყარო: socialjustice.org.ge

თბილისი. „საერთაშორისო გამჭვირვალობა - საქართველო“ აქვეყნებს „ადმინისტრაციული რესურსების გამოყენება საქართველოს მუნიციპალიტეტის ორგანოთა 2021 წლის არჩევნებისთვის“ კვლევის შუალედურ ანგარიშს. ორგანიზაციის მიერ, 2021 წლის 1 ივნისიდან 25 სექტემბრამდე მუნიციპალიტეტის ორგანოთა არჩევნებისთვის განხორციელებულმა დაკვირვებამ აჩვენა, რომ საარჩევნოდ ადმინისტრაციული რესურსების გამოყენება საქართველოსთვის კვლავ პრობლემურია. „საბიუჯეტო ორგანიზაციების თანამშრომლებზე პოლიტიკური ნიშნით განხორციელებული ზეწოლის, სამსახურიდან გათავისუფლების და ოპოზიციური პარტიების კანდიდატების შევიწროების სავარაუდო შემთხვევების არაეფექტიანი გამოძიება, ასევე, საჯარო ინსტიტუტების პოლიტიზება და მმართველი პარტიის მიერ საბიუჯეტო ორგანიზაციების თანამშრომელთა საარჩევნო კამპანიისთვის მასშტაბური მობილიზება, საბიუჯეტო პროგრამების ვიწროპარტიული მიზნით გამოყენება და სხვა მანკიერი ტენდენციები სამართლიანი საარჩევნო გარემოსთვის მთავარ გამოწვევას წარმოადგენს“. სრულად... წყარო: transparency.ge

თბილისი. საქართველოს სტრატეგიის და განვითარების ცენტრმა (GCSD), ნორვეგიის საგარეო საქმეთა სამინისტროს მიერ დაფინანდებული პროგრამის ფარგლებში, მესამე ქვეგრანტი გასცა. „GCSD-ის პარტნიორი „დემოკრატიის ლაბორატორია“ გახდა. პროექტი, რომელიც მომდევნო ერთი წლის განმავლობაში განხორციელდება, მიზნად ისახავს, ციფრული აქტივაციისა და დისტანციური დასაქმების გზით, პანკისის ხეობაში მცხოვრები ახალგაზრდების ცნობიერების ამაღლებას, უნარების შეძენას და შესაძლებლობების გაძლიერებას“. სრულად... წყარო: ორგანიზაციის გვერდი სოციალურ ქსელში

თბილისი. ახალგაზრდობის სააგენტოსა და ფრიდრიხ ებერტის ფონდის ინიცირებით, საქართველოს 10 რეგიონის 14 მუნიციპალიტეტში, რეფორმის „მუნიციპალური ახალგაზრდობის პოლიტიკის“ ფარგლებში, კვლევისა და საკონსულტაციო კომპანიამ - ეისითიმ (ACT) ჩაატარა კვლევა, რომელიც შეისწავლის ახალგაზრდების საჭიროებებს, გამოწვევებს და ინტერესებს. „აღნიშნული კვლევის შედეგების პრეზენტაცია თითოეულ მუნიციპალიტეტში ინდივიდუალურად გაიმართა, ჰიბრიდულ ფორმატში. კვლევის შედეგებზე დაყრდნობით აღნიშნულ მუნიციპალიტეტებში ახალგაზრდობის პოლიტიკის დოკუმენტი და სამოქმედო გეგმა შეიქმნება“. სრულად... წყარო: ორგანიზაციის გვერდი სოციალურ ქსელში

ხელვაჩაურის ახალგაზრდული ცენტრი კამპანიის - „პირველად თვითმმართველობის არჩევნებზე“ ფარგლებში, ახალგაზრდებს იწვევს შეხვედრებზე, რომლის მიზანია თვითმმართველობის საქმიანობისა და მნიშვნელობის შესახებ მათი ცნობიერების ამაღლება, თვითმმართველობის განვითარებაში ახალგაზრდების როლის როლის გაძლიერება და არჩევნებში მონაწილეობის მხარდაჭერა. შეხვედრის გრაფიკი: 28 სექტემბერი, 14:00 საათი სოფელი მაჭახელა, ცხემლარას ხიდი. 28 სექტემბერი, 16:00 საათი სოფელი ჭარნალი, ბაღი. სრულად...

28 სექტემბერს, 18:30 საათზე, GrlzWave გთავაზობთ ფსიქოთერაპევტ ელენე ჯაფარიძის ონლაინ ლექციას თემაზე - ბავშვებზე სექსუალური ძალადობის პრევენცია. სრულად...

28 სექტემბერს, 16:00 საათზე, გაიმართება „ახალგაზრდა პედაგოგთა კავშირის“ მიერ მომზადებული კვლევის საბოლოო შედეგების პრეზენტაცია თემაზე - არაფორმალურ აქტივობებში გოგონებისა და ბიჭების ჩართულობაზე გავლენის მქონე ფაქტორები გენდერული სოციალიზაციის პროცესში. სრულად...

28 სექტემბერს, 15:00 საათზე, გაიმართება ახალგაზრდების ონლაინ ფორუმი, რომლის მიზანიც COVID19-ის საწინააღმდეგო ვაქცინებისა და ვაქცინაციის პროცესის შესახებ მონაწილე ახალგაზრდების ცოდნის გაღრმავებაა. სრულად...