რაჭა.ფონდ „აფხაზინტერკონტის“ ორგანიზებით 2023 წლის 14 ნოემბერს ჩატარდა სემინარი ონის მუნიციპალიტეტში თემაზე: „მოქალაქეთა ჩართულობის მნიშვნელობა გადაწყვეტილებების მიღების პროცესში“.  სემინარის მიზანი იყო საზოგადოების საჭიროებების უკეთ გააზრების, სამოქალაქო ღირებულებების აქტიური პოპულარიზაციის, სამოქალაქო აქტივიზმის და ადგილობრივი მოსახლეობის გადაწყვეტილების მიღების პროცესში ჩართულობის მნიშვნელობის პოპულარიზაცია. სემინარში მონაწილეობდნენ სამოქალაქო საზოგადოების ორგანიზაციები, სათემო ორგანიზაციები, საინიციატივო ჯგუფები, ახალგაზრდების, სამოქალაქო აქტივისტების, მოქალაქეების, ადგილობრივი თვითმმართველობის წარმომადგენლები; სემინარი ჩატარდა ევროკავშირისა (EU) და კონრად ადენაუერის ფონდის (KAS) მიერ დაფინანსებული პროექტის ,,სამოქალაქო საზოგადოების ინიციატივა"ფარგლებში.  სრულად... წყარო: აფხაზინტერკონტი

იმერეთი.ორგანიზაცია „თაობათა დიალოგმა“ ევროპის სოლიდარობის კორპუსის აკრედიტაცია მიიღო. ევროპული სოლიდარობის კორპუსის მიზანია მოხალისეობის გზით ხელი შეუწყოს სოლიდარობას, როგორც ღირებულებას, გააძლიეროს ახალგაზრდებისა და ორგანიზაციების ჩართულობა ხელმისაწვდომ და მაღალი ხარისხის სოლიდარობის აქტივობებში 2027 წლამდე „თაობათა დიალოგს“ შესაძლებლობა ექნება მიიღოს ერთდროულად 4 გრძელვადიანი და 4 მოკლევადიანი მოხალისე.  ასევე უფლება მიიღო ბაღდათის ახალგაზრდული ცენტრისთვის "Game Zone" (რომლის პროგრამულ უზუნველყოფასაც ორგანიზაცია ახორციელებს) მიიღოს 2 გრძელვადიანი და 2 მოკლევადიანი მოხალისე.  სრულად... წყარო: თაობათა დიალოგი

თბილისი.საზოგადოებრივი ორგანიზაციები ეხმაურებიან მედიაში გავრცელებულ ინფორმაციას „რეპრესიული ნარკოპოლიტიკის პირობებში კიდევ ერთი ახალგაზრდისთვის მოსალოდნელი მძიმე სასჯელის შესახებ“. სსო–ები ერთობლივ განცხადებას ავრცელებენ, სადაც ერთის მხრივ პროკურატურას მოუწოდებენ მხედველობაში მიიღოს საქმის გარემოება და ბრალდებულის პიროვნება. ხოლო მეორე მხრივ მოუწოდებენ „ხელისუფლებას დაიწყოს მოქმედი ნარკოპოლიტიკის ფუნდამენტური და რეალური რეფორმა“.  სრულად... წყარო: სოციალური სამართლიანობის ცენტრი  

სამცხე-ჯავახეთი.4-5 და 11-12 ნოემბერს ახალქალაქსა და ნინოწმინდაში მცხოვრებმა ლიდერმა ქალებმა უნარ–ჩვევების განვითარების ტრენინგებში მიიღეს მონაწილეობა. ტრენინგი გაიმართა პროექტის – „ეთნიკური უმცირესობის წარმომადგენელი ქალები, როგორც ინტეგრაციის ელჩების“ – ფარგლებში, რომელსაც განვითარებისა და ჩართულობის პლატფორმა ახორციელებს გერმანიის საგარეო საქმეთა სამინისტროს ფინანსური მხარდაჭერით.  სრულად...   წყარო: განვითარებისა და ჩართულობის პლატფორმა

თბილისი.18 ნოემბერს, თბილისში წიგნის პრეზენტაცია „ქალაქის ფრინველები“ გაიმართება.  წიგნი მომზადდა პროექტ “ურბანული ბიომრავალფეროვნებისათვის მეგობრული სკვერების მოდელის შექმნის” ფარგლებში, გაეროს მცირე გრანტების პროგრამის ფინანსური მხარდაჭერით, ბუნების კონსერვაცია საქართველოს მიერ.  წიგნის პრეზენტაციასთან ერთად დაგეგმილია სხვადასხვა საგანმანათლებლო აქტივობები.  სრულად... წყარო: ბუნების კონსერვაცია საქართველო

თბილისი.კავკასიის გარემოსდაცვითი არასამთავრობო ორგანიზაციების ქსელი(CENN), ევროკავშირის ფინანსური მხარდაჭერით მიმდინარე პროექტის - ‘სამოქალაქო საზოგადოების გაძლიერება ინკლუზიური და მწვანე პოსტ-კოვიდ აღდგენისთვის’ - ფარგლებში, აცხადებს თანამონაწილეობით საგრანტო კონკურსს ადგილობრივი ხელისუფლებისა და სამოქალაქო საზოგადოების ორგანიზაციებისთვის ინოვაციური და საჭიროებებზე ორიენტირებული სოციალური სერვისების შექმნასა და განვითარებაზე.  საგრანტო კონკურსის განცხადების მიღების ვადა გახანგრძლივდა.  კონკურსში წინადადებების წარდგენის ბოლო ვადაა: 2023 წლის 26 ნოემბერი, 18:00 საათი. სრულად...  წყარო: კავკასიის გარემოსდაცვითი არასამთავრობო ორგანიზაციების ქსელი

თბილისი.საერთაშორისო გამჭვირვალობა –საქართველო ბიულეტენ N5 ავრცელებს. ბიულეტენში მიმოხილულია პოლიტიკური პარტიების მიერ 2023 წლის 1 ივლისიდან 30 სექტემბრის ჩათვლით მიღებული შემოწირულებები. გაეცანით ვრცლად...  წყარო: საერთაშორისო გამჭვირვალობა საქართველო

ქვემო ქართლი.ქვემო ქართლის რეგიონული ჰაბის, სამოქალაქო ინტეგრაციის ფონდის ორგანიზებით, წალკის მუნიციპალიტეტის სოფელ გუმბათის საჯარო სკოლაში გაიმართა სემინარი თემაზე: „ევროკავშირი საქართველოსთვის“. შეხვედრაზე განიხილეს თუ რას ნიშნავს იყო ევროპის მოქალაქე და რატომ უნდა ისწრაფვოდეს ჩვენი ქვეყანა ევროკავშირისკენ. შეხვედრა ჩატარდა ევროკავშირისა და კონრად ადენაუერის ფონდის მიერ დაფინანსებული პროექტის „სამოქალაქო საზოგადოების ინიციატივა" ფარგლებში.  სრულად... წყარო: სამოქალაქო საზოგადოების ინიციატივა

თბილისი.ასოციაცია „ანიკა“ იწყებს განცხადებების მიღებას, როგორც რეგულარული, ასევე სპეციალიზებული პერსონალური ასისტენტების მომზადების თაობაზე.  მსურველებმა უნდა წარადგინონ მოთხოვნა ტრენინგის გავლის შესახებ.  სრულად...  წყარო: ასოციაცია ანიკა

სამეგრელო-ზემო სვანეთი. სოციალურ საკითხებზე მომუშავე ინტერმუნიციპალური პლატფორმის გაძლიერების მიზნით, საქართველოს ადგილობრივ თვითმმართველობათა ეროვნული ასოციაციის (ათეა) ორგანიზებითა და გაეროს ბავშვთა ფონდის (UNICEF) მხარდაჭერით, ზუგდიდში სამუშაო შეხვედრა გაიმართა.  ღონისძიებაზე, რომელიც ათეას ადამიანის უფლებათა ლოკალიზების კომიტეტისა და სახალხო დამცველის აპარატის ერთობლივი თანამშრომლობის ფარგლებში მოეწყო, ადგილობრივ დონეზე თანასწორობის დაცვის მიმართულებით, მუნიციპალიტეტების მნიშვნელოვან როლზე იმსჯელეს.  სრულად... წყარო: საქართველოს ადგილობრივ თვითმმართველობათა ეროვნული ასოციაცია

შიდა ქართლისა და მცხეთა-მთიანეთის ახალგაზრდებმა, ინტელექტუალურ თამაშში „რა? სად? როდის?“ ევროპის შესახებ მიიღეს მონაწილეობა. ღონისძიებამ 600-ზე მეტი ახალგაზრდა შეკრიბა ამ რეგიონებიდან და 100-ზე მეტ გუნდს მისცა შესაძლებლობა გამოეცადათ საკუთარი ცოდნა ევროპის შესახებ. წლის განმავლობაში თამაში საქართველოს 63 მუნიციპალიტეტს მოივლის. იხილეთ ფოტოები ღონისძიებიდან.  სრულად... წყარო: ევროკავშირის წარმომადგენლობა საქართველოში

16–17 ნოემბერს, სათემო ლიდერთა ფორუმი 2023 გაიმართება. ფორუმი წლების განმავლობაში ჩამოყალიბდა, როგორც სათემო ორგანიზაციების ინფორმირების, განვითარების და საინტერესო პარტნიორობის დაწყების პლატფორმად.  წლევანდელ ფორუმზე:მოისმენთ სხვადასხვა სათემო ორგანიზაციის გამოცდილებას, გაეცნობით პროგრამის ფარგლებში დაფინანსებულ საინტერესო და გამორჩეულ სათემო პროექტებს და ინიციატივებს, გახდებით 2021-2022 წლების საუკეთესო სათემო ინიციატივის დაჯილდოვების პროცესის მონაწილე, დაესწრებით ერთობლივ და პარალელურ ინტერაქტიულ სესიებს მნიშვნელოვან თემებზე.  სათემო ლიდერთა ფორუმი იმართება საქართველოს სტრატეგიული კვლევებისა და განვითარების ცენტრის ორგანიზებით, პროექტის “სამოქალაქო საზოგადოების ინიციატივა” ფარგლებში, ევროკავშირისა და კონრად ადენაუერის ფონდის მხარდაჭერით. წლევანდელი ფორუმის მხარდამჭერები ასევე არიან: ორგანიზაცია „პური მსოფლიოსათვის“, გაეროს განვითარების პროგრამა, ნორვეგია და ბირმინგემის უნივერსიტეტი. სრულად... წყარო: სტრატეგიული კვლევებისა და განვითარების ცენტრი 

ქვემო ქართლი.საერთაშორისო გამჭვირვალობა-საქართველომ მარნეულში მცხოვრები აქტიური მოქალაქეებისთვის ჩაატარა ტრენინგი თემაზე „როგორ ვიპოვოთ ინფორმაციის დიდ ზღვაში კორუფციის კენჭები?“ ტრენინგს ესწრებოდნენ “სამოქალაქო ჩართულობისა და აქტივიზმის ცენტრის (CEAC)” ბაზაზე USAID პროგრამა “ერთიანობა მრავალფეროვნებაშიას” ფარგლებში შექმნილი ახალგაზრდული ცენტრის წევრები. ღია მონაცემებთან მუშაობის ტრენინგს უძღვებოდა “აი, ფაქტის” გამომძიებელი ჟურნალისტი, აიდან იუსუბოვა.  სრულად...  წყარო: საერთაშორისო გამჭვირვალობა-საქართველო

რაჭა. „უფლებები საქართველომ“ ონის მუნიციპალიტეტის სოფელ შეუბნის საჯარო სკოლაში საინფორმაციო შეხვედრა გამართა.  საინფორმაციო შეხვედრის ფარგლებში, „უფლებები საქართველოს“ იურისტმა მონაწილეებს გააცნო ორგანიზაციის საქმიანობა.  ისაუბრა გენდერული თანასწორობის მნიშვნელობის, ქალთა მიმართ ძალადობის ფორმებისა და, ასევე, ძალადობის მსხვერპლთა დაცვის და დახმარების მექანიზმებზე. შეხვედრა გაიმართა პროექტის ,,გენდერული და ოჯახში ძალადობის მსხვერპლთა მხარდაჭერა“ ფარგლებში, რომელიც ხორციელდება უფლებები საქართველოს“ და ოთხი არასამთავრობო ორგანიზაციის მიერ ევროკავშირისა და ASB საქართველოს პროგრამის მხარდაჭერით.  სრულად...   წყარო: უფლებები საქართველო

სამეგრელო.ათინათის პროექტის “ახალგაზრდების ჩართულობა და განვითარება” ფარგლებში, პარტნიორი სკოლის მოსწავლეებისთვის ჩატარდა ტრენინგი თემაზე: მდგრადი განვითარება.  ტრენინგი ემსახურებოდა ახალგაზრდებში მდგრადი განვითარების მიზნების შესახებ ცნობიერების ამაღლებას და თითოეული მიზნის მიღწეცაში მათი ჩართულობის აუცილებლობის ხაზგასმას. პროექტი “ახალგაზრდების ჩართულობა და განვითარება” ხორციელდება აშშ საერთაშორისო განვითარების სააგენტოს პარტნიორობა მეტი გამძლეობისა და მედეგობისთვის პროგრამის ფარგლებში, გაეროს განვითარების პროგრამის და გაეროს ბავშვთა ფონდის მიერ და ამერიკელი ხალხის დახმარებით აშშ საერთაშორისო განვითარების სააგენტოსთან ერთად. სრულად... წყარო: ათინათი

თბილისი.ადამიანის უფლებათა ცენტრმა გამოაქვეყნა ანალიტიკური დოკუმენტი -„მოსამართლის მიერ კითხვების დასმის უფლებამოსილების გამოყენება სავარაუდოდ პოლიტიკურად მოტივირებულ სისხლის სამართლის საქმეებზე“.  ანალიტიკური დოკუმენტის საკვლევი თემიდან გამომდინარე, ყურადღება გამახვილდება ადამიანის უფლებათა ცენტრის მონიტორინგის ქვეშ არსებულ 2 სისხლის სამართლის საქმეზე:  1. ივერი მელაშვილის და ნატალია ილიჩოვას (ე. წ. კარტოგრაფების) საქმე;  2. ბესიკ თამლიანის, ემზარ სიუკაევის, კახაბერ ქეშიკაშვილის, სტეფანე გიქოშვილისა და ლაშა სამხარაძის საქმე.  ადამიანის უფლებათა ცენტრი აღნიშნავს, რომ ანალიტიკურ დოკუმენტში, აგრეთვე, გაანალიზებულია მხარეთა მტკიცებულებების გამოკვლევის პროცესში მოსამართლის მონაწილეობის ხარისხი, შეფასდება მტკიცებულებების გამოკვლევის ეტაპზე მოსამართლის „აქტიურობა“ რამდენად თავსებადია საქართველოს საკონსტიტუციო სასამართლოს მიერ დადგენილ ზემოთ აღნიშნულ სტანდარტებთან. სრულად...  წყარო: ადამიანის უფლებათა ცენტრი

თბილისი. არასამთავრობო ორგანიზაცია „მშობლები განათლებისთვის“ იწყებს ვიდეო ბლოგების გამოქვეყნებას. პირველი ვიდეო მშობლებისა და მასწავლებლების ურთიერთობას ეხება.  კერძოდ, როგორ უნდა დავამყაროთ მასწავლებლებთან და სკოლის დირექციასთან ჯანსაღი ურთიერთობა?რა შემთხვევაშია სასარგებლო მშობელსა და მასწავლებელს შორის სატელეფონო საუბარი და როგორ შეიძლება იყოს ის მაქსიმალურად ეფექტური? რა ძალა და მნიშვნელობა აქვს მასწავლებელთან პირისპირ შეხვედრას? რა შეცდომები არ უნდა დავუშვათ მშობელთა კრებაზე? რა არის წერითი კომუნიკაციის გასათვალისწინებელი სპეციფიკა - ჩათებსა თუ დახურულ ჯგუფებში მიმოწერის მახასიათებლები, რომლებზეც უნდა დავფიქრდეთ. ვიდეობლოგების სერია მომზადებულია USAID-ის სამოქალაქო საზოგადოების ჩართულობის პროგრამის მხარდაჭერით.  სრულად... წყარო: მშობლები განათლებისთვის

იმერეთი. სოციალური სამართლიანობის ცენტრი ინფორმაცია ავრცელებს, ქუთაისის სააპელაციო სასამართლოში ბათუმში ახალი მეჩეთის მშენებლობის საქმე განიხილება.  „შვიდწლიანი სასამართლო დავა ლოცვის უფლებისთვის კიდევ გრძელდება და რელიგიის თავისუფლებისა და თანასწორობის უფლების მატერიალურ დარღვევასთან ერთად, გაჭიანურებული მართლმსაჯულება მუსლიმი თემის საპროცესო უფლებებების უხეში დარღვევის მიზეზიც ხდება. ორგანიზაციები იმედს გამოვთქვამთ, რომ სააპელაციო სასამართლო შეძლებს სწორად შეაფასოს საქმესთან დაკავშირებული ყველა რელევანტური გარემოება, არ გააურესოს თანასწორობის უფლებასთან დაკავშრებით დადგენილი მნიშვნელოვანი სტანდარტები და დაიცვას მუსლიმი თემის უფლებები.“ - ნათქვამია განცხადებაში  სრულად... წყარო:სოციალური სამართლიანობის ცენტრი

თბილისი.საქართველოს ახალგაზრდა იურისტთა ასოციაციამ, საქართველოში ბუნებრივი კატასტროფების რისკის მართვის კანონმდებლობასა და პრაქტიკასთან დაკავშირებით საადვოკაციო დოკუმენტის პრეზენტაცია გამართა. როგორც საია აღნიშნავს, საადვოკაციო დოკუმენტი, ადამიანის უფლებები ბუნებრივი კატასტროფების პირისპირ - ეხმიანება 2023 წლის აგვისტოში რაჭასა და 2023 წლის სექტემბერში გურიაში მომხდარ ბუნებრივ კატასტროფებთან დაკავშირებულ გარემოებებს, რათა დასვას საკვანძო შეკითხვები, როგორც სტიქიური მოვლენების გამომწვევი მიზეზების, ისე, სამაშველო ოპერაციის მართვის ეფექტიანობასთან დაკავშირებით. სრულად... წყარო: საქართველოს ახალგაზრდა იურისტთა ასოციაცია

კახეთი.ყვარლის მუნიციპალიტეტში, სოფელ ჩანთლისყურის საჯარო სკოლაში, არადომინანტური ეთნიკური ჯგუფების ახალგაზრდების მშობლებთან, საინფომრაციო შეხვედრა გაიმართა.  შეხვედრა „უფლებები საქართველოსა“ და „ახალსოფლის ახალგაზრდული ცენტრის“ ორგანიზებით ჩატარდა.  საინფორმაციო შეხვედრა ჩატარდა პროექტის - „ეთნიკური უმცირესობების ახალგაზრდათა ჩართულობის და ინკლუზიური მმართველობის ხელშეწყობა ლაგოდეხის და ყვარლის მუნიციპალიტეტებში“ - ფარგლებში, რომელსაც „უფლებები საქართველო“, „ლელიანის ზრდასრულთა განათლების ცენტრთან“ და „ახალსოფლის ახალგაზრდულ ცენტრთან“ პარტნიორობით, და „ომისა და მშვიდობის გაშუქების ინსტიტუტის“ (IWPR) მხარდაჭერით ახორციელებს.  სრულად...  წყარო: უფლებები საქართველო

სამოქალაქო საზოგადოების ინსტიტუტმა (CSI) დაასრულა საქართველოს რეგიონებში შეხვედრების ციკლი, რომელსაც ესწრებოდნენ ადგილობრივი სამოქალაქო საზოგადოების ორგანიზაციების წარმომადგენლები. შეხვედრების მიზანს წარმოადგენდა სამოქალაქო საზოგადოების ინსტიტუტის (CSI) მიერ, ევროკავშირისა (EU) და კონრად ადენაუერის ფონდის (KAS) დაფინანსებული პროექტის - „სამოქალაქო საზოგადოების ინიციატივის“ ფარგლებში, გამოცხადებული საგრანტო კონკურსის შესახებ დაინტერესებული მხარეების ინფორმირება და კონსულტირება. საგრანტო კონკურსის მიზანია საზოგადოებრივი ორგანიზაციების მიმართ ნდობისა და ლეგიტიმურობის ხარისხის გაზრდის ხელშეწყობა, ორგანიზაციული და ინსტიტუციური განვითარების საყოველთაოდ აღიარებული პრინციპებისა და სტანდარტების პრაქტიკაში დანერგვის გზით. შეხვედრებზე, ასევე, წარდგენილი იყო სამოქალაქო საზოგადოების ინსტიტუტის მიერ, სულ ახლახანს გამოქვეყნებული პუბლიკაცია – საზოგადოებრივი ორგანიზაციების ინსტიტუციური განვითარების დამხმარე სახელმძღვანელო. საგრანტო კონკურსში მონაწილეობის მსურველებს სახელმძღვანელოში განხილული საკითხების გამოყენება და გათვალისწინება შეუძლიათ საპროექტო განაცხადის მომზადებისას. შეხვედრები გაიმართა ქუთაისში, ზუგდიდში, ბათუმში, ოზურგეთში, გორში, ახალციხეში, მარნეულში, თელავში, თბილისში, პლატფორმა Zoom–ის საშუალებით, რაჭა–ლეჩხუმ–ქვემო სვანეთისა და მცხეთა–მთიანეთის რეგიონების საზოგადოებრივი ორგანიზაციებისთვის. როგორც უკვე აღვნიშნეთ შეხვედრები ორგანიზებული იყო სამოქალაქო საზოგადოების ინსტიტუტის (CSI) მიერ, ევროკავშირისა (EU) და კონრად ადენაუერის ფონდის (KAS) ფინანსური მხარდაჭერით.

თბილისი. „კოალიცია ინფორმაციის სანდოობისთვის“ განცხადებას ავრცელებს და მოუწოდებს საქართველოს მთავრობას, „გაემიჯნოს ანტიდასავლურ გზავნილებს და მათ გამავრცელებელ ჯგუფებს, გამოიყენოს სტრატეგიული კომუნიკაციების დეპარტამენტების რესურსი დანიშნულებისამებრ და, სამოქალაქო ორგანიზაციების ჩართულობით, გადადგას ქმედითი ნაბიჯები ევროკომისიის რეკომენდაციის შესრულებისთვის”.  სრულად...  წყარო: კოალიცია ინფორმაციის სანდოობისთვის