კახეთი. ევროკავშირისა და გაეროს განვითარების პროგრამის „საუბრები უფლებებსა და თავისუფლებებზე“ ამჯერად ლაგოდეხში, 6 ოქტომბერს გაიმართება.  მეექვსე დისკუსია განათლების უფლებას ეძღვნება. შეხვედრას გაუძღვება ლადო აფხაზავა, მასწავლებლის ეროვნული ჯილდოს პირველი მფლობელი. სრულად... წყარო: გაეროს განვითარების პროგრამა

თბილისი.საერთაშორისო გამჭვირვალობა – საქართველო და სამართლიანი არჩევნები ეხმაურებიან 2 ოქტომბერს პარლამენტში შესულ კანონპროექტს.  „საქართველოს პარლამენტში 2 ოქტომბერს უმრავლესობის დეპუტატებმა კანონპროექტი წარადგინეს, რომელიც დაჩქარებული წესით განიხილება.  ინიციირებული ცვლილებები უკიდურესად შეზღუდავს საქართველოს კონსტიტუციითა და საერთაშორისო სტანდარტებით გარანტირებულ შეკრებისა და გამოხატვის თავისუფლებას.  მიგვაჩნია, რომ მსგავსი სახის საკანონმდებლო ცვლილებები ადამიანის უფლებრივი მდგომარეობის მხრივ უკან გადადგმული ნაბიჯი იქნება“, ნათქვამია ორგანიზაციების ერთობლივ განცხადებაში. სრულად... წყარო: სამართლიანი არჩევნები

თბილისი.ახალგაზრდა იურისტთა ასოციაციამ, ადამიანის უფლებათა ცენტრმა და საერთაშორისო პარტნიორობა ადამიანის უფლებებისათვის ერთობლივად იმუშავეს გზამკვლევზე – „აქციის მონაწილეებისა და ორგანიზატორებისთვის“. იგი „აქციის მონაწილეებისა და ორგანიზატორებისათვის შეკრებისა და მშვიდობიანი პროტესტის შესახებ სამართლებრივ გზამკვლევს წარმოადგენს“, ნათქვამია ორგანიზაციის გვერდზე სოციალურ ქსელში. სრულად... წყარო: ადამიანის უფლებათა ცენტრი

თბილისი.საქართველოში არსებული პოლიტიკური პოლარიზაციის ანალიზში ხელოვნური ინტელექტი ჩაერთო. გაეცანით საინტერესო კვლევას... ანგარიში მომზადდა ორგანიზაცია “მეტამაინის“ მიერ. პროექტი დაფინანსდა #CSRDG-ის მიერ, "სამოქალაქო საზოგადოების ინიციატივა" ფარგლებში, ევროკავშირისა და კონრად ადენაუერის ფონდის (KAS) მხარდაჭერით.  წყარო: საქართველოს სტრატეგიული კვლევებისა და განვითარების ცენტრი

თბილისი.საერთაშორისო გამჭვირვალობა ახალ კვლევას ავრცელებს – „საქართველოს რუსეთზე ეკონომიკური დამოკიდებულება ზრდას განაგრძობს“.  გამჭვირვალობა - საქართველომ რუსეთზე ეკონომიკურ დამოკიდებულებაზე ბოლო კვლევა 2023 წლის თებერვალში გამოვაქვეყნეთ, რომელშიც 2022 წლის მდგომარეობა იყო შესწავლილი.  წინამდებარე კვლევა ძირითადად 2023 წლის იანვარ-ივნისის პერიოდში დაფიქსირებულ მაჩვენებლებს და ტენდენციებს მოიცავს.  „რუსეთზე ეკონომიკური დამოკიდებულების ზრდა საქართველოსთვის საფრთხის შემცველია, რადგან, ტრადიციულად, რუსეთი ეკონომიკურ ურთიერთობებს დამოუკიდებელ ქვეყნებზე პოლიტიკური ზეწოლის ბერკეტად იყენებს“, ნათქვამია კვლევაში. სრულად... წყარო: საერთაშორისო გამჭვირვალობა საქართველო 

თბილისი.საქართველოს მედიატორთა ასოციაციის ორგანიზებითა და დონორების მხარდაჭერით, გასულ კვირას, გაიმართა მედიაციის წლის დაწყებასთან დაკავშირებული ღონისძიება, რომელსაც ესწრებოდნენ საქართველოს პარლამენტისა და მთავრობის წარმომადგენლები, მედიატორები, მოსამართლეები და ჟურნალისტები.  მხარეებმა იმსჯელეს მართლმსაჯულების განხორციელების პროცესში მედიაციის როლსა და საზოგადოებაში ცნობიერების ამაღლების მნიშვნელობაზე.  მედიაცია დავის მოგვარების ალტერნატიული მეთოდია, მისი გამოყენება ზოგავს მხარეთა დროს, ფინანსებსა და ემოციურ რესურსს, კონფლიქტს კი იცავს გაღრმავებისგან.  მედიატორი, რომელიც დაპირისპირებულ მხარეებს პროცესის მოგვარებაში ეხმარება მიუკერძოებელი და ნეიტრალურია, როგორც მხარეების, ასევე საქმის შედეგების მიმართ. სრულად... წყარო: გაეროს განვითარების პროგრამა

თბილისი. გაეროს ქალთა ორგანიზაციისა და საზოგადოებრივი ორგანიზაციების თანამშრომლობით გაიმართა სამუშაო შეხვედრა, რომელიც იძულებით გადაადგილებული და კონფლიქტის შედეგად დაზარალებული ქალებისა და ახალგაზრდების გადაუდებელი საჭიროებების მოგვარებას ეხებოდა.  ღონისძიება მიზნად ისახავდა ეროვნული სამოქმედო გეგმის განხორციელების ხელშეწყობას და მის ლოკალიზაციას, იძულებით გადაადგილებული და კონფლიქტის შედეგად დაზარალებული ქალებისა და ახალგაზრდების მიერ გამოვლენილი საჭიროებების განხილვისა გზით. სრულად... წყარო: ქალთა საინფორმაციო ცენტრი

იმერეთი.ადგილობრივი დემოკრატიის სააგენტო საქართველომ პროექტის „სამოქალაქო საზოგადოების ინიციატივა“ ფარგლებში ტყიბულში შეხვედრა გამართა, რომელსაც ტყიბულის მუნიციპალიტეტის გენდერული თანასწორობის საბჭოს წევრები ესწრებოდნენ.  შეხვედრაზე განხილული იქნა ისეთი საკითხები როგორიცაა:  კორპორაციული სოციალური პასუხისმგებლობის ზოგადი მიმოხილვა;  კორპორაციული სოციალური პასუხისმგებლობის მნიშვნელობა და დადებითი შედეგები;  სახელმწიფო და კორპორაციული პასუხისმგებლობა; სახელმწიფო უწყებები და სამოქალაქო საზოგადოების ორგანიზაციები; შეხვედრა ჩატარდა პროექტის "სამოქალაქო საზოგადოების ინიციატივის" ფარგლებში, ევროკავშირისა და კონრად ადენაუერის ფონდის მხარდაჭერით. სრულად... წყარო: ადგილობრივი დემოკრატიის სააგენტო

მუნიციპალიტეტის საქმიანობაში მოქალაქეთა მონაწილეობის გაძლიერების სასწავლო–პროგრამის მონაწილე, მარნეულის საკრებულოს წევრი, გიუნაშ რიზაგულიევა გვიზიარებს თავის მოსაზრებებს ტრენინგების შესახებ. „სამოქალაქო საზოგადოების ინსტიტუტის მიერ შემოთავაზებული სასწავლო პროგრამა ძალიან დროული და მნიშვნელოვანია საკრებულოს წევრებისთვის. აღნიშნულმა ტრენინგებმა მოგვცა საშუალება გავცნობოდით იმ საკანონმდებლო რესურსებსა და მიდგომებს, რომლებიც მუნიციპალიტეტის საქმიანობაში მოქალაქეთა მონაწილეობის გაუმჯობესების შესაძლებლობას უზრუნველყოფს. ასევე მნიშვნელოვანი იყო საკრებულოს წევრის ანგარიშვალდებულების მექანიზმისა და მიდგომების საკითხები. ერთ-ერთი ყველაზე მნიშვნელოვანი ასპექტი, რასაც სასწავლო პროგრამიდან გამოვარჩევდი იყო ის, რომ საკრებულოს წევრები, აპარატის თანამშრომლებთან და დარგის ექსპერტებთან ერთად ვმსჯელობდით მოქალაქეთა მონაწილეობის კუთხით არსებულ გამოწვევებზე და ასევე, მისი გაუმჯობესების გზებზე. ძალიან მნიშვნელოვანია გაგრძელდეს მსგავსი შეხვედრები, ასევე მნიშვნელოვანია მიღებული ცოდნის პრაქტიკაში განხორციელების მხარდაჭერაც“. აღნიშნული სასწავლო პროგრამა ორგანიზებული იყო სამოქალაქო საზოგადოების ინსტიტუტის (CSI) მიერ, USAID–ის ადგილობრივი თვითმმართველობის პროგრამის ფარგლებში. იგი გაიმართა ბათუმის, ჩოხატაურის, დმანისის და მარნეულის მუნიციპალიტეტებში და 103-მა საკრებულოს წევრმა და აპარატის თანამშრომელმა მიიღო მონაწილეობა.

აჭარა.თავისუფალ ჟურნალისტთა სახლი აჭარაში დამატებით 10 საჯარო სკოლასთან ითანამშრომლებს, რომლებიც კონკურსის წესით შეირჩა.  თანამშრომლობა პროექტის "დემოკრატიული ღირებულებების გაძლიერება სამოქალაქო ქსელის მეშვეობით აჭარაში“ ფარგლებში შედგება.  ათივე საჯარო სკოლის სამოქალაქო კლუბის წევრებისა და პედაგოგების მონაწილეობით, სხვადასხვა ღონისძიება განხორციელდება.  მათ შესახებ დეტალურ ინფორმაციას კი მომავალში გაგაცნობთ. პროექტის მხარდამჭერია ფონდი “ეროვნული წვლილი დემოკრატიისთვის”. სრულად... წყარო: თავისუფალ ჟურნალისტთა სახლი 

თბილისი.სოციალური სამართლიანობის ცენტრი ჯუდით ბატლერის სტატიის თარგმანს „არაძალადობის ძალა“ ავრცელებს.  სტატიის მიზანია, ძალადობის დეფინიციის სირთულის აღიარება მაშინ, როცა ის ინსტუმენტულ განსაზღვრებებს, პოლიტიკურ ინტერესებს და სახელმწიფო ძალადობის გამართლებას ემსახურება. სრულად... წყარო: სოციალური სამართლიანობის ცენტრი 

თბილისი.საქართველოს ახალგაზრდა იურისტთა ასოციაცია ავრცელებს განცხადებას „სამოქალაქო უფლებების შეზღუდვის მზარდი ტენდენცია ახალი საკანონმდებლო ცვლილებებით გრძელდება“.  „შემაშფოთებელია, რომ თავისუფალი გამოხატვის, შეკრებისა და მანიფესტაციის უფლებების შეზღუდვის მზარდი ტენდენცია კანონში ცვლილებების შეტანის ინიციატივით გრძელდება, რასთან დაკავშირებითაც მოთხოვნილია კანონპროექტის დაჩქარებული წესით განხილვა.  (...) ინიცირებული ცვლილებების მიზანი სამოქალაქო უფლებების კიდევ უფრო შეზღუდვაა, რაც გამოიწვევს ქვეყანაში თავისუფალი გამოხატვის სივრცის შევიწროებას, შედეგად კი, ეს პირდაპირ მოახდენს გავლენას ქვეყნის დემოკრატიის, შესაბამისად, ადამიანების კეთილდღეობის ხარისხზე“, ნათქვამია საიას განცხადებაში. სრულად... წყარო: საქართველოს ახალგაზრდა იურისტთა ასოციაცია 

თბილისი.თბილისის ახალგაზრდულ ცენტრში ჩატარდა გაეროს მოდელირების მომდევნო შეხვედრა.  შეხვედრა ჩატარდა USAID პროგრამის "ერთიანობა მრავალფეროვნებაშია" ფარგლებში, რომელსაც საქართველოს გაეროს ასოციაცია ილიას სახელმწიფო უნივერსიტეტთან თანამშრომლობით, აშშ-ის შეერთებული შტატების საერთაშორისო განვითარების სააგენტოს (USAID) ფინანსური მხარდაჭერით ახორციელებს. სრულად... წყარო: თბილისის ახალგაზრდული ცენტრი 

თბილისი.ადამიანის უფლებათა ცენტრმა ანგარიში გამოაქვეყნა: ,,ადამიანის უფლებათა მდგომარეობა ცხინვალის რეგიონის საოკუპაციო ხაზის მიმდებარე სოფლებში''  ანგარიშში მიმოხილული და გაანალიზებულია 2023 წლის აპრილიდან 2023 წლის სექტემბრმდე ადამიანის უფლებათა მდგომარეობა საქართველოს ოკუპირებულ ტერიტორიასა და სახელმწიფოს კონტროლირებად ტერიტორიას შორის გამყოფი ხაზების მახლობლად მდებარე სოფლებში. წყარო: ადამიანის უფლებათა სახლი

სამოქალაქო საზოგადოების ინსტიტუტის ონლაინ პლატფორმის – e-learning.ge კურსდამთავრებულები საზოგადოებას უზიარებენ რა გამოცდილება და ცოდნა მიიღეს სწავლებისას. მალვინა კონცელიძე ქედის მუნიციპალიტეტის მერიის საზოგადოებასთან ურთიერთობის სპეციალისტია, რომელმაც, სამოქალაქო საზოგადოების ინსტიტუტის, ონლაინ სასწავლო კურსი – მონაწილეობითი ბიუჯეტირება გაიარა. იგი ონლაინ სწავლებით კმაყოფილია და აღნიშნავს, რომ კურსის საშუალებით მიიღო როგორც თეორიული ცოდნა, ასევე გაეცნო პრაქტიკულ მაგალითებს მონაწილეობითი ბიუჯეტირების შესახებ. „საინტერესო ის არის, რომ მონაწილეობითი ბიუჯეტირება ერთ–ერთი საუკეთესო მეთოდია გადაწყვეტილების მიღების პროცესში მოქალაქეთა ჩართულობის გაზრდისთვის“ მალვინა მიღებული ცოდნის გამოყენებას, ქედის მუნიციპალიტეტის მერიის მიერ მონაწილეობითი ბიუჯეტირების პროგრამის განხორციელების დაწყებისთანავე გეგმავს. სამოქალაქო საზოგადოების ინსტიტუტის „მონაწილეობითი ბიუჯეტირების“ ონლაინ სასწავლო პროგრამა USAID–ის ადგილობრივი თვითმმართველობის პროგრამის მხარდაჭერით წარიმართა.

თბილისი.საზოგადოებრივი ორგანიზაციები ეხმიანებიან აგვისტოსა (რაჭა) და სექტემბერში (გურია) მომხდარ ბუნებრივ კატასტროფებს და ეფექტიანი გამოძიების ჩატარებას ითხოვენ. სრულად...

თბილისი.საერთაშორისო გამჭვირვალობა – საქართველო სატელევიზიო სარეკლამო ბაზრის კვლევას აქვეყნებს. კვლევა ყოველწლიურია და ამჯერად იგი 2022 წლის მონაცემებს მოიცავს. კვლევა... წყარო: საერთაშორისო გამჭვირვალობა – საქართველო 

თბილისი. საქართველოს ახალგაზრდა იურისტთა ასოციაციამ მოამზადა პრაქტიკული სახელმძღვანელო ჟურნალისტებისთვის საჯარო ინფორმაციის მიღების საკითხთან დაკავშირებით. „განეკუთვნება თუ არა საინტერესო მასალა საჯარო ინფორმაციის კატეგორიას, როგორ უნდა იქნეს იგი გამოთხოვილი და რა ბერკეტები არსებობს მოთხოვნაზე უკანონოდ უარის თქმის შემთხვევაში - სწორედ ამ ასპექტების შესახებ მედიის წარმომადგენელთა ინფორმირებას ისახავს მიზნად სახელმძღვანელო.“ სრულად... წყარო: საქართველოს ახალგაზრდა იურისტთა ასოციაცა

თბილისი. სოციალური სამართლიანობის ცენტრი ნინო ჩიქოვანის მიერ მომზადებულ სტატიას ავრცელებს, რომელშიც საქართველოში 1980-1990-იან წლებში მიმდინარე რთული და წინააღმდეგობრივი პროცესებია აღწერილი. სრულად... წყარო: სოციალური სამართლიანობის ცენტრი

თბილისი. ტოლერანტობის და მრავალფეროვნების ინსტიტუტისა და ოსლოს უნივერსიტეტის ადამიანის უფლებათა ნორვეგიული ცენტრის ერთობლივი სასერთიფიკატო კურსი დაიწყო.  კურსის მოდული შედგება ოთხი ყოველკვირეული ონლაინ და დასკვნითი სრულდღიანი სემინარისგან (ფიზიკურ სივრცეში).  სემინარებს უძღვებიან TDI-ის, ოქსფორდის უნივერსიტეტისა და ოსლოს უნივერსიტეტის ადამიანის უფლებათა ნორვეგიული ცენტრის ექსპერტები.  ეს არის პირველი სასერტიფიკატო კურსი საქართველოში, რომელიც ფოკუსირებულია რელიგიისა და რწმენის თავისუფლებაზე. სრულად... წყარო: ტოლერანტობის და მრავალფეროვნების ინსტიტუტი

სამოქალაქო საზოგადოების ინსტიტუტის ონლაინ პლატფორმის – e-learning.ge კურსდამთავრებულები საზოგადოებას უზიარებენ რა გამოცდილება და ცოდნა მიიღეს სწავლებისას. მარიამ ანსიანი საზოგადოებრივ საქმეთა ინსტიტუტის (GIPA) სამართლის საბაკალავრო პროგრამის, ასევე ბერლინის სამართლისა და ეკონომიკის სკოლის (HWR Berlin) სტუდენტია. იგი ზემო სვანეთის ადგილობრივი განვითარების ჯგუფის (LAG) ახალგაზრდული გუნდის წევრია.  მარიამი მუნიციპალური ცენტრიდან მოშორებით მდებარე ერთ–ერთი თემიდანაა და შესაბამისად, მისთვის ნაცნობია ადგილობრივი მოსახლეობის, მოწყვლადი ჯგუფების საჭირობები, ამიტომ მის ინტერესის საგანს წარმოადგენს მუნიციპალური პრობლემების ადვოკატირება. შესაბაბმისად, ცდილობს ამ მიმართულებით რესურსების მოძიებასა და ცოდნის გაღრმავებას, აინტერესებს სიახლეები თუ როგორ შეიძლება ჩაერთოს მოქალაქე ადგილობრივ დონეზე გადაწყვეტილების მიღების პროცეში და გახდეს პოლიტიკის თანაშემქნელი.  ადგილობრივი თვითმმართველობის გახსორციელებისთვის უმნიშვნელოვანესია ბიუჯეტის პრიორიტეტების სწორად დაგეგმვა, შემუშავება, დამტკიცება და შემდგო მონიტორინგი. ამიტომ მარიამმა გადაწყვიტა მონაწილეობითი ბიუჯეტირების სასწავლო კურსი გაევლო, რათა პრაქტიკული ცოდნა მიეღო ბიუჯეტის ფორმირების ეტაპებზე და პროცესში მოქალაქეთა მონაწილეობის დამატებით მექანიზმებზე.  „ვფიქრობ, სწორ დროს სწორ ადგილას აღმოვჩნდი და მივიღე პრაქტიკული ცოდნა ადგილობრივი განვითარების, განსაკუთრებით ბიუჯეტირების პროცესში მოქალაქეთა მონაწილეობის მექანიზმებზე“, ამბობს მარიამი.  იგი არ მალავს, რომ კურსის დაწყებამდე ონლაინ სწავლების მიმართ სკეპტიკურად იყო განწყობილი და თვლის, რომ ონლაინ სასწავლო კურსების სიმრავლე მათ ხარისხს არ განაპირობებს. „ეს არ ეხება სამოქალაქო საზოგადოების ინსტიტუტის სასწავლო კურსს“, აღნიშნავს მარიამი და დასძენს, რომ კურსი „კარგად იყო ორგანიზებული, სასწავლო გეგმა კარგად გაწერილი, შეფასების სისტემა სამართლიანი და გამჭვირვალე და რაც ყველაზე მნიშვნელოვანია, მონაწილეზეა მორგებული სწავლების განრიგი, რაც იმას ნიშნავს, რომ სალექციო კურსის მოსმენა ყველგან და ყოველვთვის შეგიძლია“.  მარიამი ამბობს, რომ კურსი და მიღებული ცოდნა, შესაძლოა, მისთვის არაერთი პროექტის წამოწყების ინსპირაციის საგანი გახდეს მომავალში. ამ ეტაპზე სწავლას გერმანიაში აგრძელებს და ონლაინ კურსზე მიღებული ცოდნის პრაქტიკაში გამოყენების შესაძლებლობა ჯერჯერობით არ მიეცა, თუმცა მიღებული ცოდნის გამრავალფეროვნებასა და გავრცობას გეგმავს, სანამ მათ პრაქტიკაში გამოყენებას დაიწყებს.  სამოქალაქო საზოგადოების ინსტიტუტის „მონაწილეობითი ბიუჯეტირების“ ონლაინ სასწავლო პროგრამა USAID–ისადგილობრივი თვითმმართველობის პროგრამა-ის მხარდაჭერით წარიმართა.

1 ოქტომბერს გორსა და კასპში საქართველოს პარლამენტის შუალედური, ხოლო გურჯაანში მუნიციპალიტეტის მერის რიგგარეშე არჩევნები გაიმართება. სამართლიანი არჩევნების ინფორმაციით, შუალედური/რიგგარეშე არჩევნებისთვის სულ 133 საარჩევნო უბანი გაიხსნება, მათ შორის 103 უბანზე კენჭისყრა ელექტრონული ტექნოლოგიების (ამომრჩეველთა ვერიფიკაციის, ხმის მიცემისა და დათვლის აპარატების) გამოყენებით ჩატარდება.  2024 წელს საქართველოს პარლამენტის არჩევნები ელექტრონული ტექნოლოგიების გამოყენებით უნდა ჩატარდეს, ამდენად, კიდევ ერთხელ მათი პრაქტიკაში გამოცდა მნიშვნელოვანია. აქედან გამომდინარე, „სამართლიანი არჩევნებისა და დემოკრატიის საერთაშორისო საზოგადოება“ 1 ოქტომბერს შუალედურ/რიგგარეშე არჩევნებზე დაკვირვებისას აქცენტს სწორედ ელექტრონული ტექნოლოგიებით ხმის მიცემისა და დათვლის პროცედურებზე გააკეთებს.  სრულად... წყარო: სამართლიანი არჩევნები