კახეთი.სოციალური სამართლიანობის ცენტრის მომზადებულ ვიდეო რგოლში საგარეჯოს მუნიციპალიტეტში მდებარე სოფლის, იორმუღანლოს მოსახლეობა საკუთარ პრობლემებზე საუბრობს. სოფლის მოსახლეობისთვის ისეთი ბაზისური ინფრასტრუქტურა როგორიცაა წყალი, გაზი, საბავშვო ბაღი, სკოლა ჯერ კიდევ მიუწვდომელია. იორმუღანლოელები ამ პრობლემების მოგვარებას დიდი ხანია ითხოვენ, თუმცა ამბობენ, რომ მათი ხმა და საჭიროებები მუნიციპალიტეტისთვის მნიშვნელოვანი არ არის. სრულად... წყარო: სოციალური სამართლიანობის ცენტრი

შიდა ქართლი. სამოქალაქო მოძრაობა „ტალღა“, რეგიონებში დაბალი საარჩევნო ბარიერის შესახებ ცნობიერების ამაღლების მიზნით კამპანიას მართავს.  კასპის მუნიციპალიტეტში პროექტი 5 ნოემბერს დაიწყება და 4 კვირის განმავლობაში ყოველ კვირას სხვადასხვა ღონისძიებები გაიმართება. „ტალღის“ ადგილობრივი პარტნიორია სათემო ორგანიზაცია „კომლი“. პროექტის მონაწილეები მოუსმენენ სპიკერებს არჩევნების, საარჩევნო სისტემების და 2%-იანი საარჩევნო ბარიერის შესახებ, თავად დაგეგმავენ და ჩაატარებენ „იმიტირებულ არჩევნებს“, პრაქტიკული მაგალითებით მიიღებენ ინფორმაციას არჩევნების და დემოკრატიის მუშაობის პრინციპების შესახებ. პროექტი ხორციელდება კონსულტაციისა და ტრენინგის ცენტრი - CTC-ს მხარდაჭერით, ევროკავშირისა და კონრად ადენაუერის ფონდის მიერ დაფინანსებული პროექტის „სამოქალაქო საზოგადოების ინიციატივა“ (STAR Initiative) ფარგლებში.  სრულად... წყარო: დაწიე ბარიერი

საქართველოს სტრატეგიული კვლევების და განვითარების ცენტრი აგრძელებს შეხვედრების ციკლს სათაურით „სათემო საუბრები“. 6 ნოემბერს გაიმართება შეხვედრა „მეწარმეობის ხელშემწყობი პროექტები სოფლად“. შეხვედრები ხორციელდება გაეროს ერთობლივი პროგრამის „გენდერული თანასწორობისათვის საქართველოში“ დაფინანსებით მიმდინარე პროექტის - "ქალთა გაძლიერება ცვლილებისათვის" ფარგლებში. სრულად... წყარო: თემის განვითარების რესურს ცენტრი

აჭარა.პროექტი „ახალგაზრდები დღეს“ დაიწყო. აქტივობა განათლების განვითარების და დასაქმების ცენტრის მხარდაჭერით ხორციელდება, რომლის მიზანია აჭარის რეგიონში მცხოვრები ახალგაზრდების შრომითი გარემოს და შრომის უნარიანობის გაუმჯობესების ხელშეწყობა. პროექტში ჩართულმა ახალგაზრდებმა "პროფესიული თვითგამორკვევის" ტრენინგი გაიარეს. პროექტს „სამოქალაქო საზოგადოების ინიციატივა“ ახორციელებს კონსორციუმი კონრად ადენაუერის ფონდის (KAS) ხელმძღვანელობით შემდეგ არასამთავრობო ორგანიზაციებთან ერთად - საქართველოს სტრატეგიული კვლევებისა და განვითარების ცენტრი (CSRDG), სამოქალაქო საზოგადოების ინსტიტუტი (CSI), კონსულტაციის და ტრენინგის ცენტრი (CTC), განათლების განვითარების და დასაქმების ცენტრი (EDEC) და ევროპული პოლიტიკის ინსტიტუტი (IEP). სრულად... წყარო: ახალგაზრდები საზოგადოებრივი ინტერესებისთვის

თბილისი.საქართველოს ახალგაზრდა იურისტთა ასოციაციამ, გამოაქვეყნა ანგარიში: „7–9 მარტის აქციის დაშლასა და მასთან დაკავშირებული ადამიანის უფლებათა დარღვევის ფაქტების შეფასება“.  „ანგარიშის თანახმად, საქართველოს შინაგან საქმეთა სამინისტროს მიერ მარტის აქციების დაშლის შესახებ მიღებულმა გადაწყვეტილებებმა დაარღვია საქართველოს კონსტიტუციითა და საქართველოს საერთაშორისო ხელშეკრულებებით გარანტირებული მშვიდობიანი შეკრებისა და მანიფესტაციის უფლება“, ნათქვამია ორგანიზაციის გვერდზე. სრულად... წყარო: საქართველოს ახალგაზრდა იურისტთა ასოციაცა

თბილისი.საზოგადოებრივმა ორგანიზაციებმა ერთობლივი განცხადება გაავრცელეს, სადაც ნათქვამია, რომ „ხელისუფლება მოსამართლეებისა და ყოფილი მთავარი პროკურორის სანქცირებაზე არ რეაგირებს“. სსო–ები მოუწოდებენ საქართველოს ხელისუფლებას მოვუწოდებთ „შეწყვიტოს სანქცირებული პირების ინტერესების დაცვა და ამით ქვეყნის დასავლური სივრცისგან დაშორება, ადეკვატური რეაგირება მოახდინოს და კონკრეტული ნაბიჯები გადადგას სანქცირების ფაქტით ქვეყნისთვის მიყენებული ზიანის გამოსასწორებლად“. სრულად... წყარო: ღია საზოგადოების ფონდი 

თბილისი.საქართველოს სხვადასხვა სექტორის 600-ზე მეტი წარმომადგენელი, სოციალური საწარმოების გამოფენაზე შეიკრიბა, რომელიც საქართველოს სტრატეგული კვლევებისა და განვითარების ცენტრმა ევროკავშირის მხარდაჭერით გამართა.  ღონისძიების სტუმრებს შესაძლებლობა ჰქონდათ ერთ სივრცეში გასცნობოდნენ მოწინავე ქართული სოციალური საწარმოების პროდუქციასა და მომსახურებას. ღონისძიების ფარგლებში, 100-მდე ორგანიზაციის ჩართულობით, სოციალურ მეწარმეებთან 150-ზე მეტი ინდივიდუალური შეხვედრა გაიმართა და სამომავლო თანამშრომლობის შესაძლებლობები დაიგეგმა, რომელიც ხელს შეუწყობს საქართველოში პასუხისმგებლიანი შესყიდვების პრაქტიკის დანერგვასა და მდგრადი დადებითი გავლენის შექმნას როგორც სოციალურ, ასევე გარემოსდაცვით სფეროებში.  სრულად... წყარო: ევროკავშირის წარმომადგენლობა საქართველოში 

თბილისი.საქართველოს ახალგაზრდა იურისტთა ასოციაცია, გერმანიის საერთაშორისო თანამშრომლობის საზოგადოების დაფინანსებით, ახალ პროექტს "სოციალური კაპიტალის შექმნა სსო-ებისა და ადგილობრივი ქსელის გაძლიერებით" იწყებს. პროექტის მიზანია ხელი შეუწყოს მდგრად და ინკლუზიურ ადგილობრივ განვითარებას საქართველოს სხვადასხვა რეგიონში.  პროექტის ფარგლებში საქართველოს ახალგაზრდა იურისტთა ასოციაცია, დახურული საგრანტო კონკურსის შედეგად, გასცემს მცირე გრანტებს რეგიონებში მოქმედ სამოქალაქო საზოგადოებრივ ორგანიზაციებსა და არაფორმალურ საინიციატივო ჯგუფებისთვის, რათა ხელი შეუწყოს მათ გაძლიერებასა და ადგილობრივი მოსახლეობის პირობების გაუმჯობესებას.  სრულად... წყარო: საქართველოს ახალგაზრდა იურისტთა ასოციაცია

თბილისი.კოალიცია დამოუკიდებელი ცხოვრებისათვის რეგიონში პარტნიორი ქვეყნების ორგანიზაციებთან ერთად — უნისონი (სომხეთი) და შეზღუდული შესაძლებლობის მქონე პირთა რეაბილიტაციის ასოციაცია (მოლდოვა) ახორციელებს პროექტს "მოლდოვის, სომხეთის და საქართველოს შეზღუდული შესაძლებლობის მქონე პირთა ორგანიზაციები ჩართულობისა და თანამშრომლობისთვის". პროექტის ფარგლებში კოალიციამ დამოუკიდებელი ცხოვრებისთვის ევროკავშირის მხარდაჭერით მოამზადა კვლევა, რომლის ძირითადი მიზანია ხელი შეუწყოს საქართველოში არსებული საკანონმდებლო ჩარჩოს გაუმჯობესებასა და შშმ პირთა უფლებების ეფექტურად დაცვას.  სრულად... წყარო: კოალიცია დამოუკიდებელი ცხოვრებისათვის 

იმერეთი.ორგანიზაცია „თაობათა დიალოგმა“ მოსწავლეთა თვითმმართველობის გაძლიერების პროგრამა „ღია თვითმმართველობა“ დაიწყო.  გეიმიფიცირებული პროგრამა უკვე მეორედ განხორციელდება და იგი ითვალისწინებს ისეთი აქტივობების განხორციელებას რომლებიც მიმართულია:  გააძლიეროს სკოლის მოსწავლეთა თვითმმართველობები;  გაზარდოს თვითმმართველობის საქმიანობაში მოსწავლეთა ჩართულობა;  გაზარდოს თვითმმართველობის მონაწილეობა სკოლაში გადაწყვეტილების მიღების პროცესში;  გააქტიუროს თვითმმართველობები სხვადასხვა პროექტების რეალიზებასა და აქტივობების ჩატარებაში.  პროგრამა იმართება USAID-ის სამოქალაქო განათლების პროგრამის ფარგლებში. პროექტს PH International - საქართველო ახორციელებს, საქართველოს განათლებისა და მეცნიერების სამინისტროს მხარდაჭერით. იგი დაფინანსებულია USAID-ის მიერ და მისი მიზანია მაღალი მოქალაქეობრივი შეგნების, სამოქალაქო პროცესებში ჩართული ახალგაზრდების აღზრდა. სრულად... წყარო: თაობათა დიალოგი

თბილისი.29 ოქტომბერს საგანმანათლებლო-საკონსულტაციო ორგანიზაცია Edu-Guide.Ge  „განათლების საერთაშორისო გამოფენა თბილისი 2023“ გამართავს. ღონისძიება სასტუმრო Courtyard Marriott-ში  გაიმართება. სრულად... წყარო: Edu-Guide.Ge, British Council Georgia

თბილისი.ინფორმაციის თავისუფლების განვითარების ინსტიტუტი აგრძელებს თანამდებობის პირების მიერ მიღებული საჩუქრების შესახებ ინფორმაციის გამოქვეყნებას.  ამჯერად აქვეყნებს მოსამართლეების დეკლარაციების მონიტორინგის შედეგებს.  „2020-2022 წლებში 49 მოსამართლემ ან მისმა ოჯახის წევრმა მიიღო 5 მილიონი ლარის ღირებულების საჩუქარი. მათ შორის: •ფულადი საჩუქარი - 2,3 მილიონი ლარი;  •უძრავი ქონება - 2.6 მილიონი ლარი; •ავტომობილები და სხვა ფასიანი ნივთები - 129.5 ათასი ლარი.  ყველაზე ძვირადღირებული საჩუქრების მიმღებ მოსამართლეებს შორისაა აშშ-ს სახელმწიფო დეპარტამენტის მიერ სანქცირებული მიხეილ ჩინჩალაძე, რომლის ოჯახის წევრებმა საჩუქრის სახით მიიღეს 68,8 ათასი აშშ დოლარი და 2,3 ათასი ლარი“, ნათქვამია ორგანიზაციის გვერდზე. სრულად... წყარო: ინფორმაციის თავისუფლების განვითარების ინსტიტუტი

თბილისი.კავკასიის გარემოსდაცვითი არასამთვრობო ორგანიზაციების ქსელი (CENN) პროექტის „საზოგადოების გაძლიერება ცირკულარული გადაწყვეტების დანერგვისათვის საქართველოში“ ფარგლებში ახალ სტატიას აქვეყნებს, რომელიც პლასტმასის გამძლეობასა და მის მოხმარებას ეხება.  გაიგეთ მეტი რა ზიანი მოაქვს პლასტმასას ბუნებისთვის. სრულად...  წყარო: კავკასიის გარემოსდაცვითი არასამთავრობო ორგანიზაციების ქსელი ეკოლოგია

თბილისი.სოციალური სამართლიანობის ცენტრმა საქართველოს უსაფრთხოების სექტორში საჯარო ინფორმაციის ხელმისაწვდომობის საკითხი გაანალიზა და ახალი დოკუმენტი წარმოადგინა – „არა (საჯარო) ინფორმაცია - სახელმწიფო უწყებების გაუარესებული ანგარიშვალდებულება“. „სახელმწიფო უწყებების ანგარიშვალდებულების ხარისხი გაუარესდა. გამოიკვეთა ისეთი ტენდენცია, როგორიცაა უწყებების მიერ ინფორმაციაზე წვდომის შეზღუდვის საფუძვლების გაფართოება, მათ შორის ცალსახად სტატისტიკური მონაცემების მოქცევა სახელმწიფო საიდუმლოების შემცველ ინფორმაციათა კატეგორიაში“, ნათქვამია ორგანიზაციის გვერდზე. სრულად... წყარო: სოციალური სამართლიანობის ცენტრი

თბილისი.27 ოქტომბერს 12 საათზე რიგით მეოთხე მასშტაბური და გავლენაზე ორიენტირებული B2B გამოფენა ევროკავშირის (European Union in Georgia) მხარდაჭერითა და საქართველოს სტრატეგიული კვლევებისა და განვითარების ცენტრის (CSRDG) ორგანიზებით 12 საათზე გაიხსნა. გამოფენაში 50 სოციალური საწარმო მონაწილეობს, რომლებსაც სხვადასხვა სოციალური მიზანი ამოძრავებს და დღეს თქვენთან შესახვედრად თავიანთი პროდუქციითა და სერვისებით იქნებიან წარმოდგენილნი. სრულად... წყარო: საქართველოს სტრატეგიული კვლევებისა და განვითარების ცენტრი

თბილისი.გაეროს განვითარების პროგრამამ ახალი სახელმძღვანელო „შეზღუდული შესაძლებლობის მქონე პირთა არსებითი მონაწილეობა გადაწყვეტილების მიღების პროცესში“ გამოაქვეყნა.  სახელმძღვანელოს საჯარო განხილვა 25 ოქტომბერს გაიმართა. მსჯელობაში მონაწილეობა მიიღეს შშმ პირებმა და შშმ პირთა საკითხებზე მოუშავე ორგანიზაციების, სამოქალაქო საზოგადოებისა და საქართველოს სახალხო დამცველის წარმომადგენლებმა.  სახელმძღვანელო გაეროს განვითარების პროგრამისა და გაეროს შშმ პირთა უფლებების დაცვის მრავალ-პარტნიორული ნდობის ფონდის (UNPRPD MPTF) მხარდაჭერით შეიქმნა.  სრულად... წყარო: გაეროს განვითარების პროგრამა

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს.  ელ-ბიულეტენი…

თბილისი. საქართველოს ახალგაზრდა იურისტთა ასოციაციამ საკონსტიტუციო სასამართლოში გაასაჩივრა „პოლიციის შესახებ“ საქართველოს კანონის და შინაგან საქმეთა მინისტრის ბრძანების ის ნორმები, რომლებიც სახელმწიფოს სათანადო გარანტიების გარეშე რეზინის ტყვიის გამოყენებას უფლებამოსილებას ანიჭებს.  საიას მიაჩნია, რომ „საქართველოს კანონმდებლობა არ აკმაყოფილებს „სამართალდამცავი საქმიანობისას ნაკლებად ლეტალური იარაღის გამოყენების შესახებ“ გაეროს ადამიანის უფლებათა უმაღლესი კომისრის სახელმძღვანელო დებულებებს“.  სარჩელი მომზადებულია საერთაშორისო პარტნიორობა ადამიანის უფლებებისათვის (IPHR) -ის ფინანსური ხელშეწყობით, პროექტის „პროტესტის უფლების ხელშეწყობა ევრაზიის რეგიონში" ფარგლებში.  სრულად...  წყარო: საქართველოს ახალგაზრდა იურისტთა

ახალქალაქსა და თბილისში ინფორმაციის თავისუფლების განვითარების ინსტიტუტმა პროექტის „ეთნიკურ უმცირესობებში დეზინფორმაციასთან საბრძოლველად ბარიერების დაძლევა“ ფარგლებში საინფორმაციო შეხვედრა გამართა. პროექტი მიზნად ისახავს, საქართველოს სოფლად მცხოვრები ეთნიკური უმცირესობების თემებში ნატოს შესახებ ცოდნის ნაკლებობის აღმოფხვრას;  საზოგადოების მხრიდან მიტოვებულობის განცდის წინააღმდეგ ბრძოლასა და უსაფრთხოების გარანტიების გაცნობას, რომელსაც საქართველო მიიღებს ნატოს წევრობის შემთხვევაში; ასევე ეთნიკური უმცირესობების თემების მდგრადობის ხელშეწყობას დეზინფორმაციის მიმართ, ნატოსა და მისი მისიის შესახებ ცნობიერების ამაღლებას საქართველოში. ღონისძიება განხორციელდა NATO Public Diplomacy Programmes/Division-ის ფინანსური მხარდაჭერით. სრულად...  წყარო: ინფორმაციის თავისუფლების განვითარების ინსტიტუტი

გაეროს განვითარების პროგრამამ საქართველოს სოფლის განვითარების სააგენტოსთან ერთად, ადგილობრივ ფერმერებს ახალი რესურსები და საგანმანათლებლო შესაძლებლობები შესთავაზა.  ოქტომბერში გამართულ შეხვედრაზე, პროექტის შესახებ იმსჯელეს გარემოს დაცვისა და სოფლის მეურნეობის სამინისტროს, სოფლის განვითარების სააგენტოს, გარემოს ეროვნული სააგენტოსა და სოფლის მეურნეობის სამეცნიერო-კვლევითი ცენტრის წარმომადგენლებმა და UNDP-ის მიერ მოწვეულმა საერთაშორისო ექსპერტებმა. აღნიშნული ინიციატივა ხორციელდება UNDP-ის ფართომასშტაბიანი კლიმატური პროგრამის ფარგლებში კლიმატის მწვანე ფონდის, შვედეთისა და შვეიცარიის დახმარებით.  სრულად... წყარო: გაეროს განვითარების პროგრამა

თბილისი.საერთაშორისო გამჭვირვალობა-საქართველომ ღია მმართველობის მუდმივმოქმედი საპარლამენტო საბჭოს საქმიანობა შეაფასა. შეფასებები და რეკომენდაციები ... წყარო: საერთაშორისო გამჭვირვალობა-საქართველო

თბილისი. 27 ოქტომბერს, „თავისუფალ ჟურნალისტთა სახლი“ დისკუსიათა ციკლს „მედიის თავისუფლება - გზა ევროინტეგრაციისკენ“ გამართავს.  დისკუსია შეეხება ურბანულ პოლიტიკას, მედიის თანამშრომლობას ამ დარგის სპეციალისტებთან, გამოწვევებსა და შესაძლებლობებს. განხილული იქნება, რა გავლენას ახდენს კვალიფიციური მედიაგაშუქება მიმდინარე პროცესებზე და რამდენად მნიშვნელოვანია დამოუკიდებელი ჟურნალისტიკა ქალაქზე მორგებული ურბანული გადაწყვეტილებების ადვოკატირებისთვის. სრულად... წყარო: თავისუფალ ჟურნალისტთა სახლი