13 ივლისს, 17:00 საათზე, კიბერმედეგობის ცენტრი (CRC) გთავაზობთ ონლაინ დისკუსიას - „ქალები კიბერუსაფრთხოებაში“. დისკუსიის ფარგლებში განიხილება კიბერუსაფრთხოების სექტორში გოგონებისთვის არსებული როგორც პროფესიული, ისე კარიერული შესაძლებლობები და მსოფლიო ტენდენციები ტექნოლოგიების მიმართულებით თანასწორუფლებიანი გარემოს წასახალისებლად. სრულად...

13 ივლისს, 13:00 საათზე, სახალხო დამცველის ოფისში, „ერთიანი ნაციონალური მოძრაობის“ ახალგაზრდული ორგანიზაციის წევრი ლუკა შველიძე პარტიის ადვოკატთან, ლაშა ტყეშელაძესთან ერთად სახალხო დამცველს შეხვდება. თემა: სახელმწიფო უნივერსიტეტში განხორციელებული ძალადობა. მისამართი: თბილისი, დავით აღმაშენებლის გამზ. #80

თბილისი. საერთაშორისო გამჭვირვალობა - საქართველო გიზიარებთ ინფორმაციას თუ რა სიახლეები შევიდა კანონმდებლობაში ცხოველებთან დაკავშირებით. ძაღლის საბელის ან ალიკაპის გარეშე ღია სივრცეში გასეირნება 150 ლარით დაჯარიმდება (20 ლარის ნაცვლად), ხოლო 1 წლის განმავლობაში განმეორებით ჩადენა - 300 ლარით (50 ლარის ნაცვლად). ცხოველის დასახიჩრება დაისჯება ჯარიმით, საზოგადოებისათვის სასარგებლო შრომით, შინაპატიმრობით ან თავისუფლების აღკვეთით ვადით 2 წლამდე (ნაცვლად 1 წლისა). ცხოველზე ძალადობა და წამება, რომელმაც მისი დაღუპვა გამოიწვია დაისჯება ჯარიმით, შინაპატიმრობით ან თავისუფლების აღკვეთით ვადით 4 წლამდე (ნაცვლად 1 წლისა). სრულად... წყარო: ორგანიზაციის გვერდი სოციალურ ქსელში

თბილისი. გაეცანით უკუკავშირებს და ვიდეოებს, რომლებშიც ადამიანები ჰყვებიან იმ სასარგებლო გამოცდილებების შესახებ, რაც სამოქალაქო და საზოგადოებრივი ორგანიზაციების მიერ განხორციელებული პროექტებიდან მიიღეს. პოსტერი მომზადებულია პროექტის „სწრაფი რეაგირება მოსახლეობის ინფორმირებულობისთვის“ ფარგლებში საქართველოს შემეცნებითი ცენტრი, ფემინა, სხეულზე ორიენტირებული ფსიქოთერაპიის ასოციაცია და კომლის თანამშრომლობით. პროექტი მხარდაჭერილია საქართველოში ქალთა ფონდის მიერ. სრულად... წყარო: ორგანიზაციის გვერდი სოციალურ ქსელში

თბილისი. სოციალური სამართლიანობის ცენტრი გიზიარებთ სარა აჰმედის ტექსტის ქართულენოვან თარგმანს „სიხარულის ჩაშხამება ფემინისტურად: ფემინიზმი და ბედნიერების ისტორია“, ჰაინრიჰ ბიოლის ფონდის თბილისის ოფისის მიერ გამოცემული ფემინისტური კრებულიდან „ქვიარ გრძნობები“. სრულად... წყარო: feminism-boell.org

სამეგრელო. „საერთაშორისო გამჭვირვალობა - საქართველომ” შეაფასა ზუგდიდის მუნიციპალიტეტის საკრებულოს 2022 წელს გაწეული საქმიანობა. ანგარიში ეფუძნება საკრებულოდან გამოთხოვილ, საკრებულოს ოფიციალურ ვებ-გვერდზე არსებულ ინფორმაციას და ორგანიზაციის დაკვირვებებს. კვლევის საანგარიშო პერიოდი მოიცავს 2022 წელს. ძირითადი მიგნებები და რეკომენდაციები ვრცლად იხილეთ ანგარიშში... წყარო: transparency.ge

თბილისი. სოციალური სამართლიანობის ცენტრი გთავაზობთ ახალ მიმოხილვას: პასუხი პოპულისტურ გამოწვევას: ადამიანის უფლებადამცველი ორგანიზაციების ახალი ტაქტიკები. მიმოხილვა სრულად იხ. ბმულზე... „მსოფლიოს მასშტაბით პოპულისტი მთავრობებისა და აქტორების მომრავლება მნიშვნელოვან რისკებსა და გამოწვევებს წარმოშობს ადამიანის უფლებათა დაცვისა და ამ სფეროში მოქმედი ორგანიზაციებისთვის, თუმცა ამ მოვლენას შეიძლება თან ახლდეს მოულოდნელი პოზიტიური შედეგიც: საგანგებო გამოწვევებმა უფლებადამცველ ორგანიზაციებს, შესაძლოა, ბიძგი მისცეს, თავიანთი მოქმედებების სტრატეგიებს გადახედონ და დამკვიდრებულ არქიტექტურაში ტრანსფორმაციულ გარდაქმნებზე დაიწყონ ფიქრი“. წყარო: socialjustice.org.ge

12 ივლისს, 20:00 საათზე, „კაფე მზიურში“ შეზღუდული შესაძლებლობების თემაზე MAC Georgia-სა და „რადიო თავისუფლების“ მოკლე ფილმების კონკურსის ფინალისტი ნამუშევრების კინოჩვენება და გამარჯვებულების დაჯილდოება გაიმართება. ღონისძიებაზე დასწრება თავისუფალია. სრულად...

ამ წუთებში, საქართველოს ინოვაციების და ტექნოლოგიების სააგენტოში (GITA), თბილისში, ქეა კავკასია უკრაინულ არასამთავრობო ორგანიზაციებთან და ქალთა საინიციატივო ჯგუფებთან მუშაობის გამოცდილებასა და მიღწევებს აჯამებს.

ამ წუთებში, სასტუმრო „რედისონ ბლუ ივერიაში“ ანგარიშის „საქართველოს პროკურატურის ანგარიშვალდებულება“ პრეზენტაცია იმართება, რომელიც მომზადებულია არასამთავრობო ორგანიზაცია „კანონის უზენაესობის ცენტრის“ მიერ, USAID სამართლის უზენაესობის პროგრამის მხარდაჭერით. მისამართი: თბილისი, ვარდების მოედანი #1 (სასტუმრო „რედისონ ბლუ ივერია“)

თბილისი. თუ გსურთ გაიგოთ: რა არის სახალხო დაფინანსება/ქრაუდფანდინგი, როგორ გამოიყენოთ ის თქვენს საქმიანობაში, რა ინსტრუმენტები არსებობს კამპანიის წარმოებისთვის, როგორ დაგეგმოთ და განახორციელოთ ქრაუდფანდინგის კამპანია, მაშინ გაიარეთ რეგისტრაცია და შეუერთდით საინფორმაციო შეხვედრას. დრო: 18 ივლისი, 15:00 - 18:00 საათი შეხვედრაზე დასასწრებად გაიარეთ რეგისტრაცია ბმულზე... შეხვედრა ხორციელდება CSRDG-ის მხარდაჭერით, ევროკავშირისა და კონრად ადენაუერის ფონდის დაფინანსებით მიმდინარე „სამოქალაქო საზოგადოების ინიციატივის“ ფარგლებში. სრულად... წყარო: ორგანიზაციის გვერდი სოციალურ ქსელში

თბილისი. ფაქტ ჩეკის ინფორმაციით, ევროკავშირში ქალაქების სიმწვანე ბოლო 25 წლის განმავლობაში 38%-ით გაიზარდა. ჩვენი ევროპული კეთილდღეობა ახლა ჩვენს ხელშია! ამიტომ, გაუზიარეთ სხვებსაც ეს ფაქტი ევროკავშირის შესახებ! სრულად... წყარო: ორგანიზაციის გვერდი სოციალურ ქსელში

სამცხე-ჯავახეთი. რონდელის ფონდის პროექტის „რეგიონული აქტივიზმის გაძლიერება მდგრადი ცვლილებისთვის“ ფარგლებში, საქართველოს რამდენიმე რეგიონში, იქ მცხოვრები ახალგაზრდების, საინიციატივო ჯგუფებისა და არასამთავრობო ორგანიზაციებისთვის გაცემული მცირე გრანტების ფარგლებში, გრძელდება სხვადასხვა აქტივობისა და ღონისძიების განხორციელება.  9 ივლისს, ახალციხეში ჩატარდა ინიციატივის „მოხალისეობრივი საქმიანობა-სამოქალაქო ჩართულობის გაძლიერება“ პირველი სამუშაო შეხვედრა და ტრენინგი. სამცხე-ჯავახეთის რეგიონიდან შერჩეულ მონაწილეებს ჩაუტარდათ ტრენინგი მოხალისეობრივი საქმიანობის მნიშვნელობისა და სამოქალაქო ჩართულობის შესახებ.  მცირე გრანტების ამ საპილოტე პროექტის მიზანია ხელი შეუწყოს სამოქალაქო აქტივობას, დემოკრატიული მმართველობის პრინციპების დანერგვას და ადგილობრივ დონეზე კულტურული და სოციალურ-ეკონომიკური განვითარებისთვის ახალგაზრდების ჩართულობის გაზრდას. სრულად... წყარო: ორგანიზაციის გვერდი სოციალურ ქსელში

თბილისი. საერთაშორისო გამჭვირვალობა საქართველოს კვლევის თანახმად, კომუნიკაციების ეროვნული კომისიის წევრმა, ნათია კუკულაძემ 2022 და 2023 წლებში შევსებულ დეკლარაციებში არ მიუთითა თანამდებობიდან მიღებული შემოსავალი, უძრავი ქონება და ინფორმაცია მისი მეუღლის, ოთარ ლორთქიფანიძის, სამეწარმეო საქმიანობის შესახებ. „კუკულაძესა და მის მეუღლეს ეკუთვნით 5 ერთეული დაუდეკლარირებელი უძრავი ქონება. დეკლარაციებში არ არის მითითებული ინფორმაცია მეუღლის, ოთარ ლორთქიფანიძის სამეწარმეო საქმიანობის შესახებ. კუკულაძემ დამალა ხელფასი, რომელსაც ის კომუნიკაციების ეროვნული კომისიის წევრობიდან იღებს. ინფორმაციისთვის, მარეგულირებელი კომისიის წევრების ანაზღაურება ერთ-ერთი ყველაზე მაღალია ქვეყანაში. 2020 წლის ქონებრივი დეკლარაციების მიხედვით, კომისიის წევრის საშუალო თვიური ანაზღაურება 15 ათას ლარს აღემატება“, ნათქვამია ორგანიზაციის ბლოგპოსტში. სრულად... წყარო: transparency.ge

თბილისი. გაეცანით ეკო მამალაძის ბლოგპოსტს: „ზეგანაკვეთური შრომა საჯარო სამსახურში: როცა საათიც მუშაობას წყვეტს“. „ზეგანაკვეთური შრომა გავრცელებული პრაქტიკაა როგორც საჯარო, ასევე კერძო სექტორში დასაქმებულთათვის, რაც კიდევ უფრო მეტ მნიშვნელობას სძენს კანონმდებლის მიერ საკითხის სათანადო რეგულირებასა და ამ მიმართულებით სახელმწიფოს მხრიდან ეფექტიანი ზედამხედველობის განხორციელებას. სამწუხაროდ, საქართველოს შრომის კულტურაში ზეგანაკვეთური სამუშაოს ანაზღაურების გარეშე შესრულება ნორმირებულია, რასაც ადასტურებს ბოლოდროინდელი კვლევები, რომლის თანახმად დამსაქმებლების მხრიდან ერთ-ერთი ყველაზე ხშირად დარღვეული უფლება ზეგანაკვეთური სამუშაოს ანაზღაურების დაუცველობა იყო“. სრულად... წყარო: gyla.ge

ამ წუთებში, USAID-ის სამოქალაქო განათლების პროგრამის ფარგლებში იმართება ლიდერი სკოლების ფორუმი „დემოკრატიული სკოლა“. მისამართი: თბილისი, 26 მაისის მოედანი #1 (Holiday Inn Tbilisi)

თბილისი. სამოქალაქო საზოგადოების ინსტიტუტის (CSI) მიერ გამოცხადებულ ბიუჯეტირების ონლაინ სასწავლო კურსზე განაცხადების მიღება დასრულდა.  კურსმა დიდი დაინტერესება გამოიწვია, საქართველოს ყველა რეგიონიდან 318 აპლიკაცია შემოვიდა. კურსის მონაწილეთა შერჩევა 17 ივლისამდე დასრულდება.  შერჩეული მონაწილეები, 18 ივლისს, ელექტრონული ფოსტით მიიღებენ ინფორმაციას კურსზე ჩარიცხვისა და სასწავლო განრიგის შესახებ.  ონლაინ კურსი გაიმართება USAID–ის ადგილობრივი თვითმმართველობის პროგრამის ფარგლებში.

თბილისი. ინფორმაციის თავისუფლების განვითარების ინსტიტუტი (IDFI) საფრანგეთის ელჩს, ქ-ნ შერაზ გასრის ეწვია.  ორგანიზაციის წარმომადგენლებმა ელჩს ორგანიზაციის საქმიანობა გააცნეს. შეხვედრის ფარგლებში, საუბარი შეეხო დემოკრატიული რეფორმების არსებულ გამოწვევებს და ევროკავშირთან ინტეგრაციის დღის წესრიგს. სრულად... წყარო: ორგანიზაციის გვერდი სოციალურ ქსელში

შიდა ქართლი. საქართველოს ახალგაზრდა იურისტთა ასოციაცია, გორში, ადგილობრივი მედიის წარმომადგენლებს შეხვდა და მათი უფლებების შესახებ დეტალური ინფორმაცია გააცნო. ჟურნალისტებმა მიიღეს ინფორმაცია იმ საერთაშორისო სტანდარტების შესახებ, რომლებიც საჯარო შეკრებების გაშუქების დროს მოქმედებს. მსმენელები გაეცნენ ასევე იმ ძირითად სამართლებრივ მექანიზმებს, რომლებიც ჟურნალისტებს დარღვეული უფლებების აღდგენაში დაეხმარება ეროვნულ და საერთაშორისო დონეზე. იხილეთ სახელმძღვანელო... სრულად... პროექტი ხორციელდება USAID სამართლის უზენაესობის პროგრამის მხარდაჭერით. წყარო: ორგანიზაციის გვერდი სოციალურ ქსელში

თბილისი. „საერთაშორისო გამჭვირვალობა - საქართველომ” აჭარაში გაჭიანურებული მსხვილი ინფრასტრუქტურული პროექტები და მათი მიმდინარეობა შეისწავლა. ორგანიზაციამ წინა მოკვლევის მსგავსად, ის პროექტები შეარჩია, რომელთა განხორციელება დაიწყო, გაფორმდა შესაბამისი ხელშეკრულებებიც, თუმცა დასრულების ვადები, ხელშეკრულებებში არაერთი ცვლილების შეტანის მიუხედავად, ამ დრომდე გაურკვეველია. იხ. სრულად... წყარო: transparency.ge

თბილისი. „უფლებები საქართველოს“ იურიდიული დახმარებით, ირანელ ბლოგერს საერთაშორისო დაცვა მიენიჭა. საქართველოში თავშესაფარს იგი 2015 წლიდან ითხოვდა.  „ბლოგერი ირანში საპრეზიდენტო არჩევნების შემდეგ საპროტესტო გამოსვლებსა და მოძრაობებზე ღიად საუბრობდა მედიებთან. აქვეყნებდა სტატიებს ირანის პოლიტიკურ და სოციალურ-ეკონომიკურ წყობაზე და ამერიკასთან აქტიური თანამშრომლობის და ირანის პოლიტიკურ სისტემაში ცვლილებების განხორციელების სურვილს საჯაროდ აფიქსირებდა. 2009 წელს მას სასწავლო განყოფილება დახურეს, 2010 წელს კი უშიშროების სამსახურმა ანტი-ისლამურ ორგანიზაციებთან თანამშრომლობა დააბრალა და დააპატიმრა. ირანელმა ბლოგერმა, უძრავი ქონების გარანტიის სახით ჩადების სანაცვლოდ, საპატიმროდან თავი დაიხსნა და ქვეყანა დატოვა, რადგან შიშობდა, რომ თავისი საქმიანობის გამო, მის სიცოცხლეს საფრთხე ემუქრებოდა“. ვრცლად... წყარო: rights.ge

თბილისი. სოციალური სამართლიანობის ცენტრი გიზიარებთ სტატიას თანამედროვე სოციალური პოლიტიკის ლიტერატურაში არსებული პარადიგმების - ახალი ბიჰევიორიზმი, სოციალური ინვესტიცია და ახალი უნივერსალიზმი - კრიტიკულ ანალიზს. „უკანასკნელ წლებში, ახალი ბიჰევიორიზმის, სოციალური ინვესტიციებისა და ახალი უნივერსალიზმის პარადიგმები ფართოდ გავრცელებულია სამეცნიერო და პოლიტიკურ საზოგადოებებში. ახალი ბიჰევიორიზმი, როგორც ერთ-ერთი დომინანტური პარადიგმა სოციალურ პოლიტიკაში, მას შემდეგ დამკვიდრდა, რაც ტალერმა 2017 წელს ნობელის პრემია მიიღო ეკონომიკაში. სოციალური ინვესტიცია კიდევ ერთ დომინანტურ პარადიგმად იქცა, როცა ევროკავშირმა (EU) 2000 წელს მიიღო ლისაბონის სტრატეგია - პოლიტიკა, რომელიც, 2013 წელს, სოციალური ინვესტიციების პაკეტის მიღებით გაძლიერდა. ახალი უნივერსალიზმი, დომინანტური პარადიგმის სტატუსით, 2000 წელს მიღებული გაეროს ათასწლეულის დეკლარაციით დაწინაურდა“. სრულად... წყარო: ორგანიზაციის გვერდი სოციალურ ქსელში