8 ივნისს, 12:00 საათზე, კავკასიის უნივერსიტეტის C9 აუდიტორიაში, გაიმართება მუზეუმების საერთაშორისო საბჭოს (ICOM) საქართველოს წარმომადგენლების შეხვედრა სტუდენტებთან. სრულად...

ამ წუთებში, „საერთაშორისო გამჭვირვალობა-საქართველო“ მართავს პრესკონფერენციას, სადაც წარადგენს ახალ საკანონმდებლო წინადადებას თანამდებობის პირთა ქონებრივი მდგომარეობის დეკლარირების სისტემის გაძლიერების შესახებ. მისამართი: თბილისი, დავით აღმაშენებლის #61 („საერთაშორისო გამჭვირვალობა - საქართველოს“ თბილისის ოფისი)

9 ივნისს, 11 საათზე, USAID–ის "ადგილობრივი თვითმმართველობის პროგრამა" და სამოქალაქო საზოგადოების ინსტიტუტი (CSI) სამოქალაქო საზოგადოების აქტორებს იწვევენ პროექტის - „ადგილობრივ თვითმმართველობებში სამოქალაქო ჩართულობის და მონაწილეობითი მმართველობის გაძლიერება“ – პრეზენტაციაზე. პროექტის მიზანია, სამოქალაქო ჩართულობის გაზრდა ადგილობრივ დონეზე გადაწყვეტილებების მიღების პროცესში და მონაწილეობითი მმართველობის გაძლიერება შემდეგ სამიზნე მუნიციპალიტეტებში: ბათუმი, ჩოხატაური, დმანისი და მარნეული.  შეხვედრა დაახლოებით 1 საათს გაგრძელდება (კითხვა-პასუხის ჩათვლით) და გაიმართება ZOOM პლატფორმის საშუალებით, შემდეგ ბმულზე:  https://us02web.zoom.us/j/88226650989?pwd=VXNjWDZvRmk5TXRhSEovTy9hdUFKdz09 Meeting ID: 882 2665 0989  Passcode: 1234  USAID-ის „ადგილობრივი თვითმმართველობის პროგრამა“ წარმოადგენს ხუთწლიან ინიციატივას, რომელიც აშშ საერთაშორიისო განვითარების სააგენტოს (USAID) დაფინანსებით ხორციელდება საქართველოში. პროგრამა მიზნად ისახავს საქართველოში მიმდინარე დეცენტრალიზაციის და საჯარო მმართველობის რეფორმის მხარდაჭერას და ადგილობრივ თვითმმართველობებში ეფექტიანობის, ანგარიშვალდებულებისა და მოქალაქეთა ჩართულობის გზარდას. პროგრამა მუშაობს ადგილობრივ თვითმმართველობის დონეზე ანგარიშვალდებულების გაძლიერების, ინკლუზიური და მომხმარებელზე ორიენტირებული საჯარო სერვისების მუწოდების გაუმჯობესების კუთხით და დახმარებას უწევს, ცენტრალურ ინსტიტუტუტებს დეცენტრალიზაციის და საჯარო მმართველობის რეფორმის განხორციელებაში.  დამატებითი კითხვების შემთხვევაში დამიკავშირდით:  ნათია აფხაზავა, natia@civilin.org, +995 599 777 185

თბილისი. საქართველოს ახალგაზრდა იურისტთა ასოციაცია (საია) გიზიარებთ ვერიკო ჯგერენაიას ბლოგპოსტს: უკანონოდ გათავისუფლებული საჯარო მოხელეების უფლებების დაცვის პრაქტიკული ასპექტები. „მნიშვნელოვანია, უზრუნველყოფილი იყოს საჯარო მოხელეების შრომის უფლებების დაცვა, მათი დასაქმების უვადობისა და სტაბილურობის გარემოს შექმნა, რათა საჯარო მოხელეებმა, მიიღონ დამსახურებული კარიერული წინსვლა და სამსახურის დაკარგვის შიშის გარეშე განახორციელონ საკუთარი უფლებამოსილებები“, ნათქვამია ბლოგპოსტში. სრულად... წყარო: gyla.ge

თბილისი. ეროვნულ დემოკრატიულმა ინსტიტუტმა (NDI), პროექტის „საარჩევნო და პოლიტიკური პროცესების მხარდაჭერა საქართველოში“ ფარგლებში, მოამზადა მოქალაქის საბიუჯეტო გზამკვლევი. დოკუმენტში განხილულია ისეთი მნიშვნელოვანი საკითხები, როგორებიცაა: ადგილობრივი თვითმმართველი ერთეულის ბიუჯეტი და მისი დაგეგმვის, განხილვისა და დამტკიცების ეტაპები, მუნიციპალიტეტის უფლებამოსილებები, საბიუჯეტო პროცესის მონაწილე მხარეები. მთავარი აქცენტი კი გაკეთებულია მოქალაქის მიერ ჩართულობის მექანიზმების გამოყენებასა და მნიშვნელობაზე. ასევე, გზამკვლევში კონკრეტული მაგალითები არის განხილული, რომლებიც მოქალაქეებისა და თვითმმართველობის საერთო თანამშრომლობის კარგ პრაქტიკას აღწერს. ეროვნულ დემოკრატიული ინსტიტუტი (NDI) აქტიურად თანამშრომლობს  სამოქალაქო ჯგუფებთან და სხვადასხვა აქტორებთან, რომლებიც ხელს უწყობენ ადგილობრივ თვითმმართველობასთან თანამშრომლობის პროცესს, ღიაობას და ინკლუზიურობას. გამოცემა შესაძლებელი გახდა ამერიკელი ხალხის მიერ ამერიკის შეერთებული შტატების საერთაშორისო განვითარების სააგენტოს USAID-ის მიერ გაწეული დახმარებით. სრულად... მოქალაქის გზამკვლევი: რა უნდა ვიცოდეთ მუნიციპალიტეტის ბიუჯეტზე...  გზამკვლევი ხელმისაწვდომია ქართულ, აზერბაიჯანულ და სომხურ ენებზე. წყარო: ორგანიზაციის გვერდი სოციალურ ქსელში

თბილისი. 6 ივნისს, სოციალური სამართლიანობის ცენტრმა გამართა კვლევების პრეზენტაცია და დისკუსია თემაზე: „ეთნიკური უმცირესობების წარმომადგენლების სოციალური ექსკლუზია“. „სოციალური კვლევისა და ანალიზის ცენტრის (ISSA) კვლევა 2022 წელს ჩატარდა და ის რაოდენობრივი კვლევის მეთოდებით ყოვლისმომცველად იკვლევს ეთნიკური უმცირესობების სოციალური მოწყვლადობისა და გარიყულობის პრაქტიკებს. კვლევა დამოუკიდებელ სოციალურ და ეკონომიკურ მონაცემებს გვაძლევს ეთნიკური უმცირესობებით კომპაქტურად და ტრადიციულად დასახლებული რეგიონების - ჯავახეთის, ქვემო ქართლის, კახეთის აზერბაიჯანელების სოფლების და პანკისის ხეობის მიხედვით. სოციალური სამართლიანობის ცენტრის მიერ მომზადებული დოკუმენტები კი ეთმობა ისეთ საკითხებს, როგორიცაა: 1. ეთნიკური უმცირესობების სოციალური და ეკონომიკური ექსკლუზია საერთო მონაცემების კონტექსტში; 2. არადომინანტური ეთნიკური ჯგუფების ძირითადი გამოწვევები სოფლის მეურნეობის სფეროში და 3. ქვემო ქართლის შშმ პირების წვდომა სოციალური დაცვის ცენტრალურ დონეზე არსებულ მექანიზმებზე“. სრულად... წყარო: socialjustice.org.ge

თბილისი. საერთაშორისო გამჭვირვალობა - საქართველოს ინფორმაციით, ორგანიზაციამ 2015 წლიდან დღემდე, 1973 ქონებრივი დეკლარაცია შეისწავლა და თანამდებობის პირების 561 დეკლარაციაში დარღვევები აღმოაჩინა. სრულად... წყარო: ორგანიზაციის გვერდი სოციალურ ქსელში

თბილისი. „უფლებები საქართველო“ იწვევს საქართველოში მცხოვრებ უკრაინის მოქალაქეებს ონლაინ საინფორმაციო შეხვედრაზე, რომელიც ბინადრობის ნებართვის მიღების საკითხებს ეხება. შეხვედრა გაიმართება 2023 წლის 8 ივნისს, 18:30 საათზე, პლატფორმა ზუმის მეშვეობით. სამუშაო ენა: ინგლისური. იხ. დეტალური ინფორმაცია... შეხვედრა იმართება „უფლებები საქართველოს“ პროექტის „საქართველოში მცხოვრები ომით დაზარალებული უკრაინის მოქალაქეების უფლებების დაცვა“ ფარგლებში. აღნიშნული აქტივობა ხორციელდება ევროკავშირის მიერ დაფინანსებული პროექტის „სტაბილური სამოქალაქო საზოგადოება და მედია პასუხობს უკრაინის ომს“ ფარგლებში, რომელსაც ჩეხური არასამთავრობო ორგანიზაცია „ფიფლ ინ ნიდ“, პრაღის სამოქალაქო საზოგადოების ცენტრსა და ნიდერლანდების ჰელსინკის კომიტეტთან თანამშრომლობით ახორციელებს. სრულად... წყარო: ორგანიზაციის გვერდი სოციალურ ქსელში Інформаційна зустріч для громадян України, які проживають в Грузії Неурядова організація Rights Georgia запрошує громадян України, які проживають у Грузії, на інформаційну онлайн-зустріч, присвячену темі отримання посвідки на тимчасове проживання в Грузії. Зустріч відбудеться 8 червня 2023 року о 18:30 за допомогою платформи Zoom.  Юристи Rights Georgia розкажуть про особливості отримання посвідки на проживання та дадуть відповіді на запитання учасників щодо будь-яких юридичних питань, актуальних для громадян України. Мова зустрічі: англійська Зустріч організована в рамках активності Rights Georgia "Захист прав постраждалих від війни громадян України, які проживають в Грузії". Ця діяльність здійснюється в рамках проекту "Стійке громадянське суспільство та ЗМІ реагують на війну в Україні", що фінансується ЄС та реалізується чеською неурядовою організацією "Людина в біді" (PIN) у співпраці з Празьким центром громадянського суспільства та Нідерландським Гельсінським комітетом. Якщо ви бажаєте взяти участь у зустрічі, будь ласка, заповніть реєстраційну форму... Доступ до Zoom-зустрічі буде надано лише зареєстрованим учасникам. Для отримання додаткової інформації, будь ласка, зв'яжіться з нами по електронній пошті office@rights.ge або зателефонуйте за номером +995 (577) 107 300

თბილისი. სამართლიანი არჩევნებისა და დემოკრატიის საერთაშორისო ორგანიზაციის (ISFED) ინფორმაციით, 17 მაისს, ფეისბუქზე შეიქმნა გვერდი სახელწოდებით „პროგრესული კონსერვატიზმი“, რომელიც ანტიდასავლური განწყობების გასაღვივებლად ანტილიბერალურ, მათ შორის ჰომოფობიურ გზავნილებს იყენებს. ამ გვერდზე პერიოდულად ქვეყნდება მოკლე ვიდეომიმართვები, რომლებშიც ბლოგერებად პოზიციონირებული პირები ანტიდასავლურ ნარატივს ავრცელებენ. ორგანიზაციამ აღმოაჩინა საეჭვო/ყალბი ანგარიშები და ფეისბუქგვერდი, რომლებიც პოსტებს კოორდინირებულად, დროის მცირე მონაკვეთში ავრცელებდნენ. „პოსტების გამავრცელებელთა შორის არიან ადგილობრივ საკრებულოებში „ქართული ოცნების“ წარმომადგენლები, პარტიის ადგილობრივი ორგანიზაციის წევრები და ცალკეული საჯარო მოსამსახურეები. ისინი საკუთარ პროფილებზე გვერდის ვიდეოებს საჯაროდ აზიარებენ“, ნათქვამია ISFED-ის ბლოგპოსტში. სრულად... წყარო: isfed.ge

7 ივნისს, 19:00 საათზე, ილიას სახელმწიფო უნივერსიტეტის უმაღლესი კვლევების ცენტრის ორგანიზებით, გაიმართება დისკუსია თემაზე „რა არის ფსიქიკური ჯანმრთელობა?“ მომხსენებლები: პროფ. ჯანა ჯავახიშვილი პროფ. ნინო მახაშვილი სრულად...

15 ივნისს, 09:30 – 15:00 საათზე, გაიმართება სამოქალაქო იდეას, დემოკრატიის კვლევის ინსტიტუტის (DRI) და დემოკრატიის ინდექსი – საქართველოს რიგით მეორე კონფერენცია: უსაფრთხოების ახალი არქიტექტურა ევროპაში და მისი გავლენა საქართველოზე – ერთი წელი ევროპული პერსპექტივიდან. სრულად...

ქვემო ქართლი. 22 და 23 მაისს, სოციალური სამართლიანობის ცენტრის თანამშრომლებმა მარნეულის მუნიციპალიტეტის სოფელების მარადისისა და ხულდარას მოსახლეობას იურიდიული კონსულტაციები გაუწიეს. შეხვედრა ჩატარდა USAID-ის სამართლის უზენაესობის პროგრამის მხარდაჭერით. სოფელ მარადისში ცხოვრობენ აჭარელი ეკომიგრანტები, ხოლო ხულდარას მოსახლეობის უმრავლესობას საქართველოს აზერბაიჯანელები წარმოადგენენ. ორივე სოფლის მოსახლეობამ მთავარ გამოწვევად ინფრასტრუქტურული პრობლემები დაასახელა. სრულად... წყარო: ორგანიზაციის გვერდი სოციალურ ქსელში

თბილისი. დასრულდა საქართველოს ახალგაზრდა იურისტთა ასოციაციის (საია) იურიდიული დახმარების ცენტრის თანაშემწეების სტაჟირების 6 თვიანი პროგრამა. პროგრამის მონაწილე 21 სტუდენტს სერტიფიკატები გადაეცა. „მათ შესაძლებლობა ჰქონდათ საია-ს იურისტების დახმარებით, მოემზადებინათ სამართლებრივი დოკუმენტები, გაცნობოდნენ ორგანიზაციის წარმოებაში არსებულ საქმეებს და დასწრებოდნენ მათთვის საინტერესო სასამართლო პროცესებს. სტაჟიორებმა მონაწილეობა მიიღეს საია-ს ორგანიზებულ იმიტირებულ პროცესშიც, ორსულის საჯარო სამსახურიდან გათავისუფლების თემაზე“, ნათქვამია ორგანიზაციის გვერდზე სოციალურ ქსელში. სრულად... წყარო: ორგანიზაციის გვერდი სოციალურ ქსელში

თბილისი. საერთაშორისო გამჭვირვალობა - საქართველო მიიჩნევს, რომ ილიას სახელმწიფო უნივერსიტეტის რექტორის წინააღმდეგ დაწყებული საინფორმაციო კამპანიის მიზანია, უნივერსიტეტის დისკრედიტაცია, მისი მმართველი პარტიის გავლენის ქვეშ მოქცევა და სხვა დამოუკიდებელი საგანმანათლებლო დაწესებულებებისთვის გამაფრთხილებელი სიგნალის გაგზავნა.  ორგანიზაცია სოლიდარობას უცხადებს ილიას სახელმწიფო უნივერსიტეტს და მოუწოდებს პასუხისმგებელ პირებს, შეწყვიტონ დამოუკიდებელი საგანმანათლებლო და აკადემიური დაწესებულებების წინააღმდეგ დაწყებული საფრთხის შემცველი კამპანია. სრულად... წყარო: transparency.ge

თბილისი. სოციალური სამართლიანობის ცენტრი გთავაზობთ ახალ კვლევას: „საზოგადოებრივ სამუშაოებზე დასაქმების პროგრამის ანატომია“. კვლევა იხ. ბმულზე... „ნაშრომში ყურადღება ეთმობა იმ ახალი ტიპის სოციალურ დანახარჯს, რომელიც, საზოგადოებრივ სამუშაოებზე დასაქმების პროგრამის სახით, პირველად 2022 წელს დაემატა სახელმწიფო ბიუჯეტის სოციალურ ხარჯებს, 2023 წლიდან კი დამატებით 80 მილიონიან დანახარჯს განიხილავს სოციალურად დაუცველი მოსახლეობის სეგმენტზე. დაკვირვების მთავარი საგანი - საზოგადოებრივი სამუშაოების პროგრამა იმის გამოც გახდა, რომ ის შემოთავაზებულია, როგორც სოციალური პოლიტიკის სრულიად ახალი ინსტრუმენტი, რომელიც ერთდროულად ცდილობს, როგორც სიღარიბის შემსუბუქებას, ისე უმუშევრობისა და დასაქმების პრობლემის აღმოფხვრაზე მუშაობას. მოცემული პროგრამა მხოლოდ ერთი წელია ხორციელდება, თუმცა ის მომდევნო ერთი წლით ისე გახანგრძლივდა, რომ უცნობია, რა შედეგები ჰქონდა ამ პროგრამის აღსრულებას პირველ წელს“, ნათქვამია ნაშრომში. წყარო: socialjustice.org.ge

თბილისი. პროექტი „ჩართე“ მსურველებს შესაძლებლობას აძლევს, სოციალურად დაუცველ უფროსკლასელებს ინტერნეტის ყოველთვიურ გადასახადი გადაუხადონ ან კომპიუტერი აჩუქონ. 6 წლის განმავლობაში:  ნეტში ჩართულია 2188 მოსწავლე;  მოგროვებულია 4830 მხარდამჭერი;  პროექტის გუნდმა გაიარა 90 000+ კმ;  „ჩართე“ დაფინანსებულია 1 798 112 ლარით; ჩატარებულია 1 გამოფენა. სრულად... წყარო: ორგანიზაციის გვერდი სოციალურ ქსელში

6 ივნისს, 15:00 საათზე, კიბერმედეგობის ცენტრი (CRC) გთავაზობთ ონლაინ დისკუსიას - „კიბერბულინგი და მოზარდების უსაფრთხოება ონლაინ სივრცეში“. დისკუსიის ფარგლებში განიხილება კიბერბულინგი, როგორც თანამედროვე გამოწვევა და მოზარდებისთვის არსებული საფრთხეები ონლაინ სივრცეში. სრულად...

6 ივნისს, 13:00 საათზე, ილიას სახელმწიფო უნივერსიტეტის სამართლის სკოლის ადამიანის უფლებათა კინოკლუბი USAID სამართლის უზენაესობის პროგრამის მხარდაჭერითა და MAC Georgia-სთან თანამშრომლობით უჩვენებს ფილმს „12 გაკვეთილი” და გამართავს დისკუსიას. სრულად...

ამ წუთებში, ინფორმაციის თავისუფლების განვითარების ინსტიტუტი (IDFI) მართავს კვლევის „რუსული კაპიტალი და რუსული კავშიები ქართულ ბიზნესში“ შედეგების შესახებ დისკუსიას. დისკუსია გაიმართება „კოალიცია ინფორმაციის სანდოობისთვის“ ორგანიზებული კონფერენციის ფარგლებში - „საქართველოს გამოწვევები და მედეგობა რუსული დეზინფორმაციისა და ჰიბრიდული საფრთხეებისადმი“. მისამართი: თბილისი, 26 მაისის მოედანი #1, სასტუმრო „ჰოლიდეი ინნ“

ამ წუთებში „სოციალური სამართლიანობის ცენტრი“ მართავს კვლევის პრეზენტაციას და დისკუსიას თემაზე: „ეთნიკური უმცირესობების წარმომადგენლების სოციალური ექსკლუზია“. მისამართი: თბილისი, თავისუფლების მოედანი #4 („ქორთიარდ მარიოტი“)

თბილისი. გამომძიებელ ჟურნალისტთა გაერთიანება „აი, ფაქტი“ აქვეყნებს სტატიას: რა გაკეთდა იმერეთში ევროკავშირის ფულით? „2020-2022 წლებში მხოლოდ იმერეთის მუნიციპალიტეტებმა ევროკავშირისგან 70 მილიონი ლარი მიიღო და ეს ფული 76 ინფრასტრუქტურულ პროექტში დაიხარჯა. მაგალითად, საჩხერეში მოეწყო 2,9-მილიონიანი საქალაქო პარკი, ქუთაისში 2 მილიონ ლარად განახლდა ახალგაზრდობის გამზირის ფასადები, ზესტაფონში თეატრონის რეაბილიტაციას მოხმარდა 1 მილიონი ლარი, ჯამში 5 მილიონ ლარად კი აშენდა და განახლდა ხარაგაულის, თერჯოლის, სამტრედიის, ვანისა და სამტრედიის საბავშვო ბაღები. ფული კი დაიხარჯა, მაგრამ ზოგჯერ ხალხს ეს საქმეები მთავრობის ნახელავი ჰგონია, ევროკავშირის როლზე კი არაფერი სმენიათ. რახან იმერლებმა ევროკავშირის კეთილ საქმეებზე ბევრი არაფერი იციან და მათ ინფორმირებაზე არც ადგილობრივი მთავრობა იწუხებს თავს, ამას ჩვენ გავაკეთებთ. სტატიაში მოგიყვებით სამ პროექტზე, რომელიც მოსახლეობისთვის შვებად იქცა და სამივე მათგანი ევროპული დაფინანსების წყალობაა“, ნათქვამია სტატიაში. სრულად... წყარო: ifact.ge

თბილისი. 31 მაისს გაიმართა სოციალური მეწარმეობის საკოორდინაციო პლატფორმის ფარგლებში ჩამოყალიბებული ერთ-ერთი ჯგუფის - კვლევების, განათლებისა და პოპულარიზაციის ჯგუფის სამუშაო შეხვედრა.  შეხვედრას ესწრებოდნენ ჯგუფის წევრი ინსტიტუციების წარმომადგენლები, როგორც კერძო, ისე საჯარო სექტორიდან. შეხვედრაზე განიხილეს სამუშაო ჯგუფის საქმიანობის ჩარჩო და საქმიანობის ძირითადი მიმართულებები. ჯგუფმა იმსჯელა სოციალური მეწარმეობის განათლების კომპონენტის კონკრეტულ რეკომენდაციებზე.  სოციალური მეწარმეობის ეკოსისტემის საკოორდინაციო პლატფორმა აერთიანებს 40-ზე მეტ საჯარო და კერძო ინსტიტუციას და მისი ძირითადი მიზანია სოციალური მეწარმეობისთვის ხელსაყრელი ეკოსისტემის ჩამოყალიბების ხელშეწყობა.