სამცხე-ჯავახეთი. 25 მაისს, ახალციხეში, განათლების განვითარებისა და დასაქმების ცენტრის (EDEC) და სამცხე-ჯავახეთის რეგიონული ჰაბის - დემოკრატ მესხთა კავშირის (UMD) ორგანიზებით, მოხალისეობის ფორუმი გაიმართა სამცხე-ჯავახეთის მხარეში მოქმედი სამოქალაქო საზოგადოების, ახალგაზრდების, პროექტის წარმომადგენლებისა და მოწვეული სტუმრების მონაწილეობით.   ფორუმი გაიმართა ევროკავშირისა და კონრად ადენაუერის ფონდის მიერ დაფინანსებული პროექტის „სამოქალაქო საზოგადოების ინიციატივა“ ფარგლებში. სრულად... წყარო: ორგანიზაციის გვერდი სოციალურ ქსელში

29 მაისს, 19:00-ზე, „ქალაქის თეატრში” გაიმართება გილდიას შემაჯამებელი კონფერენცია თემაზე „გილდიას როლი კულტურის სფეროში“. სრულად...

29 მაისს, 19:00 საათზე, ივანე ჯავახიშვილის სახელობის თბილისის სახელმწიფო უნივერსიტეტის სოციალურ და პოლიტიკურ მეცნიერებათა ფაკულტეტი გიწვევთ პანელურ დისკუსიაზე: „პროპაგანდის საბჭოთა საწყისები და თანამედროვე ციფრული ეპოქის გამოწვევები“. სრულად...

ამ წუთებში, „ღია საზოგადოების ფონდის“ ოფისში სამოქალაქო საზოგადოების წარმომადგენლები ბრიუსელში ვიზიტს პრეს-კონფერენციის ფორმატში შეაჯამებენ. მისამართი: თბილისი, ჭოველიძის 4ა

თბილისი. გაეროს ბავშვთა ფონდი გიზიარებთ ინფორმაციას პუბლიკაციის შესახებ, რომელსაც ჰქვია „გაიცანით ბაბი“. წიგნის ავტორია მარიამ ხვადაგიანი. მის შემუშავებაში წვლილი შეიტანეს მაია ბაგრატიონი-გრუზინსკიმ, მაია წულაძემ და კეტლინ დირიმ. ილუსტრაციები და დიზაინი შექმნილია ფორსეტის მიერ. სახელმძღვანელო „გაიცანით ბაბი“ შემუშავებულია 2022 წელს ორგანიზაციის „მაკ-ჯორჯია“ მიერ გაეროს ბავშვთა ფონდისა და მდგრადი განვითარების მიზნების ფონდის ფინანსური მხარდაჭერით, პროექტის „სოციალური დაცვის სისტემის გაძლიერება შეზღუდული შესაძლებლობის მქონე პირებისთვის საქართველოში“ ფარგლებში. „პუბლიკაციის მიზანია, ბავშვებს გააცნოს შეზღუდული შესაძლებლობის ბიოფსიქოსოციალური მოდელი და შეზღუდული შესაძლებლობის სტატუსის განსაზღვრის პროცესი. ბიოფსიქოსოციალური მოდელი ადამიანის შეზღუდულ შესაძლებლობას განიხილავს, როგორც სამედიცინო მდგომარეობის (ბიოლოგიურად განპირობებული), ფსიქოლოგიური ფაქტორების (დაძლევის უნარები, თვითშეფასება და ა.შ.) და სოციალური ფაქტორების (გარემოს ბარიერები, საზოგადოებაში არსებული დამოკიდებულებები და ა.შ.) ურთიერთქმედებას. მოცემულ ეტაპზე, საქართველო ახორციელებს შეზღუდული შესაძლებლობის შეფასებისა და სტატუსის განსაზღვრის არსებული სისტემის რეფორმას, რათა უკეთ გამოავლინოს თითოეული ბავშვის ფუნქციონირების ხარისხი და საჭიროებები, როგორც ამას მოითხოვს საქართველოს კანონი შეზღუდული შესაძლებლობის მქონე პირთა უფლებების შესახებ (2020)“. სრულად... წყარო: UNICEF-ის გვერდი სოციალურ ქსელში

თბილისი. სოციალურ მუშაკთა ასოციაცია გიზიარებთ საინფორმაციო ბარათს, თუ რა საერთო შეიძლება ჰქონდეს სოციალურ მუშაობას და ფემინიზმს. მომზადებული მასალის თანახმად, სოციალური მუშაობის მთავარი ღირებულებები თანხვედრაში მოდის ფემინისტურ ღირებულებებთან: დისკრიმინაციასა და უთანასწორობასთან ბრძოლა, ჩაგვრასთან, შევიწროებასთან და სექსიზმთან ბრძოლა. ძალადობის პრევენცია და თანასწორობა. სოლიდარობა და ზრუნვა - ეს არის იმ საკითხების მცირე ჩამონათვალი, რომელიც ამ ორ სფეროს ერთმანეთთან აკავშირებს. პროექტის ფინანსური მხარდამჭერია ჰაინრიჰ ბიოლის ფონდის თბილისის ოფისი. სრულად... წყარო: ორგანიზაციის გვერდი სოციალურ ქსელში

თბილისი. გაეცანით პრაქტიკულ სახელმძღვანელოს მასწავლებლებისთვის: „მოსწავლეების სოციალური და ემოციური კომპეტენციების განვითარება საბაზო საფეხურზე“. სახელმძღვანელო დაეხმარება საბაზო საფეხურის მასწავლებლებს მოსწავლეების სოციალური და ემოციური კომპეტენციების განვითარებაზე ორიენტირებული სასწავლო პროცესის დაგეგმვასა და განხორციელებაში.  სახელმძღვანელო მომზადდა  კონსულტაციისა და ტრენინგების ცენტრის სკოლა-ლაბის პროგრამის მიერ, გერმანული ფონდის Bread for the World-ის (BfdW) ფინანსური თანადგომით. სრულად... წყარო: ორგანიზაციის გვერდი სოციალურ ქსელში

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს. ელ-ბიულეტენი…

თბილისი. საერთაშორისო გამჭვირვალობა - საქართველო თვლის, რომ აუცილებელია ბენეფიციარ მესაკუთრეთა რეესტრის შემოღება. რადგან მთელი რიგი სტრატეგიული მნიშვნელობის ობიექტებისა და კომპანიების მფლობელობის კვალი რუსეთში მიდის და რუსეთზე ეკონომიკური დამოკიდებულება სწრაფი ტემპებით იზრდება. როგორ უნდა გამოიყურებოდეს ეს რეესტრი ქართულ რეალობაში და რა უნდა გაკეთდეს მის შესაქმნელად, იხილეთ ორგანიზაციის ბლოგპოსტში. სრულად... წყარო: transparency.ge

25 მაისს, 20:00 საათზე, გაიმართება პანელური დისკუსია: „ქართული მემარცხენეობა კრიზისში: გამოსავლის ძიებაში“. სრულად...

25 მაისს, 19:00 საათზე, სოციალური სამართლიანობის ცენტრი გიწვევთ საჯარო დისკუსიაზე: „დომინაციის ლოგიკის გაძლიერება პოლიტიკაში და მისი ზიანი ჩვენთვის“. სრულად... მისამართი: თბილისი, ჰარაკი, პ. მელიქიშვილის 20, თბილისი.

25 მაისს, 16:00 საათზე, ილიას სახელმწიფო უნივერსიტეტის წიგნის სახლში „ლიგამუსი“ Erasmus + Jean Monnet Networks-ის პროექტის „ევროპასთან დაკავშირება პერიფერიაში“ ფარგლებში გაიმართება პროფესორების ბაშაკ ზეინეფ ალფანისა და მირუნა ბუტნარუ-ტრონკოტას საჯარო ლექცია-დისკუსია „ევროკავშირი და მისი სამეზობლო“. სრულად...

ამ წუთებში, ტოლერანტობის და მრავალფეროვნების ინსტიტუტი (TDI) საქართველოში რელიგიისა და რწმენის თავისუფლების შესახებ 2022 წლის ანგარიშის პრეზენტაციას მართავს. პრეზენტაცია USAID სამართლის უზენაესობის პროგრამის მხარდაჭერით იმართება და მოწვეულნი არიან რელიგიური, საერთაშორისო და ადგილობრივი ორგანიზაციების, საელჩოების და სახელმწიფო უწყებების წარმომადგენლები. მისამართი: თბილისი, რესპუბლიკის მოედანი #1

თბილისი. პარტნიორობა ადამიანის უფლებებისთვის (PHR) დიდი ხანია მუშაობს შეზღუდული შესაძლებლობის მქონე ქალთა სექსუალურ და რეპროდუქციულ უფლებებზე.  სწორედ ამ თემაზე, ორგანიზაციის წარმომადგენლებმა, ანა თავხელიძემ და სოფიკო მენაბდიშვილმა, ჩაატარეს ტრენინგი ადვოკატებისთვის თემაზე: „შეზღუდული შესაძლებლობის მქონე ქალთა სექსუალური და რეპროდუქციული ჯანმრთელობის უფლებების შესახებ“. სრულად... წყარო: phr.ge

თბილისი. მაკ ჯორჯიას ინფორმაციით, 15-16 მაისს, USAID-ის დამოუკიდებელი ცხოვრების პროგრამის ფარგლებში დამოუკიდებელი ცხოვრების ცენტრების ლიდერების მოსამზადებელი ტრენინგი ჩატარდა. მოსამზადებელი ტრენინგი ეყრდნობა World Vision International-ის მიერ შემუშავებულ ტრენინგ-მოდულს „ვიმოგზაუროთ ერთად“. სრულად... წყარო: ორგანიზაციის გვერდი სოციალურ ქსელში

ქვემო ქართლი. „საფარის” წიგნის კლუბის ფარგლებში პირველი შეხვედრა გაიმართა გარდაბანში, სოფელ ვახტანგისის სათემო ცენტრში.  „ადგილობრივმა ახალგაზრდებმა კომიქსი „უჩინარი” წაიკითხეს, შემდეგ კი კომიქსის ილუსტრატორ თათია ნადარეიშვლთან და მწერალ სალომე ბენიძესთან ერთად განიხილეს. კომიქსის გმირ, 14 წლის თავგადასავლების მოყვარული ნინის მსგავსად, ადგილობრივმა ახალგაზრდებმა საკუთარ ოცნებებზე, შიშებსა და გამარჯვებებზეც ისაუბრეს. „საფარის” წიგნის კლუბი ქართულ-აზერბაიჯანული ფანჯარასა და ქართულ-სომხური განძის ბაზაზე შეიქმნა“. სრულად... წყარო: sapari.ge

თბილისი. ევროკავშირი აქვეყნებს ვიდეოს, სადაც საზოგადოებისთვის ცნობილი ადამიანების პასუხობენ კითხვას - რატომ ევროპა? წყარო: ევროკავშირის გვერდი სოციალურ ქსელში

აჭარა. საქართველოს ახალგაზრდა იურისტთა ასოციაციის აჭარის ფილიალმა სტუდენტებისთვის საჯარო ლექცია ჩაატარა სახელწოდებით „ადამიანის უფლებები დინამიკაში”. შეხვედრაზე ადამიანის უფლებებსა და თანამედროვე გამოწვევებთან ერთად ასევე განიხილეს საის-ს ისტორია და აჭარის ფილიალის წარმატებული საქმეები, რომლებმაც მნიშვნელოვნად შეცვალეს/გააუმჯობესეს პრაქტიკა. სრულად... წყარო: ორგანიზაციის გვერდი სოციალურ ქსელში

თბილისი. 23 მაისს, სოციალური სამართლიანობის ცენტრმა გამართა პანელური დისკუსია თემაზე: „უფლება სათანადო საცხოვრისზე: სახელმწიფოს პოლიტიკა და პრაქტიკა“. დისკუსიის მიზანი იყო სათანადო საცხოვრისის სახელმწიფო პოლიტიკისა და პრაქტიკის სისტემური გამოწვევებისა და ჩავარდნების იდენტიფიცირება. სრულად... წყარო: socialjustice.org.ge

საქართველოს დამოუკიდებლობის გამოცხადებიდან 105 წლის იუბილესთან დაკავშირებით იუსტიციის სამინისტროს ეროვნული არქივის საგამოფენო პავილიონში 24 მაისს ექსპოზიცია „საქართველოს პირველი დემოკრატიული რესპუბლიკა“ გაიხსნება. სრულად...

თბილისი. გაეცანით საქართველოს ახალგაზრდა იურისტთა ასოციაციის მოხალისეობრივი პროექტის „ერთი თვე სასამართლო მონიტორად“ მონაწილის, ია იაძის ბლოგპოსტს: „ადევნება, როგორც სისხლის სამართლის დანაშაული“. „სასამართლო სხდომებზე მსხვერპლების ჩვენებებმა, რომლებშიც ისინი ყვებოდნენ ადევნების დანაშაულის შესახებ და მის საშინელ შედეგებზე, დამიტოვა განცდა, რომ ეს დანაშაული ჯერ კიდევ არ არის აღქმული სათანადო სერიოზულობით სამართალდამცავი ორგანოების, სასამართლოსა თუ საზოგადოების მხრიდან“. საია ამ პროექტს ახორციელებს USAID სამართლის უზენაესობის პროგრამის მხარდაჭერით. სრულად... წყარო: gyla.ge

თბილისი. რა არის ქართული ოცნების ხელისუფლების მმართველობის მთავარი გამოწვევები და ჩავარდნა და რა უნდა გააკეთონ ამ რეალობაში პოლიტიკურმა, საზოგადოებრივმა და აკადემიურმა ჯგუფებმა - ამ საკითხებზე პოზიციებს მოისმენთ სოციალური სამართლიანობის ცენტრის ვიდეო სერიაში „სათქმელი“. „სათქმელის“ ამ ეპიზოდში სოციალური სამართლიანობის ცენტრის თანასწორობის პროგრამის დირექტორი თამთა მიქელაძე საუბრობს. „ქართულ ოცნებას არ აწყობს იმ რეფორმების გატარება, რომელიც ძალაუფლების გაზიარებასა და კონტროლს უკავშირდება. შესაბამისად, ის ევროკავშირში ინტეგრაციის ეროვნულ მიზანზე ზემოთ, საკუთარი პარტიული ძალაუფლების და მის უკან მდგარი უზარმაზარი ეკონომიკური რესურსების შენარჩუნების ინტერესს აყენებს“, ამბობს რესპონდენტი. წყარო: socialjustice.org.ge