„რა უნდა გაკეთდეს უსახლკარო ბავშვების უფლებრივი მდგომარეობის გასაუმჯობესებლად?“
თბილისი. „სამოქალაქო საზოგადოების განვითარების ცენტრმა" უსახლკარო ბავშვთა პრობლემების შესახებ შემუშავებული რეკომენდაციები ჟურნალისტებს წარუდგინა. „ყველაზე პრობლემატური საკითხი, რასაც ქუჩაში მცხოვრები ბავშვები აწყდებიან, მათი გაურკვეველი სამართლებრივი სტატუსია, რის გამოც ისინი ვერ იღებენ სათანადო სამედიცინო მომსახურებას. საავადმყოფოებსა და კლინიკებში შესაბამისი მომსახურების გაწევისთვის პირადობის დამადასტურებელი დოკუმენტების ქონა სავალდებულოა. ამავე მიზეზით ვერ ხერხდება სამართალდამცავი ორგანოების მხრიდან სამართლებრივ დახმარებას აღმოჩენა და უსახლკარო ბავშვების დაცვა ძალადობისგან". ცენტრი ასევე მოუწოდებს მთავრობასა და სამოქალაქო საზოგადოებას იზრუნოს უსახლკარო ბავშვების შესახებ მოქალაქეთა ცნობიერების ამაღლებაზეც.
წყარო: www.ewmi-gpac.org
