აჭარა. 29 ოქტომბერს, ბათუმის დემოკრატიული ჩართულობის ცენტრში, აღმოსავლეთ–დასავლეთ მართვის ინსტიტუტმა,, „საქართველოს საჯარო პოლიტიკის, ადვოკატირებისა და სამოქალაქო საზოგადოების განვითარების" პროგრამის ფარგლებში, ბათუმში მომუშავე პარტნიორ საზოგადოებრივ ორგანიზაციებს შეხვდა. შეხვედრა მიზნად ისახავდა საზოგადოებრივი ორგანიზაციებისთვის ინფორმაციის მიწოდებას ახალ საგრანტო და სხვადასხვა სახის ტრენინგ–კურსების შესახებ. შეხვედრაზე დეტალურად იქნა განხილული EWMI G-PAC-ის გეგმები, გაიმართა დისკუსია, სადაც ადგილობრივ საზოგადოებრივ ორგანიზაციებს შესაძლებლობა მიეცათ გამოეთქვათ თავიანთი შეხედულებები და რეკომენდაციები.