18 ნოემბრიდან ვებგვერდზე www.mshobeltaskola.ge გამოქვეყნდება დისტანციური, თვითმართვადი სასწავლო კურსი მშობლებისთვის – "ბავშვები და სწავლის მოტივაცია". კურსის გავლის შედეგად მშობლები უკეთესად შეძლებთ დაეხმაროთ შვილს სწავლის პროცესში, აუმაღლოთ ბავშვს სწავლის მოტივაცია და მართოთ სწავლასთან დაკავშირებული სტრესი. დისტანციური კურსი შექმნა არასამთავრობო ორგანიზაციამ "მშობლები განათლებისთვის" პროექტის "მშობელთა ჩართულობა შვილების განათლებაში ფარგლებში".  პროექტი მიმდინარეობს USAID-ის სამოქალაქო საზოგადოების ჩართულობის პროგრამის მხარდაჭერით. სრულად...  წყარო: არასამთავრობო ორგანიზაცია „მშობლები განათლებისთვის“

საიამ მოამზადა სსო–ებისთვის გზამკვლევი: საერთაშორისო ორგანიზაციებისთვის წარსადგენი ალტერნატიული ანგარიშების მომზადება.  გზამკვლევის მიზანია, მკითხველს გააცნოს საქართველოსთვის რელევანტური ადამიანის უფლებათა მონიტორინგის ძირითადი საერთაშორისო სახელშეკრულებო და საზედამხედველო მექანიზმები, აგრეთვე, მათთან საზოგადოებრივი ორგანიზაციების ეფექტიანი თანამშრომლობის გზები.  სრულად...  წყარო: საია

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს.  ელ-ბიულეტენი…

ადამიანის უფლებათა ევროპულმა სასამართლომ "რუსული კანონის" წინააღმდეგ საჩივარი დაარეგისტრირა. „საზოგადოებას შევახსენებთ, რომ "რუსული კანონი" ადამიანის უფლებათა ევროპულ სასამართლოში 16 მედია ორგანიზაციის, 120 სამოქალაქო საზოგადოების ორგანიზაციისა და 4 ფიზიკური პირის სახელით გასაჩივრდა. მომჩივნები ადამიანის უფლებათა ევროპული კონვენციით დაცული შეკრებისა და გაერთიანების თავისუფლების (მე-11 მუხლი), გამოხატვის თავისუფლების (მე-10 მუხლი), პირადი და ოჯახური ცხოვრების დაცულობის უფლების (მე-8 მუხლი), დისკრიმინაციის (მე-14 მუხლი), სამართლებრივი დაცვის ქმედითი საშუალებების უფლების (მე-13 მუხლი) და უფლებების შეზღუდვათა გამოყენების ფარგლების (მე-18 მუხლის) დარღვევებზე დავობენ“.  წყარო: საია

სოციალური სამართლიანობის ცენტრი აქვეყნებს პუბლიკაცია: „დუმილის და უმოქმედობის პოლიტიკა კონფლიქტების რეგიონებთან დაკავშირებით შემაშფოთებელია რითაც ორგანიზაცია ეხმიანება აფხაზეთში ბოლო დღეებში მიმდინარე მოვლენებს. „აფხაზეთში ბოლო დღეებში მიმდინარე მოვლენებს და მიუთითებს, რომ საქართველოს ხელისუფლების პოზიციონირება კიდევ ერთხელ აჩვენებს, რომ ხელისუფლებას პრაქტიკულად არ გააჩნია სათანადო სამშვიდობო პოლიტიკა კონფლიქტების რეგიონებთან მიმართებით. მეტიც, მისი დუმილისა და უმოქმედობის პოლიტიკა ფაქტობრივად იწყნარებს რუსულ ანექსიას ამ რეგიონში და საბოლოოდ, განაპირობებს მნიშვნელოვანი ისტორიული შესაძლებლობების დაკარგვას ნდობის აღდგენისა და კონფლიქტების ტრანსფორმაციის მიმართულებით.“ სრულად...  წყარო: სოციალური სამართლიანობის ცენტრი

კოალიციის წევრთა ერთობლივ განაცხადში ნათქვამია, რომ „ადამიანის უფლებათა ევროპულმა სასამართლომ დაადასტურა, რომ იუსტიციის უმაღლესი საბჭოს მიერ მაია ბაქრაძისთვის მოსამართლედ განწესებაზე ორჯერ უარის თქმა იყო დისკრიმინაციული. კოალიციის შეფასებით, სტრასბურგის სასამართლოს გადაწყვეტილება მნიშვნელოვანი მტკიცებულებაა, რომელიც სასამართლო სისტემიდან განსხვავებული აზრის მქონე მოსამართლეთა დევნის მრავალწლიან პრაქტიკაზე მიუთითებს“. სრულად... წყარო: საია

„სამართლიანი არჩევნების“ დაკვირვებით, გამოიკვეთა 7 ყალბი და 15 საეჭვო პროფილი, რომლებიც საქართველოს ცენტრალური საარჩევნო კომისიის (ცესკო) ფეისბუქგვერდზე მათ მხარდამჭერ კამპანიაში არიან ჩართული. არაავთენტური ანგარიშები, რომელთა ნაწილიც სხვის იდენტობას იპარავს, ცესკოს მიერ გამოქვეყნებულ პოსტებზე კოორდინირებულად და მრავალჯერ აკომენტარებენ. აღსანიშნავია, რომ თითოეულ პოსტზე არაავთენტური ანგარიშების კომენტარები ხშირად იდენტური ან მსგავსი შინაარსისაა.  სრულად... წყარო: სამართლიანი არჩევნები

არასამთავრობო ორგანიზაციები ერთობლივ ინფორმაციას ავრცელებენ:  „ბოლო პერიოდში სამთავრობო მედია ავრცელებს მცდარ ინფორმაციას, თითქოს არასამთავრობო ორგანიზაციებს #რუსულიკანონის წინააღმდეგ საჩივარი სტრასბურგის სასამართლოში არ გაუგზავნიათ. გვინდა განვმარტოთ, რომ ეს ინფორმაცია არ შეესაბამება სინამდვილეს.  საჩივარი 2024 წლის 17 ოქტომბერს გაიგზავნა. პოსტს თან ერთვის გადამზიდი კომპანიის მიერ მოწოდებული დოკუმენტი, რომელიც ადასტურებს, რომ საჩივარი, სტრასბურგის სასამართლოს 2024 წლის 22 ოქტომბერს ჩაბარდა.  ამ ეტაპზე მიმდინარეობს საქმის რეგისტრაციის პროცედურები, რომელიც საქმის მოცულობის გათვალისწინებით, გარკვეულ დროს მოითხოვს“.  წყარო: საია

საქართველოს რეფორმების ასოციაციამ საარჩევნო მონიტორინგზე მომუშავე ორგანიზაციების ინფორმაციებზე დაყრდნობით შექმნა ქარდები – საპარლამენტო არჩევნების წინ და შემდგომ მათ მიერ გამოვლენილი დარღვევების შესახებ...  გაეცანით მათ...

არასამთავრობო ორგანიზაციები აქტიურად აკვირდებოდნენ არჩევნების წინა პერიოდს, არჩევნების დღეს და საარჩევნო დარღვევების მონიტორინგს აქტიურად ეხმაურებოდნენ და ეხმაურებიან. არასამთავრობო ორგანიზაციებმა სხვადასხვა ინტსტანციის სასამართლოში სარჩელები შეიტანეს. დეტალური ინფორმაციისთვის თვალი ადევნეთ სადამკვირვებლო ორგანიზაციების ვებგვერდებსა და ფბ გვერდებს.

პლატფორმა კომენტარი აქვეყნებს ანგარიშის საკვანძო საკითხებს. ნახეთ ქარდები და გაიგეთ მეტი...

საქართველოს ახალგაზრდა იურისტთა ასოციაცია აქვეყნებს საპარლამენტო არჩევნების კენჭისყრის მონიტორინგის შედეგებს – „2024 წლის 26 ოქტომბრის საპარლამენტო არჩევნების კენჭისყრის დღე მნიშვნელოვანი დარღვევების ფონზე, ძირითადად უთანასწორო, ძალადობრივ და დაძაბულ გარემოში წარიმართა“. სრულად... წყარო: საია

გაეცანით არჩევნების წინ და არჩევნების დღეს მიმდინარე სიახლეებს. სამართლიანი არჩევნების მონიტორინგის შედეგები...

ქართული არასამთავრობო ორგანიზაციები რუსული კანონის წინააღმდეგ ბრძოლის ახალ ეტაპს იწყებენ! 16 მედია, 120 არასამთავრობო ორგანიზაცია რუსულ კანონსა და მის მიერ გამოწვეულ შედეგებს ადამიანის უფლებათა ევროპულ სასამართლოში ასაჩივრებს. "რუსული კანონი არა მხოლოდ სამოქალაქო საზოგადოებისა და მედიის შეზღუდვას ისახავს მიზნად, არამედ ყველა მოქალაქის ერთმანეთისგან გათიშვასა და კრიტიკული ხმის ჩახშობას ემსახურება. მომჩივანი ორგანიზაციები ისეთ საზოგადოებრივ პრობლემებზე მუშაობენ, როგორებიცაა: გარემოს დაცვა, შშმ პირთა დახმარება, ქალთა და ბავშვთა ძალადობისგან დაცვა, სასამართლოს რეფორმა, კორუფციასთან ბრძოლა, საგამოძიებო ჟურნალისტიკა და ა. შ. მომჩივნები ადამიანის უფლებათა ევროპული კონვენციით დაცული შეკრებისა და გაერთიანების თავისუფლების (მე-11 მუხლი), გამოხატვის თავისუფლების (მე-10 მუხლი), პირადი და ოჯახური ცხოვრების დაცულობის უფლების (მე-8 მუხლი), დისკრიმინაციის (მე-14 მუხლი), სამართლებრივი დაცვის ქმედითი საშუალებების უფლების (მე-13 მუხლი) და უფლებების შეზღუდვათა გამოყენების ფარგლების (მე-18 მუხლის) დარღვევებზე ვიდავებთ. დამოუკიდებელ ორგანიზაციებთან რუსული მეთოდებით ბრძოლა არა მხოლოდ ადამიანის ფუნდამენტურ უფლებებს ლახავს, არამედ ასევე, ძირს უთხრის ქართველი ხალხის ურყევ არჩევანს ევროატლანტიკურ სტრუქტურებში ინტეგრაციასთან დაკავშირებით. სამწუხაროა, რომ კონსტიტუციურ ვალდებულებას, რომელიც ყველა ამ ცივილიზაციური არჩევანის დაცვას სახელმწიფო ორგანოებს ავალდებულებს, სწორედ სახელისუფლებო ორგანოები არღვევენ, ხოლო, საკონსტიტუციო სასამართლო საკუთარი მოვალეობის შესრულებაზე უარს ამბობს. საკონსტიტუციო სასამართლოს მიერ საკუთარი მოვალეობის შეუსრულებლობის მიუხედავად, ჩვენი ბრძოლა რუსული კანონის წინააღმდეგ გრძელდება და ის აუცილებლად ქართველი ხალხის უპირობო გამარჯვებით დასრულდება.  არა რუსულ კანონს!  კი - ევროკავშირს!" წყარო: ინფორმაციის თავისუფლების განვითარების ინსტიტუტი

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს.  ელ-ბიულეტენი…

მედია ადვოკატირების კოალიცია განცხადებას ავრცელებს და აცხადებს, რომ საპარლამენტო არჩევნების წინ მედია უპრეცედენტო გამოწვევების წინ დგას. „#რუსულიკანონის მიღების შემდგომ „ქართულმა ოცნებამ“ კიდევ უფრო გააძლიერა დამოუკიდებელ მედიებზე ზეწოლა, მათ შორის კომუნიკაციების კომისიისა თუ სასამართლოზე საკუთარი გავლენის გამოყენებით“... სრულად...  წყარო: კოალიცია მედია ადვოკატირებისთვის

პლატფორმა „კომენტარმა“ მოამზადა და გამოაქვეყნა სოციალური პოლიტიკის საფუძვლების სახელმძღვანელო. სახელმძღვანელოში განხილულია სოციალური უსაფრთხოების სისტემის და შრომითი უფლებების ძირითადი ასპექტები. დოკუმენტში გაანალიზებულია არსებული სტატისტიკები, ეკონომიკური პარამეტრები, სხვადასხვა მიმართულებით საერთაშორისო სტანდარტები და საქართველოს სოციალური გამოწვევები.  სახელმძღვანელო...  წყარო: პლატფორმა „კომენტარი“

საზოგადოებრივი ორგანიზაციები ერთობლივ განცხადებას ავრცელებენ: „საკონსტიტუციო სასამართლომ საკუთარი მოვალეობა არ შეასრულა საკონსტიტუციო სასამართლოს გადაწყვეტილება, არ შეაჩეროს რუსული კანონის მოქმედება, მოკლებულია „სამართლებრივ დასაბუთებას, არ ითვალისწინებს ადგილობრივი და საერთაშორისო ექსპერტების სამართლებრივ დასკვნებს და მოსამართლეთა მხრიდან კონსტიტუციის ღალატს წარმოადგენს“. სრულად... წყარო: სამოქალაქო საზოგადოების ფონდი

სოციალური სამართლიანობის ცენტრი აქვეყნებს ანგარიშს „საქმეთა ელექტრონული განაწილების სისტემა სასამართლოში". საერთო სასამართლოებში საქმეთა ელექტრონული განაწილების სისტემა სასამართლო რეფორმის „მესამე ტალღის“ ფარგლებში დაინერგა და ერთ-ერთი მნიშვნელოვანი პოზიტიური სიახლე იყო. სისტემის მთავარი დანიშნულება პროცესის მიუკერძოებლობა, გარე ჩარევებისგან დაცვა და დროული და ეფექტიანი მართლმსაჯულების განხორციელება იყო; სოციალური სამართლიანობის ცენტრი საქმეთა განაწილების სისტემის მონიტორინგს 2018 წლიდან ახორციელებს. ამჯერად აქვეყნებს მე-4 ანგარიშს, რომელიც მოიცავს 2022-2023 წლების პერიოდს. „ამ პერიოდში კანონმდებლობასა და პრაქტიკაზე დაკვირვებამ არაერთი სისტემური ხარვეზი და ბუნდოვანება გამოავლინა, რაც სასამართლოს დამოუკიდებლობაში ჩარევის რისკებს ქმნის“. სრულად...  წყარო: სოციალური სამართლიანობის ცენტრი

CsoGeorgia.org საზოგადოებრივ ორგანიზაციებს, ნებისმიერ დაინტერესებულ პირს ყოველ ხუთშაბათს კვირის საგრანტო კონკურსების, სტიპენდიების, ვაკანსიებისა და ტენდერების შესახებ ინფორმაციას სთავაზობს.  ელ-ბიულეტენი…

 საქართველოს ახალგაზრდა იურისტთა ასოციაცია ანგარიშსს აქვეყნებს: „ბაიკერები რუსული კანონის წინააღმდეგ – სამართლებრივი რეპრესიები რუსული კანონის საწინააღმდეგო აქციებში მონაწილეობის გამო“.  „ანგარიშშის განხილულია მოტოციკლეტის მძღოლების (ბაიკერების) წინააღმდეგ დაწყებულ სამართლებრივი რეპრესიები. ბაიკერები აქტიურად მონაწილეობდნენ რუსული კანონის საწინააღმდეგო აქციებში, ხოლო შემდგომ ადმინისტრაციული ჯარიმების ობიექტები გახდნენ“, ნათქვამია ორგანიზაციის გვერდზე სოციალურ ქსელში.  სრულად...   წყარო: საია

სადამკვირვებლო მისია „ჩემი ხმა“ აერთიანებს 30 არასამთავრობო ორგანიზაციას. ისინი საპარლამენტო არჩევნების უპრეცედენტოდ მასშტაბურ სადამკვირვებლო მისიისთვის ემზადებიან, რომლის მიზანია სამართლიანი არჩევნების ხელშეწყობა და ქართველი ამომრჩევლების ხმების დაცვა. ორგანიზაციების დამკვირვებლები არჩევნებს დააკვირდებიან როგორც საქართველოში, ასევე უცხოეთში გახსნილ უბნებშიც.  კოალიცია საზოგადოებას აწვდიან ინფორმაციას ამ დრომდე სადამკვირვებლო მისიის მიერ გაწეული საქმიანობის შესახებ.  სრულად...  წყარო: სამოქალაქო საზოგადოების ფონდი