თბილისი. კამპანიაში „ეს შენ გეხება – ისევ გვისმენენ" გაერთიანებული არასამთავრობო ორგანიზაციები მიუღებლად მიიჩნევენ პარლამენტის იურიდიულ საკითხთა კომიტეტის ინიციატივას „რომელიც ... ფარულ მოსმენებთან დაკავშირებულ საკანონმდებლო ცვლილებებზე მომუშავე ჯგუფის მუშაობის 2015 წლის აპრილამდე გაგრძელებას ითვალისწინებს. გადავადების საფუძვლად ჯგუფის მიერ ფარული თვალთვალის და მიყურადების სისტემასთან დაკავშირებით საბოლოო გადაწყვეტილების მიუღებლობა სახელდება, თუმცა, ასეთი გადაწყვეტილების მისაღებად სხდომა  არ მოწვეულა...", ნათქვამია საერთაშორისო გამჭვირვალობა საქართველოს ვებგვერდზე.  კამპანიის წევრები მოუწოდებენ „...საქართველოს პარლამენტს, არ დაუჭიროს მხარი თარიღის გადაწევის შესახებ ინიციატივას ..."

წყარო: transparency.ge