ქართული ბიბლიოთეკის პრეზენტაცია აზერბაიჯანულ სკოლაში
ქვემო ქართლი. 23 ოქტომბერს სოფელ ძველ ქვეშის აზერბაიჯანულ სკოლაში ქართული ბიბლიოთეკის პრეზენტაცია გაიმართა. ქართული ბიბლიოთეკა უკვე 4 თვეა ფუნქციონირებს, ბიბლიოთეკის სამკითხველო დარბაზში ქართული ენის გაკვეთილები ტარდება. სკოლის ადმინისტრაციამ, პროექტის ხელშეწყობის მიზნით დამატებით შეიძინა ქართული წიგნები.
პრეზენტაციაზე ბიბლიოთეკას ეწვივნენ მეზობელი აზერბაიჯანული სკოლების მოსწავლეები და პედაგოგები, რომლებმაც გაიზიარეს თანატოლთა გამოცდილება. პრეზენტაციას ასევე ესწრებოდნენ ადგილობრივი მუნიციპალიტეტის თვითმმართველობის წარმომადგენლები.
ქართული ბიბლიოთეკა სამოქალაქო განათლებისა და პედაგოგთა გადამზადების პროგრამის მცირე გრანტის პროექტის ფარგლებში გაიხსნა.
წყარო: civics.ge
