თბილისი. 25 ნოემბერს გაეროს ქალთა ორგანიზაციის He For She კამპანიის ფარგლებში შეხვედრა გაიმართა. აღნიშნული კამპანია 20 სექტემბერს ნიუ-იორკში გაეროს კეთილი ნების ელჩმა ემა უოტსონმა გახსნა. HeForShe კამპანია თანასწორობის მისაღწევად მამაკაცებსა და ბიჭებს რთავს სოლიდარობის მოძრაობაში. შეხვედრაზე, წერილობითი პირობის დადებით აშშ-ს ელჩი ნორლანდი და პარლამენტის თავმჯდომარე დავით უსუფაშვილი შეუერთდნენ HeForShe კამპანიას პრეზიდენტ ობამასთან, გაეროს გენერალურ მდივან პან გი მუნთან და 194,000 მამაკაცთან ერთად მთელ მსოფლიოში. დღემდე საქართველოდან 153 მამაკაცი დარეგისტრირდა.

წყარო: აშშ-ს საელჩოს გვერდი სოციალურ ქსელში‪