თბილისი. 28 ნოემბერს, საერთაშორისო ორგანიზაციის „ციხის საერთაშორისო რეფორმის" ინიციატივით გაიმართა დისკუსია - „პატიმარ ქალთა მდგომარეობა საქართველოში". დისკუსიისას განიხილეს საპატიმრო ადგილებში პატიმარ ქალთა უფლებების მდგომარეობა, გამოწვევები დღევანდელ და გასული რამდენიმე წლის კონტექსტში, პატიმარ ქალთა ჯანდაცვის, დისკრიმინაციისგან დაცვის და მართლმსაჯულების ხელმისაწვდომობის უზრუნველყოფა. დისკუსიაში მონაწილეობდნენ: ინგა სარჯველაძე- სასჯელაღსრულების დაწესებულების სოციალური სამსახურის სამმართველოს უფროსის მოადგილე; ირინა გაბუნია - „ციხის საერთაშორისო რეფორმის" წარმომადგენელი; მანანა ფურცხვანიძე - „ძალადობისგან დაცვის ეროვნული ქსელის" წარმომადგენელი; ანა არგანაშვილი - „პარტნიორობა ადამიანის უფლებებისთვის" წარმომადგენელი;.
წყარო: ორგანიზაციის გვერდი სოციალურ ქსელში