კახეთი. 10 დეკემბერს, საიას თელავის ოფისში კვლევის ,,საქართველოს შრომის კანონმდებლობის ანალიზი - დასაქმების ადგილზე სქესის ნიშნის მიხედვით დისკრიმინაცია და მისი სამართლებრივი შედეგები" პრეზენტაცია გაიმართა.  კვლევის მიზანს წარმოადგენდა საქართველოს შრომის კანონმდებლობაში იმ საკითხების შესწავლა, რომლებიც დასაქმების ადგილზე სქესის ნიშნის მიხედვით დისკრიმინაციას, ასევე, მის სამართლებრივ შედეგებს უკავშირდება. მარეხ მგალობლიშვილი, საიას იურისტი: ,,კვლევის შედეგად გამოვლინდა, რომ საქართველოს შრომის კოდექსში 2013 წელს განხორციელებული ცვლილებები, დისკრიმინაციის აკრძალვის მხრივ, დასაქმებულის დაცვის სტანდარტების გაუმჯობესების ტენდენციით ხასიათდება, თუმცა მაინც იკვეთება შრომით ურთიერთობებში გენდერული თანასწორობის კუთხით უთანასწორო მოპყრობის საფრთხეები".