სამცხე–ჯავახეთი. 23 დეკემბერს, ახალქალაქის ახალგაზრდული ცენტრის წარმომადგენლები ამავე მუნიციპალიტეტის სოფელ ზაკვის საჯარო სკოლის მოსწავლეებს შეხვდნენ და გენდერულ პრობლემებზე ისაუბრეს.
შეხვედრას უფროსკლასელები ესწრებოდნენ. მათ მონაწილეობა მიიღეს დისკუსიაში, რომელიც საზოგადოებაში ქალის როლს და მის უფლებებს შეეხებოდა. მსგავს შეხვედრებს ახალგაზრდული ცენტრი პერიოდულად სხვა სკოლებშიც მართავს.