თბილისი. საქართველოს ახალგაზრდა კონსტიტუციონალისტთა ასოციაცია საფრანგეთში მომხდარ ტრაგედიასთან დაკავშირებით განცხადებას ავრცელებენ. ორგანიზაცია „მწუხარებას გამოთქვამს საფრანგეთის დედაქალაქში მომხდარ ტრაგედიასთან დაკავშირებით, რომელსაც 12 ადამიანის სიცოცხლე ემსხვერპლა. მიგვაჩნია, რომ ძალიან მნიშვნელოვანია, ერთობლივი ძალებით გაგრძელდეს ბრძოლა ტერორიზმის წინააღმდეგ სამართლებრივი მექანიზმების გაძლიერებისა და ტერორიზმის გამომწვევი მიზეზების აღმოფხვრის გზით. გარდა ამისა, აუცილებელია საერთაშორისო საზოგადოება დადგეს ერთად ისეთი დემოკრატიული ღირებულებების დასაცავად, როგორიც არის სიტყვისა და გამოხატვის თავისუფლება", ნათქვამია განცხადებაში.
სრულად...
წყარო: gyca.ge