კახეთი. მიგრაციის საერთაშორისო ორგანიზაციის (IOM) ორგანიზებითა და საქართველოს განათლებისა და მეცნიერების სამინისტროს მხარდაჭერით, გურჯაანის მუნიციპალიტეტის სოფელ კაჭრეთში არსებულ საზოგადოებრივ კოლეჯ ,,აისში’’ პროფესიული სასწავლებლების ინგლისური ენის პედაგოგებისთვის საინფორმაციო ტიპის შეხვედრები ჩატარდა.
რუსუდან კვირიკაშვილი-გრაჰამი, ტრენერი: „მასწავლებლებმა შეისწავლეს თუ როგორ დაგეგმონ თანამედროვე მეთოდოლოგიის გამოყენებით გაკვეთილები და როგორ გამოიყენონ აპრობირებული ინოვაციები დარგის განსავითარებლად სასწავლო დაწესებულებებში. აღნიშნული შეხვედრები მათთვის ბევრი ახალი ინფორმაციის მიღების კარგი საშუალება აღმოჩნდა".