აჭარა. საიას ბათუმის ფილიალის ოფისში საზოგადოებრივი ორგანიზაციების წარმომადგენლებთან შეხვედრა გაიმართა. იგი პროექტის – „დაცული არჩევანი – ეფექტური თვითმმართველობის გარანტის" – ფარგლებში ჩატარდა. პროექტს ახორციელებს საია და ადგილობრივი დემოკრატიის სააგენტო ფონდ „ღია საზოგადოება – საქართველოს" მხარდაჭერით. შეხვედრის მიზანს წარმოადგენდა დამსწრეთა დამოკიდებულების გამოვლენა თუ რამდენად არიან დაცულნი საჯარო მოხელეები ადგილობრივი თვითმმართველობის კოდექსით განსაზღვრული სამართლებრივი რეგულაციების ფარგლებში და შესაძლებელია თუ არა ალტერნატიული მექანიზმების შემუშავების გზით არსებული მდგომარეობის გაუმჯობესება. აღნიშნული საკითხები აისახება კვლევაში, რომლის პრეზენტაციები და რეკომენდანციების წარდგენა პროექტის მეორე ეტაპზე იგეგმება.