შიდა ქართლი. საზოგადოებრივმა კავშირმა ,, მეგობრობის ხიდი ქართლოსი" გორის და კასპის რაიონში დაიწყო ერთთვიან კამპანია სახელწოდებით - მრავალეთნიკურობა და უმცირესობებისა და ემიგრანტების ინტეგრაცია საქართველოსა და დასავლეთ ევროპის ქვეყნების საზოგადოებებში.
კამპანიის ფარგლებში მოეწყო სამუშაო სემინარი, რომელსაც გორის და კასპის ახალგაზრდული თვითმმართველობის ჯგუფის წევრებთან ერთად ესწრებოდნენ სკოლების უფროსკლასელები და უნივერსიტეტების სტუდენტები.
სემინარის მთავარი ამოცანა იყო ახალგაზრდებს დაენახათ, ის თუ, როგორ ხდება უცხოელების (სხვადასხვა რასის, ეთნიკური და რელიგიური ჯგუფების) ინტეგრაცია, დასაქმება, საზოგადოებაში შერწყმა და საკუთარი იდენტურობის შენარჩუნება დიდ ბრიტანეთსა და იტალიაში. ასევე რა სირთულეებს აწყდებიან ისინი ადგილობრივი საზოგადოებისგან და რისი გადალახვა უწევთ ამ ქვეყნებს ემიგრანტებისა და უცხოელების ინტეგრაციისათვის საკუთარ ქვეყანაში.
წყარო: ორგანიზაციის ვებგვერდი სოციალურ ქსელში