შიდა ქართლი. 25 თებერვალს, საზოგადოებრივმა კავშირმა „მეგობრობის ხიდი ქართლოსი" საქართველოს საბჭოთა ოკუპაციის დღესთან დაკავშირებით გამართა ფილმის ჩვენება და დისკუსია თემაზე „საქართველოს საბჭოთა ოკუპაცია და ქართულ-ოსური ურთიერთობების ისტორია 1921 წლიდან დღემდე".
შეხვედრაზე ახალგაზრდული თვითმმართველობის ჯგუფის წევრებმა და სხვა სტუმრებმა ნახეს დოკუმენტური ფილმი „ქართულ-ოსური სამშვიდობო ექსპრესი", გარდა ამისა მოწვეულმა სტუმარმა, კონფლიქტოლოგმა თემურ არბოლიშვილმა (ორგანიზაცია „ქართულ-ოსური სამოქალაქო ფორუმის ხელმძღვანელი) ისაუბრა საბჭოთა ოკუპაციაზე.
მოხსენების შემდეგ გაიმართა დისკუსია.
წყარო: მეგობრობის ხიდი ქართლოსი