თბილისი. კოალიციამ ,,მედიის ადვოკატირებისთვის” და აღმოსავლეთ პარტნიორობის სამოქალაქო საზოგადოების ფორუმის ეროვნული პლატფორმის მედიის ქვეჯგუფის წევრმა ორგანიზაციებმა განცხადება გაავრცელეს. ისინი საქართველოს ეკონომიკისა და მდგრადი განვითარების მინისტრს, საქართველოს კომუნიკაციების ეროვნული კომისიის თავმჯდომარეს მაუწყებლობის შესახებ კანონში ცვლილებების პროექტთან დაკავშირებით შენიშვნები წარუდგინეს: „ვითვალისწინებთ რა, რომ ციფრულ მაუწყებლობაზე გადასვლასთან დაკავშირებით, შემჭიდროვებულ ვადებში გახდა აუცილებელი განხორციელდეს ცვლილებები მაუწყებლობის შესახებ კანონში, მივიჩნევთ, რომ დაჩქარებული წესით უნდა შეიცვალოს მაუწყებლობის შესახებ კანონის მხოლოდ ის მუხლები, რომლებიც არათავსებადია სახელმწიფო სტრატეგიით განსაზღვრულ ციფრულ სამაუწყებლო პლატფორმასთან. კანონის ძირეული ცვლილება კი, რომელიც მათ შორის ასახავს სხვადასხვა სამაუწყებლო პლატფორმის მიმართ განსხვავებული რეგულირების წესებს, უნდა განხორციელდეს სათანადო კვლევების, დაინტერესებული მხარეებისა და ექსპერტების (მათ შორის უცხოელი) ჩართულობითა და საჯარო განხილვებით”.
სრულად...
წყარო: www.media.ge