თბილისი. ინფორმაციის თავისუფლების განვითარების ინსტიტუტმა საქართველოს ეროვნულ საინვესტიციო სააგენტოს მიმართა 2014 წელს პოტენციურ ინვესტორებთან გამართული მოლაპარაკებების და შედეგების შესახებ ინფორმაციის მოთხოვნით.
როგორც სააგენტოდან მიღებული დოკუმენტაციით ირკვევა „ სააგენტოს თანამშრომლები თვეში საშუალოდ 70 შეხვედრას მართავენ ინვესტორ კომპანიის წარმომადგენლებთან, მათ შორის ბიზნეს ფორუმებზე, ვიზიტის ფარგლებში და ა.შ. თუმცა როგორც სააგენტოს მიერ არის განმარტებული აღნიშნულ შეხვედრებს შორის მნიშვნელოვანს და შემდგომი პოტენციალის მქონეს ყოველთვიურად საშუალოდ წარმოადგენდა დაახლოებით 7 მათგანი. სულ 2014 წლის განმავლობაში გაიმართა ამგვარი 79 შეხვედრა.
რაც შეეხება აღნიშნული მოლაპარაკებების შედეგად საქართველოში შემოსული ინვესტიციების ოდენობას, როგორც სააგენტო განმარტავს ინვესტორთა მიერ გადაწყვეტილების მიღება დაკავშირებულია გარკვეულ პერიოდთან და შესაბამისად შედეგი აისახება 2015 წელს, ხოლო 2014 წელს საქართველოში ინვესტიციები განახორციელეს იმ კომპანიებმა, რომლებთანაც მოლაპარაკება სააგენტომ აწარმოა 2013 წელს. სააგენტოს უშუალო მონაწილეობით 2014 წელს შემოსულმა პირდაპირმა უცხოურმა ინვესტიციებმა შეადგინა დაახლოებით 91 650 000 აშშ დოლარი", ნათქვამია პუბლიკაციაში.
სრულად...
წყარო: opendata.ge