ახალგაზრდა ადვოკატები მერიასა და სითი პარკს შორის გაფორმებულ ხელშეკრულებაზე
თბილისი. არასამთავრობო ორგანიზაციამ „ახალგაზრდა ადვოკატებმა" ბრიფინგი გამართეს და თბილისის მერიასა და კომპანია სითი პარკს შორის, 2007 წლის 7 დეკემბერს გაფორმებულ ხელშეკრულებაზე ისაუბრეს.
ორგანიზაცია მიმართავს დედაქალაქის თვითმმართველობას, უზრუნველყოს თბილისის მერიასა და კომპანია სითი პარკს შორის გაფორმებული ხელშეკრულების სამართლებრივი ექსპერტიზა. ამასთან, „ახალგაზრდა ადვოკატები" ეხმაურება წინადადებას, რომლის მიხედვითაც, შესაძლებელია „დედაქალაქში საქმიანობა სითი პარკის ალტერნატიულმა კომპანიამ დაიწყოს და მიიჩნევს, რომ ინიციატივა ახალი რისკების და სირთულეების მომტანი შეიძლება აღმოჩნდეს მოქალაქეებისათვის, თუკი არ იქნება საკითხის ეკონომიკური და სამართლებრივი მხარე ობიექტურად დასაბუთებული".
წყარო: barristers.ge
