თბილისი. „განმანათლებლობა საქართველოში: იდეები და მოღვაწეები" – ასე ჰქვია პროექტს, რომელსაც ფონდ „ღია საზოგადოება – საქართველოს" ფინანსური მხარდაჭერით კავშირი „ქალების ინიციატივა თანასწორობისთვის" ახორციელებს. აღნიშნული პროექტის ფარგლებში თსუ–ში გაიმართა გამოფენა, სადაც ასამდე განმანათლებლის ფოტო იყო გამოფენილი.
პროექტის ფარგლებში შეიქმნა ვებგვერდი, რომელიც განმანათლებლების შესახებ აცნობს მკითხველს ინფორმაციას.
პროექტის განმახორციელებელთა თქმით, ქართველი და უცხოელი განმანათლებლების შემოქმედება საქართველოს დასავლეთისკენ ისტორიულ სწრაფვას ადასტურებს და პროექტის მთავარი მიზანიც სწორედ ბოლო ორი საუკუნის მანძილზე არსებული ქართულ-ევროპული დიალოგის წარმოჩენა-პოპულარიზაცია და იმის ხაზგასმაა, რომ საქართველო ისტორიულად იზიარებდა დემოკრატიულ და ლიბერალურ ღირებულებებს.
განმანათლებლობა საქართველოში: იდეები და მოღვაწეობა...
წყარო: liberali.ge