თბილისი. ინფორმაციის თავისუფლების განვითარების ინსტიტუტი საგარეო საქმეთა სამინისტროდან გამოთხოვილ ინფორმაციაზე დაყრდნობით აქვეყნებს 23 ქვეყანაში საკონსულოების მონაცემებს.

„საქართველოს საგარეო საქმეთა სამინისტროდან აღნიშნული ქვეყნების მაგალითზე მოწოდებული ინფორმაციის მიხედვით 2010-2014 წლებში საზღვარგარეთ ჩადენილ სამართალდარღვევათა გამო დაკავებულია 3 715 საქართველოს მოქალაქე. აღსანიშნავია ის ფაქტი, რომ 2013 წლამდე ყოველწლიურად შეინიშნება დაკავებულთა რაოდენობის მზარდი ტენდენცია. 2013 წელს 2010 წელთან შედარებით დაკავებულთა რაოდენობა გასამმაგებულია და შეადგენს 1 178 საქართველოს მოქალაქეს. 2014 წელს აღნიშნული მაჩვენებელი 695 მოქალაქემდე შემცირდა.

2015 წლის პირველი კვარტალის განმავლობაში ზემოთ ჩამოთვლილი ქვეყნების მაგალითზე უკვე დაკავებულია საქართველოს 342 მოქალაქე", ნათქვამია ინსტიტუტის მიერ გამოქვეყნებულ ინფორმაციაში.

წყარო: idfi.ge