ახალციხეში შიდსთან ბრძოლის საერთაშორისო დღე აღინიშნა
სამცხე–ჯავახეთი. 1 დეკემბერს, ახალციხის ახალგაზრდულ ცენტრში, სამოქალაქო განათლებისა და პედაგოგთა გადამზადების პროგრამის ფარგლებში, სამცხე-ჯავახეთის პარტნიორი სკოლების მონაწილეობით შიდსთან ბრძოლის საერთაშორისო დღისადმი მიძღვნილი მრგვალი მაგიდა მოეწყო, სადაც სამოქალაქო კლუბის წევრებმა შიდსის თემაზე ნახატების პრეზენტაცია მოაწყვეს.
პრეზენტაციის შემდეგ, ახალციხის N6 საჯარო სკოლის სამოქალაქო კლუბის მიერ აივ-ინფექციის გადადების გზებზე შექმნილი ვიდეო რგოლის ჩვენება მოეწყო, ასევე გაიმართა მსჯელობა თემის ირგვლივ.
შიდსის საერთაშორისო დღისადმი მიძღვნილი ნახატები კვირის ბოლომდე გამოფენილი იქნება ახალციხის ახალგაზრდულ ცენტრში, შემდეგ აირჩევა 3 საუკეთესო ნახატი და დაჯილდოვდებიან ავტორები.
