ევროპის საბჭოს წარმომადგენლები ყვარელში
კახეთი. ევროპის საბჭოს წარმომადგენლები ყვარლის მუნიციპალიტეტში მცხოვრებ ოსურ, ხუნძურ და უდიურ ენებზე მოსაუბრე მოსახლეობასთან შეხვედრა გამართეს.
ეთნიკური უმცირესობების წარმომადგენლებს საშუალება მიეცათ მათი ენების ამჟამინდელ მდგომარეობასა და განვითარების საკითხებზე ესაუბრათ.
შეხვედრაზე ისაუბრეს ადგილობრივი ტურიზმის განვითარების ხელშეწყობაზეც.
ევროპის საბჭოს წარმომადგენლებმა შეხვედრისას დამსწრეებს მიაწოდეს ინფორმაცია იმის თაობაზე, თუ როგორ დაეხმარებათ მათ ქარტია ოსურ, ხუნძურ და უდიურ ენებზე მოსაუბრე მოსახლეობას აღნიშნული ენების დაცვაში.
