აჭარა. 31 ივლისს, პერსონალური მონაცემების დაცვის საკითხებზე ბათუმში საინფორმაციო ტიპის შეხვედრა გაიმართა. არასამთავრობო ორგანიზაციების წევრებს პერსონალური მონაცემების დაცვის ინსპექტორის აპარატის წარმომადგენლები შეხვდნენ. ისაუბრეს მოქალაქეების უფლებებისა და პირადი მონაცემების დაცვის მნიშვნელობაზე. მათი განცხადებით, მიმდინარე წელს მოსახლეობის მიმართვიანობა გაორმაგდა. პერსონალური მონაცემების დაცვის ინსპექტორის აპარატი 2 წლის წინ შეიქმნა. კანონის თანახმად, ინსპექტორი ზედამხედველობს პერსონალურ მონაცემთა დაცვის კანონმდებლობის შესრულებას და ახორციელებს მონაცემების დამუშავების კონტროლს.