აჭარა. 15 სექტემბერს, ბათუმის დემოკრატიული ჩართულობის ცენტრში სემინარი-დისკუსია გაიმართა. განიხილეს ასოცირების შეთანხმება, ევროკავშირთან უვიზო მიმოსვლის პერსპექტივები და რეფორმები სოფლის მეურნების დარგში. შეხვედრის მიზანი ევროინტეგრაციის პროცესსა და მის წინაშე არსებული გამოწვევების შესახებ საზოგადოების მეტი ინფორმირებულობაა. მოხსენებები ექსპერტებთან ერთად არასამთავრობო ორგანიზაციების ხელმძღვანელებმა წარადგინეს. სემინარის მონაწილეებს ფილმი „მოგზაურობა ევროპაში" უჩვენეს. სემინარი აღმოსავლეთ-დასავლეთის მართვის ინსტიტუტისა და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის ორგანიზებით მოეწყო. საინფორმაციო შეხვედრები ბათუმით დაიწყო და ქვეყნის რამდენიმე ქალაქს მოიცავს.