ლანჩხუთის საინფორმაციო ცენტრი ევროპის ტრენინგ ორგანიზაციათა ქსელის წევრი გახდა
გურია. ლანჩხუთის საინფორმაცი ცენტრი ევროპის საბჭოს ქოლგის ქვეშ მყოფი ევროპის ტრენინგ ორგანიზაცია ქსელის (ENTO) სრულუფლებიანი წევრი გახდა. წევრობის სურვილის შესახებ ლანჩხუთის საინფორმაციო ცენტრმა რამდენიმე ხნის წინათ მიმართა შესაბამის სტრუქტურას.
ENTO-ს გენერალურმა ანსამბლეამ, რომელიც 2012 წლის 16 ნოემბერს, პარიზში გაიმართა, ორგანიზაცია მუდმივ წევრად მიიღო. „მოხარული ვართ, თქვენი ორგანიზაცია შემოუერთდა ENTO-ს, სადაც ასევე გაერთიანებული არიან სხვა ევროპული ქვეყნების ტრენინგ ორგანიზაციები. მჯერა, რომ თქვენი ორგანიზაციის წევრობა წვლილს შეიტანს ჩვენს ერთობლივ სამომავლო საქმიანობაში", – აღნიშნულია წერილში, რომელიც ორგანიზაციათა ქსელის პრეზიდენტმა ბორის ბაკოტამ ლანჩხუთის საინფორმაციო ცენტრს გამოუგზავნა.
